.. استفتاء لتقييم امتحان الصيدلانيات ..

[same7]

استفتاء لتقييم امتحان الصيدلانيات

[mahmoud_ali]

امتحان سئ للغايه بالذات جزء دكتوره محاسن

[Jailan]

الورقه غير منظمه مفيش مكان للاجابه فى جزء د. محاسن صغير اوى كتير اوى الكم المسائل ده
يلخبط يحبط و الاكمل مبهم يالا امتحان و عدى

[عمر2011]

نفسى اعرف هما بيعملوا فينا كده ليه

[mohamed fadel]

الدكتورة ثناء عدت علينا في مشهد يعيد نفسه مره اخرى ...وبابتسامة خفيفة قالت الامتحان سهل ميه
علشان كده انا مش متفائل ; ربنا يسترها معانا

[dr.gheghe]

Noooooooo Comment
ربنا يسترها السنة دي

[Sara Saso]

الامتحان كان أوفر شوية بالنسبة للأكمل اللى مش عارفة هو من بين السطور ولا من وراها

والمسائل كتييير وعايزة تفكير كلها

بس ده كان متوقع لأن باختصار مكنش حد بيحضر نهائى من اول الترم

وده برضه شىء يعكر دم اى دكتور وحتى د/ثناء قالت لنا كدة يعنى محدش هيتعاطف معانا

[محمد فهمي]

السيناريو بيتكرر معاكم..
امتحان الصيدلانيات بتاعنا الترم الأول كان هو الآخر كارثة...لأن نصف الدفعة-بلا مبالغة-كانت شايلة المادة في الترم الأول...
طبعاً عملنا قلق جامد....واللي كان بيدي المنهج د. محاسن...ود.حمدي.
وبعد الضغط والقلق اللي عملناه..الترم التاني كان سهل جداً ومعظمنا جاب امتياز

والمشكلة تكررت جزئياً في امتحان الأساي برده الترم الأول بس مش عارف بقه امتحان الأساي بتاعكم هيبقي عامل ازاي السنة دي..
ربنا يوفقكم ويوفقنا..

[Sara Elbakry]

الامتحان مفيش كلمة توصف بشاعته......فكرنى بامتحان الفيزيا بتاع ثانويه عامه والله
والمشكله ان الد/ثناء جات وكملتها علينا فى الشفوى على اساس ان الماده ناقصه وجاوبت زى ماجاوبتش ما شاء الله اقل درجه 14 اعلى درجه 15 وبتدى الدرجه من قبل ما انت تجاوب اصلا وبس ما تصدق تسمع نطقك غلط تقولك اه انت مش بتحضر المحاضرات وتبدا تستجوبك بقى....مش قادره افهمهم والله

[simsimstar]

السلام عليكم
فى الأول جزء أكمل بتاع د.محاسن مبهم ومش عارفين المطلوب إيه بالظبط دا غير إن هيا جابت حوالى 5 درجات من أخر محاضرة .. على أساس إن فى حد كان هيلحق يخلص الكم دا كله .. 19 محاضرة بس
والسؤال إجابته أكتر من نقطة

المسائل .. بغض النظر عن عدم وجود مكان للإجابة .. كنا محتارين فيها أصلا .. مش عارفين إحنا اللى مش مذاكرين كويس ولا المسائل محتاجة تفكير ولا يمكن من خارج المنهج .. بس اللى اتحل اتحل وربنا يستر

جزء د.إرهان .. فضلت أدور فى الورقة يمكن يكون فى أسئلة أنا مش شايفاها ولا فى أخر الورقة .. حسيت إن جزء Suppository اللى فضلنا نذاكره طول الترم مش معانا مكانش فى غير أسئلة بسيطة جدا عنه وواضح إن الامتحان كان عن ال Parentral بس

جزء د.مروة كان معقول .. كويس أحسن من باقى الامتحان

ربنا يستر فى اللى جاى وحسبى الله ونعم الوكيل فى كل الدكاترة اللى عارفين إن سنة تالتة مش سهلة وكمية المناهج فوق الاحتمال ومع ذلك بيجيبو لنا امتحانات مش هقول تعجيزية بس يكفى إنها مش بتقيس المذاكرة ولا حتى بتغطى المنهج