كلــــمة مقولتهاش !!!! أنـــــا آسف ..
فيه حاجات ممكن تتنسى
فيه حاجات مابتتنسيش
برده الواحد مهما مشى
الطريق مبينتهيش
فيه حاجات ممكن تتنسى بس بنفتكرها ساعات
مهما الوقت فات برده بتفضل ذكريات
عمرك حسيت انك ندمان على كلام كان لازم تقوله
اوقات شفت الحظ بعينك مقدرتش تطوله
كل اللى بيحصلنا مكتوبلنا ده القدر
حتى لو معاك شمسيه مش هتوقف المطر
اتخلقنا من التراب وهنرجع للتراب
الموت بيفرق بين الاهل والوقت بيفرق بين الصحاب
فيه ناس كان نفسى يكونوا جنبى دلوقتى
وهما دول الناس اللى انا ببعتلهم الرساله دى
انا مش عارف ليه كنت خايف اقول ان انا اسف
انا اسف فى كلمه
كلمه مقولتهاش
كلمه لو كنت قولتها
كان اليوم ده مجاش
جرب تسأل نفسك مره
بطل تتهرب من نفسك
مش هتبقى حره الا لو جربت بنفسك
تتعرف على كل الناس
تتكلم مع ده وده
تكره ناس وتعز ناس
وناس تروح على سهوه
هتعمل ايه لو كنت مكانى
اعز اصحابى بقى واحد
تانى كان لازم افضل جنبه
يمكن كان يسمع كلامى
دلوقتى ضميرى بيجرى ورايا
عشان اخويا بيضيع قدامى
عشان سنين قضاها معايا
كانت احسن ايامى
كلمه بقولها وكان نفسى اقولهاله
عندى اجابات لاسئله شاغله باله
لو هوه سامعنى انا بقول انا غلطان
--------------------------------------------
بقالنا كتير ماتكلمناش
بقالنا كتير مااتقابلناش
ذكرياتنا فيه منها اللى اتنسى
وفيه منها اللى عاش
كان نفسنا نكمل ملحقناش
ويمكن ده كان احساسى انا بس
كلمه ماقولتهاش
وكانت فرصه ماخدتهاش
والنتيجه ان انا ندمان
والحقيقه ان انا انسان
مش غريب ان انا غلطان
الغلطه ان انا سكت
وانى عمرى ما اتكلمت
ولما جاتنى الفرصه انى اعمل حاجه استسلمت
لو كان بإيدى دلوقتى انى ارجع الوقت
كنت رجعت للوقت لما كان حبنا بجد
لكن مستحيل انى اغير الحقيقه
الموت خدك منى ومبقاش ليه حد
انا اسف فى كلمه
كلمه مقولتهاش
كلمه لو كنت قولتها
كان اليوم ده مجاش
Dr.M.Hegazy
.gif "Fop (26)")
رد مع اقتباس
