بسم الله الرحمن الرحيم
هبـدأ بالسنـن وان افتكرت اى وصيه هحطها ان شاء الله واى حد عاوز يضيف حاجه يتفضل

السنن :

ربنا يعينا على اتباع سنة رسول الله ،،

كانوا الصحـابه من كتـر مراقبتهم واتباعهم للرسول لما كان يبتسم او يضحك فى موقف معين او وهو بيقول كلمه معينه كانوا الصحابه ان تكرر معاهم الموقف او قالوا الكلمه دى لحد تانى بيبتسموا !
ولما يتسألوا عن سبب إبتسامتهم كانوا بيقولوا انهم شافوا سيدنا محمد ابتسم فى الموقف ده فعملوا زيه ..

يمكن ربنـا ما قدّرش اننا نبقى موجودين أيام الرسول و نتابع كل تصرفاته زى الصحابه رضى الله عنهم ، بس ممكن ان شاء الله نقدر نعمل كل اللى كان بيعمله الرسول وناخد أجر سعينا فى البحث عن اللى كان سيدنا محمد بيعمله وكمان أجر الاتباع ان شاء الله

أى حد يلاقى أى حديث مشكوك فى صحته يقول هنا الله يكرمكم وانا هتأكد ان شاء الله برضو من كل حديث اجيبه ، مع انى كل مره بتأكد والله بس خير الحمدلله


الأول معنى السنه إيه ؟

يختلف تعريف السّنة عند المسلمين بحسب مجال استخدامها:

عند المحدثين: السنة هي «كل ما أثر عن النبي من قول أو فعل أو تقرير أو سيرة أو صفة خَلقية أو خُلقية, سواء أكان ذلك قبل البعثة أم بعدها». راجع الحديث النبوي.


عند الأصوليين: السنة هي «ما أضيف إلى النبي من قول أو فعل أو تقرير».

عند الفقهاء: السنة هي «ما دل عليه الشرع من غير افتراض ولا وجوب» أو «ما يثاب فاعله ولا يعاقب تاركه».

عند علماء العقيدة: السنة هي «هدي النبي في أصول الدين, وما كان عليه من العلم والعمل والهدى, وما شرعه أو أقره مقابل البدع والمحدثات في الدين».

سنـن الصــلوات الخمــس
" هقول السنن المؤكده بس "


سنن قبـلية : يعنى بتتصلى قبل صلاة الفرض ( تصلى بعد الأذان وقبل الفرض )
و
سنن بعديه : يعنى بتتصلى بعد صلاة الفرض ( بعد الأذان وبعد صلاة الفرض وقبل خروج الوقت )

1- ركعتين قبل صلاة الفجر
2- أربع ركعات قبل صلاة الظهر ، ركعتين بعد صلاة الظهر
( ممكن 2 و 2 ، وممكن 4 و 4 ، وممكن 4 و2 ) 4 و 2 دى أكثر فعل الرسول
3- ركعتين بعد صلاة المغرب
4- ركعتين بعد صلاة العشاء

كده 12 ركعة

شوفوا المشاركتين دول من موضوع ( تساؤلات وجواب واحد )




عن أم حبيبة رمله بنت ابى سفيان قالت قال
من صلى اثنتي عشرة ركعة في يوم وليلة ، بني له بهن بيت في الجنة
صحيح مسلم

= = = = = = =

سألت عائشة عن صلاة رسول الله ، عن تطوعه ؟ فقالت : كان يصلي في بيتي قبل الظهر أربعا . ثم يخرج فيصلي بالناس . ثم يدخل فيصلي ركعتين . وكان يصلي بالناس المغرب . ثم يدخل فيصلي ركعتين . ويصلي بالناس العشاء . ويدخل بيتي فيصلي ركعتين . وكان يصلي من الليل تسع ركعات . فيهن الوتر . وكان يصلي ليلا طويلا قائما . وليلا طويلا قاعدا . وكان إذا قرأ وهو قائم ، ركع وسجد وهو قائم . وإذا قرأ قاعدا ، ركع وسجد وهو قاعد . وكان إذا طلع الفجر ، صلى ركعتين .
صحيح مسلم

= = = = = = =

تقول عائشة رضي الله عنها : (لم يكن النبي على شيئ من النوافل أشد تعاهدًا منه على ركعتي الفجر) متفق عليه .


= = = = = = =

عن عائشه رضى الله عنها قالت قال
ركعتا الفجر خير من الدنيا وما فيها
صحيح مسلم

ممكن اول ما تشوفوا عدد الركعات تستكتروهم بس مره فى مره هيبقى سهل جدا المواظبه على السنن إن شاء الله