مطلوب اجابة البنات فى الموضوع ده

[chocolata]

اولا شكرا على السؤال المهم
بالنسبه لى حتى لو مش متابعه ارتفاع الاسعار فى الدهب فانا عارفه ان الشباب عليهم ضغط جامد اوى ودى واضحه تماما ومش فى الارتباط وبس
لكن طبعا الحمل بيزيد ساعه الارتباط عشان كده بيتغربوا كام سنه عشان بس يقدروا يسدوا فى حوار الشبكه دا
زى مانت قلت بالظبط انا كبنت متواضعه بدعى ربنا انه يرزقنى بالزوج الصااالح
انا الحمد لله عايشه فى مستوى معين
يمكن يتقدملى حد نفس المستوى او اقل او اعلى الله اعلم نصيبى ايه
ولانى مش عارفه انا هارفض ولا هاقبل بسيبها على الله بس بدعيله انى مرفضش عشان حاجه تافهه يعنى اذا ربنا كرمنى بشخص فى كل الصفات الحسنه يبقى بتمنى انه يحببنى فيه وانى ارتاح له لدرجه انى ممكن اتغاضى عن مقابلات ماديه زى مثلا ان الشبكه تكون بسيطه
بعيدا عن الموضوع احيانا بحس ان لحظه الكلام المادى فى الارتباط بحس انها اقرب للبيعه
وانت وتقديرك وكل واحد عاوز يضمن حق بنته
لدرجه انى افتقدت معنى كلمه نسب وعيله والكلام دا كله والرجوله
تمام الواحده تحب يجيلها كذا وكذا بس متهيالى لام باقى خلاف يحصل على ماديات
بيبقى لا سمح الله طمع او بخل من احد الطرفين
فانا بتمنى ان الموضوع يبقى ابسط من كده زى ماكان زماااااااااااااااااااااااااااان اوى
كان فيه ثقه اكتر وود مش كليا بس غالبا على الاوق او دا اللى حصل مع والدتى
اجابه سؤال واضحه طبعا وكل واحد كده كده هياخد نصيبه
لو فى انسان فعلا يتاقل بالدهب ىصفاته ورجولته يبقى مش خسارة ابدا ابيع الدهب بس اشتريه
ولو هو معدنه نقى واصيل اكيد هيعوضنى بعد كده وهيحرص على دا ومش دهب وبس سعاده بكل صورها
طالما الموده موجوده
بس امانه عليك لو لقيته يادكتور محمد متنسانيش وان شاء الله هاردهالك

[محمد سمير]

بس اعتقد لو ده حصل هتبقي مثلا تلبيس دبلتين لحد ما ربنا يكرمه ويجيب بقيت الشبكة
خاصة لو كان متدين واخلاقه كويسة ومستقبله كويس واهله ناس محترمة
مش هتنفعني الشبكة بعد الجواز لوكان بني ادم مش كويس

انا شايفه ان مفيش مشكله يا دكتور بس دا فى حالة لو هو فعلا كويس ومتدين وصادق فى كلامه ومش بيمثل انه كويس شويه فى الاول بس

لان كل دى حاجات هامشيه وعمرها ما بتكون سبب فى السعاده
وربنا يرزق كل البنات بازواج صالحين وكل الشباب بزوجات صالحين

تمام

بس اهم حاجه ان الناس اللى قادرين ميقولوش بركه يا جامع ويستخسرو يجيبو شبكه
او بسبب كلامنا دا تلغو الشبكه نهائى واهو الناس توفر

بس انا مشفتش حد قبل كده مجابش شبكة ممكن بتتأجل مع كتب الكتاب لكن محدش يجيب خالص دى مشفتهاش

هو انا قلت مش هيجيب شبكه

امال الدبل دى اسمها ايه

بس المشكلة مش فينا فى الاول والاخر ده رأى الاهل واكيد هم بيشوفوا الاصلح لينا

وفين رايك

هما اللى هيتجوزوا ولا حضرتك

طالما مقتنعه بالانسان اللى متقدملك لازم تدافعى عنه وتقفى جمبه

لو الشخص ده هو الانسان اللى بحلم بيه واللى هكون سعيده معاه فاكيد هوافق
بس المشكلة يا دكتور نتأكد ازاى ان الشخص اللى متقدم ده كويس فعلا ومش بيمثل انه كويس

امال الخطوبه معموله ليه

عشان الاتنين لو كانوا ما يعرفوش بعض قبل كده يفهموا بعض ويتعرفوا على طباع بعض

بس فترة الخطوبه دى كل طرف بيحاول يظهر انه ملاك

فترة الخطوبه دى انا بشبها بالبطيخه

يتطلع حمرا ياما قرعه

ومش بيكتشف ده غالبا الا بعد الجواز وعليكم خير

[dr emy.hassan]

هو انا قلت مش هيجيب شبكه

امال الدبل دى اسمها ايه
فعلا مع الاسعار دى الدبل كفايه
ولو هو فعلا انسان محترم وهيحبنى ويقدرنى ويعاملنى بما يرضى الله
فاكيد مش هتفرق

وفين رايك

هما اللى هيتجوزوا ولا حضرتك

طالما مقتنعه بالانسان اللى متقدملك لازم تدافعى عنه وتقفى جمبه
ان شاء الله لو هقتنع بيه اكيد هبقى فى صفه

امال الخطوبه معموله ليه

عشان الاتنين لو كانوا ما يعرفوش بعض قبل كده يفهموا بعض ويتعرفوا على طباع بعض

بس فترة الخطوبه دى كل طرف بيحاول يظهر انه ملاك

فترة الخطوبه دى انا بشبها بالبطيخه

يتطلع حمرا ياما قرعه

ومش بيكتشف ده غالبا الا بعد الجواز وعليكم خير

ربنا يستر فعلا دى بيطخة ومحدش يعرف هتكون ايه
مفيش فى ايدينا غير الدعاء ان ربنا يكرمنا بأزواج صالحين فى المستقبل ان شاء الله

[Eman Ahmad]

لو بيحبنى هشتريه حتى لو ممعهوش حتى غير دبله واحدة
مشكلة انك تلاقى حد يحبك ويبقى عايز يجيبلك نجمة من السما
بس فين الكلام دة (فين الحب وفين السعادة)معتقدش انه بقا موجود خلاص
بس لو حصلت المعجزة فانا موافقة وهقف جمبه كمان

انا معاكي يادكتورة
انا عمري ماهتقل ع الانسان اللي هرتبط بيه
كفاية عليا انه يحبني ويخاف عليا ويتقي الله فيا وف اهلي
هو يجيب اللي يقدر عليه وبس
عمر السعاده مابتيجي بالدهب والكلام ده والا مكنش حد بقى زعلان
وانا الحمد لله مش بحب الدهب اصلا
ربنا يرزق كل بنت بزوج صالح يحبها ويتقي الله فيها
ويرزق كل ولد بزوجه صالحة تحفظه ف غيابه و وجوده

[الملاك الضاحك]

موضوع مهم جدا أحيي حضرتك عليه

أنا مش عارفه أصلا مين اللى كان غاوى مشاكل اللى أخترع موضوع تقديم الشبكه للعروسه ده يعنى هو يعنى الجواز مش هيتم غير بالشبكه دى أعتقد ان دا منطق خاطئ

أنا من رأيى ان كفايه قوى فعلا حكايه الدبل دى ولو ان ديننا مفيش فيه حكايه الدبل والشبكه والكلام اللى ملوش أى لزمه ده

أنا شايفه أصلا ان حلاوه الحياه بتكون فى ان العريس والعروسه يبدأوا مع بعض السلم من أوله بإمكانيات بسيطه عشان يحسوا حلاوه التعاون بينهم

كنت قلت مره وأنا قاعده مع صديقاتى -وطبعا سخروا منى- ان أصلا مش من حق العروسه حكايه الشبكه اللى بتتقدم دى ليه يعنى تتعب العريس فى تجهيز كام ألف جنيه عشان يجيب بيهم شبكه قبل الجواز طب ما الكام ألف دول ممكن وأكيد هيفرقوا معاه فى تجهيز لوازم الجواز وبعد الجواز بقى ان شاء لما يتعاونوا مع بعض كأنهم شخص وأتقسم نصين يبقى ساعتها بقى يجيب لمراته كل اللى نفسها فيه من دهب وما الى غير ذلك حتى ساعتها أعتقد انها هتحس بحلاوه تقديمهم أكتر لأن أعتقد تقديم الشبكه فى فتره الخطوبه ما هو فقط الا اتباع لتقاليد عمياء

[noda_2010]

ساعتها أعتقد انها هتحس بحلاوه تقديمهم أكتر لأن أعتقد تقديم الشبكه فى فتره الخطوبه ما هو فقط الا اتباع لتقاليد عمياء


فعلا يا دكتوره عندك حق اكيد ساعتها فعلا هتكون اى حاجه يجيبها لها ليها طعم تانى علشان هيكون جايبها من نفسه وهيكون ساعتها بيهدى زوجته عن طيب خاطر مش لانه مجبور على حاجه ولازم يعملها يا اما مش هيعرف يتجوز وعمر السعاده ماكانت فى الفلوس ابدا ولا فى الدهب بس انا عارفه ان المشكله فى الغالب بتكون بسبب الاهل لكن هى فعلا لو شايفاه انسان كويس وهتكون مرتاحه معاه لازم تقف معاه ويكون ليها رأى

[محمد سمير]

والله يا دكتور انا شايفة ان السعادة عمرها ما كانت بالفلوس ولا بالمادة

وطالما الانسان اللى جاى بيحبنى وشارينى واخلاقه كويسة يبقى ايه المشكلة

ولو عيبه وده ممكن كمان منعتبروش عيب ان ظروفه المادية تعبانة شوية فده مش سبب يخلينى ارفض انسان بالمواصفات دى عشان دهب

وممكن نختصر الشبكة فى دبلة وتوينز وخاتم ولو كانت دبلة بس مش مشكلة اهم حاجة الانسان نفسه

وطالما هو كويس هنعدى ظروف الحياة سوا وبكره يجيب لمراته بس اما ظروفه تتحسن واكيد هيجيب طالما مش بيستخسر فيها حاجة

من حيث الاهل فدى حاجة نسبية يعنى ناس شايفة انه لازم بنتهم يجيلها شبكة و نادى وهيصة كدابة بس هما معذورين انهم برده عاوزين مستقبل وحالة مادية كويسة لبناتهم

بس دول بعتبرهم تفكيرهم محدود

وفى ناس تانية اهم حاجة عندها انها بتشترى راجل هيحافظ على بنتها ويصونها وساعتها مش هتفرق لا شبكة ولا غيره ( فى ايه جابلها شبكة وفى ايه باعتها بعد الجواز )


من الاخر اهم حاجة يكون الانسان ده شارينى وبيحبنى وهيحافظ عليا ولو ظروفه ملخبطة شوية ربنا ان شاءالله هيكرمه بعدين




ولازم نكون عارفين حاجة ان الفلوس عمرها ما بتصنع سعادة ..وياما ناس وافقت على ناس معاها فلوس وجابوا دهب وغيره بس فى الواقع عايشين فى تعاسة او معاهم فلوس وربنا خد منهم الصحة

فاحنا منطلبش من ربنا غير السعادة والصحة والرضا

لو بيحبنى هشتريه حتى لو ممعهوش حتى غير دبله واحدة
مشكلة انك تلاقى حد يحبك ويبقى عايز يجيبلك نجمة من السما
بس فين الكلام دة (فين الحب وفين السعادة)معتقدش انه بقا موجود خلاص
بس لو حصلت المعجزة فانا موافقة وهقف جمبه كمان

أيوة هوافق طالما ظروفه كده، أنا قيمتي مش بالدهب أبدا ولا الزوج قيمته بالفلوس

انا زوجي جابلي شبكة حلوة وكل حاجة والدهب كان غالي برضه، بس انا وأهلي مكنش فارق معانا حجم الشبكة خالص ولو مكنش معاه غير تمن خاتم واحد كنت هوافق بيها عادي ومش هبقى مضايقة ولا هنتظر دهب بعد الزواج

الانسان الكويس سواء ولد أو بنت ميتقدرش بمال

تصدقوا بالله

انتوا بتقولوا كلام ذى العسل

بس فين الكلام دة (فين الحب وفين السعادة)معتقدش انه بقا موجود خلاص

موجودين

دورى حواليكى وهتلاقيه باذن الله

[كليوباترا]

والله يا دكتور انا شايفة ان السعادة عمرها ما كانت بالفلوس ولا بالمادة

وطالما الانسان اللى جاى بيحبنى وشارينى واخلاقه كويسة يبقى ايه المشكلة

ولو عيبه وده ممكن كمان منعتبروش عيب ان ظروفه المادية تعبانة شوية فده مش سبب يخلينى ارفض انسان بالمواصفات دى عشان دهب

وممكن نختصر الشبكة فى دبلة وتوينز وخاتم ولو كانت دبلة بس مش مشكلة اهم حاجة الانسان نفسه

وطالما هو كويس هنعدى ظروف الحياة سوا وبكره يجيب لمراته بس اما ظروفه تتحسن واكيد هيجيب طالما مش بيستخسر فيها حاجة

من حيث الاهل فدى حاجة نسبية يعنى ناس شايفة انه لازم بنتهم يجيلها شبكة و نادى وهيصة كدابة بس هما معذورين انهم برده عاوزين مستقبل وحالة مادية كويسة لبناتهم

بس دول بعتبرهم تفكيرهم محدود

وفى ناس تانية اهم حاجة عندها انها بتشترى راجل هيحافظ على بنتها ويصونها وساعتها مش هتفرق لا شبكة ولا غيره ( فى ايه جابلها شبكة وفى ايه باعتها بعد الجواز )

بس هقول حاجة برده بغض النظر عن رأى الاهل ايه ..هو مش فى الاخر برده الراى راى ومفيش حد بيتجوز غصب عنه ؟! طب ايه اللى هيخلينى اوافق على حد مش كويس عشان هيجبلى شبكة !!

من الاخر اهم حاجة يكون الانسان ده شارينى وبيحبنى وهيحافظ عليا ولو ظروفه ملخبطة شوية ربنا ان شاءالله هيكرمه بعدين


اما اذا كان الشخص كويس وهيجيب شبكة فزيادة الخير خيرين مش هنقول لا

ولازم نكون عارفين حاجة ان الفلوس عمرها ما بتصنع سعادة ..وياما ناس وافقت على ناس معاها فلوس وجابوا دهب وغيره بس فى الواقع عايشين فى تعاسة او معاهم فلوس وربنا خد منهم الصحة

فاحنا منطلبش من ربنا غير السعادة والصحة والرضا

متفقة معاكى تماما فى كل كلمة قولتيها

[محمد سمير]

ولانى مش عارفه انا هارفض ولا هاقبل بسيبها على الله بس بدعيله انى مرفضش عشان حاجه تافهه يعنى اذا ربنا كرمنى بشخص فى كل الصفات الحسنه يبقى بتمنى انه يحببنى فيه وانى ارتاح له لدرجه انى ممكن اتغاضى عن مقابلات ماديه زى مثلا ان الشبكه تكون بسيطه
ب

ما نتحرمش من دعواتك دى

عاوزين البنات كلهم يتكاتفوا فى الدعاء لينا

لو فى انسان فعلا يتاقل بالدهب ىصفاته ورجولته يبقى مش خسارة ابدا ابيع الدهب بس اشتريه
ولو هو معدنه نقى واصيل اكيد هيعوضنى بعد كده وهيحرص على دا ومش دهب وبس سعاده بكل صورها
طالما الموده موجوده

كلام ذى الفل

بس امانه عليك لو لقيته يادكتور محمد متنسانيش وان شاء الله هاردهالك

انساكى ازاى بس

طالما هتردهالى مش هنسى

ربنا يرزقك بالزوج الصالح قريبا جدا

[محمد سمير]

فعلا مع الاسعار دى الدبل كفايه
ولو هو فعلا انسان محترم وهيحبنى ويقدرنى ويعاملنى بما يرضى الله
فاكيد مش هتفرق

انا بقول كده برضه

ربنا يستر فعلا دى بيطخة ومحدش يعرف هتكون ايه
مفيش فى ايدينا غير الدعاء ان ربنا يكرمنا بأزواج صالحين فى المستقبل ان شاء الله

اللهم امين