المقـررات الالكترونية " مديسنال "

[Amira]

بسم الله الرحمن الرحيم
والصلاة والسلام على المبعوث رحمة للعالمين .. ..

المقـررات الالكترونيه .. شبه اللى دكتور صالح الشرقاوى قالنا عليها فى سنه اولى وهى ان محاضرات دكاتره المديسنال موجوده على موقع الجامعه وهنوصلها بالطريقه اللى هقولها تحت دى ، كمان فى امتحانات السنين اللى فاتت ، اسئله على كل موضوع بنحلها وعليها درجات حسب ما د.دينا قالت

د.ماجده قالت الكلام ده فى محاضرتها اللى فاتت ودخل واحده من وحده التعليم الالكترونى تشرح طريقه الدخول

الطـريقة :

1- موقع جامعة المنصوره
http://www.mans.edu.eg/default.htm

2- من الحاجات اللى فى الجنب نختار التعليم الالكترونى ومنها نختار وحدة انتاج المقررات الالكترونيه
http://ecenter.mans.edu.eg/

3- فى صوره كده مكتوب عليها Nelc موجوده فى الجنب تحت حكمة اليوم هنضغط عليها هتتفتح لنا صفحه جديده
http://cms.nelc.edu.eg/login/index.php

4- مطلوب يوزر وباسوورد
Username = ID
Password = Birthday

مع ملاحظة :

واحنا بنكتب تاريخ الميلاد لازم حاجتين :
1- اليوم والشهر يبقى من خانتين يعنى لو حد مولود يوم 2 من شهر 4
تتكتب 02 و 04

2- يُفصل بين اليوم والشهر والسنه بـ /
اللى هى حـرف الظـاء بس بالكتابه الانجليزى .. يعنى نحول الكتابه انجليزى ونضغط على الظـاء

يعنى الاخر يكون تاريخ الميلاد كده :
02/04/1990
مثلا يعنى

<< كل اللى حاولوا يدخلوا لحد دلوقت مرضاش يدخلهم عشان كده مش عارفه اكمل بعد الدخول هيحصل ايه

= = = = =
عـدنا ..
4- بعد ما ندخل هيجيبلك اسماء جامعات كتير
نختار
Mansoura University

5- هنختار رابع حاجه
Medicinal chemistry

6- هتلاقوا اول حاجه السير الذاتيه لدكاتره الماده ، بعدها امتحانات السنين اللى فاتت " بتتحمل وتشتغل ببرنامج adobe reader "
الـ general pretest
والـ Q.bank
أظن انهم عن المنهج عموما

7- بعد كده متقسمه وحدات والوحدات متقسمه لعناوين تانيه
الوحده عليها pre test لواحدها و post test
وكل عنوان موجود تحته العناوين الصغيره لو اتفتحت هتدخلك على الشرح " مش متاكده لانها مش شغاله عندى "

اظن والله اعلم ان pre test & post test دول هم اللى عليهم الدرجات

بس كده

[sweet nona]

مش راضى يدخلنى اخبط اقول احم ياللى هنا
مش راضيين يدخلونى للمقررات شكلى هكسرلهم الباب الموقع

[Amira]

مش لاقيه اى حد نفعت معاه الباسوورد اللى قالوا عليها دى !

[مهداه]

مش لاقيه اى حد نفعت معاه الباسوورد اللى قالوا عليها دى !

طب وبعدين

[Amira]

نستنى شويه كده
فى اى وقت فاضى عندى هبقى اعمل جوله :d

[Mahmoud_Seif]

د.ماجده قالت الكلام ده فى محاضرتها اللى فاتت ودخل واحده من وحده التعليم الالكترونى تشرح طريقه الدخول

وعليها درجات حسب ما د.دينا قالت

الكلام ده امته يادكتورة أميرة

[Amira]

الكلام ده امته يادكتورة أميرة

قالته فى المحاضره اللى فاتت لها
انا مش فاكره والله اخر مره حضرت مع ب ولا أ " غالبا حضرت مع أ "
مش عارفه قالت عندكم ولا لا ..

[mido17]

فتح معاااااااااااااااااااااااااااااااايا
ولقيت حجات غريبه كده
هستكشف المكان وبعد كده هقلكوا

لقيت الحجات دي وهيه مجموعة روابط:
وفي موسيقى شغاله كمان
Prof.Dr.Magda _CV. Prof.Dr.Magda_CV.
Dr.Dina_CV. Dr.Dina_CV.
Course Introduction Course Introduction
Course Syllabus Course Syllabus
Course Objectives Course Objectives

2007 Test
2008 Test
2009 Test
2010 Test
references references
Pdf Resources Resources
Vedio Gallary Vedio Gallary
-----
وفيه بنك الاسئله واسئله اختياري وفيه مكان زي المنتدى كده علشان لو عندك سؤال تكتبيه فيه
وفيه شرح للمنهج بالصوت والصوره مع وجود أسئله لكل محاضره وبعض الأنشطه وكمان خلاصة المحاضره

[Amira]

فتح معاااااااااااااااااااااااااااااااايا
ولقيت حجات غريبه كده
هستكشف المكان وبعد كده هقلكوا

سبحان الله امال مبيفتحش معانا ليه !
حضرتك دخلت بالباسوورد زى ماهم قايلين كده ؟؟

[mido17]

سبحان الله امال مبيفتحش معانا ليه !
حضرتك دخلت بالباسوورد زى ماهم قايلين كده ؟؟

اه زي ما حضرتك وضحتي بالضبط