اول حاجه كتبتها(اتمنى تقولولى رايكم)بصراحه

[thunder sky]

دى قصيده كتبتها لكل بنت لها صديقه تتمنى توصفلها مشاعرها تجاههاوحبها ليها وياب تعجبكم

ارتاح قلبى ليها
وشفت من عنيها
طيبه وحنان كتير
من كتره بان عليها
لقتنى فى لحظه واحده
لقتنى ماسكه فيها
اصلى مش عاوزه اضيع
صاحبه ارتاحت ليها
صاحبه فى زمان بيصعب
تلاقى فيه الامان
زمان غريب عجـــــــــــــــــــيب
مش زى بتاع زمان
زمان الى كان كله حب وحنان
ولا عمر مره صاحب لصاحبه عمره خان
ساعتها قلت بس رجعت ايام زمان
لقيت الى فى حياتى هتخلقلى الامان
هتبقى هى صاحبه صاحبة كل الزمان
هتبقى هى عمرى الى جاى والى كان
هتبقى هى الحضن الى هيشيل الالام
هتبقى هى ايدى الى بتمسحلى الدموع
لما الاقيها داقت والاقى مفيش شموع
مفيش شموع تئدلى حتى لو ضوء قليل
ينورلى طريقى لما يكون مليل
لما تكون الدنيا فى عينى خرم ابره
لما مقدرش اضحك والضحكه تبقى مره
دايما الاقيها جنبى ولاعمر سبتنى مره
حاسه باهاتى والمى وبتبقى لقلبى سامعه
ساعتها حمدت ربى وشكرته الف مره
انه فى ثانيه رزقنى بصاحبه عليا خايفه
بصاحبه عليها ظاهر حب الدنيا وحنانها
بصاحبه تقدر بلمسه تمحى المى بكلامها
بلمسه من ايديها وبطبطب عليا
ساعتها بحس انى ملكت الدنيا ديا
وفى ثانيه بيبقى المى فرحه ونشوى كبيره
لما ببص فى عنيها والاقى حاجات كتيره
بتقولى مش لوحدك انتى فى الدنيا ديا
بتقولى حاسه بيكى من بصتى لعنيكى
بتقولى انا وانتى دايما مش هيفرقنا زمان
هنبقى كل واحده مع التانيه حاسه الامان
حاسه انها مش وحيده غريبه فى الزمان
انا وانتى هنبقى كلمه نمحى بيها الالام
انا وانتى هنبقى بسمه بترسم الاحلام

[ahmedofegypt]

جميل جداً الموضوع ..

فكرته و كلماته و الاحساس الحلو اللى فيه ..

الاحساس الصح و اللى فيه اخلاص بيبقى اول الطريق الصح ..

ربنا يديم عليكم رضاه و محبته ليكم و محبتكم فيه


تقبلى مرورى

[thunder sky]

جميل جداً الموضوع ..

فكرته و كلماته و الاحساس الحلو اللى فيه ..

الاحساس الصح و اللى فيه اخلاص بيبقى اول الطريق الصح ..

ربنا يديم عليكم رضاه و محبته ليكم و محبتكم فيه

تقبلى مرورى

بجد متشكره جدا على رد حضرتك المشجع وشرفت التوبيك

[Al-Shaimaa]

لما تكون الدنيا فى عينى خرم ابره
لما مقدرش اضحك والضحكه تبقى مره
دايما الاقيها جنبى ولاعمر سبتنى مره
حاسه باهاتى والمى وبتبقى لقلبى سامعه
ساعتها حمدت ربى وشكرته الف مره

جميل جـــــــــــــــــداً

ومعبرة أوي بجد

فيه كل الكلام اللي نفسي اقوله لاحبتي في الله

اللهم لك الحمد على نعمة الصحبة الصالحة

[* lovely heart *]

وانا كمان اضم صوتى لصوت كل الدكاترة

واقولانها جميلة جدااااااااااااا وانا بجد حاسة بكل كلمة

يارب دايما يعوضنا الصحبة الحلوة اللى تشيل كل الالام

ربنا يباركلك فيها ويا بختها اللى كان من حظها كل الكلام الجميل دة

تسلمى ومنتظرين منك الجديد

[thunder sky]

بجد انا مش عارفه اقولكم ايه على ردودكم دى بجد انا متشكره جداااااااااااااااااااااااااااا انتو ادتونى امل جامد اوى فى الى بكتبه وبجد ده تشجيع رائع منكم شكرا عليه

[M.Hegazy]

الموضوع ده هايل يا دكتورة .. فكرته و صياغته و أحاسيسه و هدفه ..

بسيط و جميل و معبر ..

و كعادة المنتدى .. و بما أن دي أول مرة لحضرتك معانا .. فطريقة الترحيب بيكي إن موضوعك هيتثبت لمدة أسبوع ..

و أحب أحييكي على الموضوع الجميل ده .. و يا ريت نشوف جديد حضرتك معانا هنا إن شاء الله ..

بانتظار جديد ابداعاتك ..

سلمت و سلمت يداكي .. و دمتي مبدعة متألقة ..

لكِ مني جزيل الشكر و التقدير ..

تقبلي مروري ..

Dr / M.Hegazy

[thunder sky]

الموضوع ده هايل يا دكتورة .. فكرته و صياغته و أحاسيسه و هدفه ..

بسيط و جميل و معبر ..

و كعادة المنتدى .. و بما أن دي أول مرة لحضرتك معانا .. فطريقة الترحيب بيكي إن موضوعك هيتثبت لمدة أسبوع ..

و أحب أحييكي على الموضوع الجميل ده .. و يا ريت نشوف جديد حضرتك معانا هنا إن شاء الله ..

بانتظار جديد ابداعاتك ..

سلمت و سلمت يداكي .. و دمتي مبدعة متألقة ..

لكِ مني جزيل الشكر و التقدير ..

تقبلي مروري ..

Dr / M.Hegazy

بجد انا مش عارفه ارد اقول ايه على الكلام الحلو ده بجد متشكره جدا لحضرتك ولتشجيعك وبجد حضرتك نورت التوبيك

[الواثقة بالله]

مش عارفه اقول ايه
جميله جدا
وربنا يرزقنا دائما الصحبه الصالحه

ويارب ماتحرميناش من ابداعاتك الجميله دى
دمتى مبدعه ومتالقه

[Dmo3]

ابدااااااااع جميل جدا جدا جدا

منتظرين ابداعات وكلمات الجميله دايما