امتحان عملي الفيزيا في إعدادي .. عامل ازاي ؟
السـلام عليـكم ورحمـة الله وبركـاته
يا دكاترة ممكن حد يقولنا امتحان عملي الفيزيا في اعدادي بيكون نظامه ايه ؟
احنا بنقعد الساعتين في السكشن وممكن منعرفش نعمل التجربة من الأدوات البايظة اللي في المعمل..
هل في آخر التيرم فيه مراجعة للتجارب دي ولا خلاص كدا اللي فات فات ؟ وفي الامتحان بيكون ازاي ؟
أنا خارجة من السكشن هفرقع امبارح بجد.gif "Fop (17)")
وعليكم السلام ورحمة الله وبركاته
فى سكشن فى الاخر بيبقى مراجعه لكل التجارب
والامتحان بيجيلك فيه تجربه واحده من اللى عليكم
بتدخلى تختارى رقم وانتى نصيبك بقه فى التجربه
وعليكم السلام ورحمه الله وبركاته
ازيك يا د.بسنت
كل سنه وأنتى طيبه يا جميل
ان شاء الله كله هيبقى تمام وربنا هييسر لكم الأمور
بصى بقى يا ستى
بالنسبه لامتحان العملى كل واحد هيدخل بالدور ويسحب ورقه اجابه والورقه دى مكتوب عليها رقم تجربه فى المعمل
أنتى وحظك بقى فى التجربه اللى هتجيلك
تروحى تقفى قدام التجربه وهتلاقى مكتوب لك سؤال على ورقه موجوده جنب التجربه
تنقلى رأس السؤال ده فى الورقه الأول
بعدين بقى تبدأى تكتبى نظريه التجربه والأدوات والخطوات
والاستنتاج وتبدأى بقى تشتغلى التجربه وتسجلى النتايج فى كراسه الاجابه
الأدوات اللى بتنزل فى امتحان العملى بتكون كويسه
ولو فى حاجه عطلانه معاكى ممكن تطلبى تغييرها عادى
مش هيقولوا حاجه
بصى كمان بالنسبه للتجارب اللى بتحتاج توصيل كهربى
بعد لما توصلى توصيلتك على حسب ما انتى حفظاها
لازم تنادى على الدكتور المراقب يشوفها الأول قبل أما
توصلى لها الكهربا لأن ممكن يكون فى حاجه غلط ف التوصيله ممكن تعمل مشاكل والكلام ده هما هيقولوه لكم ساعه الامتحان وان شاء الله الوقت بيكفى الامتحان وممكن يفيض كمان متقلقيش
بالنسبه بقى لسؤالك عن سكشن المراجعه
أه بيكون فى سكشن مراجعه بعد أما تخلصوا السكاشن
الدكاتره بيشرحوا فيه التجارب الصعبه ولو أى حد عايز
تجربه معينه يأكد عليها أو سؤال فيجاوبوكوا عليه
وربنا معاكوا
وييسر لكم الامور
يارب أكون أفدتك
لو فى أى حاجه تانيه
أنا تحت الأمر
هى ايه نظرية التجربه دي احنا منعرفش حاجة عن نظريات التجارب التلاتة اللى خدناها والاستنتاج ؟ انا معرفش غير طريقة عمل التجربه ؟
شكرًا دكتور محمد
ملاكوانتي طيبة يا رب ^_^ وشكرًا جدًا ربنا يطمنك ويطمننا ويكون الامتحان تمام إن شاء الله.. بس هو انتو كنتو بتذاكروا النظري منين ؟
المعيدين مش بيشرحوا غير ازاي نوصل وناخد القيمة وخلاص على كدا
ليليان .. د هاني قال هحاول أخلص لكم بدري وأديكم شرح النظري بتاع التجارب.
بس فعلا في السكشن مش بناخد الكلام دا خالص
المشاركة الأصلية كتبت بواسطة ليليان
هى ايه نظرية التجربه دي احنا منعرفش حاجة عن نظريات التجارب التلاتة اللى خدناها والاستنتاج ؟ انا معرفش غير طريقة عمل التجربه ؟هتلاقيهم كده حبه كلام كتير
تحت عنوان principle
هتلاقيهم فى الكتاب أو الورق اللى بيجى
من المكتبات
هما مش بيشرحوا غير طريقه شغل التجربه
بس فى السكاشن
ولكن كل الحاجات الباقيه مطلوبه
منك فى الامتحان
رديتي على ليليان ^_^
شكراااا يا ملاك .. ربنا يكرمك ومنتحرمش منك يا عسل
رديتي على ليليان ^_^
شكراااا يا ملاك .. ربنا يكرمك ومنتحرمش منك يا عسل
على ايه يا مورى
شكر على واجب
وأى حاجه تانيه
اطلبها على طول يا جميل
الورق اللى بيتشرى من المكتبات
بينزل تقريبا قرب انتهاء السكاشن
بيكون متجمع فيه كل التجارب
فيه الحاجات اللازمه وهو نفسه الكلام اللى موجود فى الكتاب
إن شاء الله
دعواتك تعدي أول سنة على خير.. وربنا يوفقنا جميعًا يا رب.
.gif "Fop (29)")
شكرا يا ملاك انتى وموري وربنا يقدرنى واعرف اخدم
ضوابط المشاركة
