غنوة وفكرة

[DR.BIBO]

الموضوع وقف ليه يا شباب ؟؟

أين أنتم ؟؟

فى الامتحانات يادكتور

[amira89]

فى الامتحانات يادكتور

نحن قوم لا تهزنا رياح عاتية فهل تهزنا ورقة فيها اجب عن الاسئلة الاتيه













لا وربى

[chocolata]

نحن قوم لا تهزنا رياح عاتية فهل تهزنا ورقة فيها اجب عن الاسئلة الاتيه














لا وربى
[/center]

الله اللله يا ست
عظمه على عظمه الكلام دا بجد ميه ميه

ممكن اكون المرة دى مقترحه الاغنيه
انا بقترح اغنيه نجاة
سلم عليا
واعذرونى لانها اغنيه قديمه بس الحقيقه لما سمعتها مرة واتنين اعجبت بيها جدا
بالكلمات والاحساس الغزلى الجميل الموقر بجد حاجه روعه دا غير الصوت اكيد

[amira89]

الله اللله يا ست

عظمه على عظمه الكلام دا بجد ميه ميه

اى خدمة يا باشا

[فجر المستقبل]

بجد فكره جميلة .وفعلا ممكن حد يتغير علشان صديقه او حد بيحبه بس من وجة نظرى التغيير مش بيبقى ميه فى الميه لان فعلا الطبع بيغلب التطبع بس لو متمسكين ببعض فعلا كل واحد فيهم بيحاول انه يغير الحاجه اللى بتضايق التانى بس حتى لو معرفيش يغيرها بيحاول انه يتجنبها

[DR.BIBO]

الحلقة الخامسه
غنوتنا النهارده

عاشق سارح بالملكوت

ميهموش العمر يفوت

يدفع فى الحريه حياته ولو اتكتف للحظه يموت

قلبه بيبرق زى الماس

ولا يملك غير الاحساس

غرقان فى جروحه والااامه وبيداوى فى جروح الناس

قلبه بيبرق زى الماس

ولا يملك غير الاحساس

غرقان فى جروحه والااامه وبيداوى فى جروح الناس

بايع قلبه للى يحبه ومعندوش للحب شروط

عاشق سارح بالملكوت ولو اتكتف للحظه يموت

عاشق سارح بالملكوت

ميهموش العمر يفوت

يدفع فى الحريه حياته و لو اتكتف للحظه يموت

طير فى السما وملوش عنوان

وفى ايديه خاتم سليمان

كان عايز بالضحكه يغير ويدوب كل الاحزان

عاش الحلم كانه حقيقه

وافتكر ان الدنيا بريئه

من طيبته سلم لحبيبته وحببته بتبيع فى دقيقه

فوق واتحرر من اوهامك

العمر بيخلص قدامك

الطير مش هيطير فى جهنم ومافيش سمكه بتعشق حوت

عاشق سارح بالملكوت

ميهموش العمر يفوت

يدفع فى الحريه حياته ولو اتكتف للحظه يموت

الفكرة: هى هل ممكن تدفع فى الحريه حياتك وهنا انا مبتكلمشعن حريه الاوطان لا اناقصدى حريتك فى التصرف فى التفكير حتى فى الاحلام
وياترى عمرك حسيت/ى انك ضيعت فترة من عمرك فى الاوهام ولو حصلك كده هتتصرف ازاى
وهل البراءة فى الدنيا شىء معدش ينفع يكون موجود يعنى اللى الانسان اللى بيتعامل ببراءة وعلى فطرته مع الناس فعلا الناس بتعامله على انه اهبل ولا بيشوفو ان ده ميزة فيه
بس كده مستنية اسمع رايكو ويارب الحلقة تعجبكو

[M.Hegazy]

تم إلغاء تثبيت الموضوع ..

[DR.BIBO]

تم إلغاء تثبيت الموضوع ..

تمام شكرا يادكتور محمد على التنبيه بس كنت اتمنى ان حضرتك تشارك برايك فى الحلقة الخامسه

[محمد فهمي]

الحلقة الخامسه


الفكرة: هى هل ممكن تدفع فى الحريه حياتك وهنا انا مبتكلمش عن حريه الاوطان لا اناقصدى حريتك فى التصرف فى التفكير حتى فى الاحلام
حرية التصرف والتفكير لازم تكون بحدود ومرتبطة بالواقع بشكل ما...علشان ميبقاش التفكير ده من الأوهام...
وياترى عمرك حسيت/ى انك ضيعت فترة من عمرك فى الاوهام ولو حصلك كده هتتصرف ازاى
بالنسبة للأوهام دي مليانة في الحياة.. حتي ولو الواحد واخد باله من إن هوا لايقع فيها..واللي بيحصل إننا نقع ونقوم ونقع ونقوم....وهكذا.. بس أهم حاجة الواحد يستفاد من كل وقعه علشان نقلل العملية دي شوية.. وميكونش أهبل ويروح يقع في الفخ ده كل مرة...كلنا بيحصلنا الوقعة دي..الصغار والكبار..الذكي والمغفل.. والكل.. بس بنسب متفاوتة بالتأكيد واللي بيكسب هوا اللي بيستفاد..
وهل البراءة فى الدنيا شىء معدش ينفع يكون موجود يعنى اللى الانسان اللى بيتعامل ببراءة وعلى فطرته مع الناس فعلا الناس بتعامله على انه اهبل ولا بيشوفو ان ده ميزة فيه
البراءة والفطرة بتخلي الواحد ضميره صاحي وقلبه نقي ومطمئن بالتأكيد....ولكن موش معني كده إن أنا أمشي بيها بس ..لأ.. لازم تكون إيد فيها الفطرة والبراءة والطيبة....وإيد تانية فيها الشدة والحسم ونبقي مصحصحين كويس.. لأن الناس فيهم إللي مينفعش معاهم الطيبة طول الوقت ودايماً موجود ناس متخصصين في اصطياد النوع البرئ جداً واللي نيته وفطرته طول الوقت...النوع المُستغل ده لازم نصحصح معاه ونتعامل معاه بحذر طبعاً وبيبقي لازم الموضوع يتحسم في الحالة دي..وكل ده علشان برده لانقع في الأوهام وتبقي تفكيرنا واقعي وفي نفس الواقت لانفقد إنسانيتنا ..

الإتزان والوسطية في كل حاجة بيبقي حاجة كويسة...وساعات نميل هنا شوية وهنا شوية بس الاهم نرجع نحقق الإتزان ده...اتزان النفس والعقل
بس كده مستنية اسمع رايكو ويارب الحلقة تعجبكو

شكراً د.هبة علي فتح باب للمناقشة

[M.Hegazy]

تمام شكرا يادكتور محمد على التنبيه بس كنت اتمنى ان حضرتك تشارك برايك فى الحلقة الخامسه

أنا باعتذر من حضرتك يا دوك ،، بس الموضوع متوقف بقاله فترة كبيرة ،، و مضطر للأسف اخفض عدد المواضيع المثبتة عشان أدي الفرصة للمواضيع الجديدة ،، برغم معزة الموضوع ده بالذات عندي ،، إن شاء الله لو رجع ينشط تاني ،، هثبته تاني إن شاء الله ،، و اتمنى ده يحصل لأن الموضوع بجد متميز و يحمل طابعه الخاص ..

الحلقة الخامسه
غنوتنا النهارده

عاشق سارح بالملكوت

ميهموش العمر يفوت

يدفع فى الحريه حياته ولو اتكتف للحظه يموت

قلبه بيبرق زى الماس

ولا يملك غير الاحساس

غرقان فى جروحه والااامه وبيداوى فى جروح الناس

قلبه بيبرق زى الماس

ولا يملك غير الاحساس

غرقان فى جروحه والااامه وبيداوى فى جروح الناس

بايع قلبه للى يحبه ومعندوش للحب شروط

عاشق سارح بالملكوت ولو اتكتف للحظه يموت

عاشق سارح بالملكوت

ميهموش العمر يفوت

يدفع فى الحريه حياته و لو اتكتف للحظه يموت

طير فى السما وملوش عنوان

وفى ايديه خاتم سليمان

كان عايز بالضحكه يغير ويدوب كل الاحزان

عاش الحلم كانه حقيقه

وافتكر ان الدنيا بريئه

من طيبته سلم لحبيبته وحببته بتبيع فى دقيقه

فوق واتحرر من اوهامك

العمر بيخلص قدامك

الطير مش هيطير فى جهنم ومافيش سمكه بتعشق حوت

عاشق سارح بالملكوت

ميهموش العمر يفوت

يدفع فى الحريه حياته ولو اتكتف للحظه يموت

الفكرة: هى هل ممكن تدفع فى الحريه حياتك وهنا انا مبتكلمش عن حريه الاوطان لا انا قصدى حريتك فى التصرف فى التفكير حتى فى الاحلام

أنا ممكن ادفع تمن حياتي للحرية لغيري ،، لأني لو مت هبقى عملت إيه كده بالحرية !!! ..

طبعا حرية التصرف دي كلمة كبيرة جدا ،، لازم نحجمها شوية .. لأننا في مجتمع إسلامي شرقي ،، له ضوابطه و تقاليده و عاداته .. أنا طبعا مع الحرية ،، و لكن بضوابط الشرع و العرف ،، أيا كانت هذه الحرية ،،،

أحب أضيف حاجة .. جملة : " أنا حر ،، اعمل اللي أنا عايزه " .. جملة مستفزة و خاطئة جدا .. الصح بقى إيه ،، أنت حر ما لم تضر .. لأن أنا مش عايش لوحدي ،، لازم أراعي تعاليم ديني ،، أصول مجتمعي الشرقي العربي الأصيل ،،، أراعي الناس و شعورهم كمان .. فالحرية مطلوبة و لكن كما ذكرت بقيود و ضوابط .. حتى لا يختلط الحابل بالنابل ..

وياترى عمرك حسيت/ى انك ضيعت فترة من عمرك فى الاوهام ولو حصلك كده هتتصرف ازاى

ضيعت : كلمة صعبة قوي ،، أنها هتؤدي للحسرة ،، و بكده لما اقعد اتحسر على حاجة ضاعت فأنا بكده بضيع الوقت اللي بين إديا حاليا ،،، فنقول مثلا " ندمت " ممكن ،، بس يكون ندم إيجابي .. إزاي يعني ؟؟ الندم اللي يخليني اتعلم من غلطتي في عمري اللي فات ،، اللي يخليني ابقى أحسن و أطور من نفسي .. فالمفروض منحزنش على شيء راح .. المفروض نعتبر الماضي أو السنوات السابقة زي المدرسة كده .. عشان نتعلم و نبقى أحسن .. و بكده أبقى فرد إيجابي و منتج .. و مش عالة على نفسي و أسرتي و مجتمعي ..

و أدينا بنتعلم ..

وهل البراءة فى الدنيا شىء معدش ينفع يكون موجود يعنى اللى الانسان اللى بيتعامل ببراءة وعلى فطرته مع الناس فعلا الناس بتعامله على انه اهبل ولا بيشوفو ان ده ميزة فيه

للأسف .. فيه واقع مؤلم ،، و مشكلة مجتمعية رهيبة فينا .. إن التعبيرات و الأخلاقيات اتخلط و اتغيرت عندنا ،، بقى المفروض الواحد ميكونش بريء عشان البريء ده " أهبل " أو " عبيط " ،، المفروض ابقى " مدقدق " ، و " داير " و " مفتح " و يا ريت نبقى كده بس نبقى صح مش بالصورة الشريرة ،،، الخديعة بقت هيا الصح ،، المقاييس بقت متشقلبة ..

بس برغم كل ده .. أبقى " بريء " و " أهبل " عند الناس ،، أحسن مما ابقى " مدقدق " " و مفتح " بالمقاييس بتاعتهم ،،، أمام ربنا سبحانه و تعالى ..
بس كده مستنية اسمع رايكو ويارب الحلقة تعجبكو

أكيد طبعا حلقة جميلة جدا .. تسلم إيدك بجد .. حضرتك محاورة ممتازة جدا .. و انصح حضرتك ،، تنمي الموهبة دي عندك من خلال الاشتراك في المجلات و الجرائد المحلية و الدولية كمان ،، و إن شاء الله نشوفك محاورة ممتازة في برنامج راقي على قناة راقية إن شاء الله ..