مسلسل رمضان ( مجنون سارة ) .. تم التحديث : 03 - 08 - 2012

[E.Raafat]

الحلقة الأولى

إنه يوم السبت بعد سهرة طويلة امتدت من مساء الجمعة لصباح يوم السبت مع الأصدقاء وقد تنفسنا الصعداء بعد فترة عصيبة من الدراسة والامتحانات التي أنهكت قوانا الجسدية والذهنية ...

ما صدقت عيني غفلت و رحت في النوم ورايا ماتش كورة بكرة في افتتاح الدورة الصيفية و ربنا يكرم عشان شكلنا بقى وحش مش كل دورة ناخد نقطة ونطلع ....

أيقظني قبل صلاة العصر صوت رفيع ناعم أكاد أعرفه لكن لا أستطيع فتح عيني بما يكفي للتأكد من مصدره لكني حاولت ونجحت في الأخير وفتحت عيني ,, وإليكم ما حدث :-

( أنا ) _____ المجنونة بتعمل أيه عندنا ؟؟

( سارة ) _____ جايه آخدك معايا و انا راحة أحجز الدروس ,, قوم بقى بسرعة يدوب تلحق تغير هدومك وتتغدى ..

( أنا ) _____ نروح فين ؟؟ أنا مش فاضي ورايا ماتش النهارده بعد العصر .

( أنا قلت مش فاضي من هنا و لقيت غرفة نومي أشبه بساحة قتال من طرف واحد ,, الحمد لله ولدتي دخلت في الوقت المناسب )

( أمي ) _____ هوه انتم لحقتم تتخانقوا !!!

( أنا ) ____ طلعي المجنونة دي بره قبل ما أقوم أرميها من الشباك ..

( سارة ) ____ اتكلم على قدك ,, و قوم بالتي هي أحسن ..

( ماما ) ____قوه يا حبيبي روح معاها عرفها على الأساتذة الكبار اللي كنت بتاخد عندهم ..

( أنا ) ___ والله لو راحت ل ( أحمد زويل ) يشرح لها مفيش فايدة دي آخرها معهد ضباط اللاسلكي ..

( سارة) ____ دا انت اللي شكلك خايف إني أروح عند نفس أساتذتك واعرف منهم مستواك الحقيقي ...

( أنا) ___ شايفة يا ماما بتفكر إزاي ,, طب لعلمها أنا هاخدها أحجز لها عند أساتذتي مخصوص عشان تعرف همه كانوا بيحترموني وبيحبوني أد أيه ..

( ماما ) ___ طب قوم بسرعة الأكل جاهز ...

( خرجت والدتي من الغرفة وقبل أن تخرج طلبت منها اصطحاب هذا الكائن الفضائي معا عشان أبدل ملابسي )

دخلت الحمام و بعد ما وصلت لمرحلة لا يمكنني الخروج بعدها اكتشفت أني قد نسيت الفوطة :-

( أنا ) ____ يا ماما ممكن الفوطة ..

( ماما ) ____ أنا مشغولة في المطبخ ,,,, هبعتهالك مع سارة ..

( أنا ) ____ لا مينفعش تبعتيها معاها .. شوفي أي حد تاني لو حتى من الشارع ..

( سارة ) ___ اعمل حسابك مفيش حد غيري هيجبهالك ,, فاختار كلامك بعناية ..

( أنا ) ____ طب سبيها قدام الباب و انا هافتح واخدها ..

( سارة ) ____ بسم الله ما شاء الله !! لا بتعرف تفكر ,, حضرتك فاكرني هجبهالك لحد عندك جوا الحمام !!

( أنا ) ___ مجنونة وتعمليها ..

( غيرت ملابسي وجلست أتناول الغداء وهذه إطلالة سريعة :-

( أنا) ___مش عارف دا مش بيت دا مائدة الرحمن كل يوم البتاعة دي هتاكل عندنا ؟؟

( سارة )____ صبرنا يارب ,, مش هنعرف ناكل لنا لقمة في البيت دا

( أنا )_____ قاعدة كده وبتاكلي ويكأنك في بيتكم !!

( سارة )___ عندك مانع ؟؟

( أنا ) ____ بعدما اعتراني الخوف من نظرتها الحادة ,, لا سيادتك أنا أقدر برده ..

( سارة )___ طب كل و انت ساكت

(أنا )____ حاضر يا فندم أنا كنت بطمئن لا الأكل ميكنش عجبك ..

( سارة ) ____ هنرغي بقى .............

(انا) ____ سلام بقى ونقابل بكرة في حلقة جديدة ................

إبراهيم رأفت

الحلقة القادمة ( يوم عصيب )




الحلقة الثانية




الحلقة الثالثة





الحلقة الرابعة





الحلقة الخامسة





الحلقة السادسة





الحلقة السابعة





الحلقة الثامنة





الحلقة التاسعة





الحلقة العاشرة




الحلقة الحادية عشرة





الحلقة الثانية عشرة





الحلقة الثالثة عشرة





الحلقة الرابعة عشرة





الحلقة الخامسة عشرة





الحلقة السادسة عشرة





الحلقة السابعة عشرة

[قطر الندى]

جميلة جداااااااااااااا يا دكتور ومتابعين مع حضرتك
بس سارة تبقى مين ؟؟؟؟

[E.Raafat]

[HTML][/HTML]

جميلة جداااااااااااااا يا دكتور ومتابعين مع حضرتك
بس سارة تبقى مين ؟؟؟؟

شاكر جدا لمرور حضرتك الكريم و سارة دي بطلة المسلسل

[rose smile]

هههههههههه
فكرتنى بااحمد اخويا واسما اختى بيعملوا فى بعض كدا وزياده
جميله يادوك

[E.Raafat]

الحلقة الثانية ( يوم عصيب )

اتصلت ب ( علي خوخة ) يجيب التوك توك بتاعه ويجي ,, انطلقنا في رحلتنا تلك و أنتم تعلمون كيف نكون عندما نجتمع أنا وسارة و إليكم مثال بسيط :-

( أنا ) ____ هوه انتي اختارتي علمي ولا أدبي ؟؟

(سارة ) ___ صباح الخير يا عم النايم علمي طبعا ما انت اللي كتبت الاستمارة بتاعتي ...

( أنا ) ___ وجبتي كام في سنة تانية ؟؟

( سارة ) ___ دا انت شكلك فقدت الذاكرة ,, جبت 95.5 % .

( أنا ) ____ وشايفه فيه أمل تكملي أحياء ,, ماله الأدبي دا حتى ستره للبنت ..

( سارة ) ___ لا هكمل علمي و هدخل صيدلة و همسحك بأستيكة ..

( أنا )___ دا عشم إبليس في الجنة ..

وصلنا لمقر الأستاذ ( أيمن حمادة ) عالم الأحياء وإليكم نظرة عن كثب :-

( أنا ) ____ السلام عليكم ,, إزيك يا نجلاء ,, عاملة أيه ؟؟؟

( نجلاء )____ وعليكم السلام ,, مين حضرتك ؟؟

( أنا ) ___انت بتهزري !! أنا إبراهيم رأفت ..

( نجلاء ) ___ طيب يأستاذ إبراهيم , أي خدمة ؟؟

( أنا ) ___ أي خدمة !! فين الأستاذ أيمن ؟؟؟

( نجلاء ) ___ في الغرفة اللي هناك ,,,

( سارة ) ____ ههههههههههههههههههههههههههه ,, لا واضح ان انت كنت حاجة جامدة جدا هنا ..

( أنا ) ___ على فكرة نجلاء دي مجرد سكرتيرة هيه صحيح زي القمر بس الحقيقة المرة إنها طلع عندها زهايمر ..

دخلنا على الأستاذ و إليكم نظرة سريعة ...

( أنا ) ___ السلام عليكم ,,, إزيك يأستاذنا يا يا يا كبير ..

( الأستاذ) ______ وعليكم السلام ,, الحجز عند السكرتيرة بره سجل اسمك واختار الميعاد اللي يناسبك ..

( أنا ) _____ لا أنا مش جاي أحجز لنفسي أنا جاي أحجز لبنت خالي ,, حضرتك مش فاكرني ؟؟

( الأستاذ ) ____ هوه الوش مش غريب بس مش فاكر الاسم ..

( أنا ) _____ طب أبسطهالك ,,, فاكر الدفعة اللي منهج الأحياء اتغير سنتهم ؟؟؟

( الاستاذ )____ طبعا فاكر ..

( أنا ) ____ فاكر بقى الطالب الوحيد اللي كان بيلبس قميص برتقالي وحضرتك كنت بتحبه جدا ؟؟

( الاستاذ )____ بحبه !! القميص ولا الطالب ؟؟؟

( أنا ) ___ لا الطالب ..

( الاستاذ) ____ بس بس انت أكيد أحمد رأفت

(سارة ) ____ هههههههههههههههههههههه واضح ان مفيش مدرس في السنبلاوين يقدر ينسى اسمك ...

( أنا ) ____ الحمد لله أوي على كده دا عدد الطالب اللي عنده أكتر من عدد الطلاب اللي في المدرسة ...

( الاستاذ ) ___ بما انك جيت ,,, فين يا واطي فلوس آخر شهر في الدرس مدفعتهاش ليه ؟؟؟

( أنا ) ___ حضرتك متأكد ؟؟

( الأستاذ ) ___ إلا متأكد تعالى شوف الدفاتر بنفسك لو مش مصدق ..

( أنا ) ____ وعلى أيه ,,, اتفضل حضرتك,,, بس مش هوصيك على سارة ,, لو غلطت متضربهاش ,,, ولع فيها على طول ..

( الاستاذ ) _____ انت هتوصيني ما انت عارف النظام ,,, و هنروح بعيد ليه ,, أنا واثق ان العصايا بتاعتي لسه معلمة في كف إيدك يا دكتور ...

( سارة )_____ انت مش قلت لنا ان اللي في إيدك دا نتيجة تجربة معملية في سبيل الوطن ,,, دا ماضيك الاسود يا دكتور ,,, لازم العائلة الكريمة تتعرف على خطايا ابنها البار بس لما نروح ...

( أنا ) ____ شكلي هقتلك قبل ما نروح .....

انطلقنا نستكمل باقي الأساتذة في الفيزياء و العربي و الاقتصاد و الاحصاء وطبعا محبتش أرسم نفسي مش ناقصه فضايح ....

قررت اجراء محاولة محفوفة بالمخاطر للحد من انتشار الكارثة وهذه كانت الخطة :-

( أنا ) ______ أكيد زمانك تعبانة من اللف ,,, أيه رأيك أعزمك على العشا ؟؟؟

( سارة )___ ودا بمناسبة أيه ان شاء الله ..

( أنا ) ____ من غير مناسبة ,,,

( سارة )___ يعني أعتبرها شاي بالياسمسن ؟؟؟

( أنا ) _____ على فكرة أنا مش محتاج أثبت أنا كنت كويس أو وحش في الدراسة ,,, ولو عندك شك أنا مستعد أديك أرقام تليفونات الناس اللي اضطروا يغيروا مواعيد الدروس وينقلوا في مجموعات تانية عشان مش قادرين ينافسوني ...

( سارة ) _____ و الله عارفة ان انت كنت شاطر ومتفوق ,,, دا انت قدوة لكل شباب البلد ..

( أنا ) _____ و انت أجمل بنت أنا شفتها في حياتي ..

( سارة ) ______ مش معنى إني جاملتك تقوم تجاملني ..

( أنا ) ____ أنا مبعرفش أجامل وع العموم يالا بينا نتعشى ..

( سارة ) _____ و بعد ما نخلص عشا نروح حديقة الأسرة ..

( أنا ) ___حديقة الأسرة !!! شويه شويه وتقولي لي اشتري لي دبدوب .............

( سارة ) ____ انت تطول ؟؟؟

.................................................. ...

إبراهيم رأفت

الحلقة القادمة ( مشروع زواج )

[قطر الندى]

متابعين معاك يا دكتور
أنا كان قصدى سارة تقرب للبطل إيه ؟؟ وحضرتك ذكرتها فى الحلقة دى

[rose smile]

ههههههههههه
حلو المناكفه دى
متابعه

[Mouri Ran]

جميـــل.. متابعة D:..

عارفة أنا أيمن حمادة بيدي في المنصورة

[M.Hegazy]

تسجيل متابعة ،،،

تم إضافة فهرس في بداية الموضوع لتسهيل المتابعة ..

[E.Raafat]