العملي أخباره ايه

[a7med.gamal]

حد عارف نظام العملي امتي . هو نزل جدول مقترح للتحريري والشفوب انما العملي مش عارف وكمان ميد تيرم النبات مانعرفش عنه حاجة

ارجو الافادة

[muna7assan]

امتحانات العملى والميد تيرم بتتحدد بمعرفه الاقسام ., كل قسم واللى يناسبه وهينزل اعلان بالمعاد اللى يناسبه دا وعادةً بيكون امتحان العملى فى الاسبوع اللى بعد اخر سكشن

[Mouri Ran]

الأسبوع الجاي آخر سكشن للكيميا والأسبوعين اللي بعده هيبقوا امتحان العملي

دا كلام د سمر اللي بتشرح لنا العملي ..

لسا بقية مواعيد العملي متحددتش بس غالبا هتكون قريبة من الكيميا

[Mohamed7755]

بالنسبة لامتحان العملى الكيميا السكشن اللى بعد الجاى

امتحان عملى النبات احنا لسنا سكشنين سكشن أناتومى وسكشن مراجعة اعتقد انه هيكون بعده

امتحان عملى الفيزياء بعد 4 سكاشن

امتحان الحيوان الله أعلم

امتحان الميد تيرم للفيزياء الأسبوع الجاى كل واحد فى ماحضرته أول نصف ساعة فى ساعتين الدكتور هانى

امتحان الميد تيرم نبات يوم 15/12 فى السكشن

امتحان الميد تيرم E حسب مزاج الدكتورة نيفين فى أى محاضرة هى تحب تعملها

[a7med.gamal]

شكرا يا دكاترة علي الرد السريع ده وربنا يوفقنا في الامتحانات ونعدي مرحلة التوهان دي [IMG][/IMG]

[Mohamed7755]

ربنا يوفقنا في الامتحانات ونعدي مرحلة التوهان دي

ياااااااااااااااااااااااااارب

على ايه العفو يا دكتور

ومرحبا بك فى المنتدى

[Mouri Ran]

شكرًا د محمد

والعفو يا د أحمد .. احنا معملناش حاجة

[ليليان]

السلام عليكم يا جماعة
عندى خبر يارب يفرحكم وهو ان فى تجربتين من عملى الفيزياء اتلغوا بس هو امتحان العملى امتى اصلا عشان احنا لسه ابيض فى نظريات التجارب كده احنا اخدنا 5 منعرفش عنهم حاجة ربنا يستر .

[Mouri Ran]

لسا مش عارفين الامتحان امتى يا ليليان بس هو قرب

حاولي ترجعي شغل النظري وتشوفي الفيديوهات عشان السكشن الجاي اللي عنده سؤال في التجارب هيسأله للمعيدين

السكشن هيبقى مراجعة

ود هاني إن شاء الله هيشرح لنا النظري بتاع التجارب قريب

[ليليان]

نظرى ايه ؟ القوانين اللى بنعوض فيها ف كل تجربة ولا ايه ؟
هو ايه اللى بيتحفظ اصلا ف كل تجربه؟ معلش انا متلغبطة والله .