الأفيـــش

[dr-aya]

..........

الأفيـــش

..........

لعب الصوابع ع البيانو سمفونية مالقضــا
و الدنيا لعبة و الأفيش زى الفضــا
داير يوزع أقنعــــة ...
مش مقنعــــة .....
يرسم ملامح مش ملامح مالأساس
داير يخوف قلب نــونــو بيتولــد
فبيستعيـــذ منــه و خــــلاص .....
و الصــورة ويــَّــا الأصــل
دابت فى اختلاف
حتى الحجر ..
مبقاش يعاكس صفحة المايه برواقــة
قلــب الحجــر أصبح يخـــاف
كل الكلام بالمسطرة ..
الضحكــة " سنتــى "
و الزيادة ذنب لازمه الإعتراف
يمكن تكون البسمة سهــواً
جت ف يوم و اتسرسبت
و بدون دليل
تثبت بإنك يا بطــل ..
كنت العميل
ذنبك وحيــد .. إنــك برئ
ملعون ببـــركة أوليا
حالتك أكيد مستعصيـــة
لساك بلون قلبك سعيد
أحمر و دق القلــب نبض
مش كدب دايب فى الوريد !!!
قادر تكون ....
نفس الضحيــة فى الحكاية من زمان
مبتشتكيــش غدر المكان
و لا تشتكــى لون البياض
صورة الأفيش ...
ميهزهــاش كتــر الســواد
عطشانه لون أبيض جميل
خليــك أمــل ...
إوعاك تميــل....
مش لايقه يوم تلبس قناع
شكلك كدا أحلى كتيــر
شمس البراءة تنورك و بتحتويك ...
تفضــل كدا ... قلبــك كبيــــــــــر
.........
قصيدة : الأفيش
(( بقلمى : آيــــة خضــــر ))
5/7/2012
copyright ©
^__^
.........

.........

[Dr_Cinderellaaaaa]

تصدقى بالله يا آية ؟؟ أنا بقيت مش عارفة أرد عليكى ..
ومش لاقية كلام أعلق بيه على قصايدك .. اللى بستناها بفارغ الصبر .. وأول ما أشوف موضوع باسم dr_aya أدخل جرى أقرأ القصيدة الجديدة مرة واتنين وتلاتة وبعدين أكتبها عندى وأكتب تحتها بقلم د.آية خضر
مش هقولك غير ربنا يديم عليكى موهبتك الجميلة
يا شاعرة يا كبيرة

[same7]

تحفه والاسلوب جميل جدا
وبيعجبنى جدا

فى الاول عمال بقول قريت بنفس النغمه دى حاجه او سمعت حاجه
بس معرفتش اوصل
غير لما قريت اسم حضرتك
و طلعت حلقه حضرتك فى برنامج عز الشباب

مستني باقى القصايد يا د. ايه

[DR.BIBO]

قادر تكون ....
نفس الضحيــة فى الحكاية من زمان
مبتشتكيــش غدر المكان
و لا تشتكــى لون البياض
صورة الأفيش ...
ميهزهــاش كتــر الســواد
عطشانه لون أبيض جميل
خليــك أمــل ...
إوعاك تميــل....
مش لايقه يوم تلبس قناع
شكلك كدا أحلى كتيــر
شمس البراءة تنورك و بتحتويك ...
تفضــل كدا ... قلبــك كبيــــــــــر
.........

مش عارفة اقول ايه يا ايه دايما بتنورى الظلمة بالتفاؤل الجميل ده
فى انتظار المزيد دايما

[Aya Farouk]

تحفه والاسلوب جميل جدا
وبيعجبنى جدا

فى الاول عمال بقول قريت بنفس النغمه دى حاجه او سمعت حاجه
بس معرفتش اوصل
غير لما قريت اسم حضرتك
و طلعت حلقه حضرتك فى برنامج عز الشباب

مستني باقى القصايد يا د. ايه

ايه دا ! انا مشوفتش لآيه حلقة فى عز الشباب انت تقصد مى رضوان ولا ايه ؟
حد يصححلى معلوماتى
عالعموم تسلم ايدك ودماغك يا آيه جميله

[dr-aya]

تصدقى بالله يا آية ؟؟ أنا بقيت مش عارفة أرد عليكى ..
ومش لاقية كلام أعلق بيه على قصايدك .. اللى بستناها بفارغ الصبر .. وأول ما أشوف موضوع باسم dr_aya أدخل جرى أقرأ القصيدة الجديدة مرة واتنين وتلاتة وبعدين أكتبها عندى وأكتب تحتها بقلم د.آية خضر
مش هقولك غير ربنا يديم عليكى موهبتك الجميلة
يا شاعرة يا كبيرة

و الله بجد أنا اللى مش عارفة أقولك إيه ربنا يخليكى ليا يااااااااااارب و يكرمك أنا إتعودت أستنى ردك على طول و الله عشان أحس إن الشعر كويس
ميرسى جداً جداً جداً و يارب مخيبش ظنك أبداً يااااااااااارب

.............

تحفه والاسلوب جميل جدا
وبيعجبنى جدا

فى الاول عمال بقول قريت بنفس النغمه دى حاجه او سمعت حاجه
بس معرفتش اوصل
غير لما قريت اسم حضرتك
و طلعت حلقه حضرتك فى برنامج عز الشباب

مستني باقى القصايد يا د. ايه

ميرسى جداً يا دكتور
بس هو أنا للأسف مطلعتش لسه فى برنامج عز الشباب ممكن تكون قصدك على مى رضوان ... على العموم حصل خير ياريتنى زى مى دى أستاذتنا

..............

مش عارفة اقول ايه يا ايه دايما بتنورى الظلمة بالتفاؤل الجميل ده
فى انتظار المزيد دايما

منورانى دايماً يا أرق بيبو فى الدنيـــــــــــا

.................

ايه دا ! انا مشوفتش لآيه حلقة فى عز الشباب انت تقصد مى رضوان ولا ايه ؟
حد يصححلى معلوماتى
عالعموم تسلم ايدك ودماغك يا آيه جميله

تسلميلى يا يويتى
معلوماتك سليمة متقلقيش

[قطر الندى]

راااااااااائعة جداااااااااااااااا يا دكتورة أية أسلوب رااااااائع بجد
كل حاجة فيها مميزة تسلم الأيادى
وبالتوفيق الداائم

[dr-aya]

راااااااااائعة جداااااااااااااااا يا دكتورة أية أسلوب رااااااائع بجد
كل حاجة فيها مميزة تسلم الأيادى
وبالتوفيق الداائم

ميرسى جداً جداً جداً .. أخجلتم تواضعنا و الله ربنا يكرمك

[same7]

ميرسى جداً يا دكتور
بس هو أنا للأسف مطلعتش لسه فى برنامج عز الشباب ممكن تكون قصدك على مى رضوان ... على العموم حصل خير ياريتنى زى مى دى أستاذتنا

متأسف على اللخبطه فى الاسم
وان شاء الله حضرتك تنورى عز الشباب

[امانى*]

الله عليكِ يا دوك أيه بجد .
بحب كلامك جدآ جدآ جدآ.
وصورك جميلة أوووووووى .
وكأنك بتتناقشى معايا بالظبط .
تسلمى بجد يا رائعة .