هو كل من ركب الحصان خيّال؟؟؟

[same7]

وجهه نظر حضرتك وصلت

مش هتقدر تغير الصوابع ...هيه كدة قدرات

بس انا مختلف على الحته دى

لانى اقدر امرن الصوابع انها تلعب على الاله
وده حصلى مع الدرامز


المهم انى ابقى عايز اعزف
مش نفسى اعزف

اللى كان عايز ده اللى رتب على الدفعه لانه قدم حاجه وهيه مذاكرته واجتهاده وحاول انه يبقى عازف

لكن اللى كان نفسه ده اللى مقدمش حاجه ومحاولش انه يبقى اسمه عازف



الاعتماد على الموهبه =====>فشل
ده اللى مرتبش

والاعتماد على العلم =====> قوه
ده اللى رتب


هنقول الاتنين عايزين يبقوا معيدين
بس مين مشى الطريق الصح و اخد الاشاره وقدر يطلع ويقف ويبقى معيد؟


اللى رتب وبقى معيد ده عمل حاجات كتير صح

لكن اللى مرتبش وعنده الملكه الحاجه الوحيده اللى صح عنده انه عنده الملكه بس فقط لا غير


اتمنى حضرتك متزهقش من المناقشه
لانى نفسى طويل
يا تقنعينى يا اقنع حضرتك

ولو حد تانى شارك ودخل عشان نسمع اراء تانيه
سواء كانت مؤيده لاى رأى فينا
او
رأى تالت خالص

[حنين الأمس]

وجهه نظر حضرتك وصلت




بس انا مختلف على الحته دى

لانى اقدر امرن الصوابع انها تلعب على الاله
وده حصلى مع الدرامز


المهم انى ابقى عايز اعزف
مش نفسى اعزف

اللى كان عايز ده اللى رتب على الدفعه لانه قدم حاجه وهيه مذاكرته واجتهاده وحاول انه يبقى عازف

لكن اللى كان نفسه ده اللى مقدمش حاجه ومحاولش انه يبقى اسمه عازف



الاعتماد على الموهبه =====>فشل
ده اللى مرتبش

والاعتماد على العلم =====> قوه
ده اللى رتب


هنقول الاتنين عايزين يبقوا معيدين
بس مين مشى الطريق الصح و اخد الاشاره وقدر يطلع ويقف ويبقى معيد؟


اللى رتب وبقى معيد ده عمل حاجات كتير صح

لكن اللى مرتبش وعنده الملكه الحاجه الوحيده اللى صح عنده انه عنده الملكه بس فقط لا غير

كدة حضرتك انحرفت عن المسار الأساسي للموضوع
إحنا كنا بنتكلم عن الفرق بين المعيد اللي اتعين ودخل شرح للطلبة ومعرفش يوصل المعلومة....
وبين معيد الطلبة بتفهم منه....
وحضرتك قلت إن في حالة المعيد الأول نبدأ نعمل دورات تنمية بشرية...
وأنا قلت لحضرتك مهما عملت دورات...القدرة ع توصيل المعلومة دي موهبة وملكة من عند ربنا مش هتعرف تعوضها...
يبقى نستغل المعيد الأول في أي مجال علمي غير إنه يدخل يشرح للطلبة...
:
إنما المقارنة بين الطالب اللي بيرتب واللي مبيرتبش....
ده موضوع تاني خالص

اتمنى حضرتك متزهقش من المناقشه
لانى نفسى طويل
يا تقنعينى يا اقنع حضرتك

ولو حد تانى شارك ودخل عشان نسمع اراء تانيه
سواء كانت مؤيده لاى رأى فينا
او
رأى تالت خالص

أنا نفسي أطول ع فكرة
بس لما أحس إنها هتبدأ تبقى مجادلة ومبارزة بالكلمة بعد أما أتأكد إن رأيي فعلا وصل....بوقف
لأن رسولنا الكريم نهى عن ذلك
إنما الموضوع لسة موصلش لكدة...
غير إني معتقدش إن حضرتك هتوصله لكدة....
لأن حضرتك لست شخصية ثرثارة...

[عبدالله عبدالرحمن]

السلام عليكم ورحمة الله وبركاته
اولا شكرا على طرح الموضوع
ثانيا الفكرة ياجماعة مش فى القدرات أو المواهب
بقدر ماهو متعلق بالعزيمة والرغبة فى التطوير الذاتى
انا باعترف بإن فى ناس بالفطرة موهوبة جدا فى الشرح وطرح الأفكار
وجذب الأنتباه
لكن
حتى الشخص اللى بدون موهية
ممكن يقدر يحقق الهدف نفسه
بمزيد من العمل الشاق والمستمر
ولكن المشكلة بقى انه ميبقاش فى موهبة
وميبقاش فى رغبة فى تطوير النفس
ساعتها هنلاقى الأمثلة اللى انتم وضحتوها
خلال الردود
انا شايف ان اى استاذ أو معيد يقدر
بطور من نفسه ويحسن من أداءه بشكل
كبير لو أحسن استغلال الأدوات المتاحة له
لأن التدريس قائم على نقطتين
ان اللى بيدرس يكون فاهم جدا العلم بتاعه
وبالتالى يقدر يبسط العلم ده لغيره
وانه يمتلك أدوات الطرح والشرح
قديما كانت العملية صعبة لو
انت مش بتعرف تشرح
لكن دلوقتى فى تكتولوجيا كاملة وعلوم وكتب فى كيفية
وضع مناهج ودروس عملية فعالة تجعل الطالب قادرا فعلا
على الفهم
خصوصا ان انا شايف ان المدرس فى المرحلة الجامعية
دوره كمرشد أكبر بكثير من دوره كملقن وشارح
لأن التعليم الذاتى هو القاعدة الأساسية السليمة فى المرحلة دى
الفترة اللى فاتت مكنتش بدخل المنتدى كثير بسبب الموضوع
ده كنت بحاول أتعلم الخطوط العريضة
للتعليم الفعال
العملية مش سهلة ومحتاجة زى ماقلت وقت وجهد وممكن فلوس
عشان كده قليل جدا من أساتذتنا اللى بيحاول يطلع على الموضوعات
اللى زى دى
ولا يزال مفهوم الدرس عند كثير منهم متعلق بالمدرج
على الرغم ان الطالب ممكن يفهم ويتعلم أكثر بره المحاضرة
وأبسط أداة بتجمع عدد كبير من الطلبة زى المنتدى
محدش حاول انه يستغلها صح أو يفعلها الا عدد قليل جدا
من أعضاء هيئة التدريس
تلخيصا
لو المدرس الجامعى حصر نفسه فى المحاضرة والمعمل
بس بدون أى أدوات أخرى للتعليم هيبقى مش ناجح فى دوره كمدرس
حتى لو كان عنده موهبة الشرح
انا فاكر كويس أستاذ كان المدرج يمتلىء بشكل غير عادى
بالطلبة عشان يسمعوا محاضرته لكن
على الرغم من كده المحصلة التعليمية للكورس
ده كانت ضعيفة جدا لأنه كان مابيعملش
أى تطبيقات أخرى على الدروس بتاعته
مكتفيا بشرحه الرائع وأسلوبه المميز
فى النهاية لازم برضه سياسة التعيين الجامعى
تتغير للتعاقد لمدة بدلا من التعيين
لأن ده بيوفر أحسن الأختيارات

[same7]

كدة حضرتك انحرفت عن المسار الأساسي للموضوع
إحنا كنا بنتكلم عن الفرق بين المعيد اللي اتعين ودخل شرح للطلبة ومعرفش يوصل المعلومة....
وبين معيد الطلبة بتفهم منه....
وحضرتك قلت إن في حالة المعيد الأول نبدأ نعمل دورات تنمية بشرية...
وأنا قلت لحضرتك مهما عملت دورات...القدرة ع توصيل المعلومة دي موهبة وملكة من عند ربنا مش هتعرف تعوضها...
يبقى نستغل المعيد الأول في أي مجال علمي غير إنه يدخل يشرح للطلبة...
:
إنما المقارنة بين الطالب اللي بيرتب واللي مبيرتبش....
ده موضوع تاني خالص

اعتقد فرع من الموضوع

اصل اللى بيتعين كام واحد؟
وكام واحد فيهم بيعرف يشرح ويوصل معلومه؟
حضرتك ممكن فى سكشن تلاقى دكتور بيشرح حلو والطلبه مستمتعه وفرحانه
فى سكشن تانى دكتور شرحه مش حلو

فـ الاول

نظبط اللى موجودين ونشوف لهم حل؟
لان اغلبهم للاسف شرحهم مش حلو
ومعظمهم وجوه جديده لسه السنه دى

وفى وجوه معروفه وشرحها مش حلو
نسبه ضعيفه اللى شرحهم كويس
واتمنى مكونش قاسى فى حكمى ده


ثانيا

عايزن نشوف التعيين الجديد؟
وطريقه اختياره؟

اللى هتخش فى اولوياتنا تقديره العلمى اولا
واننا نزود وعيه ازاى يبقى معيد متميز

أنا نفسي أطول ع فكرة

الانثى غالبا نفسها اطول
اصعب نقاش مع انثى

.................



كل كلام حضرتك رائع جدا يا عبد الله

لكن الجزئيه دى

فى النهاية لازم برضه سياسة التعيين الجامعى
تتغير للتعاقد لمدة بدلا من التعيين
لأن ده بيوفر أحسن الأختيارات

هتخلق مشكله
مش هتكون حافز للدكتور انه يحسن من اسلوبه

[عبدالله عبدالرحمن]

كل كلام حضرتك رائع جدا يا عبد الله

لكن الجزئيه دى

هتخلق مشكله
مش هتكون حافز للدكتور انه يحسن من اسلوبه

على العكس تماما على فكرة
لأن المدرس لو قصر أو مطورش فى نفسه
ومنهجه
هيبقى عرضة لإنهاء التعاقد
بينما المتميز سيحقق مكانة مرموقة بين زملائه
الثواب والعقاب والتنافسية
من أهم عوامل التجديد والاستمرارية
فى النجاح على عكس مايحدث الان
المدرسين ضامنين الوظيفة وتحولت
فى عدد كبير الى دخول المدرج عشان يرمى كلمتين
ويخلص المنهج ودمتم سالمين
ولعلمك دى سياسة التوظيف فى أى جامعة محترمة
تحياتى ..؛

[Rooose]

موضوع التقدير العالي ده _في رايي_ يعتمد علي الفهم والمزاكرة الكتير ، يعني لو فاهم ومش ثبت المعلومة بالمزاكرة تبقي ملهاش لزمة لاني ممكن مفتكرهاش ولو فاهم وزاكرت كويس ان شاء الله أكيد هتجيب تقدير عالي..

أنا شايفة انه كل دكتور بيشرح بالطريقة اللي كان بيزاكر بيها وهو طالب لان أسلوبه في توصيل المعلومة سواء لنفسه أو لغيره أكيد واحد..

لو المعيدين قبل ميتعينوا يدرسوا قرصات تربوي ويبقي لهم اختبار فيها واللي ينجح يكمل في التدريس والعكس يكتفي بالبحث العلمي لحد ميوصل للي يؤهله للتدرس ساعتها يبقي يدرس ،، دا هيبقي أفضل ..

[same7]

على العكس تماما على فكرة
لأن المدرس لو قصر أو مطورش فى نفسه
ومنهجه
هيبقى عرضة لإنهاء التعاقد
بينما المتميز سيحقق مكانة مرموقة بين زملائه
الثواب والعقاب والتنافسية
من أهم عوامل التجديد والاستمرارية
فى النجاح على عكس مايحدث الان
المدرسين ضامنين الوظيفة وتحولت
فى عدد كبير الى دخول المدرج عشان يرمى كلمتين
ويخلص المنهج ودمتم سالمين
ولعلمك دى سياسة التوظيف فى أى جامعة محترمة
تحياتى ..؛

هتخلى المده اد ايه يا عبد الله مثلا ؟

هيتفرغ للتدريس ولا هيتفرغ انه يحسن من نفسه ؟
ولا هيوازن بين الاتنين ؟
و ازاى ؟


ادينى تصورك كده
لانى مش متخيل الوضع اللى بتقول عليه

[dr.monalizaa]

ما هيا دي المشكله
امال احنا بناخد كورسات ليه ؟؟
ما عشان دخلنا محاضرات معينة وماعرفناش نفهم عشان كده خدنا كورس في الماده الفلانية
انا فعلا شوفت دكاترة في الكلية على سبيل المثال د . ناهد قسم التحليلية تحفة في شرحها والله العظيم انا فعلا شايفه ان اللي مكانش بيحضرلها خسران لان أسلوبها كله على بعضه أكتر من ممتاز
بعض الدكاتره التانيين ومش هقول أسامي لانهم كتير بيدخلو ماتعرفش اصلا بيتكلمو في ايه وتك تك تك المحاضره خلصت
فهمت ايه ؟؟ ولا حاجه
بس الفكره بقى انهم هيعينو اللي بيوصل المعلومة ازاي طيب؟
يعني دي موهبه مش حاجه بتتقاس اللي بيتقاس الشطاره بالدرجات
بيعينو على أساسها وبس
الموهبه دي بقى المفروض يعملو استفتاءات ويشوفو الدكاتره اللي الناس بتجمع انها مش فاهمه منهم ويحطوهم في مكانهم المناسب ويخلو الناس اللي بتعرف توصل هيا اللي تشرح

[ABO El-DAHAB]

موضوع يمر بعقولنا كثيرا فعلا و لكن لم اره مطروحا ... و فكرة الموضوع و طريقة طرحه جميله جدا
وجهة نظري باختصار ان التدريس محتاج حاجتين
مهارة توصيل المعلومة (مش عند اى حد)
ان تكون على قدر من العلم ليس بالقليل فيما تشرحه ( و دي حاجة مكتسبة مش مهارة خالص )

يبقى لازم اختار المهارة او الموهبة مش اختار الحاجة المكتسبة ... بالاضافة ان حتى الى مرتب على الدفعة دراسته فى الكلية مستحيل انه يعرف منها القدر الكافى من المعلومات لان يكون مؤهلا فى المادة الى هيشرحها ... لانها مناهج على ما تفرج و تقيس مدى قدرتك على الحفظ ليس الا

والشخص المتفوق دراسيا و معندوش مهارة الشرح مفروض يشتغل باحث مش معيد و يكون فيه تقييم جاد قبل التعيين كمعيد لطريقة الشرح و مهارات التعامل مع الطلبة
ومن مفهومى لجملة ((هو كل من ركب الحصان خيّال؟؟؟ ))
لأ طبعا
و لكن ممكن نعتبر الصح ان اولويتى فى البحث عن هى خيّال ماهر (انسان لديه مهارة الشرح) ثم انه يكون يمتلك حصان (مادة علمية) يساعده اكثر على ثقل مهارته ... مش العكس

[عبدالله عبدالرحمن]

هتخلى المده اد ايه يا عبد الله مثلا ؟

هيتفرغ للتدريس ولا هيتفرغ انه يحسن من نفسه ؟
ولا هيوازن بين الاتنين ؟
و ازاى ؟


ادينى تصورك كده
لانى مش متخيل الوضع اللى بتقول عليه

التعاقد بيبقى سنوى مع القابلية للتجديد
طبقا لعدة معايير
1- النشاط الأكاديمى والبحث العلمى
2- تطبيق مهمة ورؤية القسم بشكل خاص والكلية بشكل عام
3-أداء مهام الإرشاد الأكاديمى
4-قياس أراء الطلبة بشكل إحصائى معتمدا على نتائج الطلاب فى الأختبارات والاستبيان الفعال
5-مقارنة معدل التطور والتحديث فى الأداء مقارنة بالأعوام السابقة فى حالة التجديد أكثر من مرة

وانا مش عارف انت ليه فاصل بين التدريس ووالتطوير من النفس
الأثنين مترابطين بشكل كامل
أولا هو مقدم على وظيفة بيبقى مجهز برنامجه وخطته السنوية
كاملة وعارف هو هيعمل ايه من بداية السنة
مش سايب العملية للظروف
وبعدين السنة مش كلها دراسة فى أجازات وفترات راحة
مفروض انه بيخطط فيها للعام الأكاديمى الجديد
والتخطيط ده نوعين
نوع خاص بالمدرس نفسه
ونوع متعلق بخطة القسم والكلية الدراسية
ولازم الأثنين يكون بينهم تكامل
فى نفس الوقت
الكلية لازم تتعامل مع المدرس بشكل محترم
وتعطى له مرتب محترم وتساعد فى البحث العلمى
وتوفر له البيئة المناسبة والسكن المناسب
انا فاكر كويس أحد الدكاترة كان قلنا
انه لما كان بره اللى بيعمله فى يوم بيعمله هنا فى مصر فى أسبوع
وده دليل ان فى عشوائية وبطء وبيئة غير مناسبة للمدرس أو الباحث
صحيح احنا هنا بنتكلم عن موضوع إختيار المدرس
لكن ماينفعش على الإطلاق انى أطلب مدرس على معايير جودة عالية
وتكون المعاملة سيئة زى اللى بتحصل عندنا
أحد المعيدين كان بيقول انه كان عنده مراقبة فى الأمتحان
وعنده اختبار ثانى يوم
فلازم السياسات كلها تتغير
اتمنى تكون الأمور وضحت شوية