امنية مابعد 25

[eman mohammed]

بسم الله الرحمن الرحيم

اولا انا مش عارفة ازا كان مكان التوبيك دا هنا صح ولا لا بس انا حبيت اكتبه هنا لانى بعتز بفرقتى الفرقة الاولى وبحبها جدا وشايفة انها دفعة مميزة بالناس اللى فيها

انا بكتب التوبيك دا لانى بصراحة اتخضيت لما لقيت شكل المنتدى اتغير ولقيت توبيكات ساحات المواد اتكتب هنا فى الفرقة وبدا الجد
فحبيت اكتب التوبيك دا يخفف الحدة شويةاللى يمكن تكون بالنسبة ليا انا بس

اكيد كل واحد فينا كان له امنية فى بداية السنة الجديدة2011 يمكن نساها او تاهت منه فى زحمة الاحداث اللى حصلت فى بداية السنة دى اللى كان منها الحلو والوحش بس بالتاكيد اجمل حدث كان ثورة يناير العظيمة

اكيد الثورة غيرت فينا حاجات كتيرةافكارنا وراينا
واكيد امنياتنا

انا عن نفسي حاسة انى داخلة سنة جديدة مش بكمل تيرم تانى

ببساطة انا سمعت من دكتور نفسانى ان الروح الايجابية بتنتشر بين الافراد اسرع بكتير جدا من الروح السلبيةومنها وهو كان قال نسبة بس بصراحة مش فاكراها

ومن هنا جاتلى الفكرة ان كل واحد يقول امنيته بحيث نرفع من الروح المعنوية لبعض وننسى اى لحظة من لحظات الياس اللى اكيد مرينا بيها فى وقت من الاوقات

انا عن نفسى هبدا بامنيتى وهيا ان ربنا يوفقنى انا وكل الناس يارب وان يكون فعلا دى بداية جدية للتغيير بس كل واحد يغير من نفسه الاول للاحسن طبعامش يطلب تغيير غيره وهو لسة مش اتغير اصلا
ويارب سنة جديدة وعهد جديد للجميع

بتمنى الموضوع يعجبكم
واسفة على الاطالة

[M.Hegazy]

انا عن نفسى هبدا بامنيتى وهيا ان ربنا يوفقنى انا وكل الناس يارب

إن شاء الله تتحقق أمنيتك و أمنيات أي حد .. مفيش حاجة بعيدة على ربنا سبحانه و تعالى .. بس كل واحد لازم يسعى و يتعب عشان خاطر أمنيته مش يستناها تجيله .. يبقى نتوكل على الله أولا .. و نجتهد في الخذ بالأسباب .. و النتيجة النهائية ستكون مرضية جدا بمشيئة الله ..

وان يكون فعلا دى بداية جدية للتغيير بس كل واحد يغير من نفسه الاول للاحسن طبعامش يطلب تغيير غيره وهو لسة مش اتغير اصلا

أحسنتي القول يا دكتور .. ربنا سبحانه و تعالى بيقول : " إن الله لا يغير ما بقوم حتى يغيروا ما بأنفسهم " .. التغيير الحقيقي فينا إحنا قبل ما يكون في أي حد .. و ربنا يوفق الجميع لما يحبه و يرضاه ..

ويارب سنة جديدة وعهد جديد للجميع

يــــــــــــــــــا رب
بتمنى الموضوع يعجبكم


واسفة على الاطالة

جزاكم الله خيرا يا دكتورة ..

[drkimo 4 ever]

انا نفسى اشوف الجامعه دى كحاجه جديده
يعنى اكيد كنت بعمل حاجات غلط
لازم اغيرها والروح الايجابيه دى كويسه اكيد
والنتيجه تظهر تكون اجمل مما اتوقع

[dr emy.hassan]

انا نفسى النتيجة تظهر بقى وتكون مرضيه للجميع
ونفسى بلدنا تبقى احسن علشان دم الشهداء ميروحش هدر
وكليتنا كمان تتعامل مع الطلبه كأولادهم وميبقاش فى حاجز رهبه بين الدكاترة والطلاب

[راجية الفردوس]

انا نفسى ان الكلية بتاعتنا تبقى احسن كلية على مستوى جامعات المنصورة انا بجد فخورة بيها على الرغم من اللى بشوفه فيها بس انا برده بحبها اوى وكمان نفسى ان النتيجة تبان عشان نرتاح وتكون حلوة لينا كلنا
نفسى نغير كل حاجة غلط فينا نفسى بجد نبقى شباب مصريين ايجابين فخوريين بالثورة اللى قامت فى بلدنا لانها غيرت حاجات

كتيرة عمرنا ماكنا نتخيل انها ممكن تحصل واحنا كمان لازم نتغير
اسفة على الاطالة

[eman mohammed]

ربنا يحقق كل امنياتكم يارب
وشكراااااااااا جدا لمروركم
وفى انتظار المزيد من الامانى

[A.Denewar]

انا طول عمري وانا نفسي في حاجات كتيرة اوي وحاجات خيالية اوي وكنت مؤمنة اوي بيها رغم انا الواقع كان لا يوحي بالامل اطلاقا
لكن انا اللي نفسي فيه من زمان اوي ان مصر تكون هي القوي العظمي في العالم ونرجع الاقصي في احضانا من تاني
ونفسي روح المحبة ترجع في كل انسان مصري تاني يحب بلده ويحب اخواته المصريين
نفسي كل اخواتي واهلي اللي بره مصر يرجعوا
مصر وانا محتاجينلهم معانا
اما عن الكلية فانا بحبها اوي مش عارفة ايه السبب بالظبط زي ما كنت بحب مصر قبل كده ومش عارفة ايه السبب
اما عن نفسي ففي حاجات كتيرة اوي مضمونها رضا الله والنفس والام والاب

[Dr/Mony.2M]

-انا نفسى الفترة الحرجة الى مصر فيها حاليا تعدى بخير علشان نبدأ نشوف النتائج المجيدة للثورة ونبدأ نشوف ثمرة انتاجنا وخير بلدنا بجد.......
-ونفسي انجح بتقدير كويس وخصوصا العضوية هههههه

[M.32L]

نفسى ربنا يحقق لى كل اهدافى

[AbU ElKhAiR-Let`s Go]

نفسى أسأل السؤال ده لنفسى وأجاوب عليه ترضينى


أتمنى ولكن ما الدليل ؟