ماهو انا لما قلت وجهه نظري الناس قالتلي عشان انتي ناجحه ف الماده ..مابالك بقي الناس ال مش تعرفني اصلا.....انا اهم حاجه عندي ان مفيش حد يزعل مني مش لازم بقي اطلع ال جوايا....وربنا يصلح حال الجمييييع وانا والله عمري مازعلت من حد قال رأي معارض ليه ......
بجد بجد الواحد مش زعلان من حاجه اد ما زعلان للى احنا وصلناله ده من همجيه وعصبيه وتطاول لمجرد اننا بنتناقش.gif "Fop (17)")
بصراحة انا مش عارف اللي شايف ان احنا مغلطناش في الدكتور حمدي من وجهة نظره امته هانبقي غلطنا فيه؟؟؟؟؟ وازاي بيعامل ابوه في البيت......يا تري بيعامله كده؟؟؟؟؟؟؟
انا هاقول كلمه انا قلتها في المدرج
اقسم بالله العظيم انا لو حد اتكلم مع والدي زي ما احنا اتكلمنا مع الدكتور حمدي لضربه
انا فعلا فرحت لما الدكتور احمد حلمي زميلنا طلع اتأسف لانه شاف نفسه غلط لما كان بيتكلم مع الدكتور إزاي في حد مش شايف ان احنا عملنا كده ....
بلاش يا جماعه زعلنا يعمينا وبلاش ننسي ان احنا بشر وأهم حاجه بلاش ننسي إن احنا مسلمين
(ليس منا من لم يوقر كبيرنا ويرحم صغيرنا)
يا تري احنا عملنا كده النهارده؟؟؟
اللى مش شايف اننا غلطنا فى دكتور حمدى النهارده بيعامل أهله عادى جدا وممكن يكون بيعاملهم أحسن من اللى شايف أننا غلطنا فيه
وبالنسبه للحديث
(ليس منا من لم يوقر كبيرنا ويرحم صغيرنا)
فلو كنا لقينا حد رحم صغيرنا قبل كده كنا هنحترم كبيرنا النهارده
يا جماعه اظن بعد ما الناس ماتت في الثوره عشان معتش حد يسكت على حقه يبقى وحشه في حقهم لما نخاف نكتب حاجه ع المنتدى (ما علينا)
المهم انا حضرت المحاضره اللي د/حمدي عملها ومش عارفه كان لزمتها ايه لما الدكتور ما ردش على اى سؤال بس لما الدكتور مشي وكل واحد قعد يزعق للتاني بجد كانت حاجه تكسف
وبالنسبه ل د/محمد مصطفى وموضوع التوقيعات اللي مش عارفه اوقع على ايه وايه المطالب اللي المفروض يتفاوض عليها وبعدين ليه التوقيعات راحت ل د/حمدي (الكلام ده حصل قدامي)
يلا ربنا يسترها معانا ويعنا على ان كل واحد ياخد حقه من غير ما يتعدى على حق غيره
عندك حق فى كل كلمه قولتيها بجد ده ما كنش حوار .المشاركة الأصلية كتبت بواسطة dodii
وربنا يسترها معانا ونوصل لحل وسط يرضى الجميع.gif "Fop (29)")
سؤال واحد بس لكل طالب كان حاضر الاجتماع وقالى انت كنت قليل الادب جدا مع الدكتور ...يقولى انا غلطت ف ايه ...
انا غلطت لما اتكلمت مع الدكتور وعرضت لحضرته المشكله اللى سال اول مادخل ايه المشكله ..؟
والناس اللى قالتلى انتو كنتو بتعبروا عن رايكو بس ....طب انت ليه مطلعتش واتكلمت وعبرت عن رايك
واللى بيقولى انتو كنتو مستحوزين ع المايك وعمالين بتسقفوا لبعض ...بيتهيالى كل واحد كان حاضر شاف اللى حصل وكل اللى كان عاوز يسال الدكتور عن حاجه كان بياخد المايك ويتكلم انا مكنتش مستحوز ع المايك ولا حاجه انا اتكلمت مره ف الاول وقلتها للدكتور حمدي حضرتك احنا مش معترضين عليك كشخص ولا على اختلاف ان حضرتك قيمه علميه كبيره وان حضرتك راجل فاضل وحضرتك راجل فاضل ...دده كان بدايه الكلام
وبيتهيالى انا مش هجبر 600 طالب او ايا كان الرقم اللى موجود انهم يساقفوا ....
سؤال تانى بس للى بيقول ان الناس كانت قليله الادب ...كام واحد شاف ان اللى سالوا الدكتور كانوا قللات الادب مافيش غير طالب واحد وغلط فى عصبيته ف سؤاله للدكتور حمدي واحنا كنا واقفين جنبه وخدنا المايك منه وبعد ماخلص الحوار طلع اعتذر للدكتور حمدي ...لا ...واعتذر قدام الطلبه الاول
بالنسبه بقى للطلبه اللى طلعت اسامينا للدكتور حمدي احب اقولهم حاجه واحده بس لما عملنا حاجه زي ديه بيتهيالى كنا عارفين ان فى طلبه امثالكم لسه بتخاف بس احنا كسرنا حاجز الخوف مش الخوف والاحترام زي ماطلبه كتير قالت بقى معتش بخاف من دكتور يهددنى ليه كل الناس نست اللى حصل من الدكتور جلال فجاه ليه كل الناس اللى كانت موجوده فجاه نست رد دكتور حمدي على الاسئله ليه كل الناس كان كل همها ف الحوار بس ان الدكتور حمدي مايزعلش وليه ماسكين نغمه واحده بس مينفعش نقول للدكتور حمدي ماينفعش ماينفعش ماينفعش طيب لو عاوز اطلب منه حاجه اطلب ازاي ...؟؟؟
بالنسبه للعصبيه اللى كانت عند المدرج واللى كانت منى انا شخصيا لطالب زميلى هقول الموقف بالضبط عشان اللى ميبقاش عرف يبقى عرف من المصدر عشان انا طول اليوم سمعت كميه تعليقات مش هقول حاجه عليها ....لما كنت واقف ف الجنب بسال الدكتور حمدي حصل مابينى ومابين دكتوره مروه محادثه جانبيه وكان شاهد عليها اتنين من الطلاب كنا بنتكلم عن الطلبه والمواد والدكتوره بتقول على كده بقى الفيزياء ملهاش لازمه قلتلها ماهيا فعلا يادكتور ملهاش لازمه بدليل ان السنه الجديده فى الائحه الجديده مش هيبقى فى فيزياء الدكتوره مروه طلعت للدكاتره وبتقول ان انا بقول للطلبه ان قسم الصيدلانيات ملهاش لازمه وعلى فكره فى طلبه طلعوا ورا دكتور حمدى القسم وهما اللى قالولى الكلام ده جم يسالونى انت قولت للدكتوره مروه كزا كزا ...لما تسمع الكلام ده عاوز ايه ولما تعرف ان الدكاتره بتقول انهم بيتازروا مع الدكتور حمدي وان احنا دفعه بتوع مشاكل انتو عاوزين ايه عاوزين نقلب الحقايق ....عاوزين نسكت ...
لما الدكتور محمد مصطفى دخل وقال هيهدي ويبقى واسطه بين الناس والدكاتره ....معلش مع احترامى الكامل للدكتور محمد ويعلم الله ماللدكتور من معظه وتقدير واحترام ف قلبي لشخصه بس هسال سؤال هو الدكتور محمد مصطفى مش قال اللى الدكاتره بتوع القسم عاوزينه
هو الموضوع اتقلب من اننا كنا بنطالب بحاجه ووصل لدرجه اننا بنتأسف اننا طلبناها من الاول
انا لما اعترضت كان اعتراضى عشان حاجه واحده بس عشان الدكتور محمد مصطفى مخدش راي كل الدفعه خد راي الناس اللى عاوزه الدكاتره يكملوا وعلى فكره انا بحترم جدا الدكاتره بتوعنا لشخصهم
انا اسف ع الاطاله بس عاوز من الطلبه اللى شايفنى انى غلطت يجي يناقشنى زي ماناقشنى اكتر من دكتور ودكتوره انهارده والحمدلله اقتنعوا ....
مهو انا كمان الحمدلله ناجحه في الماده ....... بس مش معني كده اني موافقه علي اللي حصلنا ....... قسم الصيدلانيات فيه حاجات كتيره لازم تتصلح ..........
عرفتي بقي انا مش عاوزه اقول رأي عشان ايه ؟؟؟؟؟بجد بجد الواحد مش زعلان من حاجه اد ما زعلان للى احنا وصلناله ده من همجيه وعصبيه وتطاول لمجرد اننا بنتناقش
لا يا دكتور هو مشى لان طالب قاله ان احنا متمسكين برحيل حضرتك ودكتوره محاسن (بالنص "واحنا كمان متمسكين بمطالبنا")ده كان ردا عليه لما قال انا مش هامشى
هي اسامي ايه اللي طلعت للدكتور حمدي ؟؟؟؟؟؟؟؟؟؟؟؟؟؟؟؟؟؟؟؟
يعني حضرتك يا دكتوره متاكده ان دا اللي اتقال بالنص ,, بالنص بالنص اكيد
لا يا دكتور هو مشى لان طالب قاله ان احنا متمسكين برحيل حضرتك ودكتوره محاسن (بالنص "واحنا كمان متمسكين بمطالبنا")ده كان ردا عليه لما قال انا مش هامشى
اصل المشكله ان الطالب دا انا ,, واكللام متسجل ,, والكلام مكتوب قبل مندخل ,, وحضرتك جبتي صيغه جديده خاااالص للكلام اللي انا قولته
جميل جداااا
زهقت
ضوابط المشاركة
