بإيدينا نختار >>> !!! .. بقلمي

[M.Hegazy]

كلامك كله مظبوط جدا يا دكتورة ..

بس إنتي عارفة إن الطبع غلاب .. و أنا الحمد لله مش هقولك للأسف .. لأ .. أنا الحمد لله طبعي حزين ..

بس الفرق إني الأول كنت بأمسك الحزن ده .. و أحبسه .. بضحكة ،،، بكلمة باعبر فيها عن الناس ،،، بموقف جميل باعمله ..

بس حضرتك عارفة .. إن لكل حاجة حدود .. و الحكاية معايا بجد عدت كل الحدود الممكنة و للأسف جبت آخر .. فبقيت بتكلم عن حزني .. و أحاسيسي .. و شكلي كده هخلي الناس تضايق مني ..

بأشكرك جدا على رأيك و تعليقك و ربنا يجازيكي كل خير .. نورتيني يا دكتورة ..

[Aya Farouk]

جميل جدا زعلت انه خلص بسرعه
كنت عايزه أكمل !
دمت متألق

[الواثقة بالله]

لا أصحـــــــاب و لا قرايب و لا أحبــــاب ..

الكل زايف ,,, خاين ,,, غشاش ,,, كـداب ..

العشرة بتهون ، و الصــــــــاحب بيخون ..

و لا أي حــــــــاجة بيتعملهــــــا حسـاب ..





ليه بس كدا يادكتور
ايه اللى حصل لكل دا ؟؟؟؟؟؟
العشرة بتهون والصاحب بيخون يبقى اكيد مش يستاهل انه يكون صاحب ورفيق لحضرتك
يبقى حضرتك المفروض تفرح ان ربنا معاك وبيبينلك الشخص الكويس من الوحش
من اللى يستاهل يكون مع حضرتك او لا
++++++++++++++++++++++++++++++++

ظلمنــــا الدنيـا ، و قلنـــا الأيـــــام واخدانــا ..

ذنبهـــــــا إيه في حبيب بيهوى الخيـــانة .. !!

راحو فين أصحاب كانو وقت الفرح ويانـا .. !!

و قرايب زمان بضحكتهم يصفى هوانـــا .. !!


اكيد موجودين يادكتور
الناس كدا فى الكويس وفى الوحش
بس اكتر حاجه حلوة ان ربنا يكون معاك ويبينلك الصح من الغلط
تفااااااااااااااااااااااءل
*************************************************

ليه يــــــــا بشر ؟!! ظلمنـــا القــــــــــــدر ..

ســـــــلامة القــلـــب و الشوف و النظــــر ..

يـــامـــا شفنا العبر ..

فيه غيرنــــــــا انكسر ، و قـــــــام و انتصر ..

و فيه غيرنــــــــا اتقهر ، و حيـــاته في خطر ..

ناس ماتت .. أيام ننساها و ســـــــــاعة نفتكر ..

أحوالنا غريبة ؟ .. لأ .. ده احنا اللي فينا العبر ..


مع حضرتك يادكتور
ساعات الثقه فى الناس بتضرنا وبتكون سبب فى مشاكل لينا
بس دا مش عيب فينا
وربنا مش بيكتب لحد حاجه وحشه ابدا
######################################

مش مكتوب لينا ..

نختار أسامينـــــــــا .. أو لون عنينـــــــــــــا ..

لا أهلنا ، و لا إخواتنا ، و لا الظروف حوالينا ..

بس عندنـا عقل نميز و نختار ..

و ربنـا أدانا حق الاختيــــــار ..

طريقين ملهومش تــــــــالت ..

يـــا إمـــا جنة ، يـــا إمــا نار ..


حضرتك جبت الخلاصه يادكتور
مفيش كلام بعد كلامك
احنا اللى فى ايدينا الاختيار احنا اللى نقرر ان احنا نعيش مبسوطين او لا
ومع حضرتك بردة ان كان واقع الحياه حزين وقاسى
بس مش علشان خاطر الناس اللى كانو سبب فى حزننا او المواقف اللى بتحصلنا
بس علشان نعرف نواصل حياتنا وان كانت بتفرض علينا قسوتها
بس لازم تكون ثقتنا بربنا كبيرة ان دا اكيد خير لينا
ان مع العسر يسرا
بقلمي
4 - 5 - 2011

Dr/ M.Hegazy

والله يادكتور انا لو مكان حضرتك افرح ...........
افرح ان ربنا معايا وبيبينلى الخير فين
افرح ان علاقتى بربنا كويسه
وان ربنا دايما معايا
بس دا مش يمنع ان القصيدة صراحه غايه فى الجمال
الاسلوب والكلمات والعرض والتناسق وكل حاجه
سلمت يمينك يادكتور ودمت مبدعا ومتالقا
...............
وانا الغلطانه من الاول
انا اللى سبتكم تعملو كدة
انا لازم اتخذ العنف معاكم
انا لو لقيت قصيدة حزينه بعد كدة



واعتبرو دا اخر تحذير

ازاح الله همك وفرج كربك وابعد عنك كل حزن
وفقك الله الى مايحبه ويرضاه

عارفه انى اتكلمت كتير اوى
معلشى بقى ......... تقبل مرورى

[M.Hegazy]

دكتورة آية ... دكتورة الواثقة بالله ..

نورتوني و شرفتوني .. و اعتذر عن تقصيري في الرد .. بجد مش قادر اتكلم .. و مش عايز أظلملكم ..

فجزاكم الله خيرا .. و أسعدتموني بوجودكم و تعليقاتكم اللي بتثبت إنك أناس يتملكها صفاء القلب و طيبته و جماله ..

ربنا يبارك فيكم يا رب ..

و دمتم بخير ..

لكم مني خالص التحية و الشكر و التقدير ..

[Aya Farouk]

الدنيا مبتقفش على حد !
لازم الواحد يستمر ويكافح ولو مقدرش يكمل دا مش عيب من اللى حواليه العيب بيبقى منه هو !
وبيبقى ضعف وعدم تحمل
كل مره الانسان بيقع لازم يقوم أقوى من الأول لأنه بيتعلم !
وبردو بيعرف ناس وبيعرف الحلو من الوحش !
ولازم يتمسك بأى حد فعلا بيحبه وبيخاف عليه
....
القصيدة فنيا حلوه جدا
تسلم ايدك