الدرس الأخير ( أنا أحسن شاعر في المنتدى)

[E.Raafat]

الدرس الأخير (أنا أحسن شاعر في المنتدى)
أعــانـق الآمــال أبـتـغـي نصرا >>>وأقـدّم روحـي للـعـلا مـهــــــــــــــرا
سيـفــي قـلـم والـرؤى ورقــــي >>>أرســـل للهالكين حـروفــي تتــــــــرا
ألبـست قـصائـدي نارا وطرقتها>>>فـشّـكـلت فـي يـدي لـهـم قـــبـــــــــرا
شــهــب تـمـــزّق سمـاءهم إربا>>>وتـشـعــل تــحـتـهم الأرض جمـــــرا
شـــعـري كـفـيض أشهر سيفـه >>>وأقــســم لـن أبـق عـبـدا وحــــــــــرّا
أبـيـاتـي كالندى لامست أزهارا>>> تــصـنـع رحـيـقـها للـورى عطـــــرا
الـشـعـر أنـثـى عـشـقـها فـرض >>>أبـثـّهـا عطشي فـتـرويني خمــــــــرا
لا تـسألـي تمـهلا أو بهم إحسانا >>> فـالشعر من صخري ثار وانفجــــــر
كـتـبـوا هواجس وأسمـوها شعـرا >>>والــشـعـر لـجـهلهم كان قد صبــــر
حـدثـنـي الشـعـر واشتكى بغيهم >>>أعـطـانـي سيـفـا وبـالـفتـك أمـــــــــر
دخـلـوا المـنـتـدى وأحدثوا أسماء >>> بـعثـروا كـلـمات وظـنوها شعـــرا
فالـشعــر ما قـــال الأوّلــون حقا >>>والتابـعــون بإحسان أثابهم خيـــــرا
الـشـعـر مـدح و هـجـاء يــنـتـقى >>>ومـــن كـان الإسـلام أبـيه افتخـــــر
بكاء أطـــــــلال ورثـاء أحـــبـة >>>أو آيــــــات حـب تـفـتن البشـــــــــر
الشـعــر عـمـــودي وزن وقـافــية >>>فـــوّجـه شـراعك وانـتـق البـحـــــر

إبراهيم رأفت (عضو اللجنة الفنية بالإتحاد)

[M.Hegazy]

كلام جميل جدا يا دكتور .. تسلم إيدك ..

تقبل تحياتي ..

Dr/ M.Hegazy

[eeeman]

ليك حق يا دكتور حضرتك شاعر متميز جدا

[Aya Farouk]

من ناحية وزن قصيدة واختيار بحر فمقدرش أفيدك أوى لأنى مدرستش "عروض" بتوسع !
بس أحب أفهم "عنوان" الموضوع دا ؟؟ !!!
(أنا أحسن شاعر فى المنتدى )
؟؟؟؟؟؟؟؟؟ !!!!!!!!!!
(من تواضع لله رفعه ! )
وكمان كلام القصيدة .. فيها تصويرات مش واضحه اوى او اتبنت بناء غير كامل لغرض القافيه فقط
غير كدا شايفه هجاء مباشر لكُتاب المنتدى !
ولو اننا لازم نفيد بعض ونحفز بعض ولو انتقضنا ننقض نقض بناء وليس هدام ! مش نحبط من بعض !
... تقبل مرورى !

[E.Raafat]

أتقبل مروركم جميعا أنا طبعا أسف على العنوان الصعب ده
بالنسبة للموضوع دي مش أكتر من فكرة جديدة أنا بطرحها للعرض مقصدش أي كلمة منها لشخصي
بالنسبة للصور غير المكتملة ياريت حضرتك تذكريها وأنا هحاول أشرحها
-----
ليك حق يا دكتور حضرتك شاعر متميز جدا

الكلام ده كبييييييييييييييييييييييييييييييييير أوي عليّ ةأمنى أن أكون دائما عند حسن ظنكم جميعا

[Aya Farouk]

لو هى فكره جديده لحضرتك لعرض مادتك
فللأسف لم تنل إعجابى لأن الكثير بينشر حاجات ليه على المنتدى الأدبى وممكن يشعر ببعض من التقليل من شأنه
لما حد يجى ويقول أنا أحسن شاعر فى المنتدى
كلام واسلوب حضرتك على راسنا
بس هكرر .. من تواضع لله رفعه
ثم اننا ناس مش متخصصين شعر و جل من لا يسهى وكلنا معرضين للخطأ !!
غير كدا ياااااااااااااما ناس كتبت فصحى وكلام موزون ومقفى بعنايه شديده بس مقدرش يوصل الكلام للناس !!
وياما ناس كتبوا على أدهم بس قدر كلامهم واحساسهم يوصل للناس
..
عالعموم اسفه على التطويل
وشكرا على قصيدتك
ومنتظره جديده ...

[Come back]

من قال لك أنك أحسن شاعرا ..... فالقول لك و الحكم لمن بالحرف ماهرا

[صاحبة القلم الحائر]

جمييييييييلة جداااااااا يا دكتور
والله حسه كأنى بقرأ لعنتره
بالنسبة للفكرة فأنا شايفة انها
فعلا رائعة ومن أساليب تطوير المنتدى
وفاكرة ان حضرتك قلت قبل كدا
ان هيكون فيه قصائد مدح وهجاء ورثاء وهكذا
ودى حاجة جمييييلة ان يبقى فى منافسة شريفة بين أعضاء المنتدى مش معقول يعنى الكل هيكتب عن تجاربه وعن بلده وبس
لازم نشوف الوان جديدة
آسفة للاطاله
جزاك ربى خيرا

[Dmo3]

جميل جداااا جدا جداااااااا

وفعلا كان فيه جو منافسه زي ما الدكتوره قالت


فياريت فعلا كل ادباء المنتدي ياتمروا بكلام الدكتور ويورونا اشعارهم المنافسه

الشـعــر عـمـــودي وزن وقـافــية >>> فـــوّجـه شـراعك وانـتـق البـحـــــر

[الملاك الضاحك]

أنا رأيي ان فكره القصيده جميله جدا
واللى هيقرأ الكلام بنيه صافيه هيعرف ان الدكتور
مش قصده انه يتغر بنفسه ولا حاجه
وشايفه فعلا انها فكره جديده وجميله
لتطوير المنتدى
ولازم يكون فيه فعلا روح تنافسيه بين الشعراء
مش الروح العدائيه اللى ظهرت
مع كتابه القصيده دى
واللى متضايق من القصيده دى أنا شايفه انه
ملوش أى حق خالص لأن أنا باعتقد ان ده
لون من الشعر يجب احترامه والنظره اليه
بعين العقل
وأعذرونى على التدخل لأنى مليش فى الشعر
بس اللى أفهمه من القصيده دى انها زيها زى
القصائد كلها بغض النظر عن العنوان اللى مضايق
بعض الدكاتره ده
اعذرونى على التدخل ولكم كل التحيه والاحترام