خاطرة : و نهايته إيه ؟؟!! ( بقلمي )

[M.Hegazy]

خاطرة : و نهايته إيه ؟؟!! ( بقلمي )



و نهايته إيه .. اللي إحنا فيه ؟؟

بُعْد .. و لا قُرْب .. و لا مصير عمري ما هأقدر عليه ؟؟!




فرقتنا حاجات كتيرة .. و طالت المسافة و طال البعد ..

بس نهايته إيه .. اللي كان بيننا ضاع و لا عمره هيترد ..



خلاص بقى انتهينا .. و اللي خايف منه بيتحقق ..

و كلامك و وعودك أوهام مبقتش تتصدق ..



ضعنا خلاص و اللي كان كان ..

و جي وقت الدموع و الألم و النسيان ..



كبّرتك على إيديا .. بس خلاص مبقتش أنفعك ..

بكرة تنسيني و لا شيء في الدنيا هيرجعك ..



يا خسارة .. ألف خسارة على العمر اللي ضاع ..

ما هو دايماً كده الحبيب المخلص بيتباع ..



لحد إمتى هفضل كده ..

أنا متأكد و إنتي مترددة ..



عارف المنظر ده و عارف نهايته ..

نهايته كلمة وداع و دنيا جديدة ليكي ..

و أنا مصيري الضياع و برضه هفضل مستنيكي !!



بس نهايته إيه .. دموع ندم و دموع جراح ..

و انتهى وقت السعادة و ماتت الفراح ..

[صاحبة القلم الحائر]

بصراحة أنا مش عارف أقول أيه
يشهد ربى انى بمجرد ما قرأتها
دموعى نزلت غصب عنى
جمييييييلة بس مؤلمة والصور بتزود احساس الألم
ربنا يوفقك يا دكتور
تقبل مرورى

[M.Hegazy]

بصراحة أنا مش عارف أقول أيه
يشهد ربى انى بمجرد ما قرأتها
دموعى نزلت غصب عنى

.. حقك عليا .. و الله مش قصدي حاجة زي كده تحصل ..
جمييييييلة بس مؤلمة والصور بتزود احساس الألم
ربنا يوفقك يا دكتور
تقبل مرورى

ربنا يكرمك يا رب و يزيدك من فضله .. و ميحرمنيش أبدا من ردود حضرتك ..

[الواثقة بالله]

والله العظيم انا مش عارفه اقول ايه

بجد حلوة اوى اوى اوى اوى لابعد الحدود

حضرتك بارع جدا يادكتور ربنا يكرمك ويوفقك الى مايحبه ويرضاه

مش قادرة اوصف اعجابى بيها
انا حساها اوى ومش قادرة اقول لحضرتك هى عملت فيا ايه


حزينه اوى ومعبرة اوى وواقعيه جدا
يادكتور انا قلت لحضرتك
ان شاء الله تكون كتاباتك المبدعه دى مكانها اكبر من هنا بكتيييييييييير
ومازلت مصرة على راييى اللى حضرتك عارفه

بس ماتبقاش تنسانا وبرده تكتبلنا الحاجات دى هنا

انا لو قعدت اتكلم من هنا لبكرة مش هقدر اوفى لحضرتك حقك
انا ليا الشرف انى اقول الكلمتين دول
واتمنى لحضرتك مزيد من التفوق والتميز الدائم
حضرتك تستاهل منتدى لواحدك

اسفه على الاطاله
واتمنى حضرتك تتقبل مرورى

[M.Hegazy]

والله العظيم انا مش عارفه اقول ايه
طالما بدأنا الكلام كده يبقى ضمنت إني مش هاعرف أرد عليكي ..
بجد حلوة اوى اوى اوى اوى لابعد الحدود
مبسوط جدا إنها عجبت حضرتك .. بس هيا مش عاجباني مش عارف ليه
حضرتك بارع جدا يادكتور ربنا يكرمك ويوفقك الى مايحبه ويرضاه
يااااااه .. ده كله ليا أنا .. ربنا يرضى عنك و يوفقك دنيا و آخرة ..
مش قادرة اوصف اعجابى بيها
انا حساها اوى ومش قادرة اقول لحضرتك هى عملت فيا ايه
يا رب خير ..

حزينه اوى ومعبرة اوى وواقعيه جدا

يادكتور انا قلت لحضرتك
ان شاء الله تكون كتاباتك المبدعه دى مكانها اكبر من هنا بكتيييييييييير
ومازلت مصرة على راييى اللى حضرتك عارفه
مفيش فايدة يعني ..
بس ماتبقاش تنسانا وبرده تكتبلنا الحاجات دى هنا
لا طبعا .. محدش يقدر ينسى ناس ساهمو في تغيير مجرى حياته بالطريقة دي .. أنا بحب المنتدى ده جدا جدا .. و هفضل وفي ليه على قد ما أقدر هوا و أعضاؤه اللي اسأل الله أن يكونو رفقتي في الدنيا و جيراني في الجنة ..
انا لو قعدت اتكلم من هنا لبكرة مش هقدر اوفى لحضرتك حقك
طب بالمنظر ده أنا معنتش هاعرف أرد عليكي أقول إيه ..
انا ليا الشرف انى اقول الكلمتين دول
واتمنى لحضرتك مزيد من التفوق والتميز الدائم
حضرتك تستاهل منتدى لواحدك

اسفه على الاطاله
واتمنى حضرتك تتقبل مرورى

و الله بتسعدني مشاركة حضرتك دائما ..

اتمنى لك كل التوفيق و الخير ..

و أسأل الله لكِ السلامة و العافية ..

ربنا يحميكي و يحفظك من كل شر و مكروه ..

لك جزيل الشكر و العرفان ..

[* lovely heart *]

بس نهايته إيه .. دموع ندم و دموع جراح ..

و انتهى وقت السعادة و ماتت الفراح ..





ايه دة يادكتور محمد دة

اولا انا مش هستغرب على القصيدة الروعة دى
لان حضرتك دايما متوقع منك اكثر من هذااااااااا
دى الصراحة بعيدااااعن اى مجاملات

بس اللى استغربتله بس انها حزن اوى
وفيها جرح واصعب انها مؤثرة ودخلت القلب عدل

ولو حضرتك قولت دة من واقع الخيال
يبقى اوعى حضرتك تزعل منى مستبعدة حكاية الخيال دى

لانه اللى يكتب حزن ومعبر كل كلمة فيه كدة عن واقع
يبقى اكيد حضرتك قريب من الواقع شوية مش هقول دة واقع اوى اهو


بس لو من واقع الخيال يبقى بجد حضرتك خيالك واسع وجميل جداااااااااوقريب من واقع
ام لو كان واقع وحضرتك عشته يبقى بجد احنا متاسفنلك جداااااااااا

على الجرح والدموع والندم ووقت السعادة اللى مات دة

واحنا اتفقنا ان ربنا دايما لايصيب الا المؤمن احنا كدة نفرح ان ربنا فاكرنا من وسط عبادة

ودة طبعا شئ يفرحنى جداااااااااااا
وفعلا القصيدة جميلة اوى ومعبرة اوىىىىىىىىىى
وبجد تسلم عليها


وبم ان انا المشرفة على المنتدى بتاع حضرتك الجديد
طبعا نفسى اعطى لحضرتك الخمس نجوم بجد

سلمك الله وعفاك وجعل الجنة دارك والحبيب جارك
وفتح لك ابواب السبع سماوات والدعوة تستجاب
وبعدك عن كل حزن وجرااااااااااح ودموع


انا اسفة على الاطالة
جزاك الله خيرااااا
تقبل تحياتى لك

[M.Hegazy]

ايه دة يادكتور محمد دة
؟؟؟؟؟؟؟؟؟
اولا انا مش هستغرب على القصيدة الروعة دى
لان حضرتك دايما متوقع منك اكثر من هذااااااااا
دى الصراحة بعيدااااعن اى مجاملات
ده من زوق حضرتك بس .. و الله ما استاهل و لا كلمة من دول بجد .. ربنا يكرمك على كلامك ده ..
بس اللى استغربتله بس انها حزن اوى
وفيها جرح واصعب انها مؤثرة ودخلت القلب عدل

ولو حضرتك قولت دة من واقع الخيال
يبقى اوعى حضرتك تزعل منى مستبعدة حكاية الخيال دى
لا يا يا دكتورة .. مش واقع الخيال و لا حاجة .. زي ما قلت قبل كده أغلب كتاباتي بعبر بيها عن قصص بسمعها أو مواقف تعرض لها أصحابي أو أهلي ..
لانه اللى يكتب حزن ومعبر كل كلمة فيه كدة عن واقع
يبقى اكيد حضرتك قريب من الواقع شوية مش هقول دة واقع اوى اهو
واقع بس مش بتاعي .. أصل بعيد عنك أنا معقد حبتين و لحد الآن معبرتش عن مشاعري غير في قصيدتين بس من بين المية و حاجة اللي كتبتهم ..
تخيلي !!

بس لو من واقع الخيال يبقى بجد حضرتك خيالك واسع وجميل جداااااااااوقريب من واقع
ام لو كان واقع وحضرتك عشته يبقى بجد احنا متاسفنلك جداااااااااا
لا يا دكتورة .. هيا الحكاية نفسها مش حزينة قوي كده بس أنا بسبب مشاعر الحزن اللي دايما مش بتفارقني لظروف بعيشها و بتصعب كل يوم عن اللي قبله .. فلما باعبر عن حاجة مؤلمة بزود عليها من حزني أنا فالدنيا بتسود علطول و بيطلع الكلام كده ..
على الجرح والدموع والندم ووقت السعادة اللى مات دة

واحنا اتفقنا ان ربنا دايما لايصيب الا المؤمن احنا كدة نفرح ان ربنا فاكرنا من وسط عبادة
الحمد لله على كل حال .. و نعم بالله ..
ودة طبعا شئ يفرحنى جداااااااااااا
وفعلا القصيدة جميلة اوى ومعبرة اوىىىىىىىىىى
وبجد تسلم عليها
تسلمي على زوقك و رقيّك و رقّتك .. ربنا يحميكي يا رب و تسلمي من كل شر و مكروه ..

وبم ان انا المشرفة على المنتدى بتاع حضرتك الجديد
طبعا نفسى اعطى لحضرتك الخمس نجوم بجد
ربنا يكرمك .. و الله لو عندي منتدى فعلا و حضرتك موجودة فيه كنت اديتهولك هدية ..
سلمك الله وعفاك وجعل الجنة دارك والحبيب جارك
وفتح لك ابواب السبع سماوات والدعوة تستجاب
وبعدك عن كل حزن وجرااااااااااح ودموع
و إنتي كمان يا رب ..

انا اسفة على الاطالة
جزاك الله خيرااااا
تقبل تحياتى لك

جزاكم الله خيرا .. منوراني دايما .. و بانتظر تعليق حضرتك علطول .. و معنتش عارف أقولك إيه أكتر من ربنا يحفظك و عن الهم يبعدك و من الجنة يقربك ..

لك من أرق تحياتي ..

و دمتِ بخير ..

[thunder sky]

بجد يادكتور تحفه جميله جداااااااااااااااااا وحزينه جدااااااااااااااااااااااااااا اصل انا بحب الشعر الحزين اوى

[M.Hegazy]

أهلا بيكي يا دكتورة .. نورتي التوبيك .. و شكرا لتعليق حضرتك و هذا الإطراء اللطيف ..

تحياتي ..

Dr/ M.Hegazy

[ameera]

بجد جميله جدا ربنا يوفقك