يا صاحبي لما تتجوز .. بقلمي ..
( 1 )
يا اللي بديت حياتك
بخربشة قلم رصاص ..
إصحى بقى و فوق
لتنداس ..
لما حبيبتك تتقال بالدهب
و الماس ..
يبقى ملهاش لازمة
من الأساس ..
الناس معادن
و إنتا من أغلى الناس ..
دبرولك مكيدة
و إنتا يا عيني
غلبان حساس ..
عرفو ظروفك
و رغم كده
غاب فيهم الضمير
و مات الإحساس ..
غريبة الناس
ماشيين على منهج
الوسواس الخناس !!
=====================================
( 2 )
نسيو وصية النبي
لما قال ..
من ترضون دينه و خلقه
فزوجوه ..
و هما اختارو
كتر المال ..
و مصو دم ابن البلد
و جننوه ..
خدوه زي اليهودي
مسكوه ،،
و استجوبوه ..
و طلبو الغالي
و في الشبكة
دبحوه ..
يا تجيبلها كذا و كذا
يا تنسى
يا ابن الحلال ..
حسرو قلبه
و موتو حبه
و بهدلوه ..
و ف الآخر
إنتا ابننا
و مننا
بالذمة ده كلام
يتقال !!!
======================================
( 3 )
يا صاحبي متتعلقش
بحبال دايبة
دي ناس
ما تتناسب ..
عملت معاهم الصح
و عملت الواجب ..
و ف الآخر بهدلوك
كإنك متهم
و بتتحاسب ..
حاسب يا صاحبي
على كرامتك
حاسب ..
و يا صاحبي لما تتجوز
اختار اللي يرضو بوضعك
و يتحملوه
و يشوفو معدنك
و يقتنعو إنك
لبنتهم
مناسب ..
=================================
( 4 )
و إنتا يا اللي بتغالي في بنتك
ابننا غالي ..
بقلمي
4 - 9 - 2011
Dr.M.Hegazy
رد مع اقتباس
