معا لالغاء المد ترم

[الدكتورة م]

طبعا يا جماعة كلنا امتحنا المد ترم وفى اللى حل واللى محلش فى النهاية انا شايفة انه مينفعش فى كليتنا خالص لان احنا مش ناقصين وكانت اوحش فكرة مرت بالكلية دا من وجهة نظرى لان احنا كنا مايشين بنذاكر اول باول ومتابعين المحاضرات الوقتى نص المنهج مش اتذاكر والامتحانات قربت خلاص وداخلين فى العملى يالا ربنا يعديها على خير الترم ده بس اللى موافق على كلامى يدخل ويايدنى بحيث نلغيه فى الترم التانى وكل حاجة جت فى مصر وهتيجى ان شاء الله بفضل الثورة احنا عندنا استعداد برده نعملها لان كده ظلم بس او فى حل تانى



نوقف المحاضرات والسكاشن لحد اما نخلص المد ترم لو محتاجينه اوى زى ما بتعمل كليه الهندسة


او اخروا الامتحانات بتاع الترم









لا ن كده بجد ظلم
اللى موافقىى يايدنى لو سمحتوا

[وردة]

انا شايفه ان فكره الميت ترم كانت مفيده بس كانت مضره اكتر ليه ما نمسكش العصايه من النص يعنى يكون كل اسبوع او كل اسبوعين امتحان على النظرى كل واحد فى السكشن بتاعه كده هنكون مزاكرين اصلا اول باول و يكون عليه درجات بسيطه او حتى مش عليه درجات

[ameer]

اتكلمنا خلاص ف النقطه دي مع دكتوره ناهد امبارح
الكلام هيبقي ان الميد تيرم مستمر عادي بس هيتنظم
هيبقي فيه مواعيد محدده للميد تيرم ومواعيد محدده للعملي (الميد تيرم ف شهر3 والعملي ف شهر 5 )
وهيتحدد اسبوع يبقي فيه كل امتحانات الميد تيرم يتوقف فيه السكاشن والمحاضرات ويبقي للميد تيرم بس

[الدكتورة م]

طيب تمام كويس يا دكتر امير يا ريت لو تطبقوا ده لان احنا بجد اتظلمنا اوى الترم ده وربنا يستر بقى ويا ريت كمان يبقى كل مادة خمس درجات مش عشرة بس مش مشكلة المهم ان المحاضرات والسكاشن تقف واللى ليه اراء تانية يا جماعة يدخل ويقول رايه

وربنا يوفقنا بقى الترم ده ويعدى على خير


طيب مينفعش تاجيل الامتحانات الترم ده لمده حتى اسبوع

[Shorouk .A. Mady]

يعنى ايه الميد تيرم فى اسبوع واحد للمواد كلها احنا برضه مش عباقره قوى للدرجه دى يادكاتره ولا ايه؟؟؟؟ده كده هيبقى اوحش من الاول وان شاء الله مش هنجيب فيه درجات خالص

[الدكتورة م]

ما احنا يا دكتورة هنحاول نظبط المواد قبلها ونبقى عاملين حسابنا وفى نفس الوقت مش فى محاضرات او سكاشن فهنعرف نذاكر ان شاء الله واسبوع يعدى وخلاص اما بالنسبة لل احنا فيه حاليا احنا كده مش هنحل فى اخر الترم لو ده اتكرر تانى ولو عندك اقتراح تانى قوليه يمكن نتوصل لحل يرضى جميع الاطراف بس اللى دكتر امير بيقوله ده اللى بطبق فى جميع الكليات

طبعا انا كان رايى فى الاول نلغيه خالص

[Dr_Cinderellaaaaa]

أنا عاوزاه يتلغى خاااااااااااااااااااااااالص مش يتنظم
يعنى الشفوى يرجع تانى 30 درجة
و ده مش رأيى لوحدى

[rose smile]

مش عارفه اقول هو مفيد ولا لاء بس انا شايفه ان ضرره اكتر من نفعه فياريت يتلغى احسن ونرجع زى الاول 30 درجه شفوى

[Smart girl]

الحل اللي د. امير قال عليه كويس واهو نجرب ولو ما نفعش يبقي نحاول نرجعه 30 تاني

[خادم أبى القاسم]

مع الإلغاء !