لقائي التلفزيوني علي القناة الثانية المصرية :)

[محمد فهمي]

لقائي التلفزيوني علي القناة الثانية المصرية في برنامج يسعد صباحك بتاريخ السبت 28 /7/ 2012

+ YouTube Video

[Abeer Fathi]

منتدى الكليه ع التليفزيون

بالتوفيق يا دكتور

فى انتظار الكتاب بفارغ الصبر

[a7med.gamal]

يا رب من تقدم لتقدم والشباب الجميل ده يشرفنا ويحسسنا ان [ مصر لسه بخير ]

[mido17]

ماشاء الله يامحمد
ربنا يوفقك ويشتهر كتابك على المستوى العربي والعالمي كمان

[dr_orchida]

ماشاء الله
الف مبروك يا دكتور ربنا يوفقك يارب

[dr corundom]

ربنا يوفقك يا دكتور

[same7]

اولا
الف الف مبروك يا مخربش على صدور الكتاب وعلى اول لقاء تليفزيونى

ثانيا وده الاهم بالنسبه ليا
مينفعش تبقى متردد وانت بتتكلم
لازم تبقى عارف مسموحلك تتكلم فى ايه عن كتابك ومش مسموحلك تتكلم فى ايه عشان لما تتسأل تعرف تجاوب بثقه وبخفه دم
لازم قبل ما تروح برنامج تتفرج على كام حلقه للمقدمين للبرنامج ده وتعرف طباعهم ايه وتعرف هتتكلم ازاى وتتعامل ازاى
لازم تبقى واثق من نفسك وتتكلم بثقه اكبر من الثقه اللى ختمت بيها الحلقه
ثقتك زادت فى نهايه الحلقه عن بدايتها بس عايزك تبقى واثق من البدايه
تفصل بدله مش تشترى بدله البدله كانت واسعه عليك
اعتقد السكسوكه مكانتش لطيفه عليك
لازم تحاول قبل ما تطلع على الهوا انك تتكلم مع المقدمين وتعرف الحلقه هتمشى ازاى ولو عرفت الاسئله نفسها مفيش مانع وتحضر اجاباتك زى ما هما محضرين الاسئله ليك
حاول تدير الحلقه بالشكل اللى يفيدك وتمشيها بالسياق اللى انت عايزه على اد ما تقدر
مينفعش كلمه بقه اللى عمال تكررها دى
دى عدم ثقه وده ميصحش من كاتب ان شاء الله هيبقى له اسم كبير
شخصيتك هتحدد ان كان الناس يشتروا الكتاب ولا لا
حاول تتفرج على لقاءات مع كتاب واعرف الاسئله اللى ممكن يتسألوها ايه عشان تبقى فاهم الليله ماشيه ازاى
متتكسفش واسأل الناس اللى حواليك فى المجال ده ايه نظام اللقاءات والردود والاسئله اتعلم وخد الطريق وبعدين زوقه بشخصيتك
وربنا يوفقك فى اللقاء الجاى

[محمد فهمي]

منتدى الكليه ع التليفزيون

بالتوفيق يا دكتور

فى انتظار الكتاب بفارغ الصبر

ههههه ايوه يادوك...بس المنتدي منور بأعضائه
ربنا يخليك ...متشكر..وبالتتوفيق لنا جميعا يارب..وسعيد حقيقي بالإنتظار ده يادوك عبير

-----

يا رب من تقدم لتقدم والشباب الجميل ده يشرفنا ويحسسنا ان [ مصر لسه بخير ]

ربنا يكرمك ياأحمد...وربنا يوفقنا جميعا يارب
نورت

-----

ماشاء الله يامحمد
ربنا يوفقك ويشتهر كتابك على المستوى العربي والعالمي كمان

ربنا يخليك يارب...متشكر جداااااااااا وربنا يوفقنا يارب ومتشكر علي الأمنية الجميلة دي

-----

ماشاء الله
الف مبروك يا دكتور ربنا يوفقك يارب

الله يبارك فيكي يادوك....سعيد بتواجدك..وربنا يوفقنا يارب جميعاً
نورتيني

-----

ربنا يوفقك يا دكتور

ربنا يكرمك يادوك...متشكر جداً..
ونورتي

[محمد فهمي]

اولا
الف الف مبروك يا مخربش على صدور الكتاب وعلى اول لقاء تليفزيونى

الله يبارك فيك ياسامح...تسلم ياحبيبي

ثانيا وده الاهم بالنسبه ليا
مينفعش تبقى متردد وانت بتتكلم
ده مكنش تردد ياسامح..انت تقصد التوضيح والتأكيد علي كلامي...ده تأكيد علي الكلام مش تردد
لازم تبقى عارف مسموحلك تتكلم فى ايه عن كتابك ومش مسموحلك تتكلم فى ايه عشان لما تتسأل تعرف تجاوب بثقه وبخفه دم
مين اللي هيسمح لي!!!...ده بحدد بنفسي وأنا بتكلم..وعلي فكره الكلام طان غير مرتب وكان السؤال بيترد عليه بدون تحضير مسبق وعلي الهوا كمان..انت متخيل !!
لازم قبل ما تروح برنامج تتفرج على كام حلقه للمقدمين للبرنامج ده وتعرف طباعهم ايه وتعرف هتتكلم ازاى وتتعامل ازاى
بالنسبة لكده فأنا تقريباً عملت حاجة زي دي...ولكن كل لقاء بتختلف طبيعته وعلي حسب الحوار بتكون شخصية المذيع..يعني مش لازمة شخصية المذيع تفضل ثابته
لازم تبقى واثق من نفسك وتتكلم بثقه اكبر من الثقه اللى ختمت بيها الحلقه
ثقتك زادت فى نهايه الحلقه عن بدايتها بس عايزك تبقى واثق من البدايه

تمام...بالفعل ثقتي زادت مع الحوار ووصلت لمستوي أعلي في النهايات كده...بس علي فكره ده ميمنعش إن فيه مستوي ثقة كنت بادئ بيه الحوار حتي ولو كان قليل بس كان فيه ثقة وبعد كده زادت ومكنتش أتخيل إن الثقة دي تيجي لي بالشكل ده وعلي الهوا وبدون ترتيب لأي كلام..وكانت ردودي بتخرج تلقائية..
تفصل بدله مش تشترى بدله البدله كانت واسعه عليك

ههههه البدلة أنا مفصلها ياسامح قبل رمضان..ونتجية للصيام والإرهاق برده خسيت شوية فالبدلة ظهرت وكانها واسعة شوية..بس علي فكره هيا مظبوطة وبقولك مفصلها كمان واحساس الوسع ده لأني كنت مريح علي الكنبة..وإن شاء الله ياعم نتملي تاني وترجع البدلة متظبطة آخر حاجة
اعتقد السكسوكه مكانتش لطيفه عليك

سكسوكة!!!.....ايه ده ياعم سامح طيب قولي الكلام ده بيني وبينك طيب....عموماً دي أذواق ومحدش قالي كده ألا انت بالعكس دي عجبت أصدقاء كتير ههههههه انت اللي عندك مشكلة في السكسوكات بقي
لازم تحاول قبل ما تطلع على الهوا انك تتكلم مع المقدمين وتعرف الحلقه هتمشى ازاى ولو عرفت الاسئله نفسها مفيش مانع وتحضر اجاباتك زى ما هما محضرين الاسئله ليك

مكنش متاح قوي أتكلم مع المذيعين.. يادوبك سلمت عليهم..وبالنسبة للأسئلة فحاولت أطلع عليها وبالفعل شوفتها وبعدت مجهزت تصور معين للإجابات..دخلت الحوار واتسألت حاجات تانية خالص..اظاهر كان معاهم نموذجين بقي.. وكمان الحوار أنتج أسئلة جديدة خالص واستفسارات متنوعة من المذيعين..وبالتالي أنا كل ردودي حقيقي كانت مش متحضرة قبلها وكانت بتتطلع تلقائية والحمد لله ربنا وفق يعني...وكانت علي الهوا ياسامح...واخد بالك
حاول تدير الحلقه بالشكل اللى يفيدك وتمشيها بالسياق اللى انت عايزه على اد ما تقدر
مينفعش كلمه بقه اللى عمال تكررها دى
اظبطها في السياق اللي أنا عايزه ده محتاج ترتيب للإجابات وده صعب يتم من أول لقاء وعلي الهوا والكلام مش متحضر...فكويس إني طلعت كلام معقول وفيه شيء من الثقة والثبات..أنا أساساً متخيلتش إني هتكلم كده
بالنسبة للكمة اللي قررتها كتير في الأول فده لأني طنت في الأول ولسه مستوي الثقة معلاش أوي واول سؤال وبقولك تاني كان الكلام غير مجهز في البداية فطبيعي متاخدش بالك من الكلمات المكررة...يكفي إنك بتتكلم بشكل معقول وثابت وخصوصاً في بداية الحوار
دى عدم ثقه وده ميصحش من كاتب ان شاء الله هيبقى له اسم كبير
شخصيتك هتحدد ان كان الناس يشتروا الكتاب ولا لا
حاول تتفرج على لقاءات مع كتاب واعرف الاسئله اللى ممكن يتسألوها ايه عشان تبقى فاهم الليله ماشيه ازاى

بالنسبة للقاءات الكتاب فأنا أساساً الحمد لله شوفت كتير ده مش علشان تحضير للقائي..لأ.. ده من باب الإطلاع والفضول والتعرف علي الكتاب دول...وعلي فكرة اللقاء تم ابلاغي بيه قبلها بأقل من يومين
متتكسفش واسأل الناس اللى حواليك فى المجال ده ايه نظام اللقاءات والردود والاسئله اتعلم وخد الطريق وبعدين زوقه بشخصيتك

أيه رأيك بقي إن الحوار بيفرض نوع الشخصة ...بمعني إنك لو محضر لنظام معين ممكن تدخل اللقاء وتتفرض عليك نظام تاني...بس طبعا التجهيز لأي شيء بيبقي كويس بس فيه تلقائية برده بتتفرض عليك
وربنا يوفقك فى اللقاء الجاى

ربنا يخليك ياسامح...

طبعاً كل كلامك ده واخده بعين لإعتبار وأكيد اتعلمت من اللقاء ده، وكويس إنك برده قلت وجهة نظرك والأخطاء اللي انت شفتها.. علشان ألتفت لأي شيء مكنتش واخد بالي منه....تسلم ياحبيبي

فيه حاجة كنت حابب أقولها برده..إن ظروف اللقاء ده كانت مرهقة بالنسبة ليا...لأني كنت غير مؤهل نفسيا وذهنيا لحاجة زي دي وخصوصاً كان قبلها بيومين حصلت عندي شوية مشاكل كده ولغريب إن حاجة زي دي تيجي بعد أوقات ليست جيدة علي الإطلاق قبلها....وتم ابلاغي يوم الخميس الظهر وسافرت فجر السبت وكنت نمت ساعتين فقط...غير ارهاق السفر والقلق طبعاً والتفكير هقول ايه وكده وعلي الهوا كمان والردود غير مُجهزة..وكمان كنت صايم والمشوار بالنهار...يعني مكنتش أتخيل إن اللقاء يطلع كده حقيقي الحمد لله...ربنا وفق وبدعوات الأصدقاء والأحباب الخالصة...

[Ramy Saad]

تمنياتي بالتوفيق يا دكتور محمد