المشاركة الأصلية كتبت بواسطة Amira
السلام عليكم ،،
بخصوص الكلام اللى بيتقال فى الكليه والناس اللى عماله تدعى عليا سواء قدامى او من ورايا لانى حطيت اللينكات هنا ... وان انا السبب فى ان الدكتور يغير الامتحان والكلام ده ....
امبارح بالليل بعد ما خلصت مذاكره ، لقيت بالصدفه فى جروب الملف ده وفكرت كذا مره قبل ما احطه هنا والله العظيم السبب الوحيد اللى خلانى اجيب اللينكات هو ان لقيت الناس بتسال عن نظام الاسئله و صعب عليا انى يبقى فى إيدى حاجه وما أساعدش بيها حد ،، أقسم بالله دى كانت نيتى .. مش تسريب الامتحان او ان الدكتور يعرف ويغير الامتحان ... إنما الأعمال بالنيات
وقولت هنا لما نقلتها معرفش ايه المصدر بتاعها ومقولتش ان ده الامتحان ! انا قولت الناس بتقول ان دى اسئله على الموقع ممكن يجى منها ... والمشاركات موجوده فى الصفح اللى فاتت والله ماعدلت فى حرف فيها من امبارح
الدكتور عارف بساعتين قبل ما احطها هنا ،، وبنات كتير فى المدينه دخلوا وجابوا الاسئله قبل ما انا اجيبها هنا اصلا
اللى اعرفه ان فى واحده بدون ذكر اسماء اتصلت بيه وقالتله ان الامتحان اتسرب قالها منا عرفت ....
عموما ،، اللى عاوز يدعى عليا يدعى واللى عاوز يقول اى حاجه يقول والله يسامحه وخلاص
دلوقت حالا هطلب يتشال منى الاشراف ، ودى اخر مشاركه ليا فى قسم الفرقه هنا ...
اى حاجه كنت بعملها او بقولها هنا عالمنتدى مكنتش مستنيه من اى حد شكر ولا حاجه كل اللى كنت بطلبه هو انكم تدعولى مش تدعو عليا بسبب تصرف انا مش مسئوله عنه ولو اتكرر الموقف تانى هعمل نفس اللى عملته
جـزاكم الله خيـراً ،،
آخر حاجه : ورق المديسنال اللى فى المكتبه ومكتوب عليه انه من المنتدى انا معرفش عنه اى حاجه ولا اعرف مصدره ايه ولا انا اللى منزلاه هناك أصلاً
.gif "Fop (29)")
أميرة ... إيه اللى بتقوليه ده بس .... !!
و مين ده اللى نفسه تطاوعه و يدعى عليكى أو يقول عليكى حاجة ... !!
و اشراف ايه اللى تتشالى منه .... !!
انتى بجد من أحسن و أفضل الناس ، و اكثرهم تحملا للمسئولية و العقل و الاحترام سواء عالمنتدى ، او على المستوى الشخصى .....
حصل خير يا أميرة ، و المشكلة كلها جت من الفيس ، أنا دخلت امبارح لقيت الناس هايصة أوى فالموضوع ده ....
و الكلية كلها النهاردة تقريبا كل ما اعدى من جنب حد ، الاقيه بيتحسبن على البنت اللى بلغت الدكتور ....
برده بدون ذكر اسماء ...
و بغض النظر عن موقفها صح أو غلط .... أو موقفنا كان صح أو غلط ، بس هى أزمت الحكاية بينا و بين القسم أكتر و الدكاترة كرهونا بزيادة و مستحلفين لينا ع حسب ما سمعت ....
أيا كان ايه اللى حصل ، او ايه اللى هيحصل .... أكيد خير ....
انسى الموضوع ده خالص ، انتى ببساطة قومتى بدورك و عملتى اللى ضميرك قالك عليه و اكيد اى حد فينا يتمنى لو يقدر يقدم حاجة الناس كلها تستفيد منها و تكون فى ميزان حسناته .....
حصل خير يا أميرة ..... انسى و كبرى دماغك ....
و ربنا يسامح أى حد قال أى كلمة ملهاش لازمة ، بس بأمانة مسمعتش حد قال عنك حاجة .....
أحبك فى الله أميرة ....
بس برضو مرحمتش الورقة بالرغم من كدة قعدت اشخبط بالرصاص وبعدين مسحته باستيكة قال يعنى كنت بحاول اجاوب 
.gif "Fop (2)")
.gif "Fop (28)")
...حد مثلاً اخترق الموقع!!!!!
... والله حاجة تغيظ 
