.. كيف تسمح بذلك؟ ..

[same7]

جينا مع بعض فى موضوع جديد
موضوع فى بالى من فتره كبيره يمكن 4 او 5 سنين

موضوع ان المرأه تروح تكشف عن دكتور"رجل" رغم ان فى دكتوره"انثى"
فى اى تخصص وخصوصا نساء وتوليد

الموضوع ده بقه بيجننى ومش فاهم ليه لحد ناو؟
وفى دكاتره "انثى" مشهورين وكله بيشكر فيهم
عشان سمعت احد التفسيرات ان الدكاتره "انثى" مبيعرفوش حاجه


وكمان فكره ان الانثى تدخل الصيدليه عشان تقيس الضغط اى كان الشخص اللى واقف لا تخشى كشف ذراعها عشان يقيس الضغط
ليه انا كفرد واقف فى صيدليه بتسمحلى اشوف جزء من جسمها ولو ده حصل بره يبقى مشكله فظيعه


وازاى انا كرجل بخاف على حرمتى اقبل انها تعمل كده ما انا ليا اخت وام وزوجه وقرايب بنات ممكن يبقوا فى نفس الموقف ده


هل انا مكبر الموضوع ومديله اكبر من حقه ؟
ولا انتوا شايفين الموضوع ازاى؟


احب اسمع ارائكم واشوف الموضوع بيمثل ايه بالنسبه ليكم

[eng_sh]

حضرتك مش مكبر الموضوع خالص

[الملاك الضاحك]

لأ حضرتك بتتكلم صح
جدا
جدا
جدا


الموضوع كبير من حيث ان الناس مش عطياه حقه من حيث الاهتمام
باركك الله يادكتور لأنك وجهت النظر على هذا الموضوع المهم


من وجهه نظرى البسيطه
المرأه لابد وان تكشف عند طبيبه وحياؤها وإيمانها يمنعها من

عرض نفسها على طبيب
الا برضوا لو كان فى ضروره قصوى جدا جدا جدا يعنى أعتقد ان فى هذه الحاله ممكن يجوز أعتقد كمان ان ممكن فى الحاله دى يجوز شرعا كمان
بس يعنى دى لو كانت مثلا مسأله حياه أو موت ومفيش دكتوره أنثى موجوده



والسبب ببساطة انه لا يجوز أن تُكشف المرأة على طبيب رجل حتى وان كان مسلما طالما أن هناك طبيبة مسلمة..
ودايما بيكون فى تقريبا طبيبة أنثى مسلمه
يعنى ساعات بتكون أعذار غير مقبوله

أما مسألة المهارة وكون الطبيب أكثر مهارة من الطبيبة ..
فهذا أمر غير مقبول اطلاقا...
يعني فرق الجنس لا يعني فرق في المهارة..
كل واحد بيجتهد عشان يطور نفسه..
والاتنين تقريبا خارجين من كليه واحده..



والله لا يضيع أجر من أحسن عملا من ذكر أو أنثى..
يعني كون الطبيب رجلا لا يعني أنه الافضل..
منقدرش ننكر طبعا ان فى مفاهيم خاطئة عند معظم الناس بخصوص هذه النقطة

لكن لازم نكون واعيين أكتر بالموضوع دا

الحياء من الايمان



" لا حياء فى العلم " ....... مش عارفه مين اللى قال دى ؟؟
لا حياء فى العلم .. اما الدين فكله حياء والحياء شعبه من شعب الإيمان ؟؟؟



بصراحة بستغرب جدا من المسلمات اللى بيكشفوا عند أطباء رجال فى تخصص

النساء والتوليد بالأخص كمان وازاى بيقبلوا على نفسهم كدا أصلا

وبستغرب أكتر من أزواجهم

وتخصص النساء والتوليد بالذات الأصلح له الطبيبه




يقول في الحديث
" إن مما أدرك الناس من كلام النبوة الأولى : إذا لم تستح فافعل ما تشاء "

[محمد فهمي]

موضوع حيوي ومهم ياسامح..تشكر عليه

بالنسبة لرأيي الشخصي ونحاول نحط نفسنا برده في نفس الموقف..
أنا لو مسؤل عن أهلا بيتي سواء زوجةً أو أم أو أخت..
هروح لدكتورة أنثي وتكون ماهرة..ولو مافيش في التخصص ده أنثي ..يبقي هروح لرجل وبكده هبقي مضطر وده من وجهة نظري..وموضوع المهارة ده مهم جدا، لانه لو الدكتورة دي لم تكن علي درجة من الكفاءة يبقي ده ممكن يؤدي لضرر أكبر ومشكلة أخطر من موضوع الكشف عند طبيب.....(لا ضرر ولاضرار)

أما موضوع أروح لطبيب مباشرة دون البحث عن طبيبه أولاً.. دي لا أفضلها ولن أفعلها وكل واحد علي حسب غيرته علي أهل بيته ودرجة حياء الأنثي وحياءه هو شخصياً ..
ياعني هناك فروق فردية في الموضوع ده وهيحكمنا برده رأي الدين..

بالنسبة لرأي الدين هيكون منطقي برده وهنلاحظ مافيش فيه تشدد ولا حاجة..
فإنه لا يجوز للمرأة أن تكشف عن شيء من عورتها لرجل لا يحل لها، ومن المعلوم أن

عمليات التوليد وما يسبقها من الفحوص لا تتم إلا بعد تعرية المرأة والكشف عن عورتها

المغلظة، وهذا لا يجوز إلا لضرورة محققة. قال الله تعالى: فَمَنِ اضْطُرَّ غَيْرَ بَاغٍ وَلَا عَاد

فَلَا إِثْمَ عَلَيْهِ {البقرة: 173}. وقال: فَاتَّقُوا اللَّهَ مَا اسْتَطَعْتُمْ {التغابن: 16}.

والضرورة هنا إنما تتحقق بأمرين:

الأول: أن تحتاج المرأة إلى العلاج حاجة حقيقية، ولا يكون ثم دافع آخر
.
والثاني: أن لا تجد المرأة طبيبة تقوم لها بالعملية والفحص، أو كانت الطبيبة غير ماهرة
.
وبما أنك ذكرت أن المستشفى يتوفر فيه طبيبات فإنه لا يحل لزوجتك أن تكشف عن

عورتها أمام طبيب ذكر ولو كنت أنت راضيا، ولكن اعلم أن المرأة الحامل تكون عادة

ضعيفة بدنيا ونفسيا، فحاول أن تقنعها بالعدول عن خطئها هذا دون قسوة وشدة لئلا

يؤدي شيء من ذلك إلى إصابتها والإضرار بها.

والله أعلم.

جزاك الله خيراً ياسامح
شكراً د.الملاك الضاحك علي رأيك..


وربنا يهدينا للصواب..

[same7]

حضرتك مش مكبر الموضوع خالص

نورتي يا دكتوره
بس بخلتى علينا برأيك مفصل

لأ حضرتك بتتكلم صح
جدا
جدا
جدا

الموضوع كبير من حيث ان الناس مش عطياه حقه من حيث الاهتمام
باركك الله يادكتور لأنك وجهت النظر على هذا الموضوع المهم

من وجهه نظرى البسيطه
المرأه لابد وان تكشف عند طبيبه وحياؤها وإيمانها يمنعها من

عرض نفسها على طبيب
الا برضوا لو كان فى ضروره قصوى جدا جدا جدا يعنى أعتقد ان فى هذه الحاله ممكن يجوز أعتقد كمان ان ممكن فى الحاله دى يجوز شرعا كمان
بس يعنى دى لو كانت مثلا مسأله حياه أو موت ومفيش دكتوره أنثى موجوده


والسبب ببساطة انه لا يجوز أن تُكشف المرأة على طبيب رجل حتى وان كان مسلما طالما أن هناك طبيبة مسلمة..
ودايما بيكون فى تقريبا طبيبة أنثى مسلمه
يعنى ساعات بتكون أعذار غير مقبوله

أما مسألة المهارة وكون الطبيب أكثر مهارة من الطبيبة ..
فهذا أمر غير مقبول اطلاقا...
يعني فرق الجنس لا يعني فرق في المهارة..
كل واحد بيجتهد عشان يطور نفسه..
والاتنين تقريبا خارجين من كليه واحده..

والله لا يضيع أجر من أحسن عملا من ذكر أو أنثى..
يعني كون الطبيب رجلا لا يعني أنه الافضل..
منقدرش ننكر طبعا ان فى مفاهيم خاطئة عند معظم الناس بخصوص هذه النقطة

لكن لازم نكون واعيين أكتر بالموضوع دا

الحياء من الايمان


" لا حياء فى العلم " ....... مش عارفه مين اللى قال دى ؟؟
لا حياء فى العلم .. اما الدين فكله حياء والحياء شعبه من شعب الإيمان ؟؟؟



بصراحة بستغرب جدا من المسلمات اللى بيكشفوا عند أطباء رجال فى تخصص

النساء والتوليد بالأخص كمان وازاى بيقبلوا على نفسهم كدا أصلا

وبستغرب أكتر من أزواجهم

وتخصص النساء والتوليد بالذات الأصلح له الطبيبه

انا بتشل من التخصص ده بعد ما بقى عندى خلفيه عنه
وحته ازواجهم دى؟
بس اعتقد بيبقى الفكر محصور فى ان ده دكتور وخلاص

اعتقد بعد بستغرب يبقى حضرتك تعرفى دكاتره ماهرين
ممكن تقولى اسمائهم لو حد يستفاد لو مش لاقى دكاتره ماهرين؟

يقول في الحديث
" إن مما أدرك الناس من كلام النبوة الأولى : إذا لم تستح فافعل ما تشاء "

اسعدنى رأى حضرتك

موضوع حيوي ومهم ياسامح..تشكر عليه

بالنسبة لرأيي الشخصي ونحاول نحط نفسنا برده في نفس الموقف..
أنا لو مسؤل عن أهلا بيتي سواء زوجةً أو أم أو أخت..
هروح لدكتورة أنثي وتكون ماهرة..ولو مافيش في التخصص ده أنثي ..يبقي هروح لرجل وبكده هبقي مضطر وده من وجهة نظري..وموضوع المهارة ده مهم جدا، لانه لو الدكتورة دي لم تكن علي درجة من الكفاءة يبقي ده ممكن يؤدي لضرر أكبر ومشكلة أخطر من موضوع الكشف عند طبيب.....(لا ضرر ولاضرار)

مشكله زى ايه ؟
هوه دكاتره العالم كلهم مبيعرفوش حاجه
مفيش غير الرجاله

وان شاء الله مشكله ما بعد انها تكشف عند الدكتور هتتقبلها ازاى ؟
هتصلح الكسر ازاى يا ابو فهمى؟

أما موضوع أروح لطبيب مباشرة دون البحث عن طبيبه أولاً.. دي لا أفضلها ولن أفعلها وكل واحد علي حسب غيرته علي أهل بيته ودرجة حياء الأنثي وحياءه هو شخصياً ..
ياعني هناك فروق فردية في الموضوع ده وهيحكمنا برده رأي الدين..

بالنسبة لرأي الدين هيكون منطقي برده وهنلاحظ مافيش فيه تشدد ولا حاجة..
فإنه لا يجوز للمرأة أن تكشف عن شيء من عورتها لرجل لا يحل لها، ومن المعلوم أن
عمليات التوليد وما يسبقها من الفحوص لا تتم إلا بعد تعرية المرأة والكشف عن عورتها
المغلظة، وهذا لا يجوز إلا لضرورة محققة. قال الله تعالى: فَمَنِ اضْطُرَّ غَيْرَ بَاغٍ وَلَا عَاد
فَلَا إِثْمَ عَلَيْهِ {البقرة: 173}. وقال: فَاتَّقُوا اللَّهَ مَا اسْتَطَعْتُمْ {التغابن: 16}.
والضرورة هنا إنما تتحقق بأمرين:
الأول: أن تحتاج المرأة إلى العلاج حاجة حقيقية، ولا يكون ثم دافع آخر
والثاني: أن لا تجد المرأة طبيبة تقوم لها بالعملية والفحص، أو كانت الطبيبة غير ماهرة
وبما أنك ذكرت أن المستشفى يتوفر فيه طبيبات فإنه لا يحل لزوجتك أن تكشف عن
عورتها أمام طبيب ذكر ولو كنت أنت راضيا، ولكن اعلم أن المرأة الحامل تكون عادة
ضعيفة بدنيا ونفسيا، فحاول أن تقنعها بالعدول عن خطئها هذا دون قسوة وشدة لئلا
يؤدي شيء من ذلك إلى إصابتها والإضرار بها.
والله أعلم.

هل دى حاجه تصدق ان مفيش ولا طبيبه ماهره؟
ايه ملهومش فى التخصص ده
انا مبتكلمش عن خمس ولا عشر اطباء وبقارن بينهم
انا بتكلم عن دوله كامله
ولو مفيهاش لسه عندى بقيه العالم معتقدش برده ان مفيش فيهم واحده بس ماهره
ساعتها بقه لو ملقتش يبقى ممكن افكر انى اسمح لنفسى بحاجه زى كده
مع اعتقادى ان فكره التفكير فى حاجه زى دى مرفوضه اصلا بالنسبه ليا
لانى مش هلاقى مبرر للكسره اللى سألتك عليها فوق

ولا الفكره انى بستسهل
زى ما بسال دكتور مين كويس
ممكن اغير سؤالى يبقى دكتوره مين كويسه

جزاك الله خيراً ياسامح
شكراً د.الملاك الضاحك علي رأيك..

وربنا يهدينا للصواب..

اللهم امين

منور يا ابو فهمى

بس معتقدش ان فى حاجه اسمها مفيش ولا طبيبه ماهره
ومعتقدش برده ان ممكن رجل يقبل انه يكشف حته منه ( انثى تخصه ) على حد غريب
ويكسر معانى كتير جدا جدا جدا فى حركه واحده


وبعد البحث شويه
ده اسم دكتورتين فى المنصوره
من ناس بتكشف عندهم مش مجرد اسماء جايبها وبيشكروا فيهم

د/مديحه منصور (المختلط- عند وكاله المنصوره )

و

د/ماجده البيلى (سور محطه القطار - برج الكوثر )

وكمان معرفهومش عشان مبقاش بعملهم دعايه ولا حاجه

مش اكتر من ان الموضوع بيعصبنى حاولت الاقيله حل


نورتونى بأرائكم ومستنى باقى الاراء
ومبقتش حاسس ان ده تعنت منى او اى حاجه سلبيه

[الملاك الضاحك]

شكراً د.الملاك الضاحك علي رأيك..

الشكر لله يادكتور
جزاكم الله خيرا

وربنا يهدينا للصواب..

آميييييييييييييييين

انا بتشل من التخصص ده بعد ما بقى عندى خلفيه عنه
وحته ازواجهم دى؟
بس اعتقد بيبقى الفكر محصور فى ان ده دكتور وخلاص
بالظبط كده أهو أى دكتور والسلام

بالنسبه لبلدنا فى بدل دكتوره واحده فى تخصص النساء والتوليد فى حوالى 5 بس محدش بيعبرهم غير قليل قوى ليه مش عارفه
بس برضوا بأعتقد ان معظم الناس بيرتكزوا فعلا على كلمه المهاره قال يعنى هما كانوا جربوا مثلا الدكتوره الأنثى ولقوا انها متنفعش

اعتقد بعد بستغرب يبقى حضرتك تعرفى دكاتره ماهرين
ممكن تقولى اسمائهم لو حد يستفاد لو مش لاقى دكاتره ماهرين؟

للأسف يادكتور أنا مش من المنصوره أنا تبع كفر الشيخ فمعتقدش انى هأقدر أفيدكوا
بس فعلا فى عندنا فى بلدنا عدد كبير جدا من الدكاتره الإناث فى جميع التخصصات بس برضوا مش واخدين حقهم

اسعدنى رأى حضرتك
شكرا جزيلا يادكتور

ومعتقدش برده ان ممكن رجل يقبل انه يكشف حته منه ( انثى تخصه ) على حد غريب
ويكسر معانى كتير جدا جدا جدا فى حركه واحده
لأ فى الناس الطيبين اللى مسلمين أمرهم لله كتيييير قوى بس أعتقد ان دى ثقافه أغلبيه الشعب اللى مطنش كل حاجه ومسلم أمره لله هو يعنى ايه اللى هيحصل


نورتونى بأرائكم ومستنى باقى الاراء
الموضوع منور بأصحابه يادكتور
جزاك الله خيرا
ومبقتش حاسس ان ده تعنت منى او اى حاجه سلبيه

إطلاقا يادكتور الموضوع مظبوط ميه ف الميه

[eng_sh]

بس بخلتى علينا برأيك مفصل
مش بخل ولا حاجه
الموضوع بس بالنسبه لى مفيهوش اختيار
يعنى دكتور ده مستحيل
وده بيطلق عليه بعض الناس تعصب

[sponge Bop]

موضوع مهم جدا يا دكتور وحبيت اشارك معاكم انا عن نفسى عمرى ما فكرت فيه من الناحيه الدينيه ولكن انا بفضل تكون الدكتوره بتاعتى ست مش راجل لانى بحس ان الستات فى المجال ده افضل للبنت كتير من الناحيه النفسيه والارتياح والوضوح وفعلا فى ستات ناجحين جدا فى المجال ده بجانب الرجاله المتفوقين فى هزا التخصص ولكن ده مش يمنع انى ممكن اكشف عند دكتور لو اضطريت لزلك ومش عرفه بقى ساعتها زوجى المستقبلى هيكون رأيه ايه بس ممكن برده يتفهم حاجه زى دى لانى برده عن تجربه لواحده قريبتى فى الموضوع ده كشفت عند اكتر من دكتوره بس للاسف مقدروش يساعدوها بس لما راحت طبعا لدكتور مشهور وناجح الحمد لله ربنا كتبلها انها تتعالج على ايده زى ما بيقولو بس ده طبعا باراده ربنا سبحانه وتعالى واكيد طبعا هى زى غيرها كتير من الناس لما بتسمع عن حد مشهور وكويس مش بيترددوا ولو للحظه انهم يروحوا ويكشفوا عنده من غير تفكير لان الناس بتبقى متعلقه باى امل ولو بسيط وخصوصا فى المواضيع دى واسفه لو طولت فى رايى شويه

[pharmacistina]

ليه انا كفرد واقف فى صيدليه بتسمحلى اشوف جزء من جسمها ولو ده حصل بره يبقى مشكله فظيعه


وازاى انا كرجل بخاف على حرمتى اقبل انها تعمل كده ما انا ليا اخت وام وزوجه وقرايب بنات ممكن يبقوا فى نفس الموقف ده

بتسمح لك تشوف ذراعها عشان بتثق فيك عشان انت دكتور عشان دي حاجة تتعلق بمصلحتها الصحية ,

مش جاية توريك ذراعها عشان مثلا هي عايزة كدة أو انها عايزاك تعجب بيها الى آخره من النوايا السيئة ...

و كذلك دكتور النسا أو أي طبيب آخر

بصراحة أنا من خلال ما شفت في حياتي فعلا قليل جداااا لما تلاقي طبيبة ماهرة و اشتغلت كتير و عندها خبرة و دة طبيعي بسبب ارتباطات الحياة بالنسبة للست

فالناس بتلجأ لطبيب معروف بالكفاءة و مشهود له بحسن الخلق و خصوصا في مجال النسا و التوليد

و بعدين لو واحدة راحت لدكتور نسا أو غيره بيكون معاها زوجها أو حد من أهلها ,

و انت برده مش هتبقى مبسوط لو أختك أو زوجتك راحت لطبيبة لخبطت لها الدنيا أو عملت لها جراحة غلط

فكرتني بطبيبة نساو توليد في بلد جمب بلدي , مبترضاش تعمل ولادة قيصرية اصلها بتخاف ( في حالات لازم قيصرية )

ولو جت تولد طبيعي تقعد طول الولادة تدعي ربنا ( يارب استرني يارب ) ( يارب ارشدني للصح يارب ) مش واثقة في اللي هي بتنيله

و طبعا العيانة بتموت قدامها من التعب و هي خايفة مهيش عارفة أوي تساعدها

في حين ان طبيب النسا الشاطر بيشتغل بهدوء و بيعرف يشتغل كويس

[same7]

موضوع مهم جدا يا دكتور وحبيت اشارك معاكم انا عن نفسى عمرى ما فكرت فيه من الناحيه الدينيه

انا مبتكلمش من الناحيه الدينيه
مع ان الدين بيتكلم صح

بس الارتياح النفسى
والحياء
وانا كــ رجل ازاى اقبل ده

ولكن انا بفضل تكون الدكتوره بتاعتى ست مش راجل لانى بحس ان الستات فى المجال ده افضل للبنت كتير من الناحيه النفسيه والارتياح والوضوح

ده جزء مع ان التفكير العام مبقاش بيفكر كده
زى ما دكتوره فارماسستينا شايفه كده
ان وظيفتى تعطينى الحق فى ذلك

وفعلا فى ستات ناجحين جدا فى المجال ده بجانب الرجاله المتفوقين فى هزا التخصص ولكن ده مش يمنع انى ممكن اكشف عند دكتور لو اضطريت لزلك

الضروره شئ نسبى من فرد للاخر
ممكن اعرف لحد فين الضروره دى؟

ومش عرفه بقى ساعتها زوجى المستقبلى هيكون رأيه ايه بس ممكن برده يتفهم حاجه زى دى لانى برده عن تجربه لواحده قريبتى فى الموضوع ده كشفت عند اكتر من دكتوره بس للاسف مقدروش يساعدوها بس لما راحت طبعا لدكتور مشهور وناجح الحمد لله ربنا كتبلها انها تتعالج على ايده زى ما بيقولو بس ده طبعا باراده ربنا سبحانه وتعالى واكيد طبعا هى زى غيرها كتير من الناس لما بتسمع عن حد مشهور وكويس مش بيترددوا ولو للحظه انهم يروحوا ويكشفوا عنده من غير تفكير لان الناس بتبقى متعلقه باى امل ولو بسيط وخصوصا فى المواضيع دى واسفه لو طولت فى رايى شويه

دى حاله فرديه برده
زى ما ذكرت فى ردى على المشاركه الجايه

وبرده فى دكتور فى عزبه الشال
مشهور
بس ادمر تقريبا بعد ما فى حاله ولاده واحده ماتت
لان من ساعه ما الناس عرفت الحاله دى
كله خاف ومحدش بيروحله زى الاول
فديه حالات فرديه مواقف هيه اللى بتحكم عليها


مثال تانى
فى دكتور مشهور جدا وناس كتير بتروحله فى المنصوره
دكتور عبد الجواد
اظن معروف جدا


ناس كانت عنده وسابته
وراحوا لدكتور طارق وبرده مشهور

والعكس
فهيا حالات فرديه مينفعش نعممها ابدا

بتسمح لك تشوف ذراعها عشان بتثق فيك عشان انت دكتور عشان دي حاجة تتعلق بمصلحتها الصحية
مش جاية توريك ذراعها عشان مثلا هي عايزة كدة أو انها عايزاك تعجب بيها الى آخره من النوايا السيئة ...

بس طالما اقدر اكشف من فوق الهدوم عادى
وده ينفع
ولا انا غلطان ؟

يبقى ملهاش لازمه تكشف دراعها

و كذلك دكتور النسا أو أي طبيب آخر
بصراحة أنا من خلال ما شفت في حياتي فعلا قليل جداااا لما تلاقي طبيبة ماهرة و اشتغلت كتير و عندها خبرة و دة طبيعي بسبب ارتباطات الحياة بالنسبة للست
فالناس بتلجأ لطبيب معروف بالكفاءة و مشهود له بحسن الخلق و خصوصا في مجال النسا و التوليد
و بعدين لو واحدة راحت لدكتور نسا أو غيره بيكون معاها زوجها أو حد من أهلها ,
و انت برده مش هتبقى مبسوط لو أختك أو زوجتك راحت لطبيبة لخبطت لها الدنيا أو عملت لها جراحة غلط
فكرتني بطبيبة نساو توليد في بلد جمب بلدي , مبترضاش تعمل ولادة قيصرية اصلها بتخاف ( في حالات لازم قيصرية )
ولو جت تولد طبيعي تقعد طول الولادة تدعي ربنا ( يارب استرني يارب ) ( يارب ارشدني للصح يارب ) مش واثقة في اللي هي بتنيله
و طبعا العيانة بتموت قدامها من التعب و هي خايفة مهيش عارفة أوي تساعدها
في حين ان طبيب النسا الشاطر بيشتغل بهدوء و بيعرف يشتغل كويس

دى حالات
طب ما انا ممكن اقول
ان فى دكتور نسا وتوليد فى الدراسات فى المنصوره
مش دكتور اصلا
وبيعمل عمليات
و ادى الامر
ان واحده فقدت الرحم بتاعها


وزى ما قولت عن الدكاتره اللى ذكرت اسمائهم قبل كده
الناس بتشهد لهم بالخبره والمهاره

بس انا لو دورت شويه هلاقى مش استسهل بقه واخلى الموضوع عامل نفسى

هوه الاهم دلوقتى الحياء ولا اولد؟
ادور على الاهم واحاول احققه
معتقدش ان فى مبرر ابدا انى اكسر حيائى