تساؤلات...وجواب واحد

[Al-Shaimaa]

حضرتك الأدرى بطبيعة الكتابات أو الخواطر

حضرتك وضحتي إنها مشاعر طيبة ... يبقة تمام

لكن ماينفعش الكلام يكون لمشاعر شاب وفتاة مثلا ، لأنه وقتها هيدخل في الجانب المحرم

معلش سؤال تاني يا دكتور
والله انا مش قصدي جدال
لكن عاوزة اوصل لحكم محدد وشبه تأكيدي لان الموضوع يهمني جداً

يعني لو الكلام بيوصف مشاعر - لكن لا تستند لمشاعر شاب او فتاة في الواقع- يبقا ايه حكمه؟؟
يعني انا كنت بقرأ غزل عفيف للامام علي ابن ابي طالب -كرم الله وجهه- في سيدة نساء اهل الجنه - فاطمة الزهراء ابنة اشرف الخلق-
انا قصدي ان الكلام - وان كان غزل عفيف - فهو غير موجه لحرام في الواقع - اما للزوج او الزوجة او لشخصية خيالية-


وجزاك الله كل الخير يا دكتور على الافادة
وجعله الله في ميزان حسناتكم ان شاء الله

[احمد شبند]

الله يكرمك يا رامى

كنت حزين لما رجعت ولقيت الموضوع ده بالذات إختفى

الحمد لله

بالنسبة لموضوع الشعر دوت النصيحة إن حضرتك تتجنبيه فى المواضيع دى

لانها لا تنفع فى الدين بشئ وإن كانت جائزة مالم تحوى أى كلام محرم زى ما قال لحضرتك دكتور رامى

ولنا مثلا قول نبينا

عن ‏ ‏البراء ‏ ‏رضي الله عنه ‏ ‏قال ‏
‏رأيت النبي ‏ ‏ ‏ ‏يوم ‏ ‏الخندق ‏ ‏وهو ينقل التراب حتى ‏ ‏وارى ‏ ‏التراب شعر صدره وكان رجلا كثير الشعر وهو ‏ ‏يرتجز ‏ ‏برجز ‏ ‏عبد الله

‏ ‏اللهم لولا أنت ما اهتدينا

‏‏ولا تصدقنا ولا صلينا

‏‏فأنزلن سكينة علينا

‏‏وثبت الأقدام إن لاقينا

‏‏إن الأعداء قد بغوا علينا

‏‏إذا أرادوا فتنة أبينا ‏ ‏

يرفع بها صوته ‏

مممممم

[Al-Shaimaa]

بالنسبة لموضوع الشعر دوت النصيحة إن حضرتك تتجنبيه فى المواضيع دى

لانها لا تنفع فى الدين بشئ وإن كانت جائزة مالم تحوى أى كلام محرم زى ما قال لحضرتك دكتور رامى

جزاك الله كل خير يا دكتور

وشكراً لنصيحة حضرتك

[Ramy Saad]

طب لو كان الطفل فعلا نسب للعائله وخلاص عرف ان دى عيلته وتعامل معاها على انها كده

والكل بقى بيتعامل معاه على انه من العيله ... الحل يكون ايه

وجزاكم الله خيراا ع الرد

بصراحة لا أعلم ..
حضرتك ممكن تسألي حد من أهل العلم في النقطة ديه

جزاكم الله خيرا مثله

الله يكرمك يا رامى

حمد لله على السلامة يا شبند

زمانك سافرت تاني أصلا

[eeeman]

جزاكم الله خيرا دكتور احمد ودكتور رامى
انا عندى سؤال ما هو حكم زيارة النساء للقبور مع العلم (بانه اثناء الزيارة لا تفعل اى فعل من المحرمات او البدع وستكتفى بالقاء السلام والدعاء للميت كما علمنا رسول الله ) وهل يعلم الميت من يزوره؟
طيب وماذا عن قراءة القران للميت وذلك ليس عند القبر على روحه كما يقول البعض ولكن اقصد مثلا قراءة ختمة فى البيت كما نقرا واخذ النية فى وهب ثوابها للميت هل يجوز ذلك ام لا؟
وجزاكم الله خيرا كثيرا

[احمد شبند]

جزاكم الله مثله

ما هو حكم زيارة النساء للقبور مع العلم (بانه اثناء الزيارة لا تفعل اى فعل من المحرمات او البدع وستكتفى بالقاء السلام والدعاء للميت كما علمنا رسول الله

يجوز بل مستحب

لقوله

كنت قد نهيتكم عن زيارة القبور الا فزوروها

ولأثر عائشة رضى الله عنها

أن أخر أمر النبى بزيارة النساء للقبور

وهل يعلم الميت من يزوره؟

لم يرد على ذلك نص

وممكن نقرأ المشاركة دى

من هنا

طيب وماذا عن قراءة القران للميت وذلك ليس عند القبر على روحه كما يقول البعض ولكن اقصد مثلا قراءة ختمة فى البيت كما نقرا واخذ النية فى وهب ثوابها للميت هل يجوز ذلك ام لا؟

الجواب بإذن الله

من هنا


وجزاكم الله مثله وبارك فيكم

[N00R EL _SHAMS]

السلام عليكم

بالنسبه لصلاه الجماعه لو انا دالخه مسجد وفيه صلاه جماعه وعايزه اصلى معاهم
ينفع انى ادخل فـ الصلاه معاهم بدون ما اعرف هما صلوا كام ركعه؟


ولو دخلت ادخل عادى وهما على اى حال.. قعود ..سجود ..ركوع ..او بين السجديتن عادى ؟

ولو دخلت مثلا بعد ما قراوا الفاتحه وملحقتش اقراها معاهم يدوب قرات السوره.. كده تعتبر الركعه فاتتنى والمفروض انى اقضيها بعد ما الامام يسلم ؟ولا المفروض انى اقضى مافتنى بس بمعنى ان بعد التسليم اقوم واقرا الفاتحه بس وبعدين اسلم ؟


ولو فاتتنى ركعه والمفروض انى اصليها بعد ما الامام يسلم وسلمت معاهم ونسيت ينفع انى اصليها لوحدها وبعدين اسجد سجدتين سهو ولا اعيد الصلا من تانى ؟



وبردو لو فاتتنى ركعه المفروض انى اقول التشهد الاخير معاهم كامل ولا اقف عند حته معينه واصلى الركعه الى فاتتنى بعد ما الامام يسلم ؟


ولو فاتنى بقى اى ركن فى الصلاه المفروض انى اختم بالتشهد حتى لو كنت قلته مع الامام ولا اقضى ما فاتنى واسلم على طول ؟



ارجو من حضرتك توضيح كل الامور المتعلقه بصلاه الجماعه
وربنا يجازيك خير ويجعله فـ ميزان حسانتك

[احمد شبند]

السلام عليكم

وعليكم السلام ورحمة الله وبركاته

لو انا دالخه مسجد وفيه صلاه جماعه وعايزه اصلى معاهم
ينفع انى ادخل فـ الصلاه معاهم بدون ما اعرف هما صلوا كام ركعه؟

يجوز مع ظن الأقرب

يعنى لو داخل بعد الظهر ابنى على الأقرب إنهم غالبا بيصلوا الظهر ولو ظهر العكس فلا شئ


وبالنسبة لعدد ركعاتهم

مش هيفرق أصلى معاهم عادى وبعد ما يسلموا أحسب انا لحقت معاهم أد إيه وكمل الباقى

يعنى مثلا كانوا هما فى الركعة الرابعة ودخلت معاهم فأصبحت الاولى بالنسبالى

لما هما يسلموا بقى فاضلى تلاتة أكملهم وأسلم ..

ولو دخلت ادخل عادى وهما على اى حال.. قعود ..سجود ..ركوع ..او بين السجديتن عادى ؟

فى أى حال بل يستحب إنى أدخل فى أقرب وقت ألحق فيه حتى لو كانوا فى أخر سجدة فى الركعة ومتأكد إنهم هيقوما مستناش لغايط لما يقومو وأدخل

بل أدخل علطول

ولكن

المهم بقى طريقة الدخول( أخونا رامى كان بينها فى موضوع الصلا )

وهو نفترض مثلا أنا لحقتهم فى السجود أدخل إزاى

أقف الاول وبعدين أكبر تكبيرة الاحرام وأضع يدى على صدرى واطمئن ثانية كدا ( على الرغم ان الباقين ساجدين )

وبعدين أكبر تكبيرة تانية (انتقالية )

وأنزل اسجد معاهم

لكن لو كبرت تكبيرة واحدة ونزلت علطول معاهم دا خطأ كبير لأنى بكدا فوت تكبيرة الاحرام الى هى ركن من أركان الصلاة والبعض بيبطل الصلاة بالكامل لو دخل علطول ولكن هنا طبعا عذر بالجهل لالى ما يعرفش عفا الله عن الجميع

ولو دخلت مثلا بعد ما قراوا الفاتحه وملحقتش اقراها معاهم يدوب قرات السوره.. كده تعتبر الركعه فاتتنى والمفروض انى اقضيها بعد ما الامام يسلم ؟

اولا

الركعة بتدرك حتى ولو بالركوع

يعنى حتى لو لحقتهم فى الركوع وفاتنى القيام كله بالفاتحة تعتبر الركعة الاولى كدا اتحسبت وما تتعدش


ثانيا

لو دخلت الصلا ولقيت الامام قرأ الفاتحة وبيقرأ فى السورة مسبش الفاتحة

بل أقرأها بتجوز يعنى بسرعة

تمام

ولو فاتتنى ركعه والمفروض انى اصليها بعد ما الامام يسلم وسلمت معاهم ونسيت ينفع انى اصليها لوحدها وبعدين اسجد سجدتين سهو ولا اعيد الصلا من تانى ؟

لأ تمام كدا

اجيب الركعة والسهو ومعدش تانى

دا فى حالة لو انا لسة فى مكانى ومخرجتش من المسجد

لكن مثلا لو خرجت ورحت الشغل واتحركت وبعد كدا افتكرت يبقى اعيد الصلا كلها

و فاتتنى ركعه المفروض انى اقول التشهد الاخير معاهم كامل ولا اقف عند حته معينه واصلى الركعه الى فاتتنى بعد ما الامام يسلم ؟

لأ اكمل التشهد للاخر معاهم اتباعا للامام وبعد كدا اجيب الى فايتنى

ولو فاتنى بقى اى ركن فى الصلاه المفروض انى اختم بالتشهد حتى لو كنت قلته مع الامام ولا اقضى ما فاتنى واسلم على طول ؟

مش فاهم الجزئية دى


هو الكلام ممكن ميكنش واضح ممكن نفسر أكتر

ربنا يبارك فى حضرتك

سب

[N00R EL _SHAMS]

تمام اوى

الركعة بتدرك حتى ولو بالركوع

يعنى حتى لو لحقتهم فى الركوع وفاتنى القيام كله بالفاتحة تعتبر الركعة الاولى كدا اتحسبت وما تتعدش

يعنى لو لحقتهم فـ الركوع يبقى كده مش فاتتنى الركعه ...كويس اوى

طب لو لحقتهم فـ السجود يبقى كده فاتتنى الركعه صح؟والمفروض انى اعديها كامله بسجودها ؟

لأ تمام كدا

اجيب الركعة والسهو ومعدش تانى

دا فى حالة لو انا لسة فى مكانى ومخرجتش من المسجد

لكن مثلا لو خرجت ورحت الشغل واتحركت وبعد كدا افتكرت يبقى اعيد الصلا كلها

حصلت معايا وكنت لسه فـ المسجد وعدت الصلا كلها من تانى
ودا لانى اتكلمت مع واحده صاحبتى فعادى ولا كان ممكن اصلى الركعه الى فاتتنى حتى لو كنت اتكلمت مع حد؟

مش فاهم الجزئية دى


هو الكلام ممكن ميكنش واضح ممكن نفسر أكتر

اقصد انى مثلا فاتتنى ركعه وخلاص المفروض انى اعيدها بعد ما الامام يسلم

لما اجى اعيد بقى الركعه دى اسلم على طول بعد السجود ولا اقول التشهد كامل من تانى ؟

ياريت اكون وضحت السؤال اكتر
ــــــــــــــــــ

وجزاكم الله خيرا كثيرا ونفع بكم

ربنا يكرمك ياارب

شكرا جزيلا

[N00R EL _SHAMS]

يجوز مع ظن الأقرب

يعنى لو داخل بعد الظهر ابنى على الأقرب إنهم غالبا بيصلوا الظهر ولو ظهر العكس فلا شئ

lممممم
معلش مش فاهمه الحته دى

يعنى ايه لو ظهر العكس

ارجو من حضرتك توضيح اكتر

وجزاكم الله خيرا