لحظـــــــات مخطوفة

[eeeman]

السلام عليكم ورحمة الله وبركاته

ساعات أغمض عينى وانا صاحية
وازرع فى أرض خيالى أمنيات
أسقيهــــا بإحساسى
وفى ثانية تطرح الثمرات
فاحس بلذة خيالية ....
ويملانى أمل تايه ولو لحظات

.................

وساعات أشوف فى أحلامى ..
ناس ملهومش فى حياتى وجود
يشاركونى لحظة فرحة مخطوفة ...
من زمن معاده مجاش
وضحكة نفسها من زمان تتعاش
تصحى جوايا احساس بالنشوى كان مفقود

...................................

وفى الآخر ياما الحلم مبيكملش
ياوقت الحلم ميكفيش
وافتّح عينى واتقلب يمين وشمال
على وشى بواقى بسمة مرسومة
وتنهيدة تفكرنى بإنه خيال
ولحظة حزن تملكنى
يمحيها يقينى فى اللى خالقنى ..
بإنه مفيش حلم مُحــــــــــــال

[M.Hegazy]

الله الله الله ..

جميلة جدا يا دوك ما شاء الله .. و خفيفة و موسيقتها جميلة ..

بالإلقاء بقى تبقى حاجة معدية ,,

تسلم الأيادي .. و شرف ليا إني أول واحد يرد على حضرتك ..

^_^

[rose smile]

لايك
ربنا يوفقك

[محمد فهمي]

فقط
هي رائعة..
أمتعتيني..

[DR.BIBO]

ساعات أغمض عينى وانا صاحية
وازرع فى أرض خيالى أمنيات
أسقيهــــا بإحساسى
وفى ثانية تطرح الثمرات
فاحس بلذة خيالية ....
ويملانى أمل تايه ولو لحظات

.................

وساعات أشوف فى أحلامى ..
ناس ملهومش فى حياتى وجود
يشاركونى لحظة فرحة مخطوفة ...
من زمن معاده مجاش
وضحكة نفسها من زمان تتعاش
تصحى جوايا احساس بالنشوى كان مفقود

...................................

وفى الآخر ياما الحلم مبيكملش
ياوقت الحلم ميكفيش
وافتّح عينى واتقلب يمين وشمال
على وشى بواقى بسمة مرسومة
وتنهيدة تفكرنى بإنه خيال
ولحظة حزن تملكنى
يمحيها يقينى فى اللى خالقنى ..
بإنه مفيش حلم مُحــــــــــــال

بجد يا ايمى تحفة والفكرة جميلة جدا
حلو اوى اننا نخرج من الواقع شويه ونخطف ولو لحظات من الفرح والامل اكيد هتساعدنا اننا نكمل حياتنا
حتى لو الحلم مكملش
مبسوطة اوى انك رجعتى تكتبى وجميلة اوى كلماتك واحلى مافيها الفكرة المختلفة اللى انتى حسيتيها بجد فعرفتى تعبرى عنها
مستنية منك حاجات تانيه كتير فى القريب العاجل ان شاء الله

[eeeman]

الله الله الله ..

جميلة جدا يا دوك ما شاء الله .. و خفيفة و موسيقتها جميلة ..

بالإلقاء بقى تبقى حاجة معدية ,,

تسلم الأيادي .. و شرف ليا إني أول واحد يرد على حضرتك ..
الشرف ليا طبعااا...انا فضلت 3 ايام مستنية حد يرد لحد ماكنت هافقد الامل

^_^

شكرا يا دوك ربنا يكرمك مبسوطة جدااااااا انها نالت اعجابك

لايك
ربنا يوفقك

شكـــــرا ياقمر ربنا يكرمك

فقط
هي رائعة..
أمتعتيني..

فقط .. شرفتنى ونورتنى وأسعدتنى

بجد يا ايمى تحفة والفكرة جميلة جدا
حلو اوى اننا نخرج من الواقع شويه ونخطف ولو لحظات من الفرح والامل اكيد هتساعدنا اننا نكمل حياتنا
حتى لو الحلم مكملش
مبسوطة اوى انك رجعتى تكتبى وجميلة اوى كلماتك واحلى مافيها الفكرة المختلفة اللى انتى حسيتيها بجد فعرفتى تعبرى عنها
مستنية منك حاجات تانيه كتير فى القريب العاجل ان شاء الله

ربنا يخليكى يا بيبو بفرح جداااااا لما بكتب حاجة وتعجبك متحرمش منك يا قلبى...

[moh_2010_ph]

جميلة جدا جدا جدا يادوك ماشاء الله ..

[eeeman]

جميلة جدا جدا جدا يادوك ماشاء الله ..

شكرا جدا جدا جدا يا دوك نورت الموضوع

[* lovely heart *]

ولحظة حزن تملكنى
يمحيها يقينى فى اللى خالقنى ..
بإنه مفيش حلم مُحــــــــــــال

جميلة جداااااااا
اولا انتوا وحشتونى جدااااااااا
والمنتدى وكل اعضاؤه وحشونى خالص انا كنت مفتقداه بجد
انتى تعتبرى اول واحدة انا ارد عليها واكيد شرف لى
وعجبتنى كلماتك جدااااااا انا هقتبسها بجد واحفظها عندى
وربنا يوفقك يارب ويصلحلك الاحوال دايما يارب
تقبلى مرورى الخفيف ده عليكى

[Dr_Cinderellaaaaa]

جميلة جداااااااااااااااا جدااااااااااااااااا يا ايمان
والصورة معبرة أوى عن الكلام
تسلم ايديكِ يا ايمى