وقفة احتجاجية للصيادلة لتفعيل الروشته بالاسم العلمي

[ضياء القلب]

السلام عليكم ورحمة الله وبركاته
اخبار حضارتكم ايه يادكاتره
يارب يكون الجميع بخير

زى محضراتكم شايفين من عنوان الموضوع

(وقفة احتجاجية للصيادلة لتفعيل الروشته بالاسم العلمي)

الاعلان ده انتشر بسرعة البرق ع الفيس بوك

عايزة استفسر هل الوقفة دى فعلا النقابات الفرعية تبنتها ولا مجرد مطلب فئوى لبعض الصيادلة

ياريت لو حد من الدكاترة يقدر يفيدنا ف الموضوع ده

[yojeena]

طبعا اللي بتمناه انها ماتبقاش مطالب فئويه لبعض الصيادلة و ان الدعوة تتنفذ بالفعل

بصراحة الصيادله انفسهم ليهم نصيب الاسد من الاوضاع المتردية للصيادلة

و الاسم العلمي هيزود معرفتنا بخصائص المادة الفعاله و الانترأكشن ما بين الادويه و الاكل

بمزاجنا بقي او غصب عننا (مش مهم)عشان تثبت كفاءه و الزباين تيجي للصيدلي الأكفء

كمان الاسيستانت هياخدوا وضعهم و الصيادلة وضعهم (مش تبقي انتي ابله و الاسيستانت دكتور!!!!!!!!)

"كرامــــــــــــــة الصيدلــــــــــــــــي"

و في فوايد اكتر مجمعة في الفيديو دا

+ YouTube Video

[ضياء القلب]

معاكى حق يادكتورة
فعلا الموضوع ليه فوائد كتيرة
بس السؤال اللى لسه بساله لنفسى النقابات الفرعية عندها علم بالموضوع ده ؟؟؟؟؟؟؟؟؟؟

[le pharmacien]

النقابه العامه تبنت الموضوع وبالتالى النقابات الفرعيه وجت فى الجايد كمان والنقابه العامه شكلت لجنه
من الناس اللى هتتبنى الفكره وهتبقى على فكره مؤتمر مش وقفه احتجاجيه فى دار الحكمه بالقاهره
هيه كانت الاول وقفه بس غيروها وقالوا علشان يبقى شكلنا احلى تبقى مؤتمر ونشوف نتايجه

[ضياء القلب]

جزيتم خيرا على التوضيح يادكتور

ياريت فعلا الامور تمشى طبيعية ويكون التفاهم والحوار هو الاساس
ونخلى الوقفات والاعتصامات اخر مانلجا اليه

الموضوع بصراحة حاسة انه مهم اوى ولو اتحقق فعلا اللى بنتمناه هنستريح فيما بعد

[محمد فهمي]

الموضوع ده ياجماعة لو تم علي خير وزي مالمفروض يحصل...هتبقي ثورة في المجال وهتفتح أبواب كثيرة لنا..وخير أكثر وأكثر...يارب الموضوع ده يتم

[عبدالله عبدالرحمن]

هى خطوة على الطريق
وان كان هناك العديد من الأجراءات المساوية فى الأهمية
مثل العمل بالتذكرة الطبية الموحدة على مستوى الجمهورية
one template for every health care organization
like Hospital or clinic
أيضا تحديد الأشخاص القادرين على وصف الدواء
طبقا لخبراتهم
طبيب عام -إخصائى -استشارى-صيدلى
وأيضا حسب نوعية الدواء الموصوف
Prescription only medication (POM)
or Non prescription Drug
وأيضا إدراج وحدات متابعة الأخطاء الطبية فى وصف الدواء
وقياس نسبته إحصائيا وربطها وتصنيفها بأسباب الخطأ
دواء غير مناسب ؛جرعة غير مناسبة ؛خط غير واضح
واعتبار خرق قواعد وصف الدواء
خطأ يعاقب عليه القانون
بتهمة سوء الممارسة Malpractice
وتعريض حياة المريض للخطر

[chocolata]

انا اتفرجت على الفيديو وبدات افهم الموضوع اكتر والحقيقه دى فعلا فايدة كبيرة لينا
رغم خبرتى الضئيله جدا
بس نقطه كتابه الاسم العلمى بتتمثل بصورة بسيطه ليا كمبتدئه او متمرنه
ان اعمل ربط مابين اللى بدرسه وما بين استخدامه وانه ميبقاش مجرد حفظ بالعكس يبقى حاضر معايا على طول
ودا يخلينى وانا بصرف الروشته اكثر ادركا لحاله المريض زى مااكون براجع لنفسى دا لا يه وعشان ايه ؟وبالتالى اعمل مابينى ومابين نفسى
زى تشخيص ثانوى لحاله المريض
ودا يخلينى احس بوعى اكتر
من وجهه نظرى
بس فى نقطتين حابه يتوضحوا ليا بخصوص كلام الدكتور دا
اولا حاجه :هل موضوع انى اركز على اصناف الادويه اللى بتحتوى على ماده فعاله واحده بس واتنازل او اتخلى عن باقى البدايل دا مش ليه تاثير اقتصادى على الصيدليه وعلى دور الصيادله اللى بيشتغلوا فى شركات الادويه
ماهو كل شركه بتطلع صنف والصيدله فيها بيعمل تسويق للصنف دا فى الصيدليات او مع الاطباء نفسهم لان دا جزء من صميم شغله ودوره انه يحقق اكبر تسويق لمنتج الشركه فا ايه الحل لو انا استخدمت بديل معين واتنازلت عن اصناف اخرى بديله ؟

تانى حاجه
مهم اوى انى افعل دور الصيدلى بحيث انه يقدر يتحم اكثر فى العلاج اللى يقدم للمريض
بس معلشى الملجا الاول للمريض فى اى مرض هو الطبيب والطبيب هوى اللى بيصرف العلاج وهو اللى بيشخص
ازاى هييجى المريض بروشته بعلاج معين وغالبا اللى شفتهم بيتمسكوا باللى موصوف بالحرف ومش بيعوزوا بدايل الا اذا كانت مذكورة فى الروشته
واحنا كصيادله بنلتزم بدا وبنمنع اننا نقدم اى بدايل حتى لو المرضى قبلوها الا بعد مراجعه الطبيب رغم ان البديل هيبقى نفسه لكن شركه اخرى مش اكتر فبالتالى نحن ملناش الدور دا اوى
فياريت حد يوضحلى اكتر النقطه دى اللى كان بيتكلم فيها فى الفيديو ؟