المشير .... والبدلة ..... والشارع ...

[Dr/HULK]

بسم الله الرحمن الرحيم

ده الفيديو فى الاول كده

+ YouTube Video

بخصوص بقى الموضوع نفسه

عشان أساسا مصر دى بلد ............. واعلامه بيحتوى على مجموعة من المرضى النفسيين

لقينا فجأة وباتباع سياسة اننا نحل مشكلة باظهار مشكلة تانية يروج عليها الاعلام

نزلنا المشير فى الشارع

طبعا العمل اللى اعتبره البعض انه بداية لعودة حكم العسكريين وكأن الراجل خلاص لازم يمشى فى أسطول 20 عربية عشان برده يتشتم ويبقى كده فى السليم

مش عارف انا البلد دى مالها

احنا طول عمرنا بنشتكى ان المسئولين مش بينزلوا الشارع ولا بيشوفوا الناس ولما حد ينزل نبدأ بقى فى الشغلانة اللى بيجيدها المصريين

وهى طبعا تحليل النوايا وكل واحد بقى يقعد يحلل ويطلع يتكلم ويقولك ده نيته كذا وده عايز كذا

وفى وسط كل ده شوية المحترمين دول ركزوا على حاجة تافهة (واحد نزل الشارع)

ونسوا ان البلد بتخرب وان فيه فئتين من الشعب الاطباء والمعلمين معلقين اضرابهم فى انتظار تحقيق مطالبهم او التحدث معاهم

وبدل مانلاقى ان الاعلام يكون صوت للشعب (فى المشمش وهنبقى نتقابل) كالعادة يعنى بيكون هو أهم أداة فى تخريب البلد سواء بقى بتحريض الناس أو بنفاق الحكومة الكل ماشى فى طريقه

حتى الفيس كعادته كل جروب مشى فى الاتجاه اللى هو بيستريح ليه

سواء شايف ان المشير لما ينزل فدى حاجة كويسة ومش مقصودة والتانى اللى شايف ان نزوله عشان يخدر الشعب

وصور تنزل وتتركب واللى يعمل المشير سلفى واللى يعمله بوستر مغنى شعبى

وكالعادة يعنى تلاقى فيه انقسام فى تحليل النوايا

كل اللى بتمناه بس هو نفسى اعرف ليه كل ده وكل الحرب دى
من الاخر انتخابات الرئاسة حق لكل مواطن مصرى والده ووالدته مصريين

كل مرشحين الرئاسة دلوقتى من حقهم يعملوا حملة دعاية لنفسهم وكل واحد يحضر البرنامج بتاعه وفى الاخر الناس تختار

حتى لو الشعب رجع مبارك واختاره تانى (عشان نموت بحسرتنا) ايه المانع طالما ان الاغلبية شايفه ان ده اللى بيعبر عنهم

بصراحة احنا محترفين خلق مشاكل وانقسامات فى قضايا نهايتها محسومة (فى الاخر الكلمة كلمة الشعب واللى مش عاجبه يشوف بلد تانية )

انا حتى مش عارف انا كتبت الموضوع ده ليه بس الواحد اتخنق ومش بلاقى مكان أكتب فيه براحتى غير هنا

[muna7assan]

هوا اللى أثار المشكله كلها الصحفى اللى قال انه بالمدنى ينفع رئيس دوله .. دا اللى استفز الناس وخلاهم يقولوا دى مترتبه علشان يمهدوا للشعب انه هوا اللى هيمسك ., يمكن لو كان الراجل دا بلع لسانه كانت عدت

[تابعة محمد]

ونسوا ان البلد بتخرب وان فيه فئتين من الشعب الاطباء والمعلمين معلقين اضرابهم فى انتظار تحقيق مطالبهم او التحدث معاهم

لا يا دكتور هم اربعة ..........
1- هيئة النقل
2- الاتصالات
3- الاباء
4- وهو النصيبة الاكبر ( المعلمين ) .

واضراب طلبة الجامعاتو الاساتذة قادم فى حال عدم تغيير رؤساء الجامعات

اما بالنسبة ليه نزل فحاجة مش تخصينى ومش فارقة معايا كتير .............. المهم عندى اقتصاد البلد رايح على
فين ؟
يعنى بطرة هلاقى اكل ولا لأ ؟
ولو معايا فلوس هلاقى اكل اصلا علشان اشتريه؟

[yojeena]

والله يا دكتور طريقة المجلس العسكري في التعامل مع الثورة و عدم تحقيق الاساسيات اللي المفروض هو موكل بيها في الفتره الانتقاليه عشان نقدر نبني علي نظافه
بم ان كل دا محصلش فأنا هبقي مش طبيعي لو احسنت الظن في العفويه اللي حلت فجأه ع المشير
كل اللي حصل لنا بيعرفنا ان السياسه بحر اسود و عميق وكل خطوة بحساب
و ان في جس نبض عشان يعرفوا اخرنا ايه

[Dr/HULK]

هوا اللى أثار المشكله كلها الصحفى اللى قال انه بالمدنى ينفع رئيس دوله .. دا اللى استفز الناس وخلاهم يقولوا دى مترتبه علشان يمهدوا للشعب انه هوا اللى هيمسك ., يمكن لو كان الراجل دا بلع لسانه كانت عدت

سمعت انا عن الصحفى ده

بس بعيد كده عن الموضوع الفكرة ببساطة ان فى الاخر الراجل ده من حقه انه يترشح سواء بقى اعترضنا او ارتضينا

طبعا الواحد رافض جدا فكرة ان عسكرى يحكم البلد تانى

بس لو واحد عسكرى رشح نفسه هو حر
فين المشكلة يعنى
المفروض اننا نسيب الشعب يختار

لكن استخدام اسلوب الرفض لأى شىء مش على مزاجى بيخلى الناس تعاند أكتر

لا يا دكتور هم اربعة ..........
1- هيئة النقل
2- الاتصالات
3- الاباء
4- وهو النصيبة الاكبر ( المعلمين ) .

واضراب طلبة الجامعات و الاساتذة قادم فى حال عدم تغيير رؤساء الجامعات

دى مصيبة موضوع الاضرابات بتاع المعلمين ده هو مش ملحوظ فى المنصورة لكن فى الغربية والقاهرة الموضوع صعب هناك

اما بالنسبة ليه نزل فحاجة مش تخصينى ومش فارقة معايا كتير .............. المهم عندى اقتصاد البلد رايح على
فين ؟
يعنى بطرة هلاقى اكل ولا لأ ؟

ولو معايا فلوس هلاقى اكل اصلا علشان اشتريه؟

والله عند حضرتك حق

فجأة كل فئات المجتمع بقت عايزة زيادة فى الرواتب مع ان كان من الاجدر انهم كلهم يتحدوا ويطالبوا بتخفيض الاسعار

هعمل انا ايه ب5000 جنيه مش هيجيبولى غير 50 كيلو لحمة فى حين انى لو باخد 1000 جنيه والحكومة خفضت الاسعار ممكن اجيب 70 كيلو

والله يا دكتور طريقة المجلس العسكري في التعامل مع الثورة و عدم تحقيق الاساسيات اللي المفروض هو موكل بيها في الفتره الانتقاليه عشان نقدر نبني علي نظافه
بم ان كل دا محصلش فأنا هبقي مش طبيعي لو احسنت الظن في العفويه اللي حلت فجأه ع المشير
كل اللي حصل لنا بيعرفنا ان السياسه بحر اسود و عميق وكل خطوة بحساب

و ان في جس نبض عشان يعرفوا اخرنا ايه

الواحد معدش ينفع يتعامل مع مسئول بحسن نية

والمشير كان راجل مبارك طول حاجة وعشرين سنة وسبب انقلابه عليه هو ان مبارك كان ميكروفون فى ايد اللى تحته بس المفروض ان الموضوع ده يتساب للرئيس الجديد هو اللى يتعامل معاه

والمشكلة الاكبر ان المجلس العسكرى هو وحكومة خيال الظل دى بيديروا البلد بأسوأ الطرق الممكنة والاعلام الجهنمى بتاعنا بيساعدهم فى الموضوع ده

بالنسبة للفيديو بتاع المشير اهم حاجة خرجنا بيها منه ان اى مسئول كبير لو مشى فى الشارع وسط الناس محدش هيعضه يعنى مفيش حد ولا حتى رئيس محتاج اسطول من 20 عربية عشان يذلوا الناس فى الرايحة والجاية زى الايام اللى فاتت

وربنا ييسر للبلد دى ونخرج من المرحلة الانتقالية دى بأقل الخساير ويجيلنا رئيس محترم يعرف يدير البلد

[dr.monalizaa]

بس بعيد كده عن الموضوع الفكرة ببساطة ان فى الاخر الراجل ده من حقه انه يترشح سواء بقى اعترضنا او ارتضينا

طبعا الواحد رافض جدا فكرة ان عسكرى يحكم البلد تانى

بس لو واحد عسكرى رشح نفسه هو حر
فين المشكلة يعنى
المفروض اننا نسيب الشعب يختار

دة اللي ان داخله اقوله بالزبط

يعنى بطرة هلاقى اكل ولا لأ ؟
ولو معايا فلوس هلاقى اكل اصلا علشان اشتريه؟

بتفكريني بعمتووو عفاف ,,, عمتو عاوز اكل بيتزا

[yojeena]

انا متحفظه جدا علي ترشيح اي حد عسكري لنفسه ع الرئاسه
و بالذات في المرحله دي
حضراتكم ناسيين ان الرئيس القادم هو اهم رئيس في تاريخنا
هو اللي هيحدد كل حاجه يا اما نطلع فوق يا ف سابع ارض
واي حد عسكري معروف ولاؤه لمين اصلا
و في ظل الامن و الامان اللي بننعم بيهم طبعا نضمن نجاحه بمنتهي الشفافيه

[A.Denewar]

بسم الله
احنا مالنا نازل بالبدلة ولا باللبس العسكري
ده حتي كان شكله بالبدلة وحش
احنا المهم عندنا اعماله وطبعا اعماله سيئة جدا وماشوفناش اعمال حاسمة تتحسبله
ده حتي شهادته .......شهد زور وقال ان مبارك مش امر بقتل المتظاهرين امال كان منزلهم ليه ؟عشان الشعب يتصور مع الدبابات
مفيش اي شيء محترم اتعمل بعد قتل اكتر من 1000 شخص واصابة 20000 شخص الا مثول مبارك في القفص
اين الثورة ؟؟؟؟؟
فين الثورة ضد البلطجية ؟فين الثورة ضد وقاحة بعض او اغلب رجال الشرطة ؟فين الثورة ضد غلاء الاسعار ؟فين الثورة ضد الرشوة والمحسوبية؟فين الثورة ضد القيادات الفاشلة التي تترأس كل المؤسسات الحكومية؟فين الثورة ضد الظلم ؟فين الثورة ضد اهانة كل من يستحق الاحترام ؟فين الثورة؟
كل اللي ربنا قدره عليه هو محاكمة الابرياء عسكريا وترك البلطجية خارج الاسوار وشهادة الزور واستمرار مذلة المعونات الامريكية واقتصاد منيل ونزوله بالبدلة المدني
لما بقرأ اخبار البلد .....بجد عمري مافرحت الا اليوم اللي بعد تنحي مبارك وخصوصا المصري اليوم بتحبك الحكاية اوي وبعدها برده كل الاخبار سيئة انا نفسي حاجة تفرحني في البلد دي بعد كل سنين الحسرة دي
يا عيني علي المصابين اللي فقدوا ايديهم واعينهم في سبيل البلد
ده ممكن لما يشوفوا حال البلد يتجننوا او يموتوا بحسرتهم ان ما ضحوا بيه في سبيل وطن افضل ضاع هباء

[Dr/HULK]

دة اللي ان داخله اقوله بالزبط

بتفكريني بعمتووو عفاف ,,, عمتو عاوز اكل بيتزا

بالنسبة للأكل فالحمدلله بعد ماشفت الصومال
واليمن وسوريا حتى بقيت متأكد ان عشان منلاقيش أكل فى مصر فاحنا قدامنا 50 او 60 سنة ثورة الحمدلله بجد ربنا بيكرم الناس فى الازمات فدى مش حاجة تخوف

انا متحفظه جدا علي ترشيح اي حد عسكري لنفسه ع الرئاسه
و بالذات في المرحله دي
حضراتكم ناسيين ان الرئيس القادم هو اهم رئيس في تاريخنا
هو اللي هيحدد كل حاجه يا اما نطلع فوق يا ف سابع ارض
واي حد عسكري معروف ولاؤه لمين اصلا
و في ظل الامن و الامان اللي بننعم بيهم طبعا نضمن نجاحه بمنتهي الشفافيه

انا رافض فكرة اى حد يكون بيخاف وللأسف المجلس العسكرى واضح انه بيرضخ للقرارات الامريكية
وفى كام مرشح كده بيخافوا يتكلموا فى بعض المواضيع بشجاعة عشان شعبيتهم

احنا كل اللى محتاجينه هو شخص حكيم مش بيخاف وربنا يسهل بقى والامور تمشى على خير

اه بتكلم امبارح مع شوية من أصحابى لقيت واحد بيقولى مشكلة المرشحين كلهم ان مفيش حد فيهم عنده خبرة

بسم الله
احنا مالنا نازل بالبدلة ولا باللبس العسكري
ده حتي كان شكله بالبدلة وحش
احنا المهم عندنا اعماله وطبعا اعماله سيئة جدا وماشوفناش اعمال حاسمة تتحسبله
ده حتي شهادته .......شهد زور وقال ان مبارك مش امر بقتل المتظاهرين امال كان منزلهم ليه ؟عشان الشعب يتصور مع الدبابات
مفيش اي شيء محترم اتعمل بعد قتل اكتر من 1000 شخص واصابة 20000 شخص الا مثول مبارك في القفص
اين الثورة ؟؟؟؟؟
فين الثورة ضد البلطجية ؟فين الثورة ضد وقاحة بعض او اغلب رجال الشرطة ؟فين الثورة ضد غلاء الاسعار ؟فين الثورة ضد الرشوة والمحسوبية؟فين الثورة ضد القيادات الفاشلة التي تترأس كل المؤسسات الحكومية؟فين الثورة ضد الظلم ؟فين الثورة ضد اهانة كل من يستحق الاحترام ؟فين الثورة؟
كل اللي ربنا قدره عليه هو محاكمة الابرياء عسكريا وترك البلطجية خارج الاسوار وشهادة الزور واستمرار مذلة المعونات الامريكية واقتصاد منيل ونزوله بالبدلة المدني
لما بقرأ اخبار البلد .....بجد عمري مافرحت الا اليوم اللي بعد تنحي مبارك وخصوصا المصري اليوم بتحبك الحكاية اوي وبعدها برده كل الاخبار سيئة انا نفسي حاجة تفرحني في البلد دي بعد كل سنين الحسرة دي
يا عيني علي المصابين اللي فقدوا ايديهم واعينهم في سبيل البلد

ده ممكن لما يشوفوا حال البلد يتجننوا او يموتوا بحسرتهم ان ما ضحوا بيه في سبيل وطن افضل ضاع هباء

الحاجة الوحيدة اللى متأكد منها بعد 8 شهور من خلع مبارك

ان لو كان مبارك بيحكم مصر كان الجيش ضرب فى الشعب

الجيش ماخلعش مبارك غير لما لقى معظم القرارات جاية من جمال وصفوت وزكريا واللى بينفذها حبيب العادلى ومبارك مكنش غير مجرد ديكور لحد مالانتخابات معادها ييجى

وساعتها لو كان جمال مسك كان المشير ومجلسه هيبقوا فى السجن

ربنا يريحنا من كل المجموعة دى اللى خربتها

[dr.monalizaa]

بالنسبة للأكل فالحمدلله بعد ماشفت الصومال
واليمن وسوريا حتى بقيت متأكد ان عشان منلاقيش أكل فى مصر فاحنا قدامنا 50 او 60 سنة ثورة الحمدلله بجد ربنا بيكرم الناس فى الازمات فدى مش حاجة تخوف

انا سمعت ان فيه صومالي سأل شيخ : هل يجوز صوم رمضان من غير فطار ولا سحور ؟؟؟ سؤال يبكي والله

واحنا من يومين ثورة الدنيا كلها طلعت تقول مش هنلاقي ناكل والاكل والهم والمم وبيتزا وكباب وهوت دوج

ومصر كلها ياعيني بقت بتنام من غير عشا

شعب (...... ) يكسف