>> @@ .. فضفضه .. فضفض وطلع اللى جواك .. @@ >>

[amira89]

يـَــذهـ‘ـب الـجَـمـيـل لـٍـيـَـاأتـي الاأَجـْـمـل ..
تـلـك هـي ثـقـَـتـي بـربـّـي .

[Dr.Sanureta.S]

زهقت بقى من كتر القيل والقال
كل واحد يخليه في حالة

[تابعة محمد]

زهقت بقى من كتر القيل والقال
كل واحد يخليه في حالة

[DR.BIBO]

احيانا بيبقى جوانا احساس غريب اوى لما تحس ان اللى انت كنت بتعمله مع كل الناس وبتقوله وانت مقتنع بيه ميه فى الميه وبتقنع بيه ناس كتير بتيجى عليك لحظات وتبقى مستنى تسمع الكلام ده من الناس وكانك اول مرة تسمعه وممكن تعارضهم فيه مع انك متاكد ان الكلام ده هو الصح ومينفعش تفكر غير كده
وفى اوقات بنكتشف ان احنا اضعف ما احنا متصورين او حتى الناس متصورة فى اللحظه ديه بجد بنبقى محتاجين نقف فى نص الطريق ونختار هنمشى ازاى خصوصا لما يكون فى وقوفنا ده لو ملحقناش نفسنا ممكن نخسر بجد اجمل ما فينا عارفة ان كلامى ملخبط ومش مترتب بس ده اللى انا حساه دلوقتى
ادعولى

[محمد سمير]

احيانا بيبقى جوانا احساس غريب اوى لما تحس ان اللى انت كنت بتعمله مع كل الناس وبتقوله وانت مقتنع بيه ميه فى الميه وبتقنع بيه ناس كتير بتيجى عليك لحظات وتبقى مستنى تسمع الكلام ده من الناس وكانك اول مرة تسمعه وممكن تعارضهم فيه مع انك متاكد ان الكلام ده هو الصح ومينفعش تفكر غير كده

وفى اوقات بنكتشف ان احنا اضعف ما احنا متصورين او حتى الناس متصورة فى اللحظه ديه بجد بنبقى محتاجين نقف فى نص الطريق ونختار هنمشى ازاى خصوصا لما يكون فى وقوفنا ده لو ملحقناش نفسنا ممكن نخسر بجد اجمل ما فينا عارفة ان كلامى ملخبط ومش مترتب بس ده اللى انا حساه دلوقتى
ادعولى

ربنا يوفقك لما يحبه ويرضاه ويرضيكى

[sponge Bop]

بالعكس يا دكتوره بيبو كلامك مش ملخبط ولا حاجه انا فهماكى جدا وحسه بكل كلمه انتى بتقوليها بس سعات الظروف والناس بتضطرنا اننا نعمل حاجه او نقول حاجه احنا مش مقتنعين بيها بس عشان الامور تمشى والدنيا تعدى
ربنا يوفقك دايما فى الخير ويهديلك بالك ويبعد عنك كل شر

[موظفه طموحه]

السلام عليكم
كالعادة يا دكتور محمد اد ايه مواضيعل هادفه ومفيده وكمان شيقه وممتعه
عوزه اقول ان لو كل واحد فينا فضفض بالجواه صدقنى مش هتكفى الصفحات ولا الكلمات ولكن ممكن نفضفض
ببعض ما بداخلنا ...........انا عن نفسى بداخلى اشياء كثيـــــــــــــــرة جدا سلبيات نفسى تتغير حاجات كتير فى البشر نفسى تتغير حسه ان جوايا صرخه داخليه لايسمعها غيرى ........ولكن على قمة هذه الشياء
موضوع يؤقرنى ويجعلنى لااعرف للنوم طعم .............. وهو التوأم .....طبعا كلكم مستغربين لا صدقونى مش هيحس بى غير حد جرب الموضوع ده ....وهو
عندى توأم بنتين زى القمر ما شاء الله ربنا يحفظهم يارب
المستوى العلمى يعتبر متقارب ولكن فيه فرق بس بسيط
فى حالة ظهور اى نتيجه بكون فى ماساه بجد لا يعلمها الا الله لما بجيب الشهادات بكون فى حيره اعمل ايه مع ان الفرق بينهم مثلا 5 درجات فى المستوى وكان الصدمة الكبرى عند ظهور نتيجةالترم ده على فكره هم فى اولى اعدادى ........... للاسف الشديد استلمت الشهادات الدنيا لفت بى ووقعت لانى وجدت واحده شهادتا فى السما والتانية فى الارض ..... طبعا انا زهلت ومش مصدقه ان دى نتيجة بنتى بدات اسال وادور بالطرق الوديه واخيرا عرفت وتاكدت ان دى مش نتيجة ابنتى وان فيه بنت مسافره ما لهاش اعمال سنه اتنقل نتيجتها لبتى بالخطا
بس ازاااااااااااااااااااااااااى تصلح الخطا ده طبعا الخطا اكتشف بعد ظهور النتيجه رسمى واستحاله يعطونى نتيجة ابنتى عشان خيفين اشتكى ............ قيل لى مش ممكن نخرجلك النتيجه دلوقتى فيها حرمان 5 سنوات من اعمال الامتحان طبعا لما عرفو انى اكتشفت المشكله اتلعب فى ورق ابنتى طلبت الكشف عن الورق بحضورى وحضور البنت رفضو طبعا .... قالو الموجه هيجى يشوفها لوحده ويحكم ..............طيب بالله عليكم منين الموجه هيعرف ان دى كراسة بنتى كان نفسى بس البنت تقول دى كراستى بس مين يسمع ومين يستجيب عوزه اصرخ
عوزه اقول يا ناس اتقوا الله فى عملكم .......... بجد لو كل واحد فينا راعى ربنا فى عمله وفى كل حاجه بيعملها صدقونى حالنا هيتصلح .......... طبعا مع كل اللى انا قولته بس مش عرفه اخرج كل اللى جوايا ..........معلشى دوشتكم ....بس بجد بشكرك يا دكتور محمد على هذه الفرصه والمساحه للفضفضه
اشكرك

[صاحبة القلم الحائر]

الفترة دى اسوء فترة فى حياتى احساس وحش اوى لما تحس انك غايب عن الوعى انك تايه حتى عن نفسك شعور صعب جداا لما تفتكر كل الهموم اللى مريت بيها فى حياتك وتسأل نفسك ليه كل ده وما تلاقيش اجابة لاى سؤال حسه انى ميتة مش قادرة اعمل اى حاجة جوايا هموم تكفى الدنيا كلها وفى عيونى بحور من الدموع اللى بتسيل فى كل ثانية بمر بيها حسه انى عاجزة حتى عن الكلام مع نفسى بتمنى الموت لو فيه راحة ليا

اسفة على الاطالة بس كان نفسى اخرج اللى جوايا
جزاكم ربى خيرا

[Eman Ahmad]

[SIZE="5"][/SIZEالسلام عليك
موضوع فكرته اكتر من رائعة يادكتور ربنا يجازيك عليه خير يارب
انا عندي مشكلة اني ببكي كتير اوي اوي
لدرجة ناس اصحابي بيقولو عليا ايمان اللي بتعيط كتير
اكيد انا مش بعيط من غير سبب
بس انا عايزة اتعلم ازاي اقدر اتحكم ف مشاعري واسيطر عليها مش عايزة كل ما حد يشوفني يقولي انتي فيكي ايه
نفسي اقدر اخبي شوية واتحكم ف دموعي دي
لاني مبقتش بعرف ارد ع الاسئلة اللي بتسألها
اتمنى اني الاقي حل

[sponge Bop]

[SIZE="5"][/SIZEالسلام عليك
موضوع فكرته اكتر من رائعة يادكتور ربنا يجازيك عليه خير يارب
انا عندي مشكلة اني ببكي كتير اوي اوي
لدرجة ناس اصحابي بيقولو عليا ايمان اللي بتعيط كتير
اكيد انا مش بعيط من غير سبب
بس انا عايزة اتعلم ازاي اقدر اتحكم ف مشاعري واسيطر عليها مش عايزة كل ما حد يشوفني يقولي انتي فيكي ايه
نفسي اقدر اخبي شوية واتحكم ف دموعي دي
لاني مبقتش بعرف ارد ع الاسئلة اللي بتسألها
اتمنى اني الاقي حل

انا قريت مشاركتك يا دكتوره ايمان وحبيت اقولك رأيى لو معندكيش مانع انا عن نفسى بعرف اتحكم فى مشاعرى جدا مع انى فى بعض الاوقات دموعى بتنزل غصب عنى وممكن افقد السيطره على نفسى بس ده نادرا ومش فى كل الاوقات وبعدها بزعل من نفسى جدا لانى مش بحب ابان او اظهر ضعيفه قدام حد مع انه ممكن ميكنش ضعف وممكن تكونى انتى حساسه بزياده بس دايما افتكرى ان دموعك دى غاليه جدا ومفيش حد هيقدر دموعك غير الى بيحبوكى بجد وبيخافوا عليكى من قلبهم لدرجه انهم ممكن يبكوا لما يشوفوكى بتبكى غير كده حاولى انك تكونى قويه دايما قدام كل الى يعرفوكى واسفه لو طولت عليكى ويارب اكون قدرت اوصلك حاجه