الجدول المقترح لامتحانات الميدترم ( الترم الثانى )

[ELANDALEEB]

السلام عليكم

بما اننا لسه مشبعناش م الآجازة .. وتقريبا خلاص الموضوع شبه منتهى اننا راجعيين الكلية يوم السبت .. وهندخل فى موود الدراسة بدرى كدة . . يبقى نسبق المناهج والمحاضرات .. ونتكلم على مواعيد امتحانات الميدترم .. علشان لما الدكاترة يدخلوا علينا فى اول محاضرة .. نزعق ونتخانق ونقول ده ظلم ..ده ظلم . . المواعيد صعبة وجاية ورا بعض .. ومفيش وقت نذاكر ونجمع .. والمنهج كبير كبير كبير ... ونشوف ايموشن الدكاترة شكله ايه

يالا نسمى كدة ونتفرج على الجدول

[m_medical]

خير اللهم اجعله خير ده ازاى ده ؟ كل يوم امتحان ؟ وفى نفس الاسبوع :d

[dr_orchida]

هو ده جدول الميد تيرم فكل انحاء الجمهورية
بس انا مش متقبلاه معرفش ليه..... كل يوم وموادنا بشعة والدكاترة بصراحة بيحددو كم غير طبيعي !!!!!!!؟؟؟؟؟؟؟؟؟
ربنا ييسر بقي وخلاص لاننا مش هينفع نغير نظامه للاسف

[Nayroz]

هااااااااه
ايه ده ... ؟؟ هو فى إيه ... ؟؟
بسم الله الرحمن الرحيم
الحاجات دى بتطلع امتى ... !!
هو كله ضرب ضرب كدة ... ؟؟

شىء كويس إن الدراسة تتوقف أثناء الميد تيرم ...
بس مش حلو يبقى طخ ورا بعضه كدة ...
و بعدين هو الترم لسة بدأ و لا عرفنا المواد فالترم ده شكلها بقى إيه ... ؟؟
و لا عرفنا عملنا إيه نتيجة اللبخ فى الترم الاولانى ... ؟؟

حرااااااااااااام بقى .....
أعترض و بشدة ع الجدول المقترح ده ... و أشجب ...
( هو يعنى إيه أشجب ... أعترض برده تقريبا ... )
نفسى اقرأ فى الكلية دى خبر حلو قبل ما نتخرج إن شاء الله ....

[تابعة محمد]

هااااااااه
ايه ده ... ؟؟ هو فى إيه ... ؟؟
بسم الله الرحمن الرحيم
الحاجات دى بتطلع امتى ... !!
هو كله ضرب ضرب كدة ... ؟؟

شىء كويس إن الدراسة تتوقف أثناء الميد تيرم ...
بس مش حلو يبقى طخ ورا بعضه كدة ...
و بعدين هو الترم لسة بدأ و لا عرفنا المواد فالترم ده شكلها بقى إيه ... ؟؟
و لا عرفنا عملنا إيه نتيجة اللبخ فى الترم الاولانى ... ؟؟

حرااااااااااااام بقى .....
أعترض و بشدة ع الجدول المقترح ده ... و أشجب ...
( هو يعنى إيه أشجب ... أعترض برده تقريبا ... )
نفسى اقرأ فى الكلية دى خبر حلو قبل ما نتخرج إن شاء الله ....

وانا كمااااااااااااااااان زيك متفقة معاك ... وزيادة عليها اسبوع الرحلة الى قبل اسبوع الامتحانات على طول
انا خلاص هعيط على الحظ العسل الى انا فيه

[noso noso]

يااااااه ماشاء الله هو احنا لحقنا انا كده حاسه انى داخله على امتحانات الترم التانى مش الترم التانى
هو فيه حاجه اسمها امتحان كل يوم

[Nayroz]

وانا كمااااااااااااااااان زيك متفقة معاك ... وزيادة عليها اسبوع الرحلة الى قبل اسبوع الامتحانات على طول
انا خلاص هعيط على الحظ العسل الى انا فيه

انتى يا بنوتة سيبك من الميد تيرم ...
رحلة ايه دى اللى بتتكلمى عنها ، هو انتى طالعة رحلة ... ؟؟
أنا مش فاهم ...

يااااااه ماشاء الله هو احنا لحقنا انا كده حاسه انى داخله على امتحانات الترم التانى مش الترم التانى
هو فيه حاجه اسمها امتحان كل يوم

فى بلدنا كل شىء بقى ممكن ،،
مفيش حاجة اسمها امتحانات ، لأن أحنا الامتحانات ذاتها ...
احنا أصلا من يوم ما دخلنا الكلية دى و احنا بنمتحن ، احنا ببساطة مبنلحقش ندرس ....
هما بس حبوا يكملوا علينا و يعملوا الواجب معانا بالقوى أصل السنة ناقصة ...
ربنا يستر بقى ...

[Hope1]

كله ضرب كده مفيش شتيمة

[Dr/MeMo]

hhhhhhhhhhhhh ah walahe f3lan aii da kda mn 2olha msh yastno 3alina shoya kda sadma mn 2olha ya mosahl yarb

[محبة الهادى]

على فكرة الجدول فيه ميزة حلوة لازم كلنا ناخد بالنا منها
انه بدرى
بمعنى ان الدكاترة كده كده هيمتحنونا تقريبا كده على شرح اربع اسابيع بس
واظن احنا دفعه مخلصه وبتجيب من الاخر وسهل نذاكر اربع اجزاء فى كل مادة وغالبا الجزء الاول بيكون مقدمه وبيترمى
مش عايزين بس نعترض لمجرد الاعتراض
هما تقريبا طبقوا او بدؤوا يطبقوا نظام الميد ترم صح
كل المواد فى اسبوع واحد والدراسه واقفه فى الاسبوع ده
واعتقد ده اللى كنا بنطالب بيه الترم الاول صح ؟
انا اعتراضى على المده بتاع الامتحان نفسه بس لانه بالنسبه للصناعيه لو الكم زى الترم الاول مش هنلحق نخلص فى ساعه الا ربع بس انا متاكده ان اللى هيحط الامتحان هيراعى ده
وملحوظه كمان اتمنى اللى هيقسم المجموعات بتاع كل المواد يكون شخص واحد او الاقسام تنسق مع بعضها علشان كل طالب فى الدفعة يمتحن مرة فى كل ميعاد علشان يكون فيه تكافؤ
لانه مش معقول واحد يمتحن كل مرة فى اول اليوم او العكس
واسفه على الاطاله