تساؤلات...وجواب واحد

[Amira]

آسفه على كثره الأسئله بس معلش عندى سؤالين :

الاول : الراجل اللى ما يقصرش البنطلون او الثياب عموما يبقى حرام عليه ولا تطويل الثياب مكروه بس

انا قرأت حديث مش فاكره نصه بالظبط بس اللى فاكراه " كل ما تحت الكعبين فهو فى النار "

ممكن يبقى حد بنطلونه طويل عادى بس مش معدى الكعبين ممكن واصل للكعب بس
دا حرام عليه ؟؟؟

الثانى : لو حد فاته صلاه الضحى ينفع يصليها قضاء بعد الظهر او وقت ما يفتكرها ؟؟؟

[Amira]

معلش انا اسفه ، عندى كمان سؤالين

واحده سالتنى النهارده لو فاتها صلاة الظهر فى الكليه مثلا وروحت بيتها قبل المغرب بفتره قليله جداا
المفروض تصلى العصر الاول " عشان تلحقه فى وقته يعنى " وبعدين الظهر ولا لازم بالترتيب ؟؟

مش عارفه السؤال واضح ولا لا ...

كمان ،،

لو المسجد زحمه وهصلى مثلا الظهر الاولى انى أصلى الفريضه بس وامشى عشان افضى مكان لغيرى يصلى الفرض ولا أصلى السنه عادى ؟؟
فى ناس أصحابى قالولى المفروض اصلى الفرض وامشى عشان غيرى يصلى .. بس ماهو كده انا هيضيع عليا السنه !

جـزاكم الله خيراً

[احمد شبند]

آسفه على كثره الأسئله بس معلش عندى سؤالين :

مفيش مشكلة

الاول : الراجل اللى ما يقصرش البنطلون او الثياب عموما يبقى حرام عليه ولا تطويل الثياب مكروه بس

انا قرأت حديث مش فاكره نصه بالظبط بس اللى فاكراه " كل ما تحت الكعبين فهو فى النار "

ممكن يبقى حد بنطلونه طويل عادى بس مش معدى الكعبين ممكن واصل للكعب بس
دا حرام عليه ؟؟؟

فى الباب أربع أحاديث

1-ثلاث لا يكلمهم الله يوم القيامة ولا ينظر إليهم ولا يزكيهم ولهم عذاب أليم..ذكر منهم ( المسبل إزاره خيلاء ) .. مسلم

2- بينما رجل يجر إزاره إذ خُسف به فهو يتجلجل في الأرض إلى يوم القيامة ). البخاري.

3-ما أسفل من الكعبين من الإزار ففي النار.. البخارى

4- من جر ثوبه خيلاء لم ينظر الله إليه يوم القيامة فقال أبو بكر: يا رسول الله إن أحد شقي إزاري يسترخي إلا أن أتعاهد ذلك منه . فقال النبي : لستَ ممن يصنعه خيلاء . البخاري

لذا فالمسألة تقسم لأربع أقسام

1- الى بيطول ثيابه قاصدا التباهى والتخايل ( زى الملوك زمان لما كانو بيلبسو زى سوار طويل كدا بيتجر وراهم وكدا ) دى من الكبائر لان العقوبة كبيرة .

2- من يطيله جاهلا بالحكم يعذر بجهله .

3- من يرفع إزاره ولكنه بعض الوقت قد يسقط منه سهوا فى العمل او فى الاسراع للعمل ( أو غصب عنه زى الجيش ) فده يقع فيه حديث لست منهم يا أبا بكر لأنه يتحرى الرفع ولكنه لنحافته ( لحائل ) يسقط منه فلا شئ عليه .

( التلاتة دول فى اتفاق بين أهل العلم عليهم )


4- من يعرف الحكم ويطيل ثيابه تكاسلا او انه مكسوف من الناس او اى حاجة زى دى دا أختلف فيه باختلاف تأويل نص رسول الله

( ما أسفل الكعبين من الازار فهو فى النار )

قلة من أهل العلم قالوا

أن هذا الحديث عام والحديث الاخر بتاع ( خيلاء ) خاص فيحمل العام على الخاص

( يعنى انا قلت انا اكلت امبارح (كلمة عامة ) ومرة تانية قلت انا اكلت امبارح لحم وخبز يبقى لو حد سألك فلان اكل ايه امبارح هتحمل العام الى هو الاكل على الخاص الى هو الخبز واللحم وتقول انى اكلت لحم وخبز )

يبقى معنى حديث ما أسفل الكعبين من الازار فهو فى النار معناااه

ما اسفل الكعبين من الازار تخايلا فهو فى النار

وبالتالى يبقى الى بيعمل كدا مش خيلاء ولكن تكاسل يأخذ حكم المكروه لا التحريم

( كان الشيخ مصطفى ذكر الرأى دا فى أحد فتاويه على قناة الرحمة فى اول ما ظهر ولكن بعد كدا معدش بيقوله خالص )

أكثر أهل العلم

ونعدد فيهم للصبح

( ابن حجر + ابن عثيمين + الالبانى + ابو اسحاق ) وكتير جدا

منعوا حمل العام على الخاص وقال ان دا حكم ودا حكم تانى وبالتالى يبقى الى بيعمل كدا تكاسلا يحرم عليه ويأثم ولكن طبعا أقل إثما بكثير ممن فعل ذلك خيلاء

أكمل باقى الأسئلة بعد الفجر إن شاء الله

[احمد شبند]

الثانى : لو حد فاته صلاه الضحى ينفع يصليها قضاء بعد الظهر او وقت ما يفتكرها ؟؟؟

لم يرد بذلك نصا عن رسول الله ولذا تعددت الاقوال

الشافعية بعض الحنابلة : يقضى

الحناف والمالكية وبعض الحنابلة : لا

فالنافى يستند لعدم وجود دليل والمثبت يقيسها على باقى النوافل


فالامر واسع والله أعلم

واحده سالتنى النهارده لو فاتها صلاة الظهر فى الكليه مثلا وروحت بيتها قبل المغرب بفتره قليله جداا
المفروض تصلى العصر الاول " عشان تلحقه فى وقته يعنى " وبعدين الظهر ولا لازم بالترتيب ؟؟

لو الوقت مثلا الى فاضل خمس دقايق والمغرب هياذن ومش هتلحق غير اداء صلاة واحدة بس منهم يبقى تلحق العصر فى وقته أولى وبعد كدا تأتى بالظهر .

( شرح زاد المستنقع للشيخ محمد مختار الشنقيطى )

لو المسجد زحمه وهصلى مثلا الظهر الاولى انى أصلى الفريضه بس وامشى عشان افضى مكان لغيرى يصلى الفرض ولا أصلى السنه عادى ؟؟

الصرحاة مسمعتش السؤال دا قبل كدا

بس ممكن مثلا حضرتك تسيبى المسجد وبعد كدا تبقى ترجعى تصلى السنة تانى... بس دى فيها مشقة

فالله أعلم بالأولى هبقى أسأل إن شاء الله

جـزاكم الله خيراً

جزاكم الله مثله

[N00R EL _SHAMS]

السلام عليكم ورحمة الله

1--ايه حكم استخدام السبحة لشخص يحسن العد على صوابعه ؟؟هل هى بدعة؟
"كنت سمعت الشيخ مصطفى قال مره انه لم يرد عن الرسول استخدامها والاولى العد ع الاصابع"
طب يعنى لو كان حد بيستخدمها من باب التسهيل ممكن يكون حرام؟؟



2--قال الرسول
إذا وضع عشاء أحدكم ، وأقيمت الصلاة ، فابدؤوا بالعشاء ، ولا يعجل حتى يفرغ منه "

طب لوحد جاى من الكلية جعان وكدا ومفيش غير وقت بسيط يا اما يكفى لاداء صلاة فريضه هتروح منه او ياكل....وصلى الاول ..هل ياثم على ذلك؟




3-لو حد متوضى واكل اى حاجه ..لازم يتمضمض قبل الصلاة ولا عادى؟

4-بالنسبة للرؤى والاحلام
فيه وقت معين للرؤيه هل مثلا بتكون قبل الفجر او بعده ولا عادى فى اى وقت الانسان بيكون نايم فيه ؟

جزاكم الله خيراا

[Amira]

شكـراً ، جزاكم الله خيراً

[احمد شبند]

السلام عليكم ورحمة الله

وعليكم السلام ورحمة الله وبركاته

يه حكم استخدام السبحة لشخص يحسن العد على صوابعه ؟؟هل هى بدعة؟
"كنت سمعت الشيخ مصطفى قال مره انه لم يرد عن الرسول استخدامها والاولى العد ع الاصابع"
طب يعنى لو كان حد بيستخدمها من باب التسهيل ممكن يكون حرام؟؟

+ YouTube Video

+ YouTube Video

للعلم حديث

( كان يعقد التسبيح على اليد اليمنى ) لا يصح عن النبى

طب لوحد جاى من الكلية جعان وكدا ومفيش غير وقت بسيط يا اما يكفى لاداء صلاة فريضه هتروح منه او ياكل....وصلى الاول ..هل ياثم على ذلك؟

لا طبعا بل الاولى له ما فعله

فلزاما عليه ان يصلى اولا ثم يأكل

فى فقه غايب عننا فى المسأله دى وهو

لما أقيمة الصلاة وكان بيده كتف شاة تركها

وعندنا حديث لا صلاة بحضرة طعام ولا وهو يدافع الاخبثان

قال الشيخ مصطفى العدوى حفظه الله أن الامر بحسبه ويقدر بقدر تأثير الجوع على الصلاة كذا مدافعته للاخبثان

فان كان اى منها سيلهه عن التركيز فى صلاة قدم الطعام وإن لا قدمت الصلاة والله أعلم

أما بالنسبة لسؤال حضرتك فمحسوم الحكم بالصلاة اولا حتى لا يفوت وقت الصلاة والله أعلم

لو حد متوضى واكل اى حاجه ..لازم يتمضمض قبل الصلاة ولا عادى؟

يتمضمض

عن ابن عباس رضى الله عنهما أن النبى شرب لبنا فمضمض وقال إن له دسما . متفق عليه

بالنسبة للرؤى والاحلام
فيه وقت معين للرؤيه هل مثلا بتكون قبل الفجر او بعده ولا عادى فى اى وقت الانسان بيكون نايم فيه ؟

لم يرد نصا بذلك

ولكن مثلا يستأنس بالنوم فى المسجد كمكان خاصة فى بيت الله الحرام

يستأنس بقبل الفجر بقليل وبعده بقليل بعد الصلاة يعنى

ولكن كل ذلك ليس عليه دليل

جزاكم الله خيراا

جزاكم الله مثله

شكـراً ، جزاكم الله خيراً

جزاكم الله مثله

[Amira]

السلام عليكم

- لو رحت اصلى الظهر ومفيش غير وقت قليل جدا قبل إقامه صلاة الجماعه .. الأفضل صلاة السنه ولا ألحق الجماعه وابقى اصلى السنه البعديه بس وخلاص ؟؟

- إيه الأذكار اللى بتتقال بعد الصلاة ؟

[احمد شبند]

السلام عليكم

وعليكم السلام ورحمة الله وبركاته

لو رحت اصلى الظهر ومفيش غير وقت قليل جدا قبل إقامه صلاة الجماعه .. الأفضل صلاة السنه ولا ألحق الجماعه وابقى اصلى السنه البعديه بس وخلاص ؟؟

لو الوقت يسمح بأنى أصلى ركعتين خفاف يعنى أجيب الفرائض بس دى تأريبا بتاخد تلت أو أربع دقايق وساعات أقل يبقى أجيب الركعتين بسرعة

ولو مش هلحق يبقى استنى بس بشرط ما أقعدش أفضل واقف لغايط لما يقيم الامام الصلى ولكن الاولى انى اول لما ادخل لو ملقتش المؤذت قايم يقيم أنى أدخل فى الصلا علطول واصلى ركعتين.....

طب لو أنا دخلت فى الصلا والمؤذن أقام ولسة مخلصتش أعمل إيه ؟؟؟

فى الباب حديث

( إذا أقيمت الصلاة فلا صلاة إلا المكتوبة )

لذا قال بعض أهل العلم أنى أسلم وأخرج من الصلا واصلى الجماعة

ولكن خالف أخرون ومنهم شيخنا الشيخ مصطفى العدوى وقال بعدم جواز الخروج من الصلاة لعموم قوله تعالى ( ولا تبطلوا أعمالكم )

وقال أن معنى الحديث ( فلا صلاة ) أى لا شروع فى صلاة ,,,, يعنى لو أقيمة الصلا ما ينفعش أنى أبدأ فى صلاة أى صلاة أخرى غير الجماعة .... والله أعلم

طب أعمل ايه اسرع على اد ما اقدر فى الصلا حتى لو وصلت انى مثلا اقرأ التشهد لغايط وأشهد أن محمد عبده ورسوله وبعدين أسلم وأقول تسبيحة واحدة فى السجود والركوع وهكذا .....

إيه الأذكار اللى بتتقال بعد الصلاة ؟

( إن شاء الله هنبقى نقلها بالتفصيل فى الموضوع التانى )

بعد ما بسلم بعمل الاتى

أفضل على الوضع الى سلمت عليه ومتحركش خالص (سنة وليست فرض ) وأقول

أستغفر الله ...ثلاثا

اللهم أنت السلام ومنك السلام تباركت ذا الجلال والإكرام ....

بعد كدا اقدر اتحرك واقعد فى اى هيئة أكون مرتاح فيها والسنة إنى أجلس مستربع

وأقول ( لا يلزم الترتيب فى الى جاى ده )

اللهم أعنى على ذكرك وشكرك وحسن عبادتك

اللهم قنى عذابك يوم تبعث عبادك

اللهم إنى أعوذ بك من الجبن وأعوذ بك أن أرد إلى أرذل العمر وأعوذ بك من قتنة الدنيا وأعوذ بك عذاب القبر

لا حول ولا قوة إلا بالله لا اله الا الله ولا نعبد إلا إياه له النعمة وله الفضل وله الثناء الحسن لا إله الا الله مخلصين له الدين ولو كره الكافرون

اللهم لا مانع لما أعطيت ولا معطى لما منعت ولا ينفع ذا الجد منك الجد

التسبيح 33
التحميد 33

التكبير 33 ( فى رواية 34 )

أتم المائة بلا اله الا الله وحده لا شريك له له الملك وله الحمد وهو على كل شئ قدير

( حديث اية الكرسى يصححه الشيخ ابو اسحاق والشيخ مصطفى على التضعيق )

[Amira]

وعليكم السلام ورحمة الله وبركاته
لو الوقت يسمح بأنى أصلى ركعتين خفاف يعنى أجيب الفرائض بس دى تأريبا بتاخد تلت أو أربع دقايق وساعات أقل يبقى أجيب الركعتين بسرعة

ولو مش هلحق يبقى استنى بس بشرط ما أقعدش أفضل واقف لغايط لما يقيم الامام الصلى ولكن الاولى انى اول لما ادخل لو ملقتش المؤذت قايم يقيم أنى أدخل فى الصلا علطول واصلى ركعتين.....

طب لو أنا دخلت فى الصلا والمؤذن أقام ولسة مخلصتش أعمل إيه ؟؟؟

فى الباب حديث

( إذا أقيمت الصلاة فلا صلاة إلا المكتوبة )

لذا قال بعض أهل العلم أنى أسلم وأخرج من الصلا واصلى الجماعة

ولكن خالف أخرون ومنهم شيخنا الشيخ مصطفى العدوى وقال بعدم جواز الخروج من الصلاة لعموم قوله تعالى ( ولا تبطلوا أعمالكم )

وقال أن معنى الحديث ( فلا صلاة ) أى لا شروع فى صلاة ,,,, يعنى لو أقيمت الصلا ما ينفعش أنى أبدأ فى صلاة أى صلاة أخرى غير الجماعة .... والله أعلم

طب أعمل ايه اسرع على اد ما اقدر فى الصلا حتى لو وصلت انى مثلا اقرأ التشهد لغايط وأشهد أن محمد عبده ورسوله وبعدين أسلم وأقول تسبيحة واحدة فى السجود والركوع وهكذا .....

( إن شاء الله هنبقى نقلها بالتفصيل فى الموضوع التانى )

بعد ما بسلم بعمل الاتى

أفضل على الوضع الى سلمت عليه ومتحركش خالص (سنة وليست فرض ) وأقول

أستغفر الله ...ثلاثا

اللهم أنت السلام ومنك السلام تباركت يا ذا الجلال والإكرام ....

بعد كدا اقدر اتحرك واقعد فى اى هيئة أكون مرتاح فيها والسنة إنى أجلس مستربع

وأقول ( لا يلزم الترتيب فى الى جاى ده )

اللهم أعنى على ذكرك وشكرك وحسن عبادتك

اللهم قنى عذابك يوم تبعث عبادك

اللهم إنى أعوذ بك من الجبن وأعوذ بك أن أرد إلى أرذل العمر وأعوذ بك من فتنة الدنيا وأعوذ بك من عذاب القبر

لا حول ولا قوة إلا بالله لا اله الا الله ولا نعبد إلا إياه له النعمة وله الفضل وله الثناء الحسن لا إله الا الله مخلصين له الدين ولو كره الكافرون

اللهم لا مانع لما أعطيت ولا معطى لما منعت ولا ينفع ذا الجد منك الجد

التسبيح 33
التحميد 33

التكبير 33 ( فى رواية 34 )

أتم المائة بلا اله الا الله وحده لا شريك له له الملك وله الحمد وهو على كل شئ قدير

( حديث اية الكرسى يصححه الشيخ ابو اسحاق والشيخ مصطفى على التضعيف )

جــزاكم الله خيـراً ونفع بكم

إن شاء الله هنبقى نقلها بالتفصيل فى الموضوع التانى )

فى الإنتظار إن شاء الله

معلش سؤال تانى :
إيه هى سنن الصلاة ؟
كنت حاولت قبل كده ادور عليها بس معرفتش اوصل لحاجه مؤكده من عالنت