قلبـك أبيض ^^

**dr-aya** · 07-06-2012, 10:43 PM

سلام عليكم جميعــاً
يارب تكون الإمتحانات كويسة و بتعدى و تخلص على خير إن شاء الله

دى حاجة جديدة إكسكلوسف للمنتدى الأدبى

ياااااارب تعجبكوا

..........

ّّّّقلبــك أبيـــض

.............

قلوب الناس ساعات أبيض
ساعات أسود ...
كتيــــر كاروهــات ..

يعيش إحساس .. يموت إحســاس
و لو نسكــت ....
بتتكلـــم كــدا الدقــات

فسيب قلبك على طيبته
مسلمهــا كــدا لــربـه
تملَّــى بالبيــاض بيزيــد

بلاش تبهــت عليك دنيـــا
تضمــك للحيـــاة تبــقى
بتضــحك .. بس وسط عبيـــد

و عيش يعقـــوب ...
و شوف النــور بيتبــسَّــم
و لو فاتت عليــك أزمـــان

بعيــن قلبك بصيــر حتى ..
و لو كــونك دا كون عميـــان

و عيــش أيــوب ...
ساعـــات بالصبـــر دقتهـــا متخلصشــى

و موج بالمـــوج بيتحــرك ...
و كلــه بالأمـــل يمشــى

مــاتندمشــى ...

على لحظــة خلاص مــاتت
ف حضــن عقــارب الأيــام

على كلمـــة ف يوم تاهت
مــدام لســه عنيك بتنـــام

دى لســه الســاعة فجــرية
و لــو فاضــل كــدا ثــانية

آدان قلبــك أكيد أحلى
تكون ويـــاه ...
تعيش جــواه ..

تحس بقشعــرة جسمــك مــع التكبيـــر

و تبقى بخيـــــر ...

يا قلب أبيض عليه أحكـــام من الدنيا
و مـــش ســارييــن ...

مكنـــش مــلاك ف يوم لكــــن
ميعــرفشــى طــريق شياطيـــن

يعيش يوســــف ...
و مهمـــا يتظلـــم ثـــابت

عشـــان أصلــه ...
عـــزيـــز النفس و التكــــــوين

...................

(( بقلمى : آيــــة خضــــر ))
copyright ©
^__^

برجاء عدم النقل للحفاظ على حقوق الملكية الفكرية

عاملة فيها مهمة

**same7** · 07-06-2012, 11:04 PM

بجد تحفه خالص
بالذات اللى حضرتك عملتيهم فى الصوره للاخر

**dr-aya** · 07-06-2012, 11:08 PM

المشاركة الأصلية كتبت بواسطة same7

بجد تحفه خالص
بالذات اللى حضرتك عملتيهم فى الصوره للاخر

ميرسى يا دكتور جداً جداً ربنا يكرمك

**ahmed kewan** · 07-06-2012, 11:32 PM

رائعه كالعاده

**dr-aya** · 07-06-2012, 11:34 PM

المشاركة الأصلية كتبت بواسطة ahmed kewan

رائعه كالعاده

**rose smile** · 07-06-2012, 11:43 PM

ياسلام ياايه
كل البياض اللى حكيتيه موجود فيا
ربنا يخلينى ليكى يارب

**dr-aya** · 07-06-2012, 11:45 PM

المشاركة الأصلية كتبت بواسطة rose smile

ياسلام ياايه
كل البياض اللى حكيتيه موجود فيا
ربنا يخلينى ليكى يارب

أكيــــــــــــــــــــــــــد يا لول

ربنا يخليكى ليا ياااااااااااااارب

**DR.BIBO** · 08-06-2012, 12:11 AM

المشاركة الأصلية كتبت بواسطة dr-aya

مــاتندمشــى ...

على لحظــة خلاص مــاتت
ف حضــن عقــارب الأيــام

على كلمـــة ف يوم تاهت
مــدام لســه عنيك بتنـــام

دى لســه الســاعة فجــرية
و لــو فاضــل كــدا ثــانية

آدان قلبــك أكيد أحلى
تكون ويـــاه ...
تعيش جــواه ..

تحس بقشعــرة جسمــك مــع التكبيـــر

و تبقى بخيـــــر ...

يا قلب أبيض عليه أحكـــام من الدنيا
و مـــش ســارييــن ...

مكنـــش مــلاك ف يوم لكــــن
ميعــرفشــى طــريق شياطيـــن

يعيش يوســــف ...
و مهمـــا يتظلـــم ثـــابت

عشـــان أصلــه ...
عـــزيـــز النفس و التكــــــوين

...................

(( بقلمى : آيــــة خضــــر ))
copyright ©
^__^

برجاء عدم النقل للحفاظ على حقوق الملكية الفكرية

عاملة فيها مهمة

انت تعمل اللى انت عايزه ياباشا طول مابتمتعنا بالكلام الجميل ده

جميلة كالعادة يا ايه مش محتاجة كلام بس الابيات ديه بالذات فيها حاجة جميلة بتلمس الروح ومليانه امل وتفاؤل يشرحو القلب الحزين تسلمى ياحبيبتى جايين فى وقتهم

فى انتظار المزيد دايما

**dr-aya** · 08-06-2012, 12:21 AM

المشاركة الأصلية كتبت بواسطة DR.BIBO

جميلة كالعادة يا ايه مش محتاجة كلام بس الابيات ديه بالذات فيها حاجة جميلة بتلمس الروح ومليانه امل وتفاؤل يشرحو القلب الحزين تسلمى ياحبيبتى جايين فى وقتهم

فى انتظار المزيد دايما

تسلميلى يا بيبو ياااااااااااااااااااااااااااارب <3
دايماً بتحرجينى بذوقك و الله و يارب دايماً تكونى مبسوطة و فرحانة

و يارب أفضل دايماً عند حسن ظنكوا كلكوا

**Aya Farouk** · 08-06-2012, 12:29 AM

آيه !!
تعالى فى حضنى وحشانى والله هعيط ! دا انتى من ريحة الحبايب !
من الناس اللى لما تهل عالمنتدى بحس بعبق الذكريات

سورى عالمقدمة دى بس بجد وحشانى عوداً حميداً يا حجة

.......
جميلة القصيدة .. وعودة طيبه

تسلم ايدك ودماغك

الموضوع: قلبـك أبيض ^^

أدوات الموضوع

عرض

قلبـك أبيض ^^

ضوابط المشاركة