نفسك تكون مجنون؟

[زهراء]

صدقينى المجانين فى نعيم
طبعا مصد قه يا دوك لان واضح ان حضرتك ادرى
لان التجربه خير دليل
اصلك ماعاشرتيش مجانين
واضح ان عيشه المجانين عجبه حضرتك جدا
]

[Alaa_Resala]

الموضوع للنقاش بس ياخوانا مش للخناق:d

كل واحد بينظر له من زاوية

أعتقد فى النهاية ان لكل من العقل والجنون مزاياه ومساوئه

بس كان عندنا مدرس زمان واحنا صغيرين بيقولنا ان كل واحد بياخد نسبة 100% من النعم

يعني اللى ياخد نسبة أكبر من الجمال ياخد نسبة اقل فى الذكاء ياخد نسبة معينة فى الاجتماعيات وحب الناس وهكذا

بس فى النهاية كله بيبقى واخد 100%

حتى المجنون برده اخد نسبة قليلة جدا من العقل بس أكيد ربنا اداله نسب أكبر فى نعم تانية

سبحان الله

مشكورين يا دكاترة على ردودكم

[dreamy girl]

بصراحه المجانين فعلا في نعمه بس انا عن نفسي بحمد ربنا اني كده وطب ليه هنروح لبعيد انا حاسة نفسي اني لما اخلص الكلية هبقى مجنونة ميه في المية والاعراض بدات تظهر من دلوقتي مهي كلية الصيدلة مش هتسكت الا متجيب للواحد الجنان الرسمي من عمايلها معانا

[B@Ssma]

الصراحه عمرى مافكرت مثلا انى لو اتحطيت ف موقف صعب او تعبت من كتر التفكير
و اتمنى انى اكون مجنونه

وبرده عمرى ماهتمنى حاجة زى دى وربنا يبعد الجنان عننا كلنا

[أمــ هـنـد ــة الله]

بجد موضوع جميييل وانا من قبل حتى ما اشوف الردود اتكون الرد ف ذهنى
لانى شوفت نموذج ...عند بيت جدو فيه بنت مش طبيعية مش دريانه بأى حاجه
بجد بتصعب عليا جدا كل لما امشى من ادام البيت بس تصدقو انى حطيت نفسى مكانها
وقولت انا الدنيا دى مش لازمانى ف حاجه وجيت اعمل مقارنة بينى وبينها
لقيت انى هتحاسب وهيا لأ ....طبعا التفكير اللى ورد ف ذهنى تفكير مؤقت
والحمد لله على نعمة العقل بس العقل اللى بيوصلنا للطريق الصح
شكرا يا دكتورة على الموضوع

[SaFroOoOTA]

لا طبعا مش كل المجانين فى نعيم طب انا هقولكو على حاجه انتو مش بتشوفوا المجانين اللى بيكونوا جنونهم ممكن يؤذوا نفسهم ويموتوا منتحرين ولا حاجه ولا الناس بقه اللى بتتعالج بصدمات الكهربا يعنى ناس اخر مزاج لا انا كده كويسه وتمام اوى الموضوع مش ناقص وبعدىن يا دكتور الاء انتى مستعجله على الجنون ليه ماهو جاى كده كده طول ما انتى فى الكليه

[Lost * Dreams]

فعلا الحمد لله على اجمل نعمه ربنا ادهالنا
وميزنا بيها عن باقى المخلوقات....العقل طبعا
بس والله فى الدنيادى محتاجه المجنون
انا عن نفسى ساعات ببقى هبله فى تصروفاتى
وكتير بيقلولى يامجنونه ..انا بحب جنون الحياه

[violet]

اولا احب اشكرك يادكتوره على الموضوع الجميل ده اللى شدنى فعلا
لا طبعا عمرى ماخطر ببالى ولو للحظه انى ابقى مجنونه حتى ولو عندى مشكله جامده بالعكس بحاول افكر احلها ولو محصلش ببصبر على ابتلاء ربنا
وبالعكس العقل ده نعمه جميله جدا ميز الله بها الانسان
لانا لو فقدنا عقلنا مش هيبقى فى اى فرق بينا وبين المخلوقات الاخرى
وفاقد العقل ده لانفع فيه ولا ينتفع به بل هو عاله على اهله ومجتمعه
وممكن الانسان ينال رضا ربنا باطاعه اوامره والقرب منه لكن مش شرط انى اتمنى انى ابقى مجنونه عشان ادخل الجنه
لا ابدا الحمد لله على نعمة العقل اللى ربنا وهبهالنا وجعلنا نتدبر بها حكمته فى اوامر الدين
وكفايه علينا اوى المتعه فى اكتشاف قدرة الله فى كل شئ حولنا
الف شكر يادكتوره للمره التانيه على الموضوع الجميل ده
واسفه للاطاله وتقبلى مرورى

[Mohamed Al Gohary]

والاخره كمان لانه مرفوع عنه القلم
يابخته

دى الحاجه الوحيده اللى تخلينى اقول يا بختهم

[NonY]

بصراحة عمرى ما فكرت و لا اتمنيت كدا
و فعلا ميزتهم الوحيدة انهم مرفوع عنهم القلم

بس بردو .. يا رب حافظلى على عقلى و خليه سبب انى أدخل الجنة
و شكرا يا دوك ع الموضوع الجديد دا : )