جحيمك صهد فى ليلة باردة (إلى إبراهيم رأفت)

[Aya Farouk]

يا من تباغتــُكَ نفسُكَ بالريــــــــاءِ**** وتدعيِ خـــــوفاً زائفـــاً من الرُفـقــــاءِ
كأنهم وُلِدوا فى إمارةِ الشعـــــراءِ**** كــــن منصفـاً يـا هـذا فى الإنتقـــــــاءِ !
فهذا شِـــــعره رخــــوُ متقلـــــــب **** وذاك لا أذكــــــرُه قطَ بأشيـــــــــــاءِ
كلماتُــك تلك تغتصــبُ الأحــرفَ**** وبنُـــاؤك للشطرِ يقتــــل التفعيـــــلاتِ
آياتُــــك تلك كافـــــرةٌ لا تُتــــــلى ****إن قرأها شاعـــرُ لأدنت الهامـــــــاتِ
الأُســدُ لا تصِف ملوكاً نفسَــــــها**** بل بقوتـــها تُصبح أسيــادَ الغابــــــاتِ
أبَــحت لنفسِــكَ لقـــبَ الأفضــــلِ **** ونسيت أنكَ الأفضلُ فى صحـــــــراءِ
أصبـــح الشعـــرُ بينكم مُعذبــــــا ****ينـــعى نفسَـــه ويجــود بالرثـــــــــــاءِ
لم يبق إلا القليـــــلُ لنصرتــــــــه ****شكرى ْ وخضر ٌ وأنا نُلبــى النــــــداءَ
تنعق الغـــِربـــانُ حوله ملتفــــــةً**** قتلــوك يـا شعـــر ُ بأبــردِ الدمــــــــاءِ
فتوقف عن الغزلِ المزيفِ يارجل**** لا يعرف للحــبِ أرضــاً ولا سمـــــاءَ
تقتات من وجعِ الأحِبـــةِ قصـــائدَ**** و أنت لا تــرد الحـــب إلا بــــإزدراءِ
إن كــنت تخشــى نقـــداً لاذعــــاً ****جفف يا طفــل دمـــوعَ الإستيـــــــــاءِ
فإن كنت أهلاً بالضادِ كما تدعــىِ**** فتوقف عن النحــــيبِ وعن العــــواءِ
كنْ رحبَ الصــدرِ كن متفهمـــــا ***** فليس كــلُ مــالا يعجِبــكَ هـــــــــراءَ
وكن واعياً لِمــــا تقل لا تعتــــــدِ *****حتى لا تندم كــالآن علــى هجائــــــى
وتذكرإنك من قــال "فى وجودكِ **** أخجل أن أصــــنفَ من الشــــــــعراءِ"
فتبت يــــداك أنت إن حاولَـــــت **** أن تهجونى متمادياً بكلماتك الهوجــــاءِ
فلست يا هذا الفرذدق َ ولا جريراً **** ولست الأخطلَ ولادنوت من الخنسـاء ِ
فأغلق دفاتر أشعارك المتداعيــة**** فالذكرُ أحق لغيرك من صفـوة الأدبــاءِ

آيـــــــــــــــــــــه فـــــــــاروق

ملاحظة :
أولاً :الرد أشبه بارتجال فلم يأخذ منى طويلاً لأن عندى بكره ان شاء الله امتحان ميدتيرم ولسا هبدأ مذاكرة فأستعجلت شوية فى الرد عشان أعرف أنام

ثانياً : أول مره أكتب شعر فصحى" عمودى " فسامحونى على أى هفوات ^_^


ثالثاً : احم دا مجرد استشهاد ^_^ لأؤكد صحة ما ورد فى الأبيات ^_^

,,, كلمات جعلتني أراجع نفسي كثيرا قبل أن ألقب نفسي بالشاعر ..

[E.Raafat]

وبكررها تاني وتالت وعاشر أنا من أشد المعجبين بشعرك ,,,, لكن فيما يتعلق بالوضع العام ف المنتدى إبراهيم رأفت سيكون حاضرا دايما للزود عن حمى المنتدى بكل ما يملك من موهبة وحضور طاغي ,,, لو قررت الإنسحاب في أي وقت إرفعي الراية البيضاء ,,,,
آه نسيت بالنسبة للقصيدة دي تعتبر محاولة مقبولة من بنت شطورة بتشرب اللبن وبتنام بدري عشان عليها امتحان عربي وخط بكرة الصبح ف المدرسة

[Aya Farouk]

هههههه هو انت مفهمتش تلميحى اللى تحت القصيدة !
أنا كتبت باستايل غير استايل كتاباتى عشان خاطر بس انت اللى طلبت منى كدا ! ومع ذلك كتبت القصيدة دى ؛..... وبدام انت بتعتبرها مجرد محاولة احنا ممكن نعمل استفتاء وناخد رأى الناس !! معنديش اى مانع
بس عاوزه اوضح حاجة انا اكتر حاجة كنت بكرهها فى عربى ثانوى شعراء الهجاء زى الفرزدق وجرير كدا ومبارازتهم الشعريه كنت شايفه ان ملهاش لازمة وقلة عقل منهن هههه لو انهم شعرا كبار
لكن بدام وصلت لتحدى فأنت أخترت الشخص الغلط ههههه
U chosed the wrong person to miss with
انا ناو بره البيت لكن اما ارجع هبقى أعمل الاستفتاء
حظ سعيد يا زميل

[محمد فهمي]

ولعها ولعها...شعللها شعللها..
ضرب النار بدأ ياجماعة كله يستخبي...
أبيات قوية يادوك آية...سلم قلمك الجسور..
عايزينك كده متماسكة لأن دوك إبراهيم مش سهل وضرباته قوية..
والواحد مش عارف يقول أبيات مين اللي أحسن..بس ياريت تبقي نسب مش أحسن وأوحش لأن الأبيات فعلاً كلها رائعة..
يلا بقه خلونا نستمتع..
منتظرين إراقة الدماء علي صفحات المنتدي..والجثث أنا اللي هلمها متقلقوش والدفنة علي حسابي...

[DR.BIBO]

ايه هو ده الكلام عايزين شغل اعلى من كده كمان المرة الجايه انا عارفة انك لسه بتسخنى بس خدى بالك المنافسه مع دكتور ابراهيم مش سهله خالص
خلى المنافسه تعلى واحنا معاكو متابعين بكل شغف للمبارزة الجميلة ديه

[Aya Farouk]

لا لا لا انتوا فهمتوا غلط يا جماعه !!!!!!
That was one time thing !
يعنى حاجة لمجرد المره الواحدة بناء على طلب دوكتر ابراهيم موش أكتر !!
وزى ما قلت فوق رداً على تعليق دوكتر ابراهيم المستفز
أنا رديت عليه بقصيدة فقط عشان هو ذكر اسمى فى قصيدته
وواضح انه كان مضايق من موضوع نقدى لو ان فى ناس بيبعتولى مسجات مخصوص عشان ادخل ارد على مواضيع ليهم وانا ساعات بمتنع عشان انا مبعرفش أزوء ردودى زى ما المعظم بيعمل عالمنتدى !!
فا بجانب نصايحى اللى وردت ليه فى القصيدة أزود عليها انى اسفه لو ضايقتك فى اى ردود ليك
وزى ما قلت برده أنا كنت ايام ثانوى مكنتش مقتنعه بفكرة شعر الهجاء فا مستحيل اعمل حاجة ضد مبادئى
وبعدين انا بحب الشعر وبحترمه ومن خلاله بكسب احترام الناس ومن خلاله بحترم ناس تانيه
وبرده من خلاله بيقل احترامى لناس تانيه ..
فأنا مش عايزه الشعر يكون مسئول عن الحالة الأخيره دى عشان فى الحالة دى ممكن فعلا محبش الشعر تانى !!
...
وعايزة اوضح حاجة كمان أنا رديت على دوكتر ابراهيم
لأنه مش أحسن شاعر فى المنتدى مع أحترامى ليه !
لذا فعليه ان يتوقف أن يلقب نفسه بذلك
..
أخر حاجة عامى كتبها أفتقدت اللون والطعم والرائحة
وفى كتاباته الفصحى أى نعم متألق ولكن مش لدرجة انه يلقب نفسه بأى ألقاب
انا وريت اشعاره لناس دارسه تفعيلات وهو نفسه اكيد عارفه ان مفيش تفعيله بيت واحد عنده صح !!
احنا بنكتب بالبركة وبنحكم ودانا من أكتر ..
فا يستحيل أن نلقب أنفسنا بأية ألقاب لسنا أهلاً بها !!
...
فا اضطريت أرد عليه بأسلوبه "فى عقر داره كما يقولون"
ولكنها ستكون أخر مره
لأن أنا لا أحترم فكرة الهجاء الشعرى .. فا مستحيل أعمل حاجه ضد مبادئى تانى
بس طبعا عشان دوكتر ابراهيم ذكر حاجه عن اغلاق الموضوع وعدم تركه معلق
فا غلقه عندى هيكون إستفتاء
ما بين قصيدة دوكتر ابراهيم وقصيدتى
واكتر عدد من الاصوات هو اللى هيحكم
بس اللى هيفوز ساعتها هيكون أحسن من التانى فقط وليس أفضل واحد فى المنتدى
وله مطلق الحرية لرفض أو قبول الحل دا !
ولكن فكرة أنى اكتب قصايد تانيه ونستمر فى هذه المهزلة المُخزية
فا أنا بعتذر .. لا أستطيع فأنا أكبر من ذلك بكثير
وأى رد منه بقصيدة أخرى من هذا النوع سأتجاهله ولن أرد عليه
...
أسفه مره تانيه

[E.Raafat]

لا لا لا انتوا فهمتوا غلط يا جماعه !!!!!!
That was one time thing !
يعنى حاجة لمجرد المره الواحدة بناء على طلب دوكتر ابراهيم موش أكتر !!
وزى ما قلت فوق رداً على تعليق دوكتر ابراهيم المستفز
أنا رديت عليه بقصيدة فقط عشان هو ذكر اسمى فى قصيدته
وواضح انه كان مضايق من موضوع نقدى لو ان فى ناس بيبعتولى مسجات مخصوص عشان ادخل ارد على مواضيع ليهم وانا ساعات بمتنع عشان انا مبعرفش أزوء ردودى زى ما المعظم بيعمل عالمنتدى !!
فا بجانب نصايحى اللى وردت ليه فى القصيدة أزود عليها انى اسفه لو ضايقتك فى اى ردود ليك
وزى ما قلت برده أنا كنت ايام ثانوى مكنتش مقتنعه بفكرة شعر الهجاء فا مستحيل اعمل حاجة ضد مبادئى
وبعدين انا بحب الشعر وبحترمه ومن خلاله بكسب احترام الناس ومن خلاله بحترم ناس تانيه
وبرده من خلاله بيقل احترامى لناس تانيه ..
فأنا مش عايزه الشعر يكون مسئول عن الحالة الأخيره دى عشان فى الحالة دى ممكن فعلا محبش الشعر تانى !!
...
وعايزة اوضح حاجة كمان أنا رديت على دوكتر ابراهيم
لأنه مش أحسن شاعر فى المنتدى مع أحترامى ليه !
لذا فعليه ان يتوقف أن يلقب نفسه بذلك
..
أخر حاجة عامى كتبها أفتقدت اللون والطعم والرائحة
وفى كتاباته الفصحى أى نعم متألق ولكن مش لدرجة انه يلقب نفسه بأى ألقاب
انا وريت اشعاره لناس دارسه تفعيلات وهو نفسه اكيد عارفه ان مفيش تفعيله بيت واحد عنده صح !!
احنا بنكتب بالبركة وبنحكم ودانا من أكتر ..
فا يستحيل أن نلقب أنفسنا بأية ألقاب لسنا أهلاً بها !!
...
فا اضطريت أرد عليه بأسلوبه "فى عقر داره كما يقولون"
ولكنها ستكون أخر مره
لأن أنا لا أحترم فكرة الهجاء الشعرى .. فا مستحيل أعمل حاجه ضد مبادئى تانى
بس طبعا عشان دوكتر ابراهيم ذكر حاجه عن اغلاق الموضوع وعدم تركه معلق
فا غلقه عندى هيكون إستفتاء
ما بين قصيدة دوكتر ابراهيم وقصيدتى
واكتر عدد من الاصوات هو اللى هيحكم
بس اللى هيفوز ساعتها هيكون أحسن من التانى فقط وليس أفضل واحد فى المنتدى
وله مطلق الحرية لرفض أو قبول الحل دا !
ولكن فكرة أنى اكتب قصايد تانيه ونستمر فى هذه المهزلة المُخزية
فا أنا بعتذر .. لا أستطيع فأنا أكبر من ذلك بكثير
وأى رد منه بقصيدة أخرى من هذا النوع سأتجاهله ولن أرد عليه
...
أسفه مره تانيه

أولاً أنا بعتبر نفسي لحد دلوقت فايز لإني حققت كل اللي نفسي فيه ...... نجحت إني استفزك عشان تقبلي التحدي ..... ونجحت في قصيدتي إن أنا استفزك فتكتبي قصيدة أنا بعتبرها اتكتبت في وقت قياسي .... مع العلم زي ما حضرتك ذكرتي إن أنا في المرتين خليتك تكسري قواعدك ومبادئك اللي انت ماشيه عليها .....
ثانيا وربنا وحده أعلم بنيتى وهتتأكدي بنفسك يوم القيامة ( أصل أنا أوقات بنافق ) إن أنا عمري ما نفقتك مرة واحدة في أي تعليق علقته على أي عمل من أعمالك حتى لو كانت بيننا اختلافات سياسية ... وكل كلمة كتبنها لك في تعليق نابعة من اقتناع بنسبة ميه في الميه ( ملحوظة ,,أنا العمل اللي مبيعجبنيش مبعلقش عليه أصلا ,,, والعمل اللي بحس إن الكاتب بذل فيه مجهود حتى لو العمل مش قد كده بعلق بكلام بسيط ,,, والعمل المميز بكتب له تعليق مميز
ثالثا ,, حضرتك سألتيني في تعليق على قصيدة ( يا مصر حبك شمس لا تغيب ) تقريبا أن كنت درست عروض وكان جوابي إن أنا مدرستش أنا بقلد الشعراء الكبار وخلاص اللي كانوا بيكتبوا بالفطرة مكنوش يعرفوا يعني أيه بحور ,,, أنا كان نفسي أدرس بس الكسل حرمني من الخطوة دي ,,, أنا عمري ما قصدت كلمة ( أحسن شاعر في المنتدى ) إن أنا أحسن شاعر بالفعل ,,أنا حطيت هدف وأمنيه مشروعة وسعيت لها وإن كنت فشلت من وجهة نظرك ربما أكون نجحت من وجهة نظر آخرين
رابعا ,, والنقطة دي ممكن ترجعي فيها ل ( لشكري ) أنا عمري ما فكرت أحترف الشعر أو أطبع ديوان لإني عارف إن أنا موصلتش للدرجة اللي تؤهلني لذلك ...
خامسا .. أنا كان كل هدفي من الموضوع دا إن أنا أحظى بشرف الوقوف أمام ( آيه فاروق ) وجها لوجه ,,,, أنا عمري ما زعلت من أي نقد حضرتك أو أي حد وجهه لي لإن أنا عارف إن دا كان في مصلحتي واسألي ( شكري ) وهوه يقول لك إن أنا كنت بواجه نقدك بحالة من الفرحة ... ولو هوه محسهاش يبقى بينا وبين بعض برده يوم القيامة
سادسا ,,, أنا موافق على موضوع التصويت وبقترح إن نظام النصويت دا يستمر يعني كل شهر أو اسبوع ينزل ترتيب الشعراء من حيث جودة قصائدهم من واحد لخمسة وبطالب دكتور حجازي بكده
سابعا ..... إحنا للأسف متقبلناش غير مرة واحدة ممكن حضرتك تكوني نسيتيها ,, فمتكونيش عارفة شخصيتي ,, أنا بالظبط النسخة التوأم من أحمد شكري بس أقل رومانسية وسعة أفق وأكثر صلابة


شكرا ولو كنت فاكرة إن أنا أقصد كلمة واحدة من الكلام اللي في القصيدة بجد تبقي غلطانة ,,, أنا بعتبرك أحسن بنت بتكتب شعر في المنتدى انت وآيه خضر

[html][/HTML

[Aya Farouk]

أولاً أنا بعتبر نفسي لحد دلوقت فايز لإني حققت كل اللي نفسي فيه ...... نجحت إني استفزك عشان تقبلي التحدي ..... ونجحت في قصيدتي إن أنا استفزك فتكتبي قصيدة أنا بعتبرها اتكتبت في وقت قياسي .... مع العلم زي ما حضرتك ذكرتي إن أنا في المرتين خليتك تكسري قواعدك ومبادئك اللي انت ماشيه عليها .....

والله يا دوكتر دى حاجة فعلا تتكتب فى رصيدك لأن تمكنت فعلا انك تكسر قواعدى لأن انا بعترف انى ضعيفه ادام التحديات وبحب أكسب أى تحدى أدخله

ثانيا وربنا وحده أعلم بنيتى وهتتأكدي بنفسك يوم القيامة ( أصل أنا أوقات بنافق ) إن أنا عمري ما نفقتك مرة واحدة في أي تعليق علقته على أي عمل من أعمالك حتى لو كانت بيننا اختلافات سياسية ... وكل كلمة كتبنها لك في تعليق نابعة من اقتناع بنسبة ميه في الميه ( ملحوظة ,,أنا العمل اللي مبيعجبنيش مبعلقش عليه أصلا ,,, والعمل اللي بحس إن الكاتب بذل فيه مجهود حتى لو العمل مش قد كده بعلق بكلام بسيط ,,, والعمل المميز بكتب له تعليق مميز

على فكره أنا عارفه دا كويس ويمكن انت أقل واحد من رواد المنتدى القدامى بلاحظ فيه الحته دى وبتعجبنى انك فى ردودك معتدل مبتبالغش اوى وبتدى لكل واحد حقه
وانا عارفه كويس اوى يا دوكتر ابراهيم انك منافقتنيش فى حاجه موش محتاج توضحلى

ثالثا ,, حضرتك سألتيني في تعليق على قصيدة ( يا مصر حبك شمس لا تغيب ) تقريبا أن كنت درست عروض وكان جوابي إن أنا مدرستش أنا بقلد الشعراء الكبار وخلاص اللي كانوا بيكتبوا بالفطرة مكنوش يعرفوا يعني أيه بحور ,,, أنا كان نفسي أدرس بس الكسل حرمني من الخطوة دي ,,, أنا عمري ما قصدت كلمة ( أحسن شاعر في المنتدى ) إن أنا أحسن شاعر بالفعل ,,أنا حطيت هدف وأمنيه مشروعة وسعيت لها وإن كنت فشلت من وجهة نظرك ربما أكون نجحت من وجهة نظر آخرين

بختلف معاك فى النقطة دى حضرتك اعطيت لنفسك اللقب ومكتبتش جمبه بين قوسين انك مجرد بتحط لنفسك هدف ولا كل الكلام اللى حضرتك بتقوله ناو دا !! فا طبيعى اى حد هيفهم على طول انك تقصد كل حرف فيه
انا موش بقلل منك لما قلت انت موش أحسن شاعر فى المنتدى
بالعكس انت عارف كويس اوى انى بدخل المنتدى دا عشان خمسه او سته عارفين نغسهم كويس اوى ولما بنتقدك فى حاجه بنقد بعشم عشان عارفه انك تستاهل انى اتكلم معاك واقولك دا كويس ودا وحش عشان انا فى العادى بعمل زيك الوحش مبردش عليه اصلا عشان معصبش نفسى
لكن لم اقصد التقليل منك لكن لا انا ولا انت ولا اى حد من الى بيكتبوا فى المنتدى مؤهل اصلا انه يطلق على نفسه شاعر ! فما بالك أحسن شاعر فى وسط ناس كتير .. هو دا مقصدى

وعلى فكرة انت مفشلتش من وجهة نظرى .. بالعكس !
مكنتش أخدت على عاتقى ان ارد عليك لو مش شايفه انك موهوب جدااا واستفزتنى انى أر د عليك بقصيدة

رابعا ,, والنقطة دي ممكن ترجعي فيها ل ( لشكري ) أنا عمري ما فكرت أحترف الشعر أو أطبع ديوان لإني عارف إن أنا موصلتش للدرجة اللي تؤهلني لذلك ...

واحب اقولك انت اقتربت جدا وتقدر تدرس لفتره وجيزة واقدر اقولك هتكون مستعد انك فعلا تحضر للديوان بتاعك

خامسا .. أنا كان كل هدفي من الموضوع دا إن أنا أحظى بشرف الوقوف أمام ( آيه فاروق ) وجها لوجه ,,,, أنا عمري ما زعلت من أي نقد حضرتك أو أي حد وجهه لي لإن أنا عارف إن دا كان في مصلحتي واسألي ( شكري ) وهوه يقول لك إن أنا كنت بواجه نقدك بحالة من الفرحة ... ولو هوه محسهاش يبقى بينا وبين بعض برده يوم القيامة

يا دوكتر انا عارفه ان حضرتك كنت بتتقبل نقدى بصدر رحب بس فى الأونة الأخير اتضح عكس هذا .. والقصيدة أكدت ذلك أكثر
مكنتش أتصور انى وصلت لدرجة الجماد والإدعاء

سادسا ,,, أنا موافق على موضوع التصويت وبقترح إن نظام النصويت دا يستمر يعني كل شهر أو اسبوع ينزل ترتيب الشعراء من حيث جودة قصائدهم من واحد لخمسة وبطالب دكتور حجازي بكده

وانا معنديش أى مانع
وعادى يعنى لو تفوقت عليا

سابعا ..... إحنا للأسف متقبلناش غير مرة واحدة ممكن حضرتك تكوني نسيتيها ,, فمتكونيش عارفة شخصيتي ,, أنا بالظبط النسخة التوأم من أحمد شكري بس أقل رومانسية وسعة أفق وأكثر صلابة

ما هو كان يومها المره الوحيدة اللى شوفتكوا فعلا انتوا الاتنين بس أكيد منستهاش لو انها كانت صدفة واستمرت خمس ثوانى

شكرا ولو كنت فاكرة إن أنا أقصد كلمة واحدة من الكلام اللي في القصيدة بجد تبقي غلطانة ,,, أنا بعتبرك أحسن بنت بتكتب شعر في المنتدى انت وآيه خضر

[html][/HTML

اممم لأ النقطة دى موش فاهماها ! "ايموشن بيهرش فى راسه"
أزاى موش تقصدها !! عالأقل الى حد ما تقصدها ولكن فى الشعر ولو حتى الهجاء موش بنرص كلام لمجرد الرص اكيد بنقصده ولو الى حد ما
بس عادى يعنى انت فهمت تعليقى الأولانى غلط انا موش مضايقه انك كتبت قصيده وانا ذكرت فيها بالعكس كفاية انى اتذكرت فى قصيدة ليك ومش زعلانه غير حبه صغنانين بس انى رديت عشان زى ما قلت فوق دا ضد مبادئى انا لا أؤمن بشعر الهجاء من وأنا فى ثانوى والله .. فعشان كدا مقدرش أكمل فى الموضوع دا بالنسبة لى هتبقى حاجة مخزية لو كملت
فأرجو أن تتفهم الموضوع
وبجد كانت تجربة ظريــــــــــــــفة جداً ومثرية جداًً وبشكرك عليها كمان

وميرسى على أخر سطر فى تعليقك
دى حاجة تشرفنى أنى أكون حد بيكتب كويس فى نظرك

No Hard Feelings

[same7]

مكملتش قرايه الردود بس قولت اكتب دى بس كده لحد ما اكمل لان الجو العام بدأت احس فيه بلطافه تحفه و صوتكوا جايب اخر المنتدى

ما تصلوا على النبى كده وتستهدوا بالله
انتوا عاملين كل الهيصه دى على مين افضل واحد بيكتب شعر وانا موجود
ده حتى عيب منكوا

مش مستاهله كل الهيصه دى

صلوا على النبى
وكل واحد يرجع ظهره على الكرسى ويكتم نفسه لمده 10 ثوانى وبعدين يقول بلح من قلبه

ايه احساسكوا ناو

[Aya Farouk]

هههههههههههههههههههههههههههههههههههههههههههههههههه ه هو دا احساسى بجد هاتك يا ضحك
الله يمسيك بالخير يا دوكتر سامح منور والله فينك
عليه الصلاة وأفضل السلام
طب كمل قرايه بقا عشان تعرف اننا مفيش حاجة وميت فل و 14 دى شوية مناوشات ومغازلات متاخدش فى بالك انت
وسيبلنا رأيك قبل ما تمشى