long acting penicillin ايه الحل بقى عشان الواحد زهق

[Dr/HULK]

بسم الله الرحمن الرحيم

طبعا الطلبة اللى بيتدربوا
او الخريجين اللى بيشتغلوا

كله لاحظ ان البنسيلين طويل مفعول معدش موجود فى السوق

مفيش حتى اى فيال من اى نوع من البنسيلين طويل المفعول

انا بالنسبة ليا مبتفرقش معايا الادوية الناقصة

يعنى الجليسرين لبوس نقص عادى معملش مشكلة

لكن بصراحة الواحد بقى شكله وحش جدا

لما تيجى ام ومعاها ابنها اللى ميعاد حقنته فات ومش لاقية حقنة البنسيلين طويل المفعول وتيجى وتعيط فى الصيدلية عشان عايزه حقنة والواحد واقف زى ................. ولا ليه أى لازمة ومش عارف يعمل حاجة عشان مفيش حقن

ولما يجيلك واحد تانى ويقولك هو ايه السبب فى انها ناقصة وانا برده واقف زى ............. ولا عارف ليه

بصراحة الموضوع ده تاعب الواحد جدا احنا متخرجناش عشان نمنع الدوا عن الناس وخصوصا لما تكون حاجة مهمة زى دى

انا عامل الموضوع ده عشان كام سؤال فى دماغى ومعرفهمش

دلوقتى هى الحقن دى ناقصة ليه فى السوق ؟؟؟

وبعدين بالنسبة للمريض اللى بياخدها كل شهر ايه التعامل معاه يعنى مثلا ايه الحاجة اللى ممكن تعوضه عن الحقنة دى ولو فيه تنبيهات انبه ليها؟؟؟

وأخر حاجة بقى ازاى بقى المشكلة دى تتحل؟؟ يعنى مثلا نروح نشتكى فى النقابة ولا فى وزاة الصحة ؟؟؟ يعنى مين اللى هيوصل صوتنا بالظبط وبعدين هى المشكلة دى فى كل المناطق ولا فى منطقتنا بس؟؟؟

ياريت ياجماعة اى حد عنده اى رد يعرفنى لأن بصراحة الواحد دخل شهر رمضان وسابه من غم السياسة جاله هم المرضى والنواقص

[NeScaFE]

ااه فعلا مشكلة كبيرة ..كل شوية ناس تيجى الصيدلية عاوزنها

وبعدين لو ينفع حاجة بديلة مثلا نديها للناس دى هتبقى ايه ؟؟

بس المفروض حتى الدكاترة يبقوا عارفين هيا ناقصة ليه

وبناء عليه نروح نشتكى بقى

[same7]

اولا الدواء ناقص هوه وبدايله لكن موجود
يعنى موجود عندنا فـ الصيدليه مثلا
وفـ المستورد منه موجود بس غالى شويه من اول 15 جنيه لحد 40 جنيه دى اخر حاجه سامعها بعد اما كان مبيزدش عن 27 جنيه

واللى عنده مبيطلعوش لاى حد
بيطلعه للمعارف بس
لكن مش موجود نهائى دى مش مظبوط


ده رد مؤقت
على ما اجاوب على اسئلتك

[N00R EL _SHAMS]

انا لاحظت نقصه فعلا من اول ساعة تدريب

الغريب ان الادويه المهمة الى بتنقص الى محدش يقدر يستغنى عنها

مش عارفه ايه دا !

الله المستعان

[amir]

طبعاً نقصه في السوق واستغلال المستوردين والموزعين للأسف اجابته مش عندي
بس بالنسبة للبديل

هو يعني ايه بنسللين طويل المفعول؟؟
يعني في الأول والآخر بنسللين
يبقي أنا ممكن أدي أي حاجة من مشتقات البنسللين .. بس الفرق إنه بدل ما هياخده كل 15 يوم ولا كل شهر هياخد الجرعة يومياً لحين عودة البنسلين طويل المفعول
لو تفتكروا كان فيه حاجة اسمها Ospen 1000 كنا بنستخدمه بدل البنسللين طويل المفعول للناس اللي مكنتش بتحب الحقن بس كالعادة اتسحب م السوق

يبقي الحل دلوقتي ان انا ممكن أوصف حاجة زي Amoxil قرص مرة أو مرتين يومياً لحين عودة البنسللين طويل المفعول

[محمد فهمي]

طبعاً نقصه في السوق واستغلال المستوردين والموزعين للأسف اجابته مش عندي
بس بالنسبة للبديل

هو يعني ايه بنسللين طويل المفعول؟؟
يعني في الأول والآخر بنسللين
يبقي أنا ممكن أدي أي حاجة من مشتقات البنسللين .. بس الفرق إنه بدل ما هياخده كل 15 يوم ولا كل شهر هياخد الجرعة يومياً لحين عودة البنسلين طويل المفعول
لو تفتكروا كان فيه حاجة اسمها Ospen 1000 كنا بنستخدمه بدل البنسللين طويل المفعول للناس اللي مكنتش بتحب الحقن بس كالعادة اتسحب م السوق

يبقي الحل دلوقتي ان انا ممكن أوصف حاجة زي Amoxil قرص مرة أو مرتين يومياً لحين عودة البنسللين طويل المفعول

تمام يادكتورة ....كلام حضرتك مظبوط
بالنسبة لمريض البنسيلين طويل المفعول يأخذ أقراص فيها أي من مشتقات البنسيلين وكان الحل الأمثل ليه زي ماحضرتك قلتي هو الأوسبن..........
ولكن هناك أيضاً بدائل حقن ولكن للأسف ليست طويلة المفعول...لأننا لانستطيع أن نقول للمريض ان يأخذ كل يوم حقنة...!!
كان يتم اللجوء لمجموعة الماكروليد(أريثروميثين ،أزيثروميثين.......) كبديل آمن لهؤلاء المرضي.... في حالة حدوث حساسية من البنسيلين ومشتقاته وكذلك مجموعة السيفالوسبورين الشبيهة لهم ( مجموعات البيتا لاكتام بشكل عام)

إذاً هناك دائماً حل

الآن بدأت حقن pencitard تنزل في الصيدليات ولكن بكميات قليلة ومحددة أيضاً...وإن شاء الله تنفرج الازمة بالكامل قريباً...

اللي عايز واحدة ممكن أجيبله...

[SmSm]

فعلا مشكلة كبيره جدا وبيصعب عليا الاطفال دول
احنا بندوخ عشان نجيب كام واحده ريتاربن مستورده و بيتسحبو ف ثواني وتيجي تجيب تاني تلاقيها اختفت
المفروض الناس ترجع للطبيب المعالج وهو يحدد ايه الحل في ظروف زي دي
بس بجد حاجه تكسف .. ينفع حاجه زي دي تنقص ؟!!

[amir]

تمام يادكتورة ....كلام حضرتك مظبوط
بالنسبة لمريض البنسيلين طويل المفعول يأخذ أقراص فيها أي من مشتقات البنسيلين وكان الحل الأمثل ليه زي ماحضرتك قلتي هو الأوسبن..........
ولكن هناك أيضاً بدائل حقن ولكن للأسف ليست طويلة المفعول...لأننا لانستطيع أن نقول للمريض ان يأخذ كل يوم حقنة...!!
كان يتم اللجوء لمجموعة الماكروليد(أريثروميثين ،أزيثروميثين.......) كبديل آمن لهؤلاء المرضي.... في حالة حدوث حساسية من البنسيلين ومشتقاته وكذلك مجموعة السيفالوسبورين الشبيهة لهم ( مجموعات البيتا لاكتام بشكل عام)

إذاً هناك دائماً حل

الآن بدأت حقن pencitard تنزل في الصيدليات ولكن بكميات قليلة ومحددة أيضاً...وإن شاء الله تنفرج الازمة بالكامل قريباً...

اللي عايز واحدة ممكن أجيبله...

I'm Amir

[yojeena]

فعلا الموضوع دا مستفز جدا
الاطفال مالهمش ذنب و هما الاكتر في استخدامه
ناس قرايبي اخويا فضل يلف لابنهم عليها في كل مكان و المنصورة مفيش!!!!!!
لدرجة انهم حابوها م السعودية

و فعلا الاوسبين زي ما ذكر بديل ليه هو مش موجود في السوق ولا ايه؟؟
لأني بقالي مدة طويلة مانزلتش صيدليات
طيب في واحد تاني اسمه Cliacil 1.2
دوروا عليه عندكم جرعته مرتين في اليوم احسن من 4 في اليوم
يا ريت تعرفوني

[dr_orchida]

ياريت فعلا حد يجاوب علي اسئلة د\hulk ان ليه هي اصلا نااااااقصة وحاجة مهمة زي دى
ده بمعدل كل ساعة حد يسأل عليها !!! وسؤال تاني اكثر الحاحا: ليه بقي في نواااااقص كتير قوي كده فالسوق وحاجات عليها طلب كبير كمان ؟؟؟!!!!!!
النهاردة واحدة جت وبتسألني عن خمسمية حقنة جابتها بدل الريتاربن
حاليا بدات اشوف الحقن دي فالصيدلية مكانها:
pencitard
penicid_ودي بتقول اخوها جابهالها من الاسماعيلية باعجوبة !!؟؟؟

ولو الحقن مش هتتوفر نتصرف ازاي ونعرف الجرعات ياريت برده ...... وكمان الدكاترة البشريين المفروض يتدخلوا ويوصوفا البديل المضبوظ لكل حالة وامرنا لله بقي !!!!