أحلام الصبايا........بقلمى

[DR.BIBO]

جميلة جدا واحساسها راقى بجد امتعتينى
شكرا ومنتظرة المزيد

[eman ahmed]

جميلة جدا واحساسها راقى بجد امتعتينى
شكرا ومنتظرة المزيد

ميرسى كتير جدا على كلامك الجميل يا دكتورة بيبو وانا مبسوطة جدا انها حازت على اعجابك...............اتمنى انك ما تحرمناش من اطلالتك المتميزة...................اتمنى لك التوفيق

[M.Hegazy]

بسم الله الرحمن الرحيم

بداية و قبل ما نتكلم في أي حاجة .. تعالو ندردش و نتعلم من بعض شوية حاجات كده ..

" عنوان القصيدة " .. عنوان أي قصيدة مهم جدا .. عامل زي عنوان البيت .. بس الفرق إن عنوان البيت بيدلك على البيت بس .. بس عنوان القصيدة بيدلك على مضمونها و موضوعها ..
هنلاقي أنواع كتيرة جدا للعنوانين .. ممكن نلاقي عنوان صغير قوي و عنوان كبير قوي .. حجم العنوان مش مهم على قد ما كلماته مهمة .. أمال إيه المهم ؟؟
المهم إن العنوان يكون حاجة من دول :
1. عنوان يهيأ القاريء لمضمون القصيدة بطريقة مباشرة ..
2. عنوان يجذب انتباه القاريء و غالبا ما يحتوي على أسلوب نداء أو استفهام
( لأنها من وظائفها جذب انتباه القاريء )
3. عنوان مفاجيء .. يعني يبقى العنوان حاجة عكس كلام القصيدة بالظبط ..
و يفهم منه على أنه أسلوب سخرية أو استهزاء ..
يعني يبقى الواحد بيقول عنوان " شكرا سيدتي " .. و تلاقي المضمون مش شكرا خالص ..

العنوان المبتذل الغير مهندم و المرتب و القوي .. يضعف من القصيدة .. و هذا ما لا يعرفه الأغلبية ..
فالعنوان إذا .. ذو أهمية لا تقل عن كلمات القصيدة .. فيجب علينا انتقاء الأقوى و الأرقى و الأحسن ..

" تنويع القافية " .. لجأ الشعراء المستحدثين من مدرسة الشعر الحديث و غيرهم من شعراء العصر الحالي إلى استخدام طريقة القافية المتنوعة .. لرفع الملل عن القاريء و إضفاء نغمة موسيقية متنوعة تطرب لها الآذان و يسعد بها القلب و الوجدان ..

بس نرجع نقول .. خدو بالكم .. المغالاة و التكلف في التنويع غير مرغوب فيه .. لأن الشيء لما بيزيد عن حده بيحصل إيه ؟؟ إنتو عارفين .. فعشان كده القافية المتنوعة أسلوب رائع جدا يمكن أن يستغله الشاعر في مصلحة القصيدة و الموضوع و القضية و الرسالة التي يحاول من خلالها أن يصل إلى قلوب الناس قبل أسماعهم ..

دول كانو حاجتين مهمين جدا حبيت ألفت نظركم ليهم .. و يا رب تكونو استفدتو من الكلام ده ..

نيجي بقى نتكلم في المهم .. قصيدة اليوم الرائعة " الحلم المعهود " .. مش هعلق على العنوان .. لأنه ممتاز جدا .. و هنشوف مع بعض المحتوى دلوقتي ..

بسم الله الرحمن الرحيم
*********************


...الحلم المعهود...

رأيته وكأنه البدر فى سماه
رأيته ولم أتوقع يوما رؤياه
رأيته يسرق قلبى بهواه
يا له من مشهد...يوما لن أنساه
وقفت أشاهد عيناه

جميل جدا المقطع ده .. بس جربي معايا كده بدل " يوما " في البيت الأخير نحط " أبدا " .. و يا ريت يا دكتورة علامات التعجب بعد أسلوب التعجب ياله من مشهد تتحط !! .. لأنها و الله بتفرق .. عارفة بتخلي الواحد يتخيل التنهيدة و المنظر الذي يرفرف له القلب عندما تسرح الشاعرة و تنطق هذه الكلمات ..

وتمر ساعات و ساعات
فى الواقع كانت لحظات
تبادلنا فيها النظرات
وتسارعت فيها الدقات

إحساس رائع جدا و مرهف .. و كلمات صِغيت جيدًا لدعم سياق الحالة التي تعيشها الشاعرة ..
ممكن أطرح وجهة نظري .. ده بعد إذن حضرتك ...
في البيت الثاني : لو جربنا نقول " لا .. لا .. بل كانت لحظات " .. هتبين أكتر توهان الشاعرة .. لأن كلمة في الواقع جادة جدا و حسستني إن اللحظة انتهت .. بمعنى أنها كانت تعيش الحلم و فاقت منه .. اتمنى يكون رأيي وصل ..

لتعلن عن حب مولود
تشبيه أكثر من رائع .. أحييكي عليه .. خدم معنى القصيدة بصورة جميلة جدا ..

فى ذات الموقف المشهود
أبرمت القلوب العهود
و أقسمت بالحب الموعود
على الوفاء بالوعود
و فجأة تفرقت الحشود
بصراحة .. ضعت منك هنا .. هيا الكلمات بتصف الموقف .. بس أنا حسيت بلخبطة كده .. الأوزان عايزة تتظبط شوية ..

و فارقت مكان المحبوب
فى صمت في خوف في جمود
و لكن قلبى يدعونى لأعود
هنا .. أنا اتصدمت .. رجعتيني تاني لجو القصيدة .. اللي أحداثها تستدعي هذا التسلسل السلس .. و وصف الحالة بين الرحيل و العودة .. مشهد اتقنتي تصويره بطريقة سينيمائية عالمية .. و ده أحسن جزء في المقطع الأخير من القصيدة .. .. برافو عليكي ..

فأجبت دعاء القلب الموحود
و ذهبت الى حيث يكون الموجود
داعية رب الوجود
ألا يكون قد ذهب المقصود
و أن أدرك حبى المحمود
فرأيت أمامى المنشود
يقترب منى بورود
و فجأة استيقظت فى مهدى الممدود
لأدرك أنه الحلم المعهود

أنا باعتذر من حضرتك .. بس رجعت برضه تهت في الكلمات .. زي ما يكون دخلت على مطبات كتير مرة واحدة كده .. محتاجة تنظيم و إعادة ترتيب و هتبقى : فلة .. شمعة .. منورة .. إن شاء الله ..

لأن أسلوب حضرتك في أكتر من موقع .. متميزة في التصوير و إجادة توظيف الكلمات في أماكنها الصحيحة ..

أرجو من حضرتك .. تفكري في القصيدة دي تاني .. لأني بجد عايز أشوفها بعد التعديل .. و كلي ثقة في قدرة حضرتك على التميز .. هتفحميني إن شاء الله ..

بقلمى.....eman
الاسم المستعار......نور عمرو

مجمل الكلام .. القصيدة ممتازة .. في كلماتها .. في تصويرها و التشبيهات و الاستعارات المكنية .. و توظيف المعاني المناسبة .. و العنوان جيد يتفق مع سياق الموضوع .. تقييم هذا العمل : 3 / 5

أرجو إني أكون حققت الفائدة المرجوة .. و أفدت حضرتك بحاجة ..

لكِ تحياتي و جزيل الشكر ..

دمتي بخير ..