كفاية استقرار بأى....دخان الاستقرار طابق على نفسى

[BeLLaD0nnA]

إندلع حريق ضخم في مبنى وزارة الداخلية بوسط القاهرة، وقال شهود عيان إن ألسنة اللهب تتصاعد من الطابقين الأخيرين من المبنى. وحاول أفراد الشرطة، و 4 سيارات إطفاء، إخماد النيران، مع استخدام سلالم الإطفاء للوصول إلى مركز الحريق، بينما حاولت قوات الجيش المنتشرة حول مقر الوزارة، إفساح المجال لجهود الإنقاذ.
وغطت سحب الدخان الأسود الكثيف سماء المنطقة، فيما تدفقت قوات الحماية المدنية في محاولة للسيطرة على الحريق.




حرايق بردو....مش قالولكو افرمو يا متخلفين !
و نحب نرفع شعاار...استقرار استقرار .. الداخلية مولعة نار
الاستقرار يرحب بكم ويتمني لكم حريقا سعيدا

يا ترى مين السبب وراء الاستقرار / قصدى..الحريق دا ؟

[لؤلؤه النيل]

حرايق بردو....مش قالولكو افرمو يا متخلفين !

مش مركزه انتى يابلادونا
مش قالولك ان ويكيلكس بتجمع الورق المفروم وتعرف محتواه
قالولك بقى حرق المبنى اسهل وبيجيب من الاخر
اهو اللى هيطلع سليم من الحريق
مش هيسلم من مياه المطافى
وركزى
الشرطه فى خدمة الشعب

[Dr.A7med]

الشيء المؤسف ان مفيش حد هيستفيد من اللي بيحصل للشرطة دي غير اللي بيدوروا علي مصالحهم بس واللي عندهم استعداد يولعوا البلد حريقة عشان ما يخسروش امتيازات كانوا بياخدوها في النظام الغبي نظام مبارك

[chocolata]

حسبى الله ونعم الوكيل فيهم اللى عملوها هم وكل واحد عاوز يضر البلد دى

دا ظلم دا اساس الظلم

ليه اتعمل كده ؟

لييييييييييييييييييييييييييييييييييييييييييييييييي يييييييييييييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

يارب ارحمنا وراحم البلد دى ونضفها من كل

مش هقول فاسد لو فى كلمه ادنى من الحيوان
لان الحيوان حتى بيحافظ على مكانه بيته

[Chimera]

سبحان الله ,,
إنتي شمتانة في مصر عشان الاغلبية إختارت رأي عكس رأيك ؟؟!!
و سعيدة بالحرايق و كأنك بتقولي إشربوا يلا .. عشان تبقوا تختاروا نعم قوي ..!!
لا ماشاء الله ع الإنتماء بصراحة

[Aésmaïl]

استغفر الله العظيم .. ربنا يستر بجد عالبلد
خلاص البلد بقت على الهاويه

يا جماعه مهما كانت الشرطه عملت ,, خلاص دى صفحه واتقفلت
ووصمه عار فـى تاريخ الشرطه المصريه .. مش معنى كده اننا ندمر الكيان اللى باقى منها

[Dr/HULK]

طب ودا ماله بالاستقرار؟؟؟؟؟

[BeLLaD0nnA]

مش مركزه انتى يابلادونا
مش قالولك ان ويكيلكس بتجمع الورق المفروم وتعرف محتواه
قالولك بقى حرق المبنى اسهل وبيجيب من الاخر
اهو اللى هيطلع سليم من الحريق
مش هيسلم من مياه المطافى
وركزى
الشرطه فى خدمة الشعب

لا فاتتنى ... و طلعو اذكى منى

الشيء المؤسف ان مفيش حد هيستفيد من اللي بيحصل للشرطة دي غير اللي بيدوروا علي مصالحهم بس واللي عندهم استعداد يولعوا البلد حريقة عشان ما يخسروش امتيازات كانوا بياخدوها في النظام الغبي نظام مبارك

ربنا على كل واحد قرر يبيع البلد او يشتريها و يقسمها او يولع فيها ان مكانش هيحكمها....ربنا على كل واحد دمر الثورة و استولى عليها من اجل مصالحه الشخصية .... و لكن اللى يقدر على اسقاط (نظام مبارك) اكيد قادر على اسقاط كل جهة ظالمة ...فليتعظو

سبحان الله ,,
إنتي شمتانة في مصر عشان الاغلبية إختارت رأي عكس رأيك ؟؟!!
و سعيدة بالحرايق و كأنك بتقولي إشربوا يلا .. عشان تبقوا تختاروا نعم قوي ..!!
لا ماشاء الله ع الإنتماء بصراحة

حد جاب سيرة شماتة ؟
هشمت فى مين يعنى...مش بلدى دى اللى بتدمر ؟ هشمت فى نفسى مثلا ؟ مش معنى ان رأى الاغلبية اللى عكس رأيى كسب انها بقيت بلدهم و انى شمتانة فيها....بالعكس....انا مضايقة اكتر من اى حد تانى و ضيق ممزوج بغضب و غيرة ...و مش بسبب الحريق دا...دا شىء هامشى مقارنة باللى لسة هنشوفه...الحريق دا شوية هزار كدا...بيهزرو معانا...و نتعلم من الهزار التقيل دا اننا منصدقش عمو الحزب الواطى اللاديمقراطى تانى
منطق غريب اوى اللى بتتكلم بيه على فكرة!! و ان كانت دى نيتك فعمرها ما هتكون نيتى ابدا ....
و تانى مرة يا ريت متبنيش انطباع و عليه نية و عليه افتراض و عليه رأى و ترد بمنطلق الرأى اللى كونته مش رأى اللى كاتب الكلام

مش معنى كده اننا ندمر الكيان اللى باقى منها

الحريق دا عمله ظباط الشرطة انفسهم ليخفو كل ما يدينهم

طب ودا ماله بالاستقرار؟؟؟؟؟

هو دا الاستقرار فى حد ذاته....
كانو بيهاجمو الثورة عشان الاستقرار
و ادى الثورة جسد هامد..
حلو الاستقرار كدا ؟

[Dr/HULK]

هو دا الاستقرار فى حد ذاته....
كانو بيهاجمو الثورة عشان الاستقرار
و ادى الثورة جسد هامد..
حلو الاستقرار كدا ؟

طب معلشى عشان انا شخص تفكيره على اده

مين كانوا دول

وبعدين مين اللى قال ان الثورة بقت جسد هامد

وفى الاخر هو لما البورصة ان شاء الله تفتح النهاردة الصبح ده يبقى اسمه ايه ؟؟؟؟

وعلى فكرة مفيش حد قال انك لما هتقول نعم يبقى انت بكرة الصبح هتقبض 10000 جنيه وكيلو اللحمة هيبقى ب6 جنيه

الناس كلها عارفة ان البلد عشان تقوم عايزة من سنتين ل5 سنين على الاقل

والثورة بدايتها كان الاستفتاء واللى بيقول ان الثورة ماتت يبقى هو اللى بيموتها وميجيش يتكلم تانى ويطالب بحقه فى البلد دى

[BeLLaD0nnA]

اولا : كلامى مش على نعم باى شكل من الاشكال... انا مجبتش سيرة الاستفتاء من الاساس

ثانيا : لم نسترجع اموالنا..ليس لنا دستور جديد..لم تتم محاسبة رموز الفساد..مازال الحزب الوطنى موجود و عايش حياته ع الاخر .. امن الدولة موجودين و بيشتغلو و تحت مسمى تانى..الجيش لسة معتقل مدنيين..اكرر....محدش من امن الدولة اتحاسب...و مشفناش شفافية حقيقية فى محاسبة الكام واحد اللى كانو كبش فداء...الاعلام لسة زى ما هو...الشرطة لسة زى ما هى...
تونس سبقت ثورتنا بشهر و لننظر بقيت سبقانا بكام شهر الوقتى

مقلتش ان الثورة ماتت...و لكنها اجازة مؤقتة لترتيب الاوراق....و اهو مفيش مظاهرات...مفيش اعتراضات ..مفيش حاجة....فاين هو الاستقرار ؟

اما ان الثورة بدايتها الاستفتاء....فانا مش عارفة اصل المعلومة دى ايه بصراحة

و لكن : ليس من حق اى حد انه يحجر على حق حد تانى فى المطالبة بحقوقه..مهما قال و مهما عمل...حتى المجرمين ليهم انهم يطالبو بحقوقهم....مع العلم بردو انى مقلتش الثورة ماتت فانا واثقة انها راجعة اقوى م الاول