.. شاركو في اختيار : شاعر / شاعرة الثورة و قصيدة الثورة ..

[M.Hegazy]

شكرا لحضرتك ..

نورتي يا دكتورة أماني ..

[ahmedofegypt]

ممكن حضرتك تكتبها هنا يا دكتور بس مش هعرف أضيفها في الاستفتاء اللي فوق .. و اللي حابب يصوتلك يا دكتور يكتب كده في رد .. و هيحتسبلك ..

و غلطتي أنا من الأول إن ما أعلنتش عن حاجة زي دي ..

اعتذاري لحضرتك .. بس يا ريت يا دكتور نشوف القصيدة دي ..

أنا عملت الموضوع بناء على الكتابات الموجودة و محدش طلب مني إني أضيفه في التصويت ..

باعتذر مرة تانية لأن دي غلطتي .. يا ريت بس محدش يزعل يا جماعة ..

شكرا ليكم ..

متهيألى كده هيبقى صعب ...

عموماً حصل خير يا دكتور ولا يهمك .. و ان شاء الله ابقى اكتب القصيدة فى وقت يكون مناسب ليها .. ان شاء الله هيكون فى أوقات مناسبة لأننا لسه فى ثورة


و تانى جزاكَ الله خيراً على الموضوع الجميل ده و جارى التصويت

[M.Hegazy]

مرة تانية باعتذر من حضرتك .. أنا اتسرعت قوي في الموضوع ده .. و باعتبره أول تجربة ليا .. و أول تجربة تحتمل الخطأ أو الصواب .. إن شاء الله المرات القادمة ( و أوعد حضرتك هتكون كتير بإذن الله ) هيبقى التنسيق أحسن من كده ده ..

سلامي و تحياتي لحضرتك ..

[M.Hegazy]

يا جماعة إنتو ليه مش بتشاركو في التصويت ؟؟ حد زعلان من حاجة .. و لا الموضوع مش عاجبكو .. و لا إيه بالظبط ؟؟

يا ريت اللي عنده اقتراح أو فكرة أو اعتراض يتكلم .. ربنا يجازيكم خير ..

10 من 147 واحد هما اللي شاركو بس ؟؟ طب ليه كده ؟؟!!

[S!lent Tear]

ياريت نصوت يا جماعه

[M.Hegazy]

شكرا لمشاركتك يا دكتورة أماني .. و يا ريت فعلا نصوت يا جماعة .. باقي على غلق الاستفتاء 6 أيام .. نرجو من رواد المنتدى الأدبي المشاركة .. و شكرا للجميع ..

[M.Hegazy]

باقي يومين على غلق الاستفتاء .. أرجو من الجميع المشاركة لأن العدد ده مش هينفع نعلن بيه نتيجة ..

و لكم جزيل الشكر

[DR.BIBO]

دكتور محمد انا عندى اقتراح ياريت يتم اختيار قصيدتين واحدة عامية والتانية فصحى عشان ميحصلش ظلم فى المقارنه ولا ايه راى حضرتك

[M.Hegazy]

أنا شايف إن التوبيك ده هيتلغى خالص و نعمل إعلان للي عايز يشترك و بعد ما باب الاشتراك يتقفل نعمل استفتاء .. بيتهيألي كده أحسن ..

اعتذاري للجميع لم اقصد عمل فرق أو اظلم أحد .. و زي ما قلت دي أول تجربة ليا في الموضوع ده ..

و الله المستعان و إن شاء الله يتصلح الوضع عن كده و يبقى أحسن ..

نورتي دكتورة BIBO و شكرا لرأي حضرتك ..

تم غلق التوبيك و البدأ بداية صحيحة من جديد ..

للجميع خالص الشكر و التقدير ..