تابع صيدلانيات

[tamtam50]

تعريف بمادة الصيدلانيات – سنة أولى
أساتذة المادة :
أساسيين : د.عبد المنعم , د.حمدي عبد العليم , د. حسن الصباغ
وقد يتم شرح أحد أجزاء مناهجهم بالتبديل مع :
د.رحاب أو د. إرهان أو د.مروة
وذلك حسب خطة القسم المقررة بالنسبة لكل عام دراسي
أولاً : جزء د.عبد المنعم
يبدأ جزء د. عبد المنعم بشرح الروشتات الطبية
Prescriptions
والروشتة الطبية , تعريفها هو أمر صرف دوائي , بيكتبه شخص متخصص زي الطبيب , وبتحتوي الروشتة على دواء معين , يتم صرفه عن طريق الصيدلي ,. لمريض معين , بجرعات معينة , في أوقات معينة وذلك لعلاج مرض معين .
ولاحظوا إن كلمة ( معين ومعينة ) اتكررت كذا مرة , علشان كده الروشتات احياناً بنسميها بالعربي " جملة المعينات "
في جزء الروشتات هندرس التعريف طبعاً , زائد الأجزاء المكونة للروشتة , يعني مثلاً اسم الطبيب + عنوانه + تاريخ كتابة الروشتة + اسم المريض وسنه .... الخ انتهاءً بتوقيع الطبيب في نهاية الروشتة
وهناخد فكرة عن أنواع الروشتات المخصصة لنزلاء المستشفيات , والمخصصة لمرضى العيادات اللي بيكشفوا ويروحوا من غير مبيت . وطبعاً كل واحد من دول الروشتة بتاعته بتكون لها نظام معين .
وجزء الروشتات ده هيدخل معانا كمان في العملي , أو بالأصح , هو يعتبر أساس شغل العملي , لأن جزء العملي باختصار هو عبارة عن مجموعة من الروشتات , بتحتوي على تركيب أدوية معينة , والمطلوب منكم تحضيرها بكيفية معينة هانعرفها كلاً في وقته إن شاء الله .
لكن في جزء العملي , اللي هيزيد عندنا عن حزء النظري , هو دراستنا لوحدات القياس , والاختصارات المستخدمة في كتابة الروشتة .
يعني ايه الكلام ده ؟
ناخدها كده واحدة واحدة
بالنسبة لوحدات القياس , انتوا طبعاً عارفين المللي أو الليتر كوحدة قياس للحجم ... والمليجرام , والجرام والكيلوجرام كوحدة قياس للوزن
أحيانا الروشتة بقى بتببقى المكونات بتاعتها نازلة بوحدات تانية ...
يعني بدل ما يقولك مثلاً مثلاً خد اتنين جرام من المادة الفلانية , ودوبها في عشرة ملي من الماء .
يقولك خد كذا جرين من المادة ودبها في كذا فلوود أونز من الماء
والـ
Grain - fluid ounze
دول برضه وحدات قياس , لكن ب سيستم قياس مختلف , فهانعرف ازاي نحول الوحدات دي إلى الوحدات المعروفة , اللي متعودين عليها ( اللي هي الجرام .. الملي ...الخ ) علشان نقدر نقسيها بالأدوات اللي معانا ونشتغل بيها
بالنسبة للاختصارات اللي كمان بتبقى موجودة في الروشتة , هقولكم مثال بسيط قوي , ... يعني مثلاً لو الطبيب عاوز الصيدلي يكتب للمريض على علبة الدواء إنه هاياخد الدوا مرتين يومياً , يقوم الطبيب بدل ما يكتب في الروشتة
Two times daily
يكتب :
b.i.d
وانت كصيدلي , طبعاً مهمتك إنك من خلال معرفتك بمعاني اختصارات الروشتة , تترجم الاختصار ده " بي آي دي " , وتكتب للمريض : يؤخذ الدواء مرتين يومياً ...لأن طبعاً لو انت كتبتها للمريض بي أي دي زي ما هي كده , عمره ما هيفهمها ...
كمان هندرس الأرقام الرومانية , اللي بتسخدم أحياناًُ بدل الأرقام العادية في الروشتات , وبعض الأرقام دي مرت عليكم , لكن هندرسها بالتفصيل الكامل , ونعرف إزاي نقرأها ..
ناخد على سبيل المثال
I = 1
II =2
III =3
IV = 4
V =5
VI = 6
etc....
يبقى احنا كده فهمنا إن في جزء العملي هندرس كيفية فك الرموز والشفرات والاختصارات اللي بتسخدم في الروشتات , علشان نقدر نحضرها , ونقدمها للمريض , ونوضح له كيفية تعاطي وتناول الدواء بشكل سليم , ... والعملية دي مهمة جداً ودقيقة جداً لأن أي غلطة في تفسير الاختصارات أو الأرقام .. او .. أو .. ممكن تسبب مشكلة للمريض ....

يتبع إن شاء الله ...
دكتور

Mohammed Abd El-Hafeez Shehabeldin

[مسلمه]

جزاكم الله خيراااااااااااااااااااااااااااااااااا

[مصرية وافتخر]

جزاكم الله خيرا يادكتور مفيش اخبار ياحضراتكم عن الجداول؟؟؟

[chemist girl]

جزاك الله خيرا يا دوكتور

[a7med.gamal]

Thanks
جزاكي الله خيراً

[*asmaa*]

جزاكم الله خيرا ونفع بكم وبارك فيكم

[Mohamed7755]

جزاكم الله خيرا

الجدول لحد الوقتي لسه منزلش

[Mona M.ELSAID]

جزاكم الله خيرا