دفعـة 2012

[dr-aya]

سلام عليكم جميعاً
قصيدة التخرج إهداء لدفعتى الحبيبة .. دفعة 2012 ..
لكل من عرفتهم فيها دقة فى قلبى لن أنساها أبداً




....



....

شمال ف يمين
و لا عارفين ..
نزود خطوتين قدام
و مش قادريين كدا نِهدى ..
و لا بنفوق ..
عشــان للمرمطــة أحكــام
و ست الكل دى ملكــة
و مدة حكمهــا خمســة .. بدون تزوير
و لو كان اللى فات كله
دا يستاهل ميدان واحد
فدى عايزة متين تحريـــر
عشان تدخل إطار الكون
لكن برضه دا كله يهون
و أنا واقفة ف أول صــف
و شايفة البالونـات بتطيــر
و أنا من غير ... مابستأذن
بأكون طايرة كدا معاها
و يحفظنــا فلاش تايه من الكاميرات
و تبقى الصورة جواها
تفكرنا كدا دايمــاً
بأجمل لحظــة عشناها
و أول يوم ....
تلاقى السيدة الوالدة .. تقوم ترقيك
عشــان معاليك ...
كدا نازل ..
تلاقى مصيرك المحتوم
و مش معلوم ..
و لا مضمون ...
كدا رجوعك
و شايل بالطـــو من نوعك
كدا شبهك عشان أبيض
و أول يوم ...
تكون هيبة ...
صبى بقال .. مع العمال
و قلنا الشغــل مش عيبة
و بكرة جاى هتتعـــدل
و بكره يسلمــه لبعده
و نفس الحال .. مايتبــدل
و أنا بضحــك ...
على بكرة ...
على بعده ...
و ع الأيام ...
ف قلبى ســلام
يقوللى إنى يوم هوصل
لأرض النور
و أنا المغلوب على أمرى
و أنا المسحور
و أنا الورد اللى طارح فى الأراضى البور
و أنا اللى وصلْــت ويَّــاها حبال الود
و أنا اللى بجد ...
أستاهل أكون دكتور ....


......



......
هتوحشونى بجـــد
بالتوفيق لينا كلنـــــــــــــا يااااااااااااااارب

[a7med.gamal]

ياترى فرحانين ان خلاص تقريباً خلصت دراسة وهتبدأ تشوف شغلك ومستقبلك

ولا زعلان علشان هتسيب الكلية الجميلة دي

يا تري ايه شعور خريج 2012 ؟!

[rose smile]

ربنا يسامحك خلتينى ادمع
انا بحب الدفعه دى اوى واغلب صحابى كانو منها
هتوحشونى ياايه
ويارب هون عليا لما اوصل رابعه فراق دفعتى

[dr-aya]

ياترى فرحانين ان خلاص تقريباً خلصت دراسة وهتبدأ تشوف شغلك ومستقبلك

ولا زعلان علشان هتسيب الكلية الجميلة دي

يا تري ايه شعور خريج 2012 ؟!

الشعور مختلط الحقيقة ...
هو أقرب لأنها تكون صدمة و لكن متوقعة ..
أو حاجة معروفة و مش معروفة فى نفس ذات الوقت
الكلية كانت مريحة جداً و ليها خطوط عريضة معروفة و دا الشئ اللى شبه مفتقدينه حالياً و هنتعب شوية لحد ما نبدأ نحط خطوط واضحة للمستقبل اللى جاى ربنا يسهل
و الشئ بقى اللى مش هيتعوض و هو سر القلب الضاحك الباكى جوانا دلوقتى ..
هما الناس اللى اتعرفنا عليهم فى الخمس سنين دول ...
هما دول لغز الألم الحقيقى دلوقتى ....
ربنا يوفقنا جميعاً ياااااارب فى كل السكك اللى بقينا فيها و نتجمع دايماً على خير إن شاء الله
بجد نصيحة للناس كلها استمتعوا بكل لحظة و كل ثانية فى الكلية دى لأنها فترة بجد ذات مذاق خاص

.....

ربنا يسامحك خلتينى ادمع
انا بحب الدفعه دى اوى واغلب صحابى كانو منها
هتوحشونى ياايه
ويارب هون عليا لما اوصل رابعه فراق دفعتى

الفراق حاجة صعبة بجد لكن دى سنة الحياة .. حاجة ملناش تدخل فيها .. بس المهم ميكونش نتيجة تقصير مننا بس ...
Enjoy ur self as must as u can
miss u honey

[white light]

روعه بجد تسلم اديكى

مبسوطه انى شفتك يوم الحفله هتوحشنى وحتوحشنى ضحكتك يا يويو

الحمد لله

ربنا يوفقنا جميعا فى حياتنا الجايه ان شاء الله

---------- Post added at 10:49 PM ---------- Previous post was at 10:42 PM ----------

ياترى فرحانين ان خلاص تقريباً خلصت دراسة وهتبدأ تشوف شغلك ومستقبلك

ولا زعلان علشان هتسيب الكلية الجميلة دي

يا تري ايه شعور خريج 2012 ؟!

زعلانه وفرحانه فى نفس الوقت

زعلانه ان اجمل ايام قضتها فى الكليه خلصوا وانى معتش هشوف اصحابى

ولله كل حاجه فى الكليه من المدرجات والسكاشن والمسجد وكل مكان فى الكليه هيوشحنى

بس دى سنه الحياه

وفرحانه انى اتخرجت وبقيت دكتوره واهلى فرحوا بيا الحمد لله

[A.Elrayes]

جميلة اوي يا دكتورة ايه وفيها احاسيس متناقضه ومشاعر تطلعك فوووووق وتخبطك علي دماغك
يا ريت لو تسجليلها القاء بصوتك وترفعيلنا الالقاء لان انا سمعت لحضرتك حاجات تحفة واتمني اسمعها من حضرتك
جميلة بجد

[M.Hegazy]

جميلة و فوق الوصف ,, و كل شعور و إحساس فيها وصل لأنه طالع بصدق .. ^_^

تسلم الأيادي ,, و ألف مليون مبروك التخرج .. ^_^



-mh

[محمد فهمي]

زي ماقلتي يادوك آية.. حزينة وسعيدة.. وحالياً مشاعرنا كده فيها حنين ومتشبعة بألم الفراق.. مش عارف الحقيقة نقول ايه..تسلمي يادوك.. ومبروك علينا التخرج برده برغم الحزن اللي جوانا من الفراق.. وشيء صعب الحقيقة.. بس الحمد لله ودي فعلا سنة الحياة.. ونوقف شوية اللحن الحزين..ونشغل لحن الزغرودة.. ونقول مليوووووووووووووون مبروك لينا علي التخرج.. وإن شاء الله اللي جاي أحسن وأحسن
واللي فاكر إنه مش هيتخرج.. لأ ياجميل هتتخرج بإذن الله.. فاستمتع بوقتك واطلع من الكلية بتقدير حلو كده..وكده يبقي ضربت عصفورين بحجر واحد ومسيرك ياللي متخرجتش هتقف وقفتنا دي وهتحس بنفس الأحاسيس
تحية خاصة لزملائي واخوتي في دفعة 2012 ..والله أحبكم في الله وأتمني التوفيق ليكم ويسعدك يارب

[DR.BIBO]

بجد يا ايه انتى وصفتى احساسنا بجمال أوى فعلا زى ماتحسى اننا كنا عايزين ناخد مليوووووووووون الف صورة عشان تبقى ذكرى لليوم ده عشان لما نشوفها بعد كده نفتكر ذكريات عمر بحاله خمس سنين من عمرنا عدو علينا كده فجأة من غير ماناخد بالنا صحيح كانو ماليانين امتحانات وسكاشن وحاجات كتير صعبه بس كانت متغلفة بروح احلى أصحاب وأرق وأحن قلوب دفتنا وهونت علينا السنين ديه ودلوقتى احنا لسه بنحبى ومش عارفين رايحين فين زى مانكون بنبتدى من جديد بس على حياة مختلفة خالث عن كل سنين عمرنا
لكل أصحابى وأخواتى وزمايلى دفعة 2012 بحبكو كلكو جدا ياأحلى دفعه وأحلى ناس هتوحشونى أوى

[dr-aya]

روعه بجد تسلم اديكى

مبسوطه انى شفتك يوم الحفله هتوحشنى وحتوحشنى ضحكتك يا يويو

الحمد لله

ربنا يوفقنا جميعا فى حياتنا الجايه ان شاء الله

---------- Post added at 10:49 PM ---------- Previous post was at 10:42 PM ----------

حبيبى يا زوز و إنتى و الله هتوحشينى بجد رغم إنك قطعتيلى التكيت بتاعتى إنتى و سارة بس يلاااااااا المسامح كريم
خلى بالك من نفسك و ربنا يوفقك دايماً دايماً يااااااااااااااارب

...........

جميلة اوي يا دكتورة ايه وفيها احاسيس متناقضه ومشاعر تطلعك فوووووق وتخبطك علي دماغك
يا ريت لو تسجليلها القاء بصوتك وترفعيلنا الالقاء لان انا سمعت لحضرتك حاجات تحفة واتمني اسمعها من حضرتك
جميلة بجد

ميرسى جداً جداً ربنا يكرمك يا دكتور ياااااااارب
بس بالنسبة لموضوع التسجيل دا صعب حالياً جداً للأسف ......

..........

جميلة و فوق الوصف ,, و كل شعور و إحساس فيها وصل لأنه طالع بصدق .. ^_^

تسلم الأيادي ,, و ألف مليون مبروك التخرج .. ^_^



-mh

الله يبارك فيك يااااااااااارب
عقبالك يا دكتور يااااااارب و تكتب قصيدة التخرج بتاعتك و تنزلها هنا و أباركلك عليها إن شاء الله لو كنت لسه عايشة
...........

زي ماقلتي يادوك آية.. حزينة وسعيدة.. وحالياً مشاعرنا كده فيها حنين ومتشبعة بألم الفراق.. مش عارف الحقيقة نقول ايه..تسلمي يادوك.. ومبروك علينا التخرج برده برغم الحزن اللي جوانا من الفراق.. وشيء صعب الحقيقة.. بس الحمد لله ودي فعلا سنة الحياة.. ونوقف شوية اللحن الحزين..ونشغل لحن الزغرودة..







ونقول مليوووووووووووووون مبروك لينا علي التخرج.. وإن شاء الله اللي جاي أحسن وأحسن

إن شاء الله

تحية خاصة لزملائي واخوتي في دفعة 2012 ..والله أحبكم في الله وأتمني التوفيق ليكم ويسعدك يارب

بالتوفيق لحضرتك يا دكتور و إن شاء الله نشوفك كاتب كبييييييييييييير كدا و نكون فخورين إننا كنا معاك فى الدفعة


.............

بجد يا ايه انتى وصفتى احساسنا بجمال أوى فعلا زى ماتحسى اننا كنا عايزين ناخد مليوووووووووون الف صورة عشان تبقى ذكرى لليوم ده عشان لما نشوفها بعد كده نفتكر ذكريات عمر بحاله خمس سنين من عمرنا عدو علينا كده فجأة من غير ماناخد بالنا صحيح كانو ماليانين امتحانات وسكاشن وحاجات كتير صعبه بس كانت متغلفة بروح احلى أصحاب وأرق وأحن قلوب دفتنا وهونت علينا السنين ديه ودلوقتى احنا لسه بنحبى ومش عارفين رايحين فين زى مانكون بنبتدى من جديد بس على حياة مختلفة خالث عن كل سنين عمرنا
لكل أصحابى وأخواتى وزمايلى دفعة 2012 بحبكو كلكو جدا ياأحلى دفعه وأحلى ناس هتوحشونى أوى

و الله يا بيبو أنا دمعت من كلامك
إنى أحبكِ فى الله بجد
بالتوفيق ليكى ياااااااااااااارب دايماً دايماً دايماً