التقديم للمدينة الجامعية الكترونى لاول مرة .

[A.Elrayes]

انا كده مبقتش فاهمه حاجه
فين ايام الطوابير والوقفه فى الشمس كانت ارحم

طيب ايه بس انا قلته لخبط حضرتك؟؟؟
والله يا جماعة انا بحاول اني افهمكم مش قصدي خالص الخبط حد

[A.Elrayes]

1- ندخل على موقع التقديم

http://srv136.mans.edu.eg/eu/ApplicationForm.py?FromSite=

2- نختار الاختيار التانى " تقديم طلب الالتحاق بالمدن الجامعيه "

3- هنملى الخانات الموجوده :

- الرقم القومى يتكتب كـامل " 14 رقم "

- رقم شئون الطلاب هو الـ ID اللى على الكارنيه

- كلمه المرور هى باسوورد الاستبيان

- الاسم وتاريخ الميلاد (لاحظ ان العلامات اللي بين الارقام لازم تبقي في نفس الاتجاه اللي هو عامله عشان ميقولكش ان العمر غير متوافق مع الرقم القومي )

- محل الميلاد والاقامة (خلي بالك في سهمين صغيرين في الجمب لما تضغط علي اللي ناحية الشمال بتجيب المحافظة وبعدين المدينه وبعدين القرية وهكذا فمثلا (مصر -اضغط سهم شمال-الدقهلية -اضغط سهم شمال-المنزله(مدينة) -اضغط سهم شمال- ميت خضير(قرية)

- الكلية و الفرقه بنفس الطريقه (الجامعة -اضغط سهم شمال - الكليه _اضغط سهم شمال- الفرقه)

- أخر حاجه التقدير

4- نعمل صح على المربع المكتوب فيه ( أقبل بذلك ) ونتوكل على الله ونضغط تسجيل طلب الالتحاق

5- نخرج للصفحه الرئيسيه دى :
http://srv136.mans.edu.eg/eu/ApplicationForm.py?FromSite=

- ونختار الاختيـار الاخير " تعليمات وارشادات و تنزيل الاقرارات "

6- نختار جامعه المنصورة ونضغط عرض التعليمات
فى كلمه لونها أحمر تحت " قوم بتنزيل الوثائق الآتيه "
تحتها بقي حاجتين لما نضغط عليهم بننزل الورقتين بتوع الضامن المتضامن ومكتب الضمان الاجتماعي (اللي كانوا في المظروف زماااان قبل الثورة) بنكملهم عادي وننتظر بقي قبولنا في المدينة.....

7- طيب دلوقت احنا عملنا كل حاجه نعرف ازاي اننا اتقبلنا؟؟؟

بسيطة.....

اولا : ممكن يتبعتلك رسالة علي الاميل بتاعك وممكن تيجي عادي علي ال INBOX او ممكن الياهو يعتبرها رساله مشبوهة فيحطهالك في ال SPAM

ثانيا ممكن بقي طريقة تانيه انك تدخل عالموقع بتاع المدينه وتختار الخيار الرابع اللى هو " الاستعلام عن القبول فى المدن الجامعيه "

و تكتب الرقم القومى _ كامل _ وبعدين استعلام

- لو اتقبلت هايكتبولك:

تم قبول طلب الالتحاق مبدئيا. من فضلك انتظر نتيجة التنسيق

- لو لسه طلبك متراجعش هاتلاقيهم كاتبين :
لم يتم مراجعة طلبك

- لو اتراجع وفي مشكله :
هايكتبولك المشكله اللي عندك

طيب دلوقت بقي بالنسبة للناس اللي اتقبلوا؟؟؟؟

- في ناس بتقول اننا المفروض نروح نسلم الورقتين اللي معانا في المنصورة قبل 24/8/2011 واللي هو اخر ميعاد للتقديم...

- وناس بتقول نستني نتيجة التنسيق زي ما هما قالوا عالميل....

-أنا بقي بقول هاسأل وأرد عليكم في القريب العاجل ان شاء الله

اتمني اكون سهلت عليكم الموضوع

[dr emy.hassan]

يا دكاترة المربع اللى اللى بنعمل فى علامة صح انا كل لما اعملها وافتح الموقع تانى الاقيها اختفت اعملها وبرضه بتختفى ده عادى؟؟؟؟؟

[gogoo]

ياريت لو يبقى فى ايميل او اى حاجه نقدر نتواصل بيها مع المسؤلين عن التقديم للمدينه

[gogoo]

الحمد لله جاتلى رسالة القبول النهارده
ربنا يسهل فى الباقى

[قطر الندى]

الحمد لله جاتلى رسالة القبول النهارده
ربنا يسهل فى الباقى

انا كمان الحمد لله جاتلى الرسالة النهاردة...........
بس لحد دلوقتى مش عارفة ايه حكاية نتيجة التنسيق!!!!!!!!!!
بس ياريت يبقوا يقوللنا قبل انتهاء معاد التقديم

[doctora]

ممكن يا دكاترة سؤال بالنسبة للى اول مرة يسكن مدينة يختار الطلبة القدامى ولا المستجدين
-----
ممكن ارد من فضلكم

[قطر الندى]

لو سمحتوا يادكاترة ..............
صحبتى وهى بتقدم المدينة هى مش فاكرة كلمة المرور بتاعة الاستبيان
ممكن تكتب اى كلمة مرور ولا لازم بتاعة الاستبيان؟؟؟؟؟؟؟؟؟؟؟

[Dr_r.m.m]

طيب من فضل حضرتك انا نتيجة القبول جاتلى والحمد لله لكن رقم شؤن الطلاب ده انا مدخلتوش اصلا لانى مش كنت اعرف انه الاى دى بتاع الكرانيه وسبتها فاضية
ومبعتليش مثلا يقولى دخليه وكمان الباس ورد مش شرط بتاع الاستبيان لانى مدخلة واحدة تانية وماقالش حاجة
والمفروض احنا بندخل السنة اللى احنا راحنها صح يعنى انا راحة تالتة كتبت تالتة صيدلة صح كده؟
عموما انا النتيجة وصلتنى تم القبول وانتظر التنيسق معلش طمنى يا دكتور

[dr emy.hassan]

الحمد لله اخيراااااااااااا جاتلى الرساله