تساؤلات...وجواب واحد

[احمد شبند]

ربنا يكرمك يا ابو شبند

كمان سؤال معلش

وانا في الصيدلية ساعات الشغل بيبقى كتير
وبكون لوحدي
فبحسب العلاج بسرعه
فساعات بحسب حاجة زياده او حاجة ناقصة
في الحالتين بيكون في فلوس للصيدلية او عليها والاتنين بيكونوا غلطة مني

فدلوقتي كده ايه الحل مع العلم اني معرفش الناس اللي ادتلهم العلاج وصعب اني ارجعلهم تاني ؟

أنا كنت ساعات بحسب الفلوس الخطأ و أتصدق بيها بنية ان اجرها يرجع لصاحبها ..
كده صح ولا لأ

و رمضان كريم
كل سنة وانت طيب

وانت طيب يا عبد الرحمن

بالنسبة للسؤال

اولا

الخطأ فى كثير من أمور الدين ليس له كفارة بل هو معفى عنه أصلا ( لما قال المؤمنون ربنا لا تؤاخذنا إن نسينا أو أخطأنا قال تبارك وتعالى قد فعلت قد فعلت )

ولكن

أمور حقوق العباد بها توقف

فالقتل الخطأ

له كفارة وهى دية (حوالى بتاع متين الف ولا حاجة + تحرير رقبة مؤمنة ) لو مقدرش يصوم شهرين متتابعين

كذلك القصاص ( والجروح قصاص )


حاجات الاخرين

( من أتلف شئ فعليه إصلاحه )

وهكذا


وعليه

فرق الفلوس دوت الى كلنا تقريبا بنقع فيه

لازملوا كفارة وهى كالاتى

1- إنى من الأصل اكون متحرى عدم الخطأ والزحمة وكدا كنت سمعت الشيخ مصطفى أغلظ القول فيها وقال إنها ليست مبررا أبدا (كان بيتكلم ساعتها عن الدكاترة على فكرة ) لعدم إتقان العمل وإعطاء المريض حقه الكامل ...


2- لو فى خطأ بقى لازم أبحث عن الشخص دوت كويس وأردله فلوسه يعنى مثلا تسأل الدكتور الى كان كاشف عنده عن الراجل دوت واديله الفلوس يرجعهاله فى الاعادة مثلا ...

3- لو عجزت وأظن ده بيكون فى الغالب الحل الى أنت بتعمله يا عبد الرحمن هو أخف الأضرار وبكدا بينصح شخنا الشيخ مصطفى مع العلم ان ده لا يسقط البحث عن صاحب الحق وان ظهر صاحب الحق يرد اليه ...




بالتوفيق وركز فى الشغل شوية


فى أمان الله

[a_fouda2]

تمام شكرًا يا ريس

ربنا ييسر

[noureleman]

السلام عليكم ورحمة الله وبركاته
كنت عايزة أسأل هل يلزم الإشهار في عقد القران مع العلم إنه عقد قران فقط وليس بناء
وجزاكم الله خيرا ونفع بكم

[N00R EL _SHAMS]

ه
السلام عليكم ورحمة الله

فى صلاة الجماعه

لازم ان الصفوف الاولى تكون مكتمله عشان يبدا صف جديد؟
"يعنى دايما فى الصلاه كل شويه من الناس يعملوا صف لوحدهم على حسب وجود المروحه وبتكون الصفوف الاولى لسه مش مكتمله فده عادى ولا ايه؟"


وكمان ممكن يكون فيه اطفال بتصلى معانا فيمشوا اثناء الصلاه وبالتالى مكانهم بيفضى
لو مثلا حصل كده المفروض مثلا انى انقل نفسى وانا بصلى مكان الطفله الى مشت لو كانت واقفه جمبى ولا اكمل صلاتى عادى ومكانها جمبى فاضى؟"يارب يكون السؤال واضح"

وبردو الناس وهما بيصلوا بيكون بينهم فواصل دا يبطل صلاتهم على اساس انها جماعه؟ولو حد جمبى وحاولت اقربه منى ممكن يقرب شويه ويبعد تانى ممكن دا يؤثر على ثواب الصلاه؟

وجزاكم الله خيرااا

[محمد_على_سلام]

جزاك الله كل خير يا دكتور احمد
بستفيد كتير جدا من الموضوع
ربنا يكرمك ويجعله فى ميزان حسناتك
معلش ليا سؤال
نية الصلاة هل تكون لفظية ام قلبية؟يعنى لازم اقول بلسانى فى سرى( اللهم انى نويت اصلى العصر )مثلا

[احمد شبند]

السلام عليكم ورحمة الله وبركاته

وعليكم السلام ورحمة الله وبركاته

هل يلزم الإشهار في عقد القران مع العلم إنه عقد قران فقط وليس بناء

غير متذكر للمسأله واظن المالكية هم من يشترطون ذلك ان شاء الله اراجعها لما ارجع وارد على حضرتك

وجزاكم الله خيرا ونفع بكم

وجزاكم الله مثله

السلام عليكم ورحمة الله

وعليكم السلام ورحمة الله وبركاته

لازم ان الصفوف الاولى تكون مكتمله عشان يبدا صف جديد؟

تمام

"يعنى دايما فى الصلاه كل شويه من الناس يعملوا صف لوحدهم على حسب وجود المروحه وبتكون الصفوف الاولى لسه مش مكتمله فده عادى ولا ايه؟"

دا مخالف للاولى والصلاة صحيحة(يكره )

وكمان ممكن يكون فيه اطفال بتصلى معانا فيمشوا اثناء الصلاه وبالتالى مكانهم بيفضى
لو مثلا حصل كده المفروض مثلا انى انقل نفسى وانا بصلى مكان الطفله الى مشت لو كانت واقفه جمبى ولا اكمل صلاتى عادى ومكانها جمبى فاضى؟

ساعاتها يلزم سد هذه الفرحة حتى لو حتى نتقدم للصف الى قدامنا لان هذه حركة مسببه لصحة الصلاة

ةقد الصق النبى صدره بجدار حتى لا تمر الدابة من امامه وهو يصلى ثم رجع مكانه

وبردو الناس وهما بيصلوا بيكون بينهم فواصل دا يبطل صلاتهم على اساس انها جماعه؟

الصلاة صحيحه ويكره ذلك عند الجمهور

ولو حد جمبى وحاولت اقربه منى ممكن يقرب شويه ويبعد تانى ممكن دا يؤثر على ثواب الصلاه؟

يحوز جذب الشخص المحاور حتى تنسد الفرج داخل الصلاة

اما بالنسبة للثواب قالله اعلم به ولكن لا توجد مخالفه من الحرص على ذبك والله اعلم

ولكن

بعض الناس بيكون عندهم اعذار من مرض او مثلا رجله بتوجعه

فانا مثلا احاول اقربه مرة لو بعد بقى اركز بقى انا فى صلاتى فقد يكون معذورا

وجزاكم الله خيرااا

جزاكم الله مثله

.......................

ءامين و اياكم يا محمد

نية الصلاة هل تكون لفظية ام قلبية؟يعنى لازم اقول بلسانى فى سرى( اللهم انى نويت اصلى العصر )مثلا

النية كما قال العلمائ محلها القلب

بل

بعض العلماء يبدعون من يداوم على التلفظ بها عند كل صلاه لعدم ورود ذلك عن النبى

اما بالنسبة لكيفية النية

فالامر يسير جدا وواسع

فمجرد توصأك وذهابك للمسجد مع علمك انها صلاة العصر فهذه نية فالامر يسير و الحمد لله

[محمد_على_سلام]

النية كما قال العلمائ محلها القلب

بل

بعض العلماء يبدعون من يداوم على التلفظ بها عند كل صلاه لعدم ورود ذلك عن النبى

اما بالنسبة لكيفية النية

فالامر يسير جدا وواسع

فمجرد توصأك وذهابك للمسجد مع علمك انها صلاة العصر فهذه نية فالامر يسير و الحمد لله

جزاك الله كل خير يا دكتور احمد
سؤالين كمان معلش طمع بقه
1-لو الواحد نزل يصلى الفجر فى المسجد وملحقش يصلى السنة هل يصليها بعد الفجر ولا كده خلاص معدش ينفع يصليها؟
2- لو باقى على اقامة الصلاة وقت لا يكفى الا لصلاة ركعتين فقط فهل يصلى تحية المسجد ولا السنة؟
وشكرا لحضرتك

[N00R EL _SHAMS]

تمام كدا
شكرا جزيلا..جزاكم الله خيرا

اثناء الصلاة لو النور قطع فالبتالى صوت الامام معتش واصل لنا التصرف يكون ازاى؟؟حد من النساء يكمل الصلاة بينا "وهو دا الى حصل "
بس خلصنا قبل الامام ايه حكم الصلاة ؟؟


ولو حد دخل المسجد ع التراويح على طول يعنى مصلاش العشا يصلى العشا الاول وبعدين يصلى التراويح ولا يصلى التراويح معانا وبعدين يصلى العشا؟

هل يجوز قراءة القران وفيه قران شغال" زى مثلا قران الفجر او قران الجمعه او حتى لو القرن شغال فى البيت " ؟ولا الاولى الاستماع له ؟


بارك الله فيكم

[noureleman]

غير متذكر للمسأله واظن المالكية هم من يشترطون ذلك ان شاء الله اراجعها لما ارجع وارد على حضرتك

في إنتظار رد حضرتك ....

[chocolata]

شكرا جزيلا على فكرة الموضوع الحقيقه انا مقراتش الموضوع من اوله
الصفحه الاخيرة فقط
انا كان عندى سؤال بسيط
عاوزة اعرف سنن الصلوات الخمس ؟
بالظبط لانى التبست عليا فى فرضين من الفروض الخمس وعشان كده انا حابه اتاكد
وعرفت ان فى سنن مؤكده وغير ومش عارفه المفروض اتبع ايه ؟؟؟