ممنوع من الكتابة .. بقلمى

[RASHAD_RESALA]

ممنوع من الكتابة
شايفين حالة الكأبة
حاسين بقلم دبلان
وردة خايفة وسط غابة
مكتوم صوت الانين
بيقول الشعر قوالة
ايوه بحبك و عاشقك
بس مش هكون على حبك عالة
ده انتى اللى مسميكى امى
لا قلتلك يا عمة ولا خالة


تخيل معايا الصورة
قلم معدى جوه قلبى
والقلم ده حبره دمى
بيكتب اسمك جنب اسمى
كتير قالوا بحبك
و اكتر كتبوا الشعر قبلى
بس بحبك بتاعتى
مفيش زيها فى بحرى ولا قبلى
مش بدعى لا سمح الله
بس انا اديت قبل ما تدى
لا طالب رد جميل
ولا خاتم فيه جنى
انا طلبى بسيط خالص
قوليلى بحبك يا ابنى


بعد كل هذا الكلام
و مازل حقى فى الكتابة غير مشروع
و كفاية كده عشان مموتش من الجوع
ده انا اللى باقيلك
امال مين هينور شموع
فى الجامع يقول الله اكبر
فى السلم يبنى دروع
تحمى قلبك ليا و لينا
و تقول للظلم المرور ممنوع

[M.Hegazy]

.. رائعة رائعة يا دكتور .. سلمت يمنينك و حمد الله على سلامة حضرتك نورت المنتدى من تاني ..

ليا الشرف أكون أول حد يرد على حضرتك ..

تقبل مروري و سلامي ..

دمت بخير ..

[eeeman]

جمييييلة جدا يا دكتور بجد رائعة

[Dr_Cinderellaaaaa]

جميلة جدا جدا جدا جدا جدا
أكثر من رائعة..


تخيل معايا الصورة
قلم معدى جوه قلبى
والقلم ده حبره دمى
بيكتب اسمك جنب اسمى

.......

أنا طلبى بسيط خالص
قوليلى بحبك يا ابنى
.......

مش عارفة أقول ايه !!!..تصفيق حااااااااااااااااااااااااااااااااااااد..

[صاحبة القلم الحائر]

جميييييييييييييييلة جداااااااااا يا دكتور
ما شاء الله ربنا يكرمك
وياريت حضرتك ما تحرمناش من ابداعاتك
بالتوفيق ان شاء الله

[الواثقة بالله]

جميله جدا جدا جدا يادكتور

كلمات حضرتك جميله جدا
ربنا يبارك فى حضرتك

اتمنى لحضرتك مزيد من التفوق والتميز
وياريت حضرتك ماتحرمناش من ابداعاتك الجميله دى

تقبل مرورى وخالص تحياتى

[RASHAD_RESALA]

سعيد جدا بهذه الردود

و اتمنى ان شاء الله انى مش اغيب تانى عن المنتدى

بس هى ظروف الجيش للاسف