من يبارزنى بالشعر ؟؟؟؟؟؟

[amira89]

السلام عليكم ورحمة الله وبركاته
اعضاء الساحة الكرام
فكرة الموضوع انى هكتب خواطر او شعر
أو حد يرد عليا رد له نفس المعنى ويفضل إنه يلتزم بالقافية
منتظرة آرائكم ومشاركتكم واللى مش عارف حاجة يسألنى وأنا هرد عليه
تحياتى للجميع

[Mouri Ran]

وعليكم السلام ورحمة الله وبركاته

فكرة جميلة بس لازم تبدئي الأول وانا معاكِ إن شاء الله : ).

[M.Hegazy]

فكرة جميلة قوي يا دوك أميرة .. هيا تم تطبيقها فعلا في المنتدى بس الاختلاف كان إن كل واحد بينزل قصيدة يرد بيها على التاني من غير ما يكون نفس الوزن و القافية .. و بإضافة عنصر الوزن و القافية للموضوع ده هيزيد التحدي أكتر ..

يا ريت الكل يشاركنا يا جماعة .. و إن شاء الله أي حاجة هتيجي في بالي هكتبها علطول ..

كل التحية لحضرتك يا دوك أميرة ..

و خمس نجوم للفكرة الهايلة دي ..

منتظرين المشاركة ..

[كليوباترا]

فكرة هايلة هتنشط العقل وتزود روح المنافسة
يلا ابدأى واحنا معاكى

[chemist girl]

فكره هايله
يلا ابتدي
انا بحب الشعر بس مجربتش اكتبه قبل كده

[نعمة]

فكرة جميلة ابتدي انتي وإن شاء الله يبقي فيه روح تنافس عالية

[E.Raafat]

خليكي فكرة انت اللي طلبتي مننا كده ,,,,,, الطريق دا مش سهل ,,,,,,,,, أنا مستعد

[amira89]

ان شاء الله ابدا النهارده وعايزة اشوف المنافسة
احنا جامدين اوى ومش بنخاف

[dr-aya]

I'm ready my dear
Waiting ............

[amira89]

السلام عليكم ورحمة الله
انا هبدأ بحاجة خفيفة كده بالعامية لحد ما تتشجعوا للموضوع
مستعدين
يا من كنت حبيبى
كنت بحبك اكتر من روحى وعقلى
وعشت معاك احلى ايام عمرى
لانك دايما كنت بتدور على سعادتى
وانا فعلا حبيتك من كل قلبى
بس بعد فراقنا كل احلامى بقت سراب
بعد ما اتعلقت بيك وخلتنى اتمسك بحبى
وانت بكل سهولة اتخليت عنى وبعدت عنى
عمرى ما كنت اتخيل انك تدوس على مشاعرى
ولا انك فى يوم تقدر تبعد وتستغنى عنى
اد ايه انا حزينة انى ظلمت معاك قلبى
بس صدقنى من النهارده هرجع اميرة البريئة
اللى كانت عايشة ومبسوطة من غير حبك
***********************
الفكرة ان حد يرد عليا رد بابيات لها نفس القافية
ممكن مثلا واحد يقولى انه فعلا لسه بيحبنى بس مش قادر يتحدى الظروف
ممكن حد تانى يقولى انه مكنش بيحبنى وانى انا اللى كنت موهومة
ممكن حد تالت يقولى انت ليه سلمتى مشاعرك وقلبك ليا وهكذا
يارب تكون الفكرة وصلت ليكم
فى انتظاركم