:: ASR = Association of Scientific Research ::

[Aésmaïl]

بسم الله الرحمن الرحيم

السلام عليكم ورحمة الله وبركاته ,

اخوانى الطلبه والطالبات ,

استغلالا لحاله النشوى والإبتهاج التى تعم على الجميع ,
اذاء التغييرات الجذريه التى نحن بصددها , فى الفتره الحاليه ..

من ديمقراطيه , وحريات مطلقه ... الخ

فقد قررت ان انتهز هذه الفرصه السانحه , لأعرض على حضراتكم
شيىء أود ان ينال قسطا من اهتمامكم ,

ولكن فى البدايه ..

هناكـ سؤال يطرح نفسه على الجميع ؟! , ماذا جنينا من الثوره حتى الآن

هل كل ما كنا نسعى إليه هى تلك الحريات المطلقه فقط ؟؟

هل تطهير البلاد من الفساد فقط ؟؟

لماذا- حتى الآن - لم نستغل ما وصلنا إليه لكى نعلو بفكرنا العلمى ,

و مواكبه تطورات العصر الحديث , لماذا ننتظر الى ان يأتى التقدم إلينا ؟!

ولا نطمح بالإنطلاق – نحن – إليـه ؟؟!!

لماذا ظلت جمله الإحباط الشهيره

انت فاكر انك اللى هتغير الواقع

بيننا حتى الآن , وجزء من شخصيه البعض

....

ندخل بقى فى الموضوع المفيد

بصراحه مش عارف ابتدى منين بس المهم بقى ..

استثمارا لقدرات وطموحات بعض الطلبه و محاوله استغلالها فى تحقيق اهدافهم

فقد قمنا بالتنسيق مع بعض الكوادر من اساتذه الكليه بالفعل

د.فريد بدريه

د.محمود العشماوى

د. محمد مصطفى

د.عبد الجواد

د.شحته

د.ماجده نصر

د.عطالله أحمد

د.هانى نشأت

لعمل مشروع "جمعيه للبحث العلمى " داخل الكليه

ودى خطوط عريضه لل main objectives بتاعتها ..

EducatiOn

ParticipatiOn

CreatiOn

ApplicatiOn

..................

بعض الأفكار بقى ...

هيبقى فيه حاجه اسمها Open Lab !!

ودى موجوده فى كليات كتير " طبعا مش فى مصر "

بالتنسيق مع الأقسام " اللى هتوافق " , تستوعب العدد المتقدم من الطلاب , سيتم فتح معامل كل قسم لمده معينه

" ايام معينه وعدد ساعات معينه "

اى طالب ليه فكره عاوز ينفذها بينفدها .

تحت اشراف Leader

.............

تقسيم الطلبه المتقدمين للإلتحاق بالجمعيه الى teams

وهم اللى هيختارو القسم اللى عاوزين يشتغلو فيه

" حسب رغباتهم " , هيبقى فيه مشاركه للطلبه المعيدين فى

ال Masters تحت اشراف اعضاء هيئه التدريس

................

تغيير مبدأ وفكره التدريب الصيفى على التدريب داخل الصيدليات الخاصه

والمستشفيات وشركات الأدويه ..

وسيتم التنسيق مع الدكاتره المشتركين فى الإشراف على التدريب الصيفى

على ان التدريب بالإضافه للصيدليات , يبقى ما بين

Seminarاو workshope ..

والموضوع دا كان الدكتور عطالله أحمد كان شغال بيه ..

وايضا الدكتور فريد بدريه ...

ومن هنا ممكن نطلع كل سنه بمشروع او اكتر للكليه
" ندخل بيه مؤتمرات علميه و جائزه الدوله التقديريه "

وفى كل سنه يبقى فيه منتدى علمى بين ال teams

اللى هتبقى مكونه من Leader , assistant , student

ويتم مناقشه كافة المشاريع النهائيه

.........

دى فكره عامه عن الموضوع محبتش ازود , اى حد عاوز يشارك برأى

فى وضع الأفكار , مفيش مشاكل يتفضل ..

و المفروض نعمل screening لأراء الدفعه كلها , عشان نوصل للنسبه اللى عاوزه تشتغل .والموضوع دا هيبقى الى حد ما ليميت بس على تالته , يعنى هنجرب فى تالته

والحاجات دى مش عليها درجات على فكره

[عبدالله عبدالرحمن]

ممتاز يادكتور
أفكار جميلة وسهلة وقابلة للتنفيذ
ان شاء الله تتطبق فعلا

[same7]

رائع يا اسماعيل

[SHEREIF]

انا بعد اذنك يا احمد هاحكى حلم كنت بحلم بيه وانا صغير او يمكن ما يكونش حلم يمكن اكون حاجة اتربيت عليها الله اعلم سموه زى ما تسموه
كنت بزهق من كتب المدرسة واجيب كتب تانية اقرا فيها كان والدى بيزعقلى وبيقولى ذاكر كتب المدرسة اللى عندك وابقى اقرا الكتب دى بعدين ولما هاتدخل الجامعة التعليم فيه عبارة انك انت اللى تدور على المعلومة وتقرا الكتاب ده وده علشان تطلع بالمعلومة وكنت مثلا التجارب اللى كنا بناخدها فى كتاب العلوم فى المدرسة اروح اجربها فى البيت واكسرلهم حاجات واحرق حاجات وكنت ايه مبوظ لهم البيت خالص قالولى بكرة تدخل الجامعة بس انت ادخل كلية عملية وانت تعمل كل ده قولت ماشى وكنت فرحان جدا وكنت بذاكر وانا متحمس وكنت دايما بطلع من الاوائل وبحلم بالوقت اللى هادخل فيه الجامعة واعمل بقى كل اللى نفسى فيه لكن للاسف لما دخلت اتصدمت بالواقع المرير واقع دمر كل احلامى خلانى كرهت المذاكرة بقيت بذاكر بس علشان انجح واعدى السنة وخلاص ووالله انتى لو سالتنى فى مناهج الثانوى او الاعدادى او الابتدائى هتلاقينى عارف اكتر من اللى خدته فى تانية مثلا اللى لسه السنة اللى فاتت او حتى الترم اللى فات الى حد كبير مش فاكر منها حاجة
بقى اهلى بيقولولى ذاكر علشان تطلع من الاوائل زى ماكنت بقيت برد عليهم واقولهم ليه واطلع من الاوائل ليه كدة كدة هاطلع صيدلى واقف فى صيدلية وخلاص مش هاتفرق كتير اصلا هستفاد ايه يعنى لما ابقى من الاوائل شوية شهادات تقدير ايه يعنى عندى منهم كتير اعمل بيهم ايه انا عاوز اعمل حاجة حاجة تفيد الناس حاجة جديدة عاوز نصنع نفكر نعمل اى حاجة بس احس بقيمتى
بجد يا احمد دى افضل فكرة والله انها تتنفذ والله كان نفسى اعملها بس ما كنتش اعرف ازاى تتنفذ
انا معاك يا احمد فى الموضوع ده معك الى اخرى قطرة فى دمى

[*Jessy*]

جميل جدا جدا ..

وفكره تحفه بجد يارب تتنفذ

[Aésmaïl]

انا بعد اذنك يا احمد هاحكى حلم كنت بحلم بيه وانا صغير او يمكن ما يكونش حلم يمكن اكون حاجة اتربيت عليها الله اعلم سموه زى ما تسموه

كنت بزهق من كتب المدرسة واجيب كتب تانية اقرا فيها كان والدى بيزعقلى وبيقولى ذاكر كتب المدرسة اللى عندك وابقى اقرا الكتب دى بعدين ولما هاتدخل الجامعة التعليم فيه عبارة انك انت اللى تدور على المعلومة وتقرا الكتاب ده وده علشان تطلع بالمعلومة وكنت مثلا التجارب اللى كنا بناخدها فى كتاب العلوم فى المدرسة اروح اجربها فى البيت واكسرلهم حاجات واحرق حاجات وكنت ايه مبوظ لهم البيت خالص قالولى بكرة تدخل الجامعة بس انت ادخل كلية عملية وانت تعمل كل ده قولت ماشى وكنت فرحان جدا وكنت بذاكر وانا متحمس وكنت دايما بطلع من الاوائل وبحلم بالوقت اللى هادخل فيه الجامعة واعمل بقى كل اللى نفسى فيه لكن للاسف لما دخلت اتصدمت بالواقع المرير واقع دمر كل احلامى خلانى كرهت المذاكرة بقيت بذاكر بس علشان انجح واعدى السنة وخلاص ووالله انتى لو سالتنى فى مناهج الثانوى او الاعدادى او الابتدائى هتلاقينى عارف اكتر من اللى خدته فى تانية مثلا اللى لسه السنة اللى فاتت او حتى الترم اللى فات الى حد كبير مش فاكر منها حاجة
بقى اهلى بيقولولى ذاكر علشان تطلع من الاوائل زى ماكنت بقيت برد عليهم واقولهم ليه واطلع من الاوائل ليه كدة كدة هاطلع صيدلى واقف فى صيدلية وخلاص مش هاتفرق كتير اصلا هستفاد ايه يعنى لما ابقى من الاوائل شوية شهادات تقدير ايه يعنى عندى منهم كتير اعمل بيهم ايه انا عاوز اعمل حاجة حاجة تفيد الناس حاجة جديدة عاوز نصنع نفكر نعمل اى حاجة بس احس بقيمتى
بجد يا احمد دى افضل فكرة والله انها تتنفذ والله كان نفسى اعملها بس ما كنتش اعرف ازاى تتنفذ

انا معاك يا احمد فى الموضوع ده معك الى اخرى قطرة فى دمى

يـاه انت لسه فاكر الأيام دى , ايام العلوم والتجارب البسيطه
والله , بنسعى للموضوع دا يا شريف من اول الدراسه , وربنا يوفق بقى
انا مش عاوز معظم الناس توافق اصلا ,
عشان العدد يبقى محدود وينفع يتوزع

ولو اداره الكليه , خانت عهدها معايا ,
ورفضت يبقى هيه الخسرانه , وهنطبقو على تيم بسيط تحت اشراف د. فريد وخلاص
وانا سعيد انى انجزت اللوجو دا دا احلى م فى الموضوع

[hananah]

فكره جميله جدا جدا وممتعه للغايه
وأعتقد انها حلم الاغلبيه

[kaaakaaa]

فكره هايلة والله يا اسماعيل

[lavandula]

وانا كمان معاكوا ان شاء الله
فكره مفيده جدا

[Dr. Baher]

السلام عليكم

الي الدكتور اسماعيل ........ شرفني ان استمع لمشروعك....... فكرة رائعة ....... استمر

في المستقبل هكولك كام فكرة كدة ......

من مكاني هنا انا معكم ....... اي حاجة تعوزوها و اقدر عليها باذن الله هنفذها ليكم