بجد احنا كدة ؟؟؟!!

[dr.monalizaa]

السلام عليكم ورحمة الله وبركاته

أسعد الله صباحكم أعزائي المشاهدين

من غير مقدمات ولا كلام كتير مالوش لزمة

هل نحن مرضى نفسيين ؟؟

طبعا حضراتكو بتشوفو الأجانب ( وأفلام ومسلسلات وكدة )

اول ما تحصل مشكله صغيرة يجرو على اول دكتور نفسي او شرينك زي ما بيقولو

اول ما اتين متجوزين صوتهم يعلى يجرو على اول مستشاري زواج ويقعدو قعده عرب معاه عشان يزبطو الدنيا تاني !!

تحصل جريمة ولا حريق ولا اي كارثه في مكان لازم كل اللي فيه يتعرضو على دكتور نفسي عشان يتأكد من سلامتهم النفسية ويكملو شغل


طيب واحنا ؟؟؟؟؟؟؟

انا معاكو طبعا لو قلتولي احنا مسلمين وألا بذكر الله تطمئن القلوب ده أساسي ومليون في المية صح

بس ارجع واقول الشعب المصري الغلبان ده مش تعبان نفسيا ؟؟

احنا معندناش مشاكل فعلا محتاجه طبيب نفسي ؟؟ ده احنا عندنا بلاوي متلتلة

مش بس على الصعيد السياسي

سياسي واقتصادي واجتماعي وشخصي وحلمنتيشي

دة الكلية دي لوحدها عاوزالها 10 اطباء لكل واحد


لا بجد

ايه رأيكو ؟؟

[SmSm]

أنا عن نفسي بحس ان الدكاترة النفسيين لازم يبقو متوفرين اكتر من كده
يعني مثلا لو انا دلوقتي محتاجه اروح لدكتور نفسي هقعد اقنع ماما بالموضوع ده واني فعلا محتاجه وان الدكتور هيفيدنا اكتر من اني اتكلم معاها .. وبعدين اقنع بابا بنفس الكلام ويوافقو وبعدين ندور على دكتور بيقولو كويس
يعني ف الآخر هموت قبل م اروح وهيفضل اللي جوايا جوايا
وكمان مش لازم نبقه تعبانين أو عندنا مشكله عشان نروح لدكتور نفسي .. ساعات الواحد بيحب يتكلم ..
ليه ميبقاش في كل مؤسسه موجود دكتور نفسي كفء نثق فيه نلجأله ف أي وقت ونلاقيه بيسمعنا وقت م نحب منغير موافقات وتعقيدات

[a_fouda2]

و عليكم السلام ورحمة الله وبركاته

موضوع جميل

انا من رأيي ...
ان كل واحد فينا عنده مشكلة او عقدة من حاجة معينة ..
او بتواجهه مشكلات بتثيب أثر في نفسيته ..
او مشكلات مبيعرفش يواجهها عشان عنده مشكلة في شخصيته .

في حاجات بتحتاج لدكتور او طبيب نفسي ..
وحاجات ممكن الناس مع بعضها بتحلها ..
و حاجات بمرور الوقت بتعدي.

هي المشكلة كلها في نظرة الناس للطبيب النفسي عندنا
لو روحت لطبيب نفسي ,
يبقى حاجة من اتنين
يا مجنون .. يا اهبل



والاعلام بتاعنا ليه دور كبييييييييييييير جدا في ده
بالافلام اللي يطلع فيها الدكتور النفسي مبيتعاملش الا مع المجانين الا في حاجات قليله جدًا


لكن عندنا معظم اللي بيقوم بدور الطبيب النفسي هما الشيوخ
عشان هما اكتر ناس الانسان المصري بيستريحله
وعشان الناس ايمانها بربنا انه هو القادر على كل شيء طبعا
بس المشكلة انهم مبياخدوش بالاسباب

فهي كل الحكاية لو نظرة الناس للطبيب النفسي اتغيرت
وبقت النظرة الطبيعية الصحيحة
ساعتها نقدر نقول ان ممكن الناس فعلا تروح لاطباء نفسيين

[AbU ElKhAiR-Let`s Go]

بصوا يا جماعه أكيد طبعا الدكاتره النفسين لازم يكونوا موجودين ومافيش مانع من الكشف عندهم
لكن دايما ابن عمى بيقولى إن حل أى مشكله نفسه بتعتمد على الشخص نفسه بالدرجه الأولى
وحتى أى مشكله جسمانيه بتعتمد على حالة الانسان النفسيه اللى هيا فى الآخر بتعتمد على النسان أصلا
فى النهايه يكون انت صاحب حل مشاكلك
كمان أنا شخصيا شايف ان الانسام يستحيل يفهم ما يدور بعقل الانسان نهائيا وان أكتر شخص يعرف الانسان هوا الانسان نفسه
أكيد بنحتاج مساعده لكن المساعده دى والتوجيه ده موجود فى دينا
وبالتالى لاداعى للذهاب لطبيب نفسى على الفاضى والمليان
ومش مع أى مشكله نروح لطبيب نفسى

شكرا جدا لحضرتك

[dr.monalizaa]

أنا عن نفسي بحس ان الدكاترة النفسيين لازم يبقو متوفرين اكتر من كده
يعني مثلا لو انا دلوقتي محتاجه اروح لدكتور نفسي هقعد اقنع ماما بالموضوع ده واني فعلا محتاجه وان الدكتور هيفيدنا اكتر من اني اتكلم معاها .. وبعدين اقنع بابا بنفس الكلام ويوافقو وبعدين ندور على دكتور بيقولو كويس
يعني ف الآخر هموت قبل م اروح وهيفضل اللي جوايا جوايا
وكمان مش لازم نبقه تعبانين أو عندنا مشكله عشان نروح لدكتور نفسي .. ساعات الواحد بيحب يتكلم ..
ليه ميبقاش في كل مؤسسه موجود دكتور نفسي كفء نثق فيه نلجأله ف أي وقت ونلاقيه بيسمعنا وقت م نحب منغير موافقات وتعقيدات

معاكي طبعا ان الواحد ساعات بيكون محتاج يتكلم

والمفروض فعلا حاجه زي دي تتوفر في ظل الضغوط دي كلها بس ازاي ؟؟ معرفش
-----

و عليكم السلام ورحمة الله وبركاته

موضوع جميل

انا من رأيي ...
ان كل واحد فينا عنده مشكلة او عقدة من حاجة معينة ..
او بتواجهه مشكلات بتثيب أثر في نفسيته ..
او مشكلات مبيعرفش يواجهها عشان عنده مشكلة في شخصيته .

في حاجات بتحتاج لدكتور او طبيب نفسي ..
وحاجات ممكن الناس مع بعضها بتحلها ..
و حاجات بمرور الوقت بتعدي.

هي المشكلة كلها في نظرة الناس للطبيب النفسي عندنا
لو روحت لطبيب نفسي ,
يبقى حاجة من اتنين
يا مجنون .. يا اهبل

والاعلام بتاعنا ليه دور كبييييييييييييير جدا في ده
بالافلام اللي يطلع فيها الدكتور النفسي مبيتعاملش الا مع المجانين الا في حاجات قليله جدًا

لكن عندنا معظم اللي بيقوم بدور الطبيب النفسي هما الشيوخ
عشان هما اكتر ناس الانسان المصري بيستريحله
وعشان الناس ايمانها بربنا انه هو القادر على كل شيء طبعا
بس المشكلة انهم مبياخدوش بالاسباب

فهي كل الحكاية لو نظرة الناس للطبيب النفسي اتغيرت
وبقت النظرة الطبيعية الصحيحة
ساعتها نقدر نقول ان ممكن الناس فعلا تروح لاطباء نفسيين

انا تعمدت فوق ما اجيبش سيرة نظرة المجتمع للطبيب النفسي عشان دي حاجه قديمة

لان الموضع لو بدأ الناس هتستغربه كأي حاجه جديده

وبعد شوية هينتشر والناس هتاخد عليه ده لو بدأ بقى
-----

بصوا يا جماعه أكيد طبعا الدكاتره النفسين لازم يكونوا موجودين ومافيش مانع من الكشف عندهم

لكن دايما ابن عمى بيقولى إن حل أى مشكله نفسه بتعتمد على الشخص نفسه بالدرجه الأولى
وحتى أى مشكله جسمانيه بتعتمد على حالة الانسان النفسيه اللى هيا فى الآخر بتعتمد على النسان أصلا
فى النهايه يكون انت صاحب حل مشاكلك
كمان أنا شخصيا شايف ان الانسام يستحيل يفهم ما يدور بعقل الانسان نهائيا وان أكتر شخص يعرف الانسان هوا الانسان نفسه
أكيد بنحتاج مساعده لكن المساعده دى والتوجيه ده موجود فى دينا
وبالتالى لاداعى للذهاب لطبيب نفسى على الفاضى والمليان
ومش مع أى مشكله نروح لطبيب نفسى

شكرا جدا لحضرتك

كلام جميل جدا

محدش قال ان الانسان بيعتمد على غيره

ده بعد العمليات الكبيرة الدكاترة بتقول عل حسب اراده المريض ودرجه تمسكه بالحياه

يعني في الاول وفي الاخر كل الموضوع متوقف على الانسان نفسه

والعلاج النفسي اساسه مش النسيان خالص

علاجه انك تتكلم عن مشكلتك وتعرف تحلها او تتعايش معاها من غير ما تسببلك أي الم

مش موضوعنا

المهم ان محدش بيروح لدكتور على فاضي ومليان فيه ناس محتاجاه وناس لا زيه زي أي دكتور بشري عادي

بالعكس ده حتى النفسية أهم من الأمراض العضوية بكتير

نورتني

[dr moory]

والله يا موناليزا يا اختى انا طول عمرى مش بحب طب بس لو كنت دخلت طب كنت هختار نفسية مع انه مش مشهور اوى بس جايز ع بحب اخفف عن الناس واساعدهم يخرجوا من اللى هما فى
وكنت كل لما اكلم مع واحدة صاحبتى عن الدكاترة النفسين هى مكنتش مقتنعة بس انا مقتنعة بيهم جدااااااااااااااااااااااااااااا
انا شايفة ان الانسان ساعات بيحتاج يفضفض مع حد عن حاجة مضايقة ومش عايز مثلا يقول لحد يعرفه يبقى ايه المشكلة لما يروح لدكتور نفسى
بس هما فين اصلا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالاضافة طبعا لنظرة الناس ان اللى يروح لدكتور نفسى يا مجنون يا اهبل
وبعد الرغى الكتير ده انا مقتنعة بالدكاترة النفسين جداااااااااااااااااااااا

[dr.monalizaa]

هو كله شايف ان اللي يروحلهم يا مجنون يا اهبل .... مفيش عبيط طيب ؟؟


والله يا موري يا أختي انا موجودة اهو تروحي للغريب ليه


بس بيني وبينك الواحد مع بداية الدراسة محتاج واحد فعلا

[Dr/HULK]

المفروض اللى يقوم بالدور ده هو الأب والام

انتشار الاطباء النفسيين فى المجتمع الامريكى بسبب التفتت الاسرى اللى عندهم

احنا عندنا فى مصر زيادة المشاكل الاجتماعية وانشغال الاب والام بعملهم بدأ يظهر حالات زى دى

المفروض ان الاب او الام يكونوا مبادرين بالنصائح لأبنائهم عشان يحموهم من المشاكل دى

أنا بصراحة لحد دلوقتى مشفتش نموذج لدكتور نفسانى بس أنا شايفه أقرب لدكاترة التنمية البشرية

اللى بيرفع معنوياتك لأقصى درجاتها أثناء المحاضرة وأول ماتخرج وترجع البيت وتنام وتصحى تقابل أول مشكلة ليك تنسى كل الكلام ده وتبقى عايز تروحله تانى

مرة شفت مريض نفسى كان عايش لواحده وكان بيكلم نفسه كل يوم فى البلكونة لحد ماناس قرايبه راحم عاشوا معاه واهتموا بالمكان ونظفوه ظهوره قل جدا وحالته اتحسنت كتيييييييييييير

الغرض هو ان البيئة المحيطة تأثيرها اكبر بكتيييييييير من تأثير الدكتور النفسى

[dr.monalizaa]

انا معاك طبعا

طيب ولوالأم والأب مش موجودين أو أحدهما ؟؟

ولو موجودين و استغفر الله العظيم ما ينفعوش يكونو أمهات وأباء ؟؟

والتفكك الأسري بقى مالي الدنيا هنا

والله الناس من برة بتبان كويسة .. لكن الهدوم ياما بتداري زي ما بيقولو

نورت يا دكترة