إعلان هام .. الإعداد للموسم الثاني من برنامج " لقاء مع شاعر " .. شاركونا

[الملاك الضاحك]

ضيفه ازاى وأنا مليش ف الشعر!!!
وهو لو أشتركت فى فريق البرنامج يبقى وظيفى ايه
وايه الفرق بين المذيع والمعد
وهل ياترى أى حد ممكن يدخل يسأل أى الضيف الموجود ولا لازم بس المذيع والمعد
معلش يادكتور بتقل على حضرتك

[M.Hegazy]

إن شاء الله تكوني في فريق الإعداد يا دوك اللي هوا وظيفته : صياغة الأسئلة و تنظيم الحلقة و حوارها و كمان اقتراح أي أفكار جديدة و مختلفة عشان المنظر العام للبرنامج ..

أما المذيع : هو اللي عليه أنه يقوم بمراسلة الضيف و التعليق على رده و إضفاء جو مميز من شخصيته كمذيع ( يعني يعمل جو كده خاص بيه هوا ) ..

و طبعا يا دوك أي حد ممكن يسأل الضيف بس ده بيكون بعد ما الحلقة بتنتهي و بتتذاع .. و بيترك مجال للمتابعين بالتعليق و السؤال خلال فترة زمنية معينة عشان الدنيا تبقى ماشية مظبوطة ..

اتمنى أكون افدت حضرتك .. و اتمنى اسمع ردك بخصوص المنصب اللي رشحتك ليه ( معدة للبرنامج ) ؟؟

[الملاك الضاحك]

شكرا يا دوكتور طبعا أفدتنى كتير
وموافقه طبعا أنى أشارك كمعده
بس معلش برضوا عايزه أسال على حاجه
فى الموسم اللى فات أنا شايفه ان الاسئله اللى بتتسأل للضيف والرد بيكونوافى مشاركه واحده ازاى ده؟؟
كمان عايزه اسأل هى الاسئله بتكون بس فى مجال الشعر يعنى مينفعش نسأل عن أى حاجه تانيه غير بخصوص الشعر بس
معلشى يا دكتور أكيد أنا ضايقت حضرتك بالأسئله الكتير دى

[E.Raafat]

هوه مجرد إقتراح ممكن الأسئلة تتطرق أكثر لحياة الضيف وتكون أكثر سخونة من الموسم الأول

[M.Hegazy]

حاضر يا دوك إبراهيم .. الإعداد هيختلف المرة دي و الأسئلة كمان إن شاء الله ..


دوك الملاك .. كل المعلومات اللي بتسألي عليها هيكون الكلام ده في الإعداد لما نبدأ الاجتماعات بتاعتنا و هيوصل بلاغ بكده على الرسايل الخاصة بكل المطلوب ..

ربنا يوفقنا و نطلع بشكل كويس و جديد للبرنامج ..

[الملاك الضاحك]

ميرسى يادوكتور وأكيد طبعا هيبقى
موسم مميز طالما أنا أشتركت فيه
شكرا على الاهتمام

[Dr_Cinderellaaaaa]

انتو بتتكلمو بجد ولا ايه؟؟؟؟!!!!
أنا المذيعة ؟؟؟!!!
شكرااااااااااااااااااااااااااااا
بس كده مش هينفع أكون ضيفة !!!
كان نفسى حد يسألنى .. ده لو بتعتبرونى من أعضاء المنتدى الأدبى ..

[M.Hegazy]

هنبقى نسألك يا حاملة اللواء .. متقلقيش .. هتروحي من البرنامج فين .. إن شاء الله على حسب ترتيب ردك هتكون الحلقة اللي هتظهري فيها كضيفة لأن حضرتك ليكي شكل مميز في الشعر ينسب إليك ده غير لقب " حاملة اللواء " اللي حصلتي عليه .. ف بإذن الله هتشتركي كمذيعة و كضيفة ..

شدي حيلك و اجهزي بقى .. البرنامج عن قريب هيبدأ .. بالتوفيق ..

[العيون الضاحكة]

نا قرات الموسم الأول .....ماشاء الله كنت عاملين شغل كويس

ان شاء الله يبقى فى مفاجآت فى الموسم التانى

شدوا حيلكوا يافريق العمل

متابعة معاكوا باذن الله كواحدة من الجماهير العريضة .

وان شاء الله البرنامج يحقق نسبة مشاهدة عالية (بتهيألى دى أحد مقاييس النجاح لاى برنامج)....ولا ايه؟ مش عارفة انا بسمعهم بيقولوا كده .

[M.Hegazy]

تمام يا دوك .. و شكرا جزيلا للاهتمام و المتابعة .. و شرف لينا متابعتك ..