سلام يا دنيا العذاب

[dr gehad]

احترت معاكى يا دنيا العذاب

الحقد ملاكى والحب فيكى غاب

كل واحد يقول اهم حاجه نفسى

حتى القرايب حتى الصحاب

صاحبى يقولى معاك طول الطريق

ع الحلوه والمره تلاقينى جنبك صديق

ولما مره اشتكيله من هم او من ضيق

فص ملح اتحول وف لحظه منى داب

احترت معاكى يا دنيا العذاب

يا دنيا الخداع والنفاق والسراب

يا دنيا فيها ناس ضاع منها الحياء

مات فيها الاخلاص .. انكسر فيها الوفاء

والحق فيكى راح .. غطى نوره الضباب

علطول معانده معايا .. ودايما ماشيه عكسى

تزيد حيرتى معاكى ويزيد ضعفى ويأسى

ياما نفسى مره فيكى الاقى بس نفسى

وياما كان من نفسى تفتحى لفرحى باب

ولما زارنى مره اتسدت الابواب

وفتحتى للاحزان الف باب وباب

بعتك يا دنيا خلاص

مش هجرى ورا رسمك

من الدناوه والدنو

اختاروا ليكى اسمك

منك يا دنيا خلاص قلبى اتقفل

وبينى وبينك هقفل الابواب

هسلم لربى امرى وعليه هتكل

واللى مع ربه عمره ف يوم ما خاب

ومن النهارده هقولك

سلام يا دنيا العذاب

[صاحبة القلم الحائر]

الله عليكى يا قلبى
جميييييييلة جداااااااااا جداااااااااااا
قرأتها اكتر من مرة وفى كل مرة
بحس انى بقرأ حاجة لصلاح جاهين
ربنا يبارك فيكى ومنتظره أعمالك القادمة
بكل شغف تقبلى مرورى

[dr gehad]

ربنا يخليكى يا حبيبتى
دا شرف ليا انها عجبتك
اسعدنى مرورك

[الملاك الضاحك]

ايه الجمال ده يا دكتوره
كلام أكثر من رائع
بجد احساس جميل قوى وعبرتى عنه بكلام
روعه ومناسب خالص
بالتوفيق.. لكى كل التحيه والتقدير

[dr gehad]

شكرا يا دكتوره ربنا يكرمك

نورتينى

[M.Hegazy]

قمة الروعة يا دكتورة .. سلمت يداكِ .. أبدعتِ فأمتعتِ ..

أكتر حاجة عجبتني جدا جدا جدا المقطع ده :

بعتك يا دنيا خلاص

مش هجرى ورا رسمك

من الدناوه والدنو

اختاروا ليكى اسمك

منك يا دنيا خلاص قلبى اتقفل

وبينى وبينك هقفل الابواب

هسلم لربى امرى وعليه هتكل

واللى مع ربه عمره ف يوم ما خاب

ومن النهارده هقولك

سلام يا دنيا العذاب

بجد تسلم إيدك عليه و فيه الخلاصة ..

تقبلي مروري ..

و لك مني خالص التحية ..

Dr/ M.Hegazy

[AbU ElKhAiR-Let`s Go]

سلام يا دنيا العذاب


بصراحه جميله جديده


وللأسف أغلب ما فيها حقيقه لازم نرضى بيها


بالتوفيق ومنتظر المزييييييييييييييييد من كتابتك الرائعه

[Dr_Cinderellaaaaa]

رائعة جدا جدا جدا يا دكتورة ..
سلمت أناملك ..
تقبلى مرورى ..

[dr gehad]

شكرا يا دكاتره على ردودكم الجميله دى

لكم منى خالص الاحترام والتقدير