الطـــير الحزين .. " خـــاطــــرة " ..

[ahmedofegypt]

** الطـــير الحزين **



كان طير فى السما عالى

جناحاته م الأسر اتحررت

تغريده يملا الكون امل

دمعاته عن براءته عبرت

آمن بحلم يطول نجوم

يشق نور يجلى الغيوم

بيمامة ولا عمرها اتكررت

آمن بحلمه و صدقه

و انه فى يوم هيحققه

و قابلها .. غنى .. و فـكـــرت

و فجأة حس بجرح فيه

احساسه بيها مش لاقيه

و الشهد حلاوته مررت

قال زاده ف قلبها

و الدفا ف جفونها

لكن بنظرة منه فى عيونها

لقاها - عشان تعيش - اتغيرت


أحـمــــد شـكــــــرى

[M.Hegazy]

جميلة يا أحمد و كلها إحساس ..

سلمت أناملك ..

و دمت مبدعا متألقا ..

[Dr_Cinderellaaaaa]

( لكن بنظرة منه فى عيونها .. لقاها عشان تعيش اتغيرت )
جميلة جدا يا دكتور أحمد .. تسلم ايديك ..

[Aya Farouk]

** الطـــير الحزين **



كان طير فى السما عالى

جناحاته م الأسر اتحررت

تغريده يملا الكون امل

دمعاته عن براءته عبرت

آمن بحلم يطول نجوم

يشق نور يجلى الغيوم

بيمامة ولا عمرها اتكررت

آمن بحلمه و صدقه

و انه فى يوم هيحققه

و قابلها .. غنى .. و فـكـــرت

و فجأة حس بجرح فيه

احساسه بيها مش لاقيه

و الشهد حلاوته مررت

قال زاده ف قلبها

و الدفا ف جفونها

لكن بنظرة منه فى عيونها

لقاها - عشان تعيش - اتغيرت


أحـمــــد شـكــــــرى

متغيرتش عشان تعيش

جواها جرح ميتنسيش

فاكر لما كنت بتسأل

وتقولك هى "مفيش"

ولما كنت بتبستم هى تسكت

ونفسها تقول "متسبنيش"

كان دمع عينك بتمسحه

ودموعها بعدك متنتهيش

مش ذنبها خوفها عليك

ولا انها ماتت فيك

لكن ساعات جوانا حاجات

أحسنلها متبتديش

.........

عجبتنى الخاطرة رديت عليها
بالتوفيق ,,

[amira89]

خاطرة جميلة واحساها عالى اوى
دمت مبدع دائما

[E.Raafat]

تبقى دائما ياصديقي منبع لا يبنضب ولن ينضب من الإحساس
دمت مبدعا متألقا في سماء المنتدى ومتوجاً على عرشه دائما

[محمد فهمي]

أنا حسيت إني عايز أقول....عجبي..!!!!..
صورة جميلة جداً ياد. أحمد...دُمت مبدعاً...
ورد د. آية رائع الحقيقة....
ياريت نحاول نستمر علي كده إن أمكن...

[قطر الندى]

جميلة اووووووووووى يا دكتور واحساسك عالى وصادق
ودا مش غريب على حضرتك الى الامام دائما

وبالتوفيق لحضرتك

[ahmedofegypt]

جميلة يا أحمد و كلها إحساس ..

سلمت أناملك ..

و دمت مبدعا متألقا ..

دمت رقيقاً فى مجاملتك ..

مهذباً فى اسلوبك ..

راقياً فى سلوكك ..

و مميزاً بحضورك

-----

( لكن بنظرة منه فى عيونها .. لقاها عشان تعيش اتغيرت )
جميلة جدا يا دكتور أحمد .. تسلم ايديك ..

تسلمى يا دكتورة سندريلاً .. متشكر جداً على ذوقك

[SHEREIF]

رائع يا احمد
خاطرة روعة
ورد رائع من دكتورة ايه
تسلم ايديكو