المشكلة الأولى- مواد التخصص

[yojeena]

يااااااااه
ال otc و بحور otc
علي فكره يا دكتوره مسلمة دي اهم من drug drug interaction
ازاي؟؟؟
مافيش ساعه تعدي عليكي غير ما حد ييجي يسألك في الصيدليه
دكتور( الدكتور كره نفسه و كره الكليه)
انا عندي صداع
ابن اختي بيرجع
مراتي حامل و عنها كونستيباشن
الواد سخن و بيكح
البت عندها دياريا
و الله يا دكتور صدري ملهلب
قمت من النوم لقيت عيني حمرا
الحته دي بتهرشني
عندي كاللو
انا وزني زايد و عاوزه اخس تنصحيني بايه

بجد بحر واسع و فجأه بتلاقي نفسك فيه من غير ما يبقي معاك مجاديف ولا حتي عوامه

و خلي بالك بيجيلك عامة الشعب يطلبوا منك نفس الطلبات و بتفرق معاك من سن لسن انثي( حامل يعني) و الحاله المادية و انت المفروض تراعي كل الظروف و تفكر بسرعه و تاخذ القرار المناسب

بصراحه هيا نتاج لمعرفتك السابقه في الفارما و فن التعامل مع الناس

عشان كدا المفروض تدرس في تالته ورابعه بعد مانكون درسنا فارما و اساي و طبيه في اعدادي و اولي وتانيه

-----

مشاركات فعاله جدا

ايوه هو ده اللى احنا عاوزينه

كل واحد يعرض المشكله اللى شايفها وايه اوجه القصور والعجز وايه الحلول المقترحه

ربنا يبارك فيكم

لو سمحت يا دكتور مانشجعش الناس و ننسي نفسنا

عاوزين مشاركات فعاله و حضرتك خبره و محتاجين نعرف و جهة نظرك

[محمد سمير]

لو سمحت يا دكتور مانشجعش الناس و ننسي نفسنا

عاوزين مشاركات فعاله و حضرتك خبره و محتاجين نعرف و جهة نظرك

الفكره انى مش عاوز اخد الموضوع لحسابى

ومنتظر الكل يشارك

لان المشاكل معظمها معروفه حتى للطلبه اللى لسه بتدرس لانها بتنزل تتدرب وبتحس انها ما استفدتش كتير من دراستها

[yojeena]

لا الموضوع مش لحساب حد دا للكل

كل واحد يقول حل للمشكله وما يتعلق بيها و في الاخر هنرتب و نظبط كل الحلول

[محمد سمير]

لا الموضوع مش لحساب حد دا للكل

اعنى انه ما يكنش لحسابى فى المشاركات

يعنى اترك الفرص لباقى الزملاء

كل واحد يقول حل للمشكله وما يتعلق بيها و في الاخر هنرتب و نظبط كل الحلول

ان شاء الله

[عبدالله عبدالرحمن]

أولا أنا سعيد بكل المشاركات اللى اتكتبت
والتفاعل اللى بيزيد...
ان شاء الله هنظم المشاركات دى
فى نقاط عشان يبقى سهل طرحها على الأدارة
واضح طبعا ان فى احباط واسع من المناهج الدراسية
السؤال دلوقتى
هل عندكم استعداد تعالجوا القصور ده من خلال
برامج مكثفة وتفاعلية بنفس الطريقة اللى دكتورة
يوجينا ودكتورة سمر قالت عليها
اللى هى التعليم الذاتى والبحث والتشويق
والتعليم القائم على المواقف الحياتية
أنا من قبل ماطرح الموضوع ومن ساعة مادخلت سنة
ثالثة وانا متعمق فى موضوع تطوير التعليم ومواجهة القصور
وقارنت بين مناهجنا وبين مناهج الدول اللى فيها تعليم صيدلى ممتاز
وقدرت أضع يدى على نقاط فى غاية الأهمية
وممكن لو انتوا فاكرين الموضوع بتاع الحالات الدراسية
هنا
اللى اتعمل فى الترم الأول كنت بحاول
أقيس مدى ردود الأفعال ومدى الأستفادة
قبل تنفيذ المشروع على صورة أكبر
المقصد ان فى حل متاح لمعالجة القصور الموجود
لأن احنا عندنا معلومات
فى جزء نسيناه
وفى جزء متعلق بين الحيا والموت
وفى جزء مش بيستخدم لأننا مش بنربط
النظرية بالواقع العلمى
وبالتالى بطريقة تعليم محددة وسياسة معينة
نقدر ان احنا نستعيد المعلومات بتاعتنا بصورة
كبيرة بطريقة تساعدنا فى الواقع العملى
محتاجين بس اننا نصل لصورة كاملة أو شبة
كاملة للواقع الحالى قبل ما نبدأ نصلحه
لغاية دلوقتى كل المشاكل لها حل
ان شاء الله
الهمة ياصيادلة

[yojeena]

السؤال دلوقتى
هل عندكم استعداد تعالجوا القصور ده من خلال
برامج مكثفة وتفاعلية بنفس الطريقة اللى دكتورة
يوجينا ودكتورة سمر قالت عليها
اللى هى التعليم الذاتى والبحث والتشويق
والتعليم القائم على المواقف الحياتية

لو سمحتوا كل الطلبه اللي بتمر هنا تجاوب علي السؤال دا بنعم ام لا

معلش يا دكتور عبد الرحمن هبسط السؤال اكتر

يعني موافقين ان احنا نشيل الحشو من المناهج و نستبدل بــــ

هتتصرف ازاي في الحالات اللي بتجيلك في الصيدليه؟؟؟

كيفية التعامل مع المريض و الاسئله اللي بتوجها ليه عشان تفهم الحاله اكتر!!!!

هتعرف الجرعات و مواعيدها و كم مره في اليوم

الدكاتره يعتمدوا اثناء الشرح علي الغموض و تحفيز اذهان الطلاب يعني نبدأ محاضراتنا بسؤال و مش كدا و بس ننهيها بسؤال فضولك هيجبرك تبحث عشان تدور علي الاجابه بنفسك

الابحااااااااث ضروريه جدا بتعلمك ابجديات البحث العلمي و المفاتيح اللي توصل بيها لتفاصيل ما تريد معرفته

يا ريت كلكم تشاركوا لان دا لمصلحتكم احنا راحت علينا و بنعمل كدا عشانكم

الدعوة للتغيير مش بالكلام لا بالأفعال

......عندي حلول كتير في دماغي هرتبها و اذكرها باذن الله.......

[عبدالله عبدالرحمن]

يا ريت كلكم تشاركوا لان دا لمصلحتكم احنا راحت علينا و بنعمل كدا عشانكم

لأ يادكتورة انتم الأساس
وان شاء الله تقدروا تعوضوا اللى فات
وسؤالى كان للخريجين قبل مايكون للطلبة المستمرين فى الدراسة
لأن حضرتك هيدرب بعد كده طلبة تحت يدك لازم تكونى مؤهلة لكده كويس

[yojeena]

فاهمه الكلام دا يا دكتور لكن بحمس الشباب شويه

لاني بتكلم في مواد التخصص يعني اللي لسه بيدرسوا يبدأوا صح

لكن اللي اتخرجوا هيخدوها كحاجات تكميليه و دورات لكن انا بتكلم في اعاده ترتيب دراسه المواد اساسا

[pharmacistina]

موضوعات هامة جداااا

معاكم في حذف حشو كتير

أختلف معاكم في نقطة المديسنال من الأول , مينفعش مديسنال بدون ما تكون العضوية خلصت تماما على أكمل وجه , دة شيء معروف ولا مش هعرف يعني ايه ان الدواء دة indoleacetic acid derivative على سبيل المثال

الفارما المفروض مقدمتها بتاعة الـ pharmacokinetics و الحاجت دي في اعدادي مفيهاش مشاكل و الفارما تبدأ بجدية في سنة أولى صيدلة علشان الطالب يذاكر براحته


امتحانات الفارما تكون تراكمية




الله يكرم أستاذنا دكتور شحتة , عمري ما بنسى حاجة شرحهالي لأنه كان دايما بيخلينا نفهم مش مجرد نحفظ , كان بيشرح على مستوى عالي جداااا



عارفين ليه احنا بننسى يا جماعة المعلومات اللي ذاكرناها ؟؟؟؟؟؟


لأننا حافظين بدون فهم ,

أقسم بالله ان المعلومة المفهومة المنطقية اللي استنتجتها بعقلك عمرها طويل , بتقعد معاك عشرات السنين , لذلك أنا لو بشرح حاجة لحد بخليه هو ينطلق بعقله و يستنتج الحقائق و يقولها بنفسه ( في أساتذة كانوا كدة زي د- محمود بكر جزاه الله كل خير ) طول المحاضرة بيسألنا و احنا نشغل عقولنا و نجاوب , نلاقي نفسنا احنا اللي بنستنتج

لكن ان الأستاذ يدخل يرص كلام ع الداتا , بدون ذكر أسماء يعني , المحاضرة دي كنت بنام غصب عني في المحاضرة و لو حد سألني في حاجة مش هيلاقيني عارفة الدكتور بيقول ايه أصلا

للحديث بقية

[عبدالله عبدالرحمن]

تمام يادكاترة
بس مش عايزين موضوع المناهج ده نتعمق فيه أوى
لأن الرد عليه بيقتل الكلام
الرد الأزلى
هو
اللائحة الجديدة
!!!
وطبعا بما انها مطبقتش
محدش يقدر يقول فيها قصور ولا لأ
ومفيش طلبة اطلعوا عليها
عشان كدة لغاية مانقدر نشوف اللائحة الجديدة
خلينا نركز أكثر
على أسلوب التدريس
والمواقف اللى معرفناش نتحرك فيها
لأنه من خلالها نقدر ان احنا
نحط برنامج يعوض القصور ده
ده مش حل نهائى
ولكنه موضعى لغاية
ما نشوف اللائحة الجديدة
اللى بيخلينى أقول ان ااغيير
ميقدرش يتعمم على الدفعات الموجودة
وانه يتعمل من خلال برنامج منفصل
كنشاط طلابى ,وتعليم مستمر مشرف عليه من قبل
أعضاء هيئة تدريس معينين بينتهجوا
أسلوب التدريس اللى احنا بنتكلم عليه
بحيث نحقق هدفنا بأسرع وقت
العملية عبارة عن إحلال تدريجى
للمناهج بس خطوة خطوة
عشان مفيش حد يوقفنا بكلمة
مش فى اللائحة او انتظروا اللائحة الجديدة
ياريت يكون الأمر وضح

الدكتورة يوجينا ذكرت عدة مواقف اتعرضت لها
دكتورة سمر اقترحت موضوع لdrug combination
كلها بتندرج تحت علم اسمه الpharmacy practice
وsubcatagory اسمه الmedication error
من خلال المواقف اللى بتتعرض والأفكار
اللى بتنطرح
هنقدر نرسم السياسات والأليات
اللازمة للتدريس
بداية من تفعيل رابطة الخريجين
ومرورا بتوطين الطلاب فى لجان التطوير
فى النهاية خروج برنامج تعليمى
مدعم من قبل الهيئات الطلابية والأكاديمية والمجتمعية