الكيمياء العضوية - كلاكيت تاني مرة -

[shoshooo]

يا جماعة أنا شايفة إن جزء د/ علاء سهل خالص عن جزء د/ ماجدة يعني مختلف
أنا ذاكرته وبعدين هعمل جزء د/ علي ماهر يعني نصيحة اللي يخلص علي ماهر يخش على علاء ده مجرد رأي
"الاختلاف في الرأي لا يفسد للود قضية"

[Khaled Ali]

يا جماعة أنا عندي حل أحلى ... ما ندخل بال Alkane و ال Thiol .... و كفاية كدة ...

لا بجد .. اللي شايف حاجة مريحة له يعمللها عشان يعرف يحل في الامتحان .. و ابشروا يا جماعة في ناس ذاكرات الكربوهيدريت اهو و قالت انه سهل .. يعني توكلوا على الله و دوسوا فيه .. احنا اسود ميهمناش حاجة .. و بالتوفيق للجميع ان شاء الله

[~Am@ny~]

من زماااااااااااااااااااااااان وانا بحب العضويه
كنت مستنيه يوم امتحان العضويه ده بفارغ الصبر

[WhiteBird]

والله ياجماعه انااحترت ربنا يسهل بس واخلص على ماهر انا الحمد لله فى المحاضره التالته لانى لسه بادئه النهارده فشكلها مفيهاش د.ماجده ولاد.علاء اصلا...

[Dr/AM]

السلام عليكم ورحمة الله وبركاته
كيف حال الدكاتره وكيف اخبار العضويه معاكم طبعا الاجابه معروفه

بصوا يا جماعه حاولوا على قد ما تقدروا تجمعوا التفاعلات لوحدها عشان تتذاكر وتتراجع بسرعه ودى من راى افضل طريقه وطبعا كل دكتور وله اسلوبه فى المذاكره

ويارب يوفقنا كلنا ان شاء الله ويكون الامتحان مرضى للجميع

وفى الختام
لكم منى سلام تحمله ملائكة الرحمن ودعاء بالرحمة والغفران

[dr queen]

طيب حد يعرف توزيع الدرجااات؟..

د/ محمد الازلى قال للطلبه اللى عنده .......
جزء د/على ماهر 40
و د/ماجده نصر 24
و د/علاء برغش 16 ،
يعنى يفضل بعد ما نخلص جزء د/ على وهو الاهم نبدأ بجزء د/ ماجده .
بس ربنا يستر والدكتورة ماجده تجيب اسئلتها سهلة ،
هى ودكتور علاء ..........

لكن د/على .......طيوب وان شاء الله هيجيب الامتحان حلو .

بس قولوااااااااااااا ياااااااااااااااااااااا رب

[B@Ssma]

انا زاكرت شويه ف ماجده واتخنقت وسبتها
قلبن ع على ماهر وشكلى بردوا هتخنق واسيبه
بس انا مبحبش انقل من جزء لجزء كده الواحد بيتلخبط
بس هعمل ايه الواحد لازم يغير بردوا ............ التغييير حلو

[lamiaa]

والله هو فعلا حسب كل واحد فينا مرتاح لايه
بس فعلا انا راى برده ان جزء دكتور علاء سهل والله وخسارة انه يتساب حتى ممكن يبقى مضمون عن دكتورة ماجدة الى بتهيالى امتحانها يعنى مش اد كده...........
انا والله يا دوب خلصت الالدهيد والكيتون وبخلص فى الكربوهيدرات
وهدخل بعدها على دكتورة ماجدة ان شاء الله مش عارفة بقى الكربوكسلك اسيد هيتذاكر امتى؟؟؟؟؟؟؟؟؟؟؟
ربنا يستر يارب
المشكلة الى بذاكره بنساه كانى ما فتحتوش من اساسه
والمشكلة برده حتى لو ذاكرنا الامتحان الله اعلم بيجى ازاى
ربنا معاااااااااااااااااانا

[lamiaa]

والله يا حنان شدى حيلك وان شاء الله خير
بصى حاولى حتى تقرئى جزء الكربوهيدرات
هو ممكن يبان انه رخم بس والله لو فهمتيه هيبقى كويس
وحلى الاسئلة الى نازلة عليه علشان مش تسيبى الجزئين كده
ان شاء الله خير باذن الله

[violet]

والله ياجماعه انا خلصت جزء الدكتوره ماجده ودلوقتى بزاكر فى جزء الدكتور على ربنا يسهل والحق اخلصه بس المشكله حاسه كانى ولا زاكرت اى حاجه بتهيالى كل المعلومات اتبخرت ربنا يستر بقى ويعدى الامتحان ده على خير