*.. ?? ألف ليه و ليه ؟؟ .. * >>> ( بقلمي )

[M.Hegazy]

تحية طيبة و بعد ,,,

بعد انقطاع .. عودة معاكم و خاطرة بسيطة يا رب تعجبكم ..


إيه اللي خدته من حبك
غير جرح تعب قلبي
و الذنب مش ذنبك
الذنب ده ذنبي
غلطت أنا لما اخترتك
و حبيت وجودك جنبي




عايزة مني تاني إيه
إيه اللي باقي نبكي عليه
راحت كل أيامنا
غلطك و إنتي اللي ابتدتيه
و كل حلم معايا حلمتيه
هدتيه بعد ما بإديكي بنتيه
مبقاش عندي غير ذكرى أليمة
و ألف ليه و ليه !!!
قلبي سابك بعد ما بعتيه
و عذبتيه و آلمتيه
إيه بقى اللي فاضل
أبكي و لا أندم عليه ؟؟



روحي لحالك و سبيني في حالي
رضيت منك بالجرح و القسوة
و كفاية بجد اللي جرالي
و حبنا ده كان .. مجرد نزوة



20 - 9 - 2011

[صاحبة القلم الحائر]

ماشاء الله الخاطرة جمييييييييييلة اوى
بس الصورة الاخيرة دى صعبة جداااااااا
مش عارفة ايه جو الاحزان اللى ع المنتدى ده
واضح ان فى مشاركة وجدانية بين الاعضاء
ربنا يبعد عنا الهم الغم
جزاكم ربى خيرا

[محمد فهمي]

فاليحمد الله علي أنها كانت نزوة وخرج منها سالما...فاليقف الآن علي قدميه وينحي حزنه جانبا ويفتح قلبه للنور من جديد وليبحث عن حب آخر وليته لايكون هو الآخر نزوة....!
تحياتي لصاحب الحالة وكاتب الخاطرة الشعرية وأظنهما شخصا واحدا....!!
!
سلمت يدك يادكتور..ففيها عبرة...

[M.Hegazy]

افتكر دلوقتي بس ..
ابتدى يفهم يحس ..
لما ضعت أنا من إيديه ..

سمى شوقي و حبي ضعف ..
كل كلمة و كل حرف ..
قالها قلبي خسارة فيه ..

يعني إيه كلمة حبيب ..
ضعف قلبي مكنش عيب ..

كان عايزني أبقى قاسي عليه في حبي معرفتش أقسى ..
كنت شايله جوه عيني و كنت ياما هحبه لسه ..

[M.Hegazy]

ماشاء الله الخاطرة جمييييييييييلة اوى
بس الصورة الاخيرة دى صعبة جداااااااا
مش عارفة ايه جو الاحزان اللى ع المنتدى ده
واضح ان فى مشاركة وجدانية بين الاعضاء
ربنا يبعد عنا الهم الغم
جزاكم ربى خيرا

شكرا لحضرتك على الرد يا دوك عبير ..

و ما هي إلا مجرد سحابة عابرة و خلص الموضوع ..

و بإذن الله مفيش أحزان و لا حاجة ..

و حمد لله على سلامتك و نورتي المنتدى من تاني ..

و جزاكم الله خيرا على الدعاء الجميل ده ..

فاليحمد الله علي أنها كانت نزوة وخرج منها سالما...فاليقف الآن علي قدميه وينحي حزنه جانبا ويفتح قلبه للنور من جديد وليبحث عن حب آخر وليته لايكون هو الآخر نزوة....!
تحياتي لصاحب الحالة وكاتب الخاطرة الشعرية وأظنهما شخصا واحدا....!!
!
سلمت يدك يادكتور..ففيها عبرة...

أولا و قبل أي حاجة .. دايما منورني يا دوك فهمي و أسعد بوجودك في أي مكان ..

ثانيا .. نزوة هنا قصدت بيها ( غلطة ) مش معناها التاني اللي هوا حاجة و عدت يعني ..
الموضوع مكنش مجرد حب يا دوك فهمي ..
ده حب و ارتباط رسمي و انتهى ..

و صاحب الحالة و كاتب الخاطرة واحد يا دوك و أكيد إنتو عارفينه

نورتني حبيبي في الله ..

[DR.BIBO]

افتكر دلوقتي بس ..
ابتدى يفهم يحس ..
لما ضعت أنا من إيديه ..

سمى شوقي و حبي ضعف ..
كل كلمة و كل حرف ..
قالها قلبي خسارة فيه ..

يعني إيه كلمة حبيب ..
ضعف قلبي مكنش عيب ..

كان عايزني أبقى قاسي عليه في حبي معرفتش أقسى ..
كنت شايله جوه عيني و كنت ياما هحبه لسه ..

من نعمة ربنا على الانسان النسيان عشان كده مهما الانسان قابل من مشاكل فى حياته بتعدى وبيخرج منها وهو اقوى ومتعلم من التجربة اللى قابلها

[M.Hegazy]

معاكي حق يا دوك بيبو ..

بس

إيه رأيك لما المشاكل دي تفضل عايشة و حية و موجودة و كل فترة تفتكريها بالعافية ..

و كأنه صاعقة على دماغك .. تبقي خلاص قربتي تنسي تلاقي القديم رجع تاني ..

ربنا يهدي و يصلح حال الجميع ..

و كفاية لحد كده ..

[الملاك الضاحك]

الله على الكلام الجميل والمشاعر الرائعه دى
كلمات رائعه
من كاتب متمكن
يملك الاحساس والمشاعر
والمفردات الجميله
في الحب لا تفرط فيمن يشتريك...ولاتشتري من باعك ...ولاتحزن عليه
دمت مبدعا

[M.Hegazy]

شكرا لمرورك العطر يا دوك ..

كلامك شهادة اعتز بيها ..



أسعدني مرورك و تعليقك ..